مكياج بدي شوب .. جربتيه ؟ فيدينا بخبرتج :)

[الخاطر المكسور]

السلام عليكم

شلونكم بنات

طبعا كلنا انعرف بدي شوب بس اكثر شي نستخدمه منهم الللوشنات وزبدة الجسم والعطور وهالسوالف

واكيد في بنات جربوا مكياجهم .. ياليت كل وحده جربت شي من مكياجهم سواء الفاونديشن او البودره او القلوسات والحمر والبلاشر .. الخ تفيدنا وتقولنا عن تجربتها واذا عجبها ولا ماعجبها

 

[( المـلاك )]

القلوسات فاشلة مو شي ..

الحمر عاديه .. لا حلوة وايد ولا شينه ..

البلاشر واايد حلووو عندهم و في منه انواع و كل مرة ينزلون نوع يديد و كل الانواع حلوة و حتى الالوان حلوة ..

الكونسلير الستيك الثقيل اللي على شكل قلم واايد حلوو و قوي للمناسبات او اللي تعاني من الهالات الغامجه ..

الفونديشن و البودرة مو شي .. مو عن مو شي بس كل الماركات الباجيه افضل منه ..

وبعد بعد مممممممممم

الكحل و الماسكرا اكسسسسسسسس من قلب ..

الشدوات حلوة و الوانها قوية ..

الشدو اللامع اللي تحت الحاجب بس الابيض حلو الباجي لوعه ..

و بعد شنو ياربييييي مممممم

فيه عندهم علبه شدو مقسمة 4 او 5 الوان مموجه فوق بعض

هذا وايد حلو حق ميك اب اللي ينحط بالخشم حق الظل و النور

و ترى الاضاءة مالت الويه فاشلة و تدبق

بس عندهم علبه عنووونة مثل علبه الشدو بس مليانه لمعه حلوة للويه حق المناسبات


لووووول ادري بتقولين شريتي المحل كله ..
اي والله يتلي فترة جربت كل شي عندهم ..
و الحين ما استخدم منهم الا الكونسلير و اللمعه و البلاشر .. و بعض الشدوات .. و الشدو الابيض مال تحت الحاجب

و بس

لوول محللة المحل عدل ..

وانشالله فدتج حبيبتي =)

 

[الخاطر المكسور]

( المـلاك )

ياعمري تسلمين ما قصرتي

اي هذا احنا بس نشتري وننصدم ونحب نجرب كل شي

بس تجاربج مفيده والله

تسلمين على المرور يا الغاليه

نورتي

 

[حقوقيه زوغه]

البلشرات حلووووووووووين خصوصا اليدد اللي نازلين ..


البودره اتينن حدهااااااااااااااااا انا عجبتني ..تصلح حق اللي بشرتها دهنيه !!


وبس هذيله اللي جربتهم

 

[منانا]

باختصاار


من سنيين وانا كل ما شريت منهم شي من المكياااج اقول اخر مره لان ولا مره جربت عندهم شي من المكياج وعجبني

 

[الخاطر المكسور]

حقوقيه زوغه


تسلمين يا قلبي على المرور والافاده

 

[MisS Z]

أذكر مرة جربت الفاونديشن .. وويهي حبب ...

من بعدها ما خذيت منهم ولااااشي ...

... ^^

 

[الخاطر المكسور]

منانا

ههههههههههه شكلج حاقده عليهم

صج قهر لي قطيتي فلوسج على شي مايفيد

تسلمين على المرور

 

[الخاطر المكسور]

ғσσŞħёүά…

زين قلتي لي انا في ناس مدحولي الفاونديشن

تسلمين على المرور

 

[مزيونه وشقره]

الاي لاينر مالهم ما استغنى عنه يهبل

:stars:
:stars: :stars:

مع تحياتي ياحياتي

مزيونه وشقره ​

 

[costa chic]

انا ما احب مكياجهم احسه جنه لعبه بس تعجبني الوان البلشرات جربته عند اختي و كان حلو
قلوسات عااديه و في احلى منهم
الكومباكت باودر ما عجبني كلش معنى بشرتي مخلطه مايله للدهنيه بس تنشف الويه و يصير جنه غبار

 

["وحيدة أمي"]

هاااي خيتو


انا جربت البودره المضغوطه تبعهم حلوه بس احس ماكس فاكتور احلى

 

[كويتيه احب الكشخه]

احلى شي منهم علبع فيها تموجات الوان برونز وذهبي ومشمشي حق الخدود حلوه وتعطي لمعه انا احبها
والماسكرا المتينه حيل عجبتني وكل مااحط منها يسالوني عنها
والاي لاينر حلو
والقلتر اي لاينر حلو يعطي شكل
وخذيت ست فرش صغار حق الجنطه حلوين فيها حق العين والبلاشر
وفرشاه البودر الكبيره حلوه
وبس غيرهم لا تفكرين

 

[ShuG..]

أنا جربت الفاونديشن ما حبيته حسيته وايد دهني

والبودره المضغوطه عجبتني أستعملها وايد حق الطلعات السريعة

الكحل عادي لونه مو وايد غامج

امم هذا إلي جربته =)

 

[pure feminine]

البلشر المموج الي فيه اكثر من لوون حلووو انا عندي درجات الوردي ويصلح شدوو

وجربت من قلووزاتهم واحد بس عجبني لوونه لحمي فااتح وفيه لمعه شحلااته

وبس

 

[منانا]

منانا

ههههههههههه شكلج حاقده عليهم

صج قهر لي قطيتي فلوسج على شي مايفيد

تسلمين على المرور

لووووووووووووووووول


لا والله مو حااقده عليهم ولا شي ههههه بس جد ك فتره ادش اخذ شي من عندهم واتحسف اخر شي شريت شدواات وكلش مو مستفيده منهم

مع ان واااايد اشياء ثانيه استخدمها من عندهم بقولج ايااهم علشان لا تطلع علي سمعه اني معاادية بوي شووب


الليفه مالتهم رووعه

لاين العنايه بالارجل اينن

لاين المسك عطر وشاورجل وببل وبودر وكل شي من هالعطر اخذه وانا مغمضه

كريماتهم حلوة وكله اخذ الي على فراوله او والشاور جل

ماسك العسل والشوفان روعه اهو ماسك وسنفرة بنفس الوقت

ونااسية بعد شنو بس واايد اشياء اخذها من عندهم


بس مييك اب نووووووووووووووووووووو اويييييي

 

[بوسيcat]

انا قبل كنت اخذ الفاونديشن منهم ومن غيروا مكياجهم صار الفاونديشن يلوووووووووع الجبد وحمرهم قبل روعه الحين لوعه والبلاشر عندي اللي مدرجه الوانه حلو بس ناعم تفركين الفرشه فيه سنه يالله يبين نفس الشي البلاشر اللي على كور افرك فيه سنه وكاهو مقطوط والماسكارا شريتها منهم وانا بلندن عاديه والشدو الابيض الي تحت العين ماشي حاله وماعندهم غيره نوع واحد مالت بس الشي الزين اللي اخذه فرشهم وبس وخري عنهم يعني باختصار مكياجهم قبل وايد احسن0

 

[blue diamond]

انا جربت البلاشر البرونز اللي على كور روعه
وجربت ماسكرتهم حلوة
وبس

 

[ضحكه مستعاره]

البلاشر حلووووو وايد
والقلوس حلووو حق الصبح لونه ناعم وهادي مدري يعجبني

ومزيل مكياجهم رووووووعه

آللـه ?خــلقني عآإدي ليش ?كثروآ ?حــسآإديْ ؟!

 

[amoraa-q8]

جربت مكياجهم وقلم الحواجب ولا شي عجبني الا مىطبات الشفايف العلب الصغار ما استغني عنها وحق الجسم اغراضهم حلوه حييييييل لكن الماكياج مو ذاك الزود