فرش Real techniques (فرشه الماكيره سمانثا شابمن الي صاحبة قناة
Pixiwoo
من تجربتي أحب فرشة البلشر وفرشة البودر + فرشه مشطوفه للفاونديشن وما حبيت فرشة الستبلين الي على أقصى اليمين
وخذيت سيتين لفرشهم (الذهبي للويه)
اب £21.99 يعني تقريبا 12 وكسور دينار كويتي واهوه سيت فرش الويه اسمه كور كولكشن - بتكلم عن أستخدامات الفرش وبمشي من اليمين لي اليسار
-فببدي من أول فرشه الي عليه نجمه من اليسار * هل فرشه بتنفع بتوزيع الفاونديشن السائل والبودره والبلشر
-والفرشه الي بعدها على اليمين تنفع لتوزيع الكونسيلر
--الحين السطره الي تحت من اليسار هل فرشه حلو لنحت الويه وضع الأضاره
-والفرشه الي بعدها على اليمين هل فرشه بتطلع حلوه لتغطية الحبوب ووضع الكونسيلر تحت العين,لتوزيع الحمره على الشفايف ولتوزيع منتجات كريميه على جفون العين
-هل سيت اسمه ستارتر سيت واهوه عباره عن خمس فرش للعين
ببدي من فوق لي تحت فمن فوق اب أول فرشه عليها ال * هذي فرشه حلوه لتغطية الحبوب+وضع الأضاءه عند مدمع العين+توزيع الحمر على الشفايف-
الفرشه الي بعدها لتوزيع الكونسيلر تحت العين+وضع شادو كريمي أو بيس على كامل الجفن
-الفرشه الي بعدها خاب ظني فيها اهيا فرشة اي لاينر للرسم بالكحل الكريمي ولكن شعرها مو وايد مبوز فصعب التحكم بعرض الكحل حدج ترسمين فيه كحل سمكه متوسط أو عريض عكس بقية فرشي للأي لاينر أقدر أرسم فيهم كحل عريض أو ضعيف
-الفرشه الي تحتها روعه روعه لتوزيع الكونسيلر+تثبيته اب بودر أو لدمج الشادوات على الجفن المتحرك
--واخر فرشه على اليسار من تحت هذي الفرشه المشطوفه لرسم الحواجب أو لرسم العين بالكحل الكريمي على العين من فوق --بالأخير السيت حلو بس ما حسيته خياااال بس حبيت أكثر شىء فرشتين (فرشة الدمج وفرشة الكونسيلر الي ثاني واحد ) --- السيت جيد بس ما أشوفه شىء ضروري تقدرين تطوفينه
من ماركة Me Me Me
ماركه وايد تكلم عنها ماكير باليوتوب واهما مشهورين انهم مقلدين علب ومنتجات مكياج مثل بينفيت بس اب أسعار أرخص,,هذا اسم الماكير باليوتوب gossmakeupartist
شوفوا الأضاءات الي عندهم -- نسخة اضاءه الشيمر بريك من بوبي براون
بلشراتهم كوبي كوبي م بلشرات بينفيت + البرونزاج الي صاير مثل كور مدوره تذكرني اب اضاءة غيرلاين
شادوات مينرال دزايهم نسخه حق دزاين نزل اب كولكشن ماك + كحل كريمي ملون عندهم روعه وأصباغ
من تجربتي خذيت الأضاءه البرونزيه الي على كور توأم غيرلاين
وماسكره بو طرفين - طرف ماسكره للحواجب بلون بني غامج وطرف اضاءه لتحت الحاجب+مدمع العين
منتج للحواجب طرف اضاءه تحت الحاجب وطرف ماسكرا ملونه للحواجب على اليمين صور السواتشز للونين ما حبيت ماسكرة الحواجب أفضل أسوي حواجبي اب قلم حواجب من ماك وشادو هاندرتن من ماك اما الأضاءه وايد حبيتها وعندهم منتج للويه اسمه مون بيم وسن بيم تقليد اضاءة بينفيت ويارب يكون الأضاءه نفس الأضاءه اب هل منتج وللأسف ماسكرا الحواجب بس ينباع بلون واحد عندهم بني غامج
ومنتج Pussy Cat الي توأم متج بينفيت بس بسعر أرخص
معروفه ماركة مي مي مي بتقلد غلاف ومنتجات ماركات غاليه بسعر أرخص هل منتج عندهم اسمه بوسي كات واهو تقليد لمنتج بنفيت,بوسي كات سعره تقريبا دينارين وشىء المنتج اهوه سائل أحمر شكله صبغ أظافر توزعين السائل على الخدود+الشفايف ويعطي لوك لون تصبغ أحمر خفيف حلو لمحبين النو ميك اب لوك+الي تحب المكياج الطبيعي على اليمين يبين شكله على أيدي,وزعت طبقه خفيفه على الشفايف واخر صوره رديت على اللون كذا مرا ويبين لونه أكثر بس يظل شكله طبيعي
