مكيـاجي إللي هابه فيـه + الشـرح .. حياكم الله

[عز النفس يغنيني]

مـرحبـا بنوتـاااااااااااااااات .. شلونـكم .. عسـاكم بخيـر ..

قلتلكم آلله يعينكم علي .. معطله وفاضيـه


اليوم حابه أتكلم وأشرح عن المكياج الناعم وإللي يبرز العيون ... ويصلح للصبح أو لليل ..

وانا صراحه هالستايل قمت أحطه حتى بالعزايم والمناسبات ..

المهـم .. هذا هو اللوك .. بسم الله نبتدي

ماشاء الله ولا حول ولا قوه إلا بآلله ..






إللي حـابه اللوك تكمـل معاي وتشوف شحطيت وشخبصت


وإللي مو حابتـه تطق باك وجنها ما شافته

طبعا أول شيء لبسـت عدسات بيوتي آي لون عسلي .. شاريتها من قطاوي




1-حطيـت حمايه بيوديرما ..

2- مرطب العين من كلينك

3-حطيـت كريم أساس ميبلين .. بالفرشه إللي يمه .. وهالفرشه بطله بطله بطله .. شاريتها من الزلزله .. ماركه ماكس تاتش ..

4- أحط بودره أو لوس باودر .. على حسب بشرتي .. البودره أو اللوس باودر أحطهم بفرشه الكابوكي من بدي شوب ..

وبعض المرات أحط اللوس باودر بـ الاسفنجه هذه من ماك تهبل ونااااااااااعمـه ..

لكـن حوالين العين أحط بودره بأسفنجـه ..


أبدي احط مكيـاج العيون ..




احط بالفرشه لمسه بسيطه من الماي .. بعدين اخذ لون صدفي مخملي فضيييييييييييييع من ماركه بن ناي الهنود ..

بعدين أحطه تحت حواجبي ..





اخذ اللون المشمشي .. وأنثره على الجفن كااااااااامـل .. وأنثره لي ورا ..

بعدين .. أخذ اللون البني ..البني الفاتح وأحطه من الربع الاخير من العين .. وأبدا شوي أنثره إلى وراااااااا ..

وأخر شيء على كسره العين .. أحط اللون البني الغامج .. وأدخله على شكل قوس الى داخل العين ..

ولما تسوين هالحركه خلي عينج مبطله .. مو تسكرينها ..


بعدين آخذ ايلاينر ماك الكريمي .. ( مو ضروري هو .. تقدرين تستخدمين ايلاينر محمود سعيد ) ..

وبالفرشه حبيبه قلبي من الزلزله ماركه ماكس تش ..


اخذ من الايلاينر ... وأسوي بوز من قدام وحاولوا تخلون البوز نازل من قدام مو سيده نفس عيون الصقر يعني

وما أكمل الايلاينر لي أخر العين .. أكتفي بس إني أسكر البوز ..




أرتب تحت العين بـ كونسيلر كريولان .. أحطه بفرشه .. وأقعد أرتب من ورا ..

عساس ما يكون ورا الايلاينر شدو .. يعني الايلاينر .. تحته نظيييييييف ..


بالنسبه للخطه من فوق .. في فيديو حيل أحبه .. يعلمكم شلون تسوون الكات آي مرتبه .. وحلوه وتبرز العيون عدل

لاني صراحه ما أحب الكات آي الناعمه حيل ... إللي يسوونها ممثلات هوليود .. أوكي حلوه بس في أحلى منها ..


حلاتها شوي فيها عرض وطول ..

وأن شاء الله تستفيديون من الفيديو ..

http://www.youtube.com/watch?v=zsl_2V9QdNI



يتبـع .. بنوتات

 

[عز النفس يغنيني]

إللحين نبدا برسم الحواجب ..




بالفرشه المشطوفه من الزلزله ( ماكس تتش ) .. أبدا أرسم حواجبي بالاسود .. بس ما أكثر منه بس كـ مسوده وبدايه ..

بعدين أرسمهم بقلم ( إيليقانس ) الفـر .. من الهنود تلقونه .. وبمحل جودي آيبرل يم صالون الشرقيه خيطان ..

بعدين أرد أرتب حواجبي بالفرشه المشطوفه وبالشدو الاسود ..

وبعض المرات أحط تاتو ...>> بس مو دااااااايـم ..


أنتقل إللحين للبلشر .. حق هاللوك أخترت لكم بلاشر ماكس فاكتر الكريمي لون مشمشي ..

بعدين على الوجنات أحط شيمر ماكس فاكتر ..







والمـاسكرا .. أستخدم أول شيء جيفنشي .. عساس تطلع كل رموشي .. وأمشطهم عدل ..

بعدين أحط ريفلون الحمرا أو برجوا السوده .. بعدين أرد أحط جفنشي عشان تطولهم وتفرقهم أكثر ..

بإختصار .. جينفشي بعدين أي ماسكرا بعدين جيفنشي مره ثانيه ..


والحمره .. دام إنه مكيـاج ناعم .. ممكن تكسرونه بحمره غامجـه ..

بس انا استخدم حمر نيود أكثر شيء خاصه للصبح ..


اخترت لكم .. حمره ( كيندا سكسي ) من ماك .. أو ( ليديز شويس ) من بنفت ..





وأخر شيء .. أبخبخ وجهي بفكس ماك





إن شاء الله يعجبـكم الدرس ويكون خفيييييييف عليكم :hjy5jewf:

.. وبناء على طلب جم بنوته .. بنزل لكم درس المكياج الثقيل للسهرات ..

وأتقبل النقـد البناااااااااء فقط .. :eh_s(17):

 

[LAUREEN]

ماشاء الله لا اله الا الله روعة
ربي يحفظج من العين

 

[كيم كارداشيان]

عزوووزو .. شو هالزين ..

طريقتج حلوة ..



برد أفصل وأخيط بعدين

 

[*تويني*]

يعطيج العافيه على هالشرح

 

[ابله رشا]

نايس ماشاءالله

 

[~*~الملكة~*~]

واااااااايد حلو ماشاءالله


تسلم اييييدج حبيبتي

 

[منيرة خالد]

ما شاء الله روعه

وشرحج وافي



يعطيج العافيه

 

[بحر الرمال]

مشكوره بس الصوره كلللش مو واضحه
مغبشه

 

[the female]

شالزين شالزين
مشالله .. خلج على هالرسمه واايد حلوه وطبيعيه
فنانه بالادوات والرسمه
و نبي نطمع ونبي بعد لوكات عمليه حق الدوام

 

[فلافل وبطاط]

حلو اللوكـ

ومره كان بخاطري اسويه ... بس كل مره اضحك على نفسي احس في شي غلط ..

ما شاءالله تبارك الرحمن حلوو شغلج ..

وانشالله بجرب ..

موفقه ..

 

[nittfa]

مشكوره حبيبتي

 

[krkooora]

وااااااااااااااو

يهبل ... احب اللوكات اللي جذي > تحب الاي لاينر :d

كثري كثري مواضيع نمووووت على مواضيعج الحلوة و المفيده

لا لا لا لا عزووووزة زرعتي ام ام زلزله براسي لاااااااااااااااازم ارووووحله
شنو عنده غير الفرش ؟؟ ... شي ما يطوف علميني :d

مسكارا برجوا هالنوع اللي عندج شلونه حلوة ولا يعني ؟؟؟؟

يعطيج العافيه قلبو :**

 

[نورهـ]

مشالله حلووو

وحواجبج غيرتيها اول حييل غامجه اللحين احلى تسلم ايدج

 

[khkhkh]

مشاءالله يجنننننننننننننننننننننننــــــــــن

 

[shtat_al_ro7]

ماشاء الله

حلووووو ونظيف

عزوز شلون اللوز بودر مال كلينك انا بشرتي جافه وتمولح اخر النهار يعني يقلبب لونها

وشلون استعمال بودره ماك انا عندي الثانيه الاخف المنيرال ابي بودره ماتقلب وتغير اللون بعد فتره

 

[لبـى ـآ أنـآ]

أول شي أنا احببببببببببج فالله يالزين

واتابع كل مواضيعج

عيونج ماشاء الله تهبل وتعرفين الخطه اللي تناسبها

اعتمدي على هاللوك

 

[مـزآج ــــية]

وواايد حلـووة ماشالله رسمتج


يعطيج العافية

 

[الأموووورهـ:)]

ماشااااااااااااء الله تبارك الرحمن
امبيييييييييييييه عزوووووووووووو نفس خطتي ونفس اغرااضي ليش تقلديني بس الاختلاف بفوندشين انا استخدم بورجورا وايييييييييييد حلو وعملي للدوااام لازم تجربينه عزوووووووووووو
ويعطيييييييييييييج اااااااااااااااااالف عاااااااافيييييييييييييييية

 

[dandon87]

ماشالله تبارك الرحمن عيونج الي محليته

يعطيج ألف عااافية حبيبتي