مكيــاجج من هالماركه تعالــي !!!!

[غـرامـي أنـت]

للأسف ماعندي شي منهم

 

[حقـوق]

يلا بنات اخر يوم لماركه جفنشي .. باجر بنزل الماركه الجديده
نداااء اخر يووووم خل نشوف اغراضكم

 

[حقـوق]

الماركــه الجديـــد





يلا تفاااااعـــــــــــــل بليـــز

 

[وجـه البـدر]

كان عندي حمرة برتقاليه تينن من شيسدو بس خلصت وقطيتها

حاليا ماعندي شي منها ..

انتظر باجي الماركات وان شاءالله اشارك ..

ثانكس حقوق

 

[أوركيدااا]

ماعندي منها

ااب

 

[زينة الشرق]

يعطيج العافية حقوق
على الموضوع الرؤؤؤعة
وماركة شسدو ماعندي منها

 

[Mrs_Orchidia]

ماعندي منها شي للأسف

 

[krkooora]

ولا انا ماعندي منها شي
مع انه ادري انه فيها شغلات اتينن
وكذا مرة اجرب الحمر مالوتهم بالمحل و يعجبوني وايد كريمين و دسمين
ان شاء الله بالمستقبل القريب اجييل منها

 

[أحترت أعبر]

هذا اللي عندي من شيسيدو
عطر وشور جل , كريم للجسم ترطيبه روعه وحمرتين ما اذكر من متى عندى

 

[حقـوق]

بنات هذا مكياجي من ماركه شسيدو وبصراحه الشدو عجيب والقلم بعد .. بس مادري ليش مااشتري منها هالماركه .. يمكن لان عندي فائض من المكياج لوووووول .. حياااكم





سواآآآتش





يلاآآآ ناطره باجي البنااااات ..نبي نشووووف

 

[حقـوق]

وينكم بنات
؟؟

 

[أحترت أعبر]

حقوق ...حبي ولا عليج امر نزلي ماركه ثانيه شكله الاغلبيه ما عندهم من شيسيدو ...وهم ترا مر عليه اربع ايام ...يعني وفت العده ...
عفيه حبي ترا متابعه وحدي مستانسه على الموضوع ​

 

[وجـه البـدر]

نبي ماركه ثانيه

 

[بنت طفله]

صاجة اخيتى حنا بالمنتدى متوعدين ع شرح من قلب موصورة وقاطة اغراضج مالوج الواحد بعض مرات مالا نفس يبى يفتك ههههههههههههههههههههههههههههههه اضحك موفقه لاتلومينا فى بنات مايعرفون حق شنو وعشان نستفيد اللحين منو منا ماتعرف كريم سوبر كلر لكن الشغلات الثانية عطيها حقهااااااااااااا بالشرح "

 

[أحترت أعبر]

مبارك عليكم الشهر يا بنات ...عساكم من عواده ان شاء الله
حلوه فكرة نحط صور اغراضنا معاها شرح بسيط عنهم ...
المهم عفيه حقوق حطي ماركه ثانيه عفيه ...
​

 

[حقـوق]

بنـــاء على رغبــات البنات .. يلا نزلت لكم الماركه الجديده

يلا خل نشوف مشاركاتكم .. حياااكم

 

[Mrs_Orchidia]

ماعندي من بوبي براون


بس عشان صاحبة الموضوع (حقوق) و عشان (أحترت أعبر)

بقولكم عن فاونديشن عند اختي

اهو الستيك فاونديشن مالهم




تغطيته meduim to full
و واااااااايد حلو و طبيعي

بالمحل الموظفة وزعته لها بفرشة .. بس اختي توزعه بايدها و يطلع عجيب ماشاءالله

و سعره 15 و نص

 

[أحترت أعبر]

أخيرا ....مشكوره حقوق ...فديتج Mrs_Orchidia أخترتي المنتج الصح من بوبي بروان ,من مده شريت منهم كريم اساس وطاح بجبدي لا لون ولا تغطبه لاني ما أخترت النوعيه اللي ابيها والبنت اللي بالمحل عطتني نوع طبيعي تحطينه ولا كأنج حاطه شي ...يعني كانت غلطتي لاني ماأعرف انواع الاساس اللي عندهم ...بس ان شاء الله بجرب النوعيه اللي حطيتها للعيد ...كلج ذوووق ​

والحين ...هاذي أغراضي من بوبي بروان

​

من اليسار ...بودر برونز فيه لمعه ذربه وحلوه أسمه Aruba 4 اللي بعده أغمق منه بدرجه وهم حلو أسمه Bali Brown 5 , المربع الصغير بلاشر لونه وردي على لحمي وايد حلو اسمه Slopes 17 ....والمنسدح هذا الاساس اللي طاح بجبدي natural finish ودرجته warm ivory 1​

​

من اليمين ...حمره لونها برتقالي على لحمي روووعه وصايره كريميه يعني فيها نسبة ترطيب حلوه واسمها Carnation 12 وباليت فيه كذا لون ويجي معاه فرشه , وهاذي الكابوكي مالتهم والحلو ان تجي معاها الحافظه مالتها يعني تضمنين انها ما تخترب ولا تتبهدل بشنطه المكياج واتذكر سعرها عندنا 24 دينار بس بالكويت ما ادري
واي بعد عندي شنطه فيه كل الفرش مال بوبي بروان بس صراحه تقليد بس نوعيه ممتازه ما حطيتهم لان الموضوع مخصص لمنتجات الماركه الاصليه علشان البنات ما تتخربط ..​

 

[حقـوق]

هااااااي

مشكورين بنات الى شاركوو وماشاء الله طلع عندكم من بوبي براون مع اني توقعت محد عنده
المهم الحين بحط لكم مكياجي .. وتقيمي







هذا كل مكياجي من هالماركه



هالكريم فاشل بكل المقاييس كلش مو شي .. لو احط منه كيلو ماكأني حاطه شي ولا يعطي تغطيه ولا شي ماعجبني كلش



هذا واقي من الشمس وفيه نسبه كريم اساس شوي .. ماعجبني لانه يدهن بعد فتره وماينحط بروحه لان قالت لى عادي تحطينه بروحه بس كلش مايصلح لازم معاه بودر ولا بيطلع شكلج شبح



الكونسيلر يسد النفس كلش كلش مايسوي شي وبعد فتره يتكتل ويتجمع ويصير كأنه بشرتج متقشره ماعجبني حرام فلوسه



البودر جدا عاديه .. وماتنحط بروحها تبين عيوب البشره واذا بويهج شعر تبرزه اكثر .. واذا حطيتيها مع كريم اساس .. تطلع طحين



هالشدووو جمييييل .. ولونه مثل ماتحطينه .. يجنن



سواتج للشدو اربع الوان رووووووووعــه روعه مع الماي يصير اللون قوي حيل وبروحه بعد قوي بس يكون خفيف شوي مو دخاني .. بس بصراحه حيييييل عجبني .. واذكر كان منه اثنين بلمعه وبدون لمعه .. وانا اخذت الي فيه لمعه



سواتج .. اللون البني الدخاني رووووعه .. حييييل حلو والبيج بعد .. ادمنته فتره لدرجه كل ماطلعت حطيته حييييل عجبني



هذه حمره تستر عطتني ياهم وبصراحه عجبوني .. وانا اذكر قبل اخذت قلوسات من بوبي براااون حيييييل روعه بكل معنى الكلمه وانصح فيهم بقوه

 

[أحترت أعبر]

نسيت اصور لكم هالباليت ...طبعا من بوبي بروان أسمه مكتوب عليه pertty pwoerfull

وهذا من الداخل ...بلاشر وردي طبيعي وثلاث قلوسات واربع شدوات