ملابسج مو مـاركه ؟ اذا انتي هيلقيه .. (صور)

[ĎєνiL.ĞιRL]

.

.




السلام عليكم ..

اليوم بسولف معاكم عن موضوع الكويتيين وهياطهم بالماركات ..

يعني ساعات اشوف جنطه مو حلوه بس ليش ان التاق مالها برادا ولا قوتشي صارت واو !

ورفيجتي الله يذكرها بالخير ..

قاعدين بالكليه وتشوف وحده لابسه جنطة بربري بس سوده وعلى الـnove check بس مو مبين عدل قعدت تقول ليش تاخذ جنطه بربري وما يبين انها بربري لازم يبين علشان نشوف ..

يعني لازم نلبس لبس ماركه علشان نوري الناس ان احنا تبع ماركات ..

والادهى والأمر ..

لما تشترون الساعه بالقيمه الفلانيه .. والجوتي بالقيمه الفلانتانيه ..

والبوك يصفر ما فيه ربع دينار ..

رفيجة امي ولدها حاط على امه ديون والسبب ان يركض وره المظاهر ..

يعني لو عندك اشتر ما نقولك شي .. بس ما عندك وتتفلسف شحقه ؟

انا عن نفسي كبنيه اكيد اموت بشي اسمه ماركات ..

بس ليش اخليها تصير مشكله تسببلي ازمه ماله ؟ كل هذا علشان المظاهر ؟!

المظهر الخارجي كله يعتمد على ذوق الانسان .. مو ضروري يكون لبسج ماركه علشان تكونين كشخه ..

ياما شفنا ناس من راسهم لي ريلهم ماركه وما يعرفون يلبسون ..

وياما شفناا ناس تلبس ملابس عاديه من طقة توب شوب وريفر ايلاند وشكلهم يهبل وكشخه ..
بس احنا ذابحتنا المظاهر والهبات ..

ناس يستصغرون ناس علشان شكلها مو كشخه وناس يرافجون ناس بس لانهم كشخه ..

ولي شافوا وحده لابسه ماركه علقوا عليها اكيد تقليد :eh_s(15): ..

جنه محد غيرهم يقدر يلبس ماركات لوووول ..

وشوفوا مرض المظاهر لي وين وصل بالصور ..

ما بقى الا يصير اكلنا :

* هل انتوا من هالفئه الي تركض وره المظاهر ؟

* وشنو رايكم بالناس الي جذي ؟

 

[ترانيم القصيم]

أهلين يا قلبي ,, وشلووونك عسااااك بخير و عافيـة ,

يشرفني إني من أوائل الرادين عليك :ggdw:

موضوع حلو مثلك يا حلوة ^_^

بس عاد ما نقول هياط الكويتيين لأن هالطبع منتشر بين كل الناس و من كل الجنسيات إلا من رحم ربك :eh_s(17):

فنقدي على تخصيصك للتصرف بفئة معينة لا أكثر ,,

و باقي موضوعك ما عليه كلام و صدقتِ بكل آللي قلتيــه ^^

* هل انتوا من هالفئه الي تركض وره المظاهر ؟

أنا ما أركض ورا المظاهر بس ما أنكر إني أشتري ماركات ..

تدرين ليه ؟ لأن اللبس الماركة يطوّل معك ,, البلوزة لامنها ماركة و توسخت و غسلتيها ( ما يروح اللون )

و لا تطلع خيوطها مع كثرة الإستعمال ,, نفس الشي بالنسبة للجزم تطوّل معك و ما تنقطع

أنا كنت أشتري جزم أمّهات 40 ريال و 70 ريال , ما تجي آخر السنة إلا و تقطّعت و انمسح لونها

شريت جزمة ثانية ماركة سعرها 199 ريال و الكلام هذا بعام 2009 ( و عبارة عن ترتر ) كلها ترتر مرة مليانة فيه

و يا كثر ما لبستها ,, والله ما طاحت منها و لا حبة ترتر ليومك !! ,, حبة وحدة بس ما طاحت ,, ليه ؟

عشانها ماركة ,, و إلا أنـا استهلكتها استهلاك مميت ألبسها حتى لامني رحت البقالة و أحيانًا داخل البيت

فهذي الماركات عمرها طويل و تطوّل معك و كشخة و خياطها ممتاز ,, هذا السبب آللي يخليني أشتري الماركة و أصفط آللي دونه

* وشنو رايكم بالناس الي جذي ؟

أترك أمرهم للخالق ^^

احترامي و تقديري

ترانيم القصيم

​

 

[اماين]

موضوعج وااايد حلو ...

لا الحمد لله انا مو من هالفئه .. بالنسبه لي موكل اغراضي ماركه واسعارهم معتدله ..
اذا اخذت جنطه مو ماركه يعني اصير هليقيه !! .. يا ما ناس من فوق لتحت ماركه بس والله اني افتشل امشي يمهم ..
بالنسبه للناس الي جذي بصراحه احسهم سطـــحيـــن جدا وما عندهم هم لان " الــوعاء اذا خرج منه المـــاء ملأهُ الهـــوااء"
يعني ما عندكم هم غير فلانه الي مولابسه ماركه !!​

 

[Tom ♥ Jerry]

.



* هل انتوا من هالفئه الي تركض وره المظاهر ؟

احب البس ماركات آكيد , بس مو بينون ! يعني رآيحه الجآمعه أو اي مكان عملي او سوق اخذ شغله و اطلع
ليش يعني لازم اكون من فوق ليه تحت مآركه :/ ! خبال مثلا
أوكي آلبس ماركات و احب الماركات بس مو مثل بعض البنات المينن (= !
انا طبعي : اسوي الشي الي يريحني مآلي شغل من فلانه و علانه أو نظره الناس لي !
البس الشي الي يعجبني و يناسبني سواء ماركه و لا لأ


* وشنو رايكم بالناس الي جذي ؟

انتي قلتيها " هيآط "



مشكورة ع الموضوع حبيبتي :*

 

[ريمـاس]

ياما شفنا ناس من راسهم لي ريلهم ماركه وما يعرفون يلبسون ..

وياما شفناا ناس تلبس ملابس عاديه من طقة توب شوب وريفر ايلاند وشكلهم يهبل وكشخه ..

صادقه لاحظت هالشي مو مهم ماركه او غير ماركه المهم الذوق والاختيار الحلو
واهم من هذا كله اخلاق الشخص وروحه الحلوه :wqedqw:
يعطيك العافيه :eh_s(7):
​

 

[عويتقة]

عاادي لو عجبتني شغلة ومو ماركة باخدها وبلبسها وانا كلي تقة ومو كل حوايجي ماركات والانسان يشوف الفقراء والدول المعوزة لي بدهم يشبعون بس لا مو يشبعون بس يدوقون النعمة مشان يعيشون ولي لازمهم الدوا ولي ساترهم توب واحد والله بتنسد نفسك على المضاهر ترى اليوم بنعيش وغدا ممكن لا الله ينعل الشطان

 

[7noOna]

آنــآ مآيـفــرق معــآي مـآركـه ولآ مـن مـحـل عــآدي

حـسـب حــآجـتـي ، و مـيـزآنيـتـي ، والمـنـآسـبـه اللـي بـشـتـري لـهـآ !

- مــرآت ميــزآنيـتـي وااايـد و بـشتــري شـغـلـه بـكـشـخ فـيهـآ ; آخــذهـآ مــآركـه

- و مــرآت مـيزآنـيـتـي موووشـي و آبــي شـغـلآت عــآديـه ; آدور ذووقـي بالـمـحـلآت الـعــآديـه و الـسـعــر يـكــون رخـيـص و مـعـقــول


يـسـلـمــووو ~

 

[ليلو جبريت]

انا في صوب والمظاهر في صوب ثاني ولا افتكر بها الامور ابدا
يعني اروح المجمعات واي شي يعجبني اشتريه سواء كان ماركه او لا
بس اكيد ما اشتري ملابس رخيصه تخترب من اول غسله اشتري شي يدوووم
​

 

[هاناا]

اكيد كل بنت تحب اللبس و الكشخة


بس اكيد مو ضروري ان كل ماركة حلوة

اشتري الي يعجبني

حتى لو مو ماركة

يعني اشتري ماركة و غير الماركة

حسب الموديل الي يعجبني


شاكرة لج موضوعج المميز

 

[ĎєνiL.ĞιRL]

مو عيب ان نشتري ماركات بالعكس الي عنده لا يقصر على روحه بشي ..

بس العيب باللي ما عنده ويتسلف من فلان وعلان بس علشان شكله يكون حلو ..

واكيد مو كل الناس جذي والي تكلمت عنهم فئه معينه بالمجتمع ..

وبالاخير اخلاق الانسان واطباعه اهي الي تحلي مظهره جدام الكل ..

ومشكورين عالمرور ..

:tek:

 

[عاشقة_الجمال]

بالنسبه لي انا عادي اشتري الماركه واللي مو ماركه
دامه حلووو ودش مزاجي ويناسب ذووقي اخذه
ومرات على حسب المناسبه والمكان اللي رايحه له
يعني اذا انا عندي الامكانيه اني اشتري ماركه ليش ابخل على روحي !؟@

 

[كويتيه برونزيه]

مووضوع حلوو في وايد ناس جذي بس مو بأيدهم

وصراحه انا ما تفرق معاي ماركه او لا


اهم شي ان شكله حلو وعاجبني اخذه

ووايد اعرف بنات يتسلفون وحالتهم حاله بس على شان يروحون يشترون الكولكشن اليديد مال السنه

مو لهدرجه وصح كلامج اذا ما عندك مو لابس تكشخ خلك على قدك

وبعدين على طاري الماركات خلاص ملينا فندي قوتشي بربريز شوبارد وهالسوالف صرنا ما نفرق اساسا بين اصلي وماركه ولا بو طقه

فعااادي

اهم شي الواحد يقتنع مو على شان هذا ماركه ولا غالي يعني خلاص حلو

تسلمين وسامحوني طولت وقرقرت

 

[كوليت]

اي والله بعد مابقى الا يصير ريوقنا من ال في

وغدانا برادا وعشانا من شانيل على قولتج

وثانكس موضوعج وايد حلوو

 

[ĎєνiL.ĞιRL]

تسلموون عالمرور ..

نورتوا ..

:*

 

[كراميلا مرة]

والله احس كلامك صحيح
ميه بالميه
اصلا مافي احد منا ما يحب الماركات بس عاد كل شيء باعتدال
وانا بعد احب اضيف نقطه مهمه واهي ان اذا واحد مو مقتدر ويحط مبلغ وقدره عشان جنطه ولا جوتي
ولا نظاره والله حرام يعني اتصدق بهالمبلغ افضل من اني اقطه على شيء من الدنيا وملذاتها
وشغلة انه احتقر الشخص بس بمجرد انه مايلبس ماركه
اكيد شيء خطا اجل وين الزهد اللي من علامة المؤمن
وين التواضع
ترى كلنا مردنا قبر متر بمترين
وكل فلس محاسبين عليه
وربنا قال "كلو ا واشربوا ولا تسرفوا "
وقال " ان المبذرين اخوان الشياطين "

واللي اشوفه واسمعه من البنات يعتبر تبذير واسراف
يعني وحده تقط الف دينار او اكثر على ساعه او نظاره
احس هذا اسراف لو انها متصدقه بهالمبلغ جان قالت مبلغ كبير واتكثرته مع انه باقي
اما النظار او غيرها من الا شياء الماديه فانيه
ومشكوره على الطرح

 

[marimor]

ويييع ياكررهي للهفئه يحبوون يتشيحطون بلبسهم وجواتهيم علبونه ماركه وغااااالي

تذكرت رفيجتي تقول انا ماشتري الا ماركااات >> عشتوو يعني كشخه

بصراااااحه الكشخه مو محكووره بالماركات !!!

الكششخه كشخه حتى لو كان اللبس من بو اميه لووول

بس اهم شي الذووووق والذرااااابه

 

[*لبيه*]

انا اللي يعجبني اخذه مو شرط ماركه

بس افضل الجناط ماركه


وملاحظه هالشي منتشر واايد هذا ماركه هذا مو ماركه حتى لو حلو ومو ماركه مايعجبهم .!!

اشكرج على الموضوع ..~

 

[ĎєνiL.ĞιRL]

عدل كلامكم ..

نورتوا الموضوع ..

 

[مسك حياتي]

اي والله بعد مابقى الا يصير ريوقنا من ال في

وغدانا برادا وعشانا من شانيل على قولتج

وثانكس موضوعج وايد حلوو

هههههههههههههههه حلو تعليقج ...

اكيد كلنا نحب الماركات ...

بس لا يصير هالشي هوس ...

و حلو الانسان يكون واقعي و قنوع و يعيش بمستواه ...

مو يتسلف عشان المظاهر ...

والاناقه ترجع للذوق قبل كل شي ...

 

[ĎєνiL.ĞιRL]

اكيد , الذوق اهو الي يحدد الاناقه والترقع ..

ومشكوره عالمرور ..