ملابسج مو مـاركه ؟ اذا انتي هيلقيه .. (صور)

[الوفا غالي]

موضوعك حلووو ومشكوره عليه
شوفي اهو مومهم ماركه او لا اهو علي الذوووق اذا انتى تعرفين تكشخين بيطلع عليك حلو حتى ولو اهو مو ماركه
اعرف وحده ملابسها كلها ماركه من فوق لي تحت اهي واولادها حتى الي بعمر الشهوور هم ماركه
لاكن والله تشوفينهم اتصدقين عليهم ماكو ذوق علي شنو ماركه بس يعنى اللبس ماركه وخلاص ولا شنو؟
ومشكووره مره ثانيه

 

[عــــهـgggد]

اتووقع مااركه موو ماركه ماعي من البنت علي من المضمووون
بس الكشخه له دوور مالها شغل الماركه الذوووووووووووووووووووووووووووووووووووووووق

 

[مس دلال]

خلينا من الماركات والملابس مو مهمه

في شيء ثاني يعتبر من المظاهر

الاثاث , الكماليات

اعرف ناس كثير متسلفين وعليهم ديون علشان يتشرون اثاث ويصبغون بيتهم ولازم لازم شاشه بلازما كبر السينما ونفس الشيء بالسفر ,, اتسلف علشان اسافر ,

كله مظاهر !!!

انا الحمدلله احب البساطه بكل شييء ومن ضمن البساطه في السعر بعد
ومااتوقع بيوم من الايام اني بشتري شيء مبالغ في سعره الا اذا كان لشخص غالي علي هنا ماقدر امسك نفسي :eh_s(22):
...


مشكوره ع الطرح اعجبني جدآ ...

 

[أأأحبه]

الحمد لله ماعمرها همتني الماركات
لما اشتري منها بعتدال ولما اشتري اشتري من ماركات معقولة شوي
مو قطعت قماش ساده وقصيره سموها فستان ناعم ب700 وعليها
الحمد لله للحين ماجنيت جنون الماركات
وانا يهمني الذوق اكثر من ماركته ,, لأنو ياما شرينا اشياء نفسها نحصلها بمحلات الماركات القماش يختلف شويتين
بس والله يدووووم ويطول والسعر يفرق كثيييييييييييييير !!
ومو كل ماركة حلو !!


المجتمع الى عايشه بينهم تخيلي
اذا شرت الوحده مثلا قميص او فستان وتوريه وحده من البنات البنت ماتعلق عليه انه واو
الا لمن تطالع الماركة حقته وتبتدي تمدح في القطعه
شششدعو !!!!
وفي ثنتين متزوجات وحده اشترت فستان لبنتها يوم العيد من محل ماركة والثانيه اشترت نسخ القطعه بس من محلات مو ماركة
الموهيم شافته الى شرت لبنتها ماركة وقالت اووووووف والله نفس فستان بنتي واخذته تطالع فيه
وسالتها من وين قالت لها من المحل الفلاني { مو ماركة}} قالت ايييه القماش يختلف !!! توك شايفته وشايفه القماش
الحين عيبتي ع القطعه !!


الله يعين هالفئه السسطيحه المريضه ,,,
وتسلمين ع طرح هيك موضوع

 

[قلب أبيض]

أنا عن نفسي أشتري أي شي يعجبني سواء ماركة أو غير ماركة وماااحب أبالغ بالسعر بأشياء بسرعة أمل منها

بمعنى إني أراعي نفسيتي بالأشياء إلي أشتريها لأن نوعي أمل بسرعة .. وشكو إلي مايشترون ماركات هيلق لوووووووول :krkrkr:

إلي يقولون جذي ناس فيهم نقص وعبالهم محد بيكون كشخة ورزة إلا بالماركات

أهم شي الذووق الذووق وطريقة اللبس وشخصية إلي لابستها ..

ثانكس حياتي عالموضوع :eh_s(15):​

 

[q8y-moon]

دايما وابدا اقووول القالب غالب
لو اني شيفه وسحيله وهيليقه ماتسنعني الماركات ولو اني حلوه وذربه لو اللبس خيش بزاها اللبس
بالنسبه لي الماكات تعتمد مثلا الساعات ما تعدي لب 500 والجناط ماتعدي ال300
ومستحيل لو تنطبق السما علي الارض ما اشتري شحاطه او ميداليه ماركه
ابيه اي شي اقط 200 علي شحاطه او جوتي او مداليه
ولاني وحده ما احب اكرر او اكرف اللبس فماشتري شي غالي حيل عشان مايطيح بجبدي

 

[حجيه هيونه]

ماعندي اي اشكالية اني البس اي شي يعجبني وعندي قناعة الشي الى اقدر اشتريه ب 10 ليش اشتريه ب 100

خصوصا اني مو طبيعيتي اكد الملابس والجنط يعني ازهق بسرعه

فقلبي يعورني لما اقط مبلغ وقدره على جنطه


والحمدالله الماركات عمرها ماهمتني

 

[كرز حالي.]

هههههههههههههههههه عجبتني الصور
صاااااجه
موشرط ماركه
اهم شي شكلي كيوت ومرتب

 

[حناينq8]

اشتري اللي يعجبني ويناسبني
سواء ماركه او لا

اهم شي يدش مزاجي

اما سالفه اني ما البس الا ماركه هالشي غلط
لازم ندور الشي اللي يوالم ذوقنا

ومشكوره حبيبتي

 

[Purple Occasion]

المسألة مسألة ذوق واختيار..
سواء ماركه او عادي..
الحلو حلو ولو قام من منامه ولبس خيش..
بس صارت تحكمنا المناظر الخارجيه والبروستيج ..
وبالتوفيق..

 

[one two 3]

نشتري الماركات و العادي

نلس نوب ماركه ونوب عادي



هيك وهيك يعني



وفي ناس لبسهم غالي وماركات بس هلاقه
وناس ناس لبسهم عادي ورخيص بس هلاقه



اهو يعتمد عالذوووووووووووووووووووووووق

 

[مسك وبخور]

طبعا احب البس والبس عيالي من الماركات بس طبعا مو كل لبسهم يكون ماركات اذا اعجبني شي من اي محل اخذه مو شرط يكون ماركه وحتى لو اخذ ماركه اهم شي يكون عندي فلوسها مو اروح واتسلف عشان احط هالماركه
بس ما اخلي لبس الماركات هو مقياس الناس عندي لا بالعكس اهم شي اخلاقهم وشخصياتهم

 

[coralia]

موضوعج روعة حبيبتى تسلمين

 

[(دنيتي)]

وعليكم السلام ورحمه الله وبركااااااته

هلا وغلا اختي بالسبه حق موضوعج حق الملابس الماركه ولله شوفي حبيبتي انا من الناس ماتهمني ماركه الشي

المهم يكون حلو وعاجبني وذوق بس في شغلات تلزمك انها تشتريها ماركه لانه جوده وليس من منطلق انها ماركه وخلاص

بس لي جم تعليق على الموضوع

اولا
اليوم بسولف معاكم عن موضوع الكويتيين وهياطهم بالماركات ..

ترى صح في فئات من المجتمع الكويتي يهايطون بالماركات بس ترى هالشي موجود بكل الجنسيات انا كنت اعرف وحده جنستيتها

عربيه ملابسها البيت وشغلات بسيطه لااااااااازم يكونون ماركه ولا ماتلبسهم كل لبسها من فوق لتحت ماركه يعني هالشي

مايختص بالجنسيه اهو عقليه وطريقه تفكير وانا شخصيا اشوفها سطحيه منهم:eh_s(1)::eh_s(22):

ثانيارفيجة امي ولدها حاط على امه ديون والسبب ان يركض وره المظاهر ..

يعني لو عندك اشتر ما نقولك شي .. بس ما عندك وتتفلسف شحقه ؟

انتي بررتي حق اللي عنده فلوس انه يهايط عادي ويركض ورا الماركات بس لانه عنده وعادي يصير سطحي ؟ وهذا الشي غلط :eh_s(4):

اللي يركض ورا الماركات سواءا عنده فلوس ولاماعنده هذا انسان سطحي لانه الحرص على الشكل بهالطريقه الجنونيه اشوفه

قله عقل لانه الشكل مو مهم اهم شي العقل والمبالغ الكبيره من الفلوس تنصرف على العلم والصحه اما الباجي اعتقد يدخل بخانه التبذيرانا هذه وجهه نظري 0


وشوفوا مرض المظاهر لي وين وصل بالصور ..

هذيلي بصراحه الله يعينهم على مابلاهم ولله يكافينا شرهم نااس فسقانه :eh_s(14):

واخير يسلمو على الموضوع اللي يعطي وعي اكبر وينبه الناس انه الهياط والماركات مايفيد:eh_s(17):

وبالنهايه ماحب تزعلين مني على تعليقاتي ثنتينا خوات واذا عندج اي راي احب انه تشاركيني الراي وتنبهيني عليه:eh_s(22):

اختج دنيتي

 

[ĎєνiL.ĞιRL]

ردودكم على العين والراس ..

وتدل على وعيكم بإن المظاهر مو كل شي ..

نورتوا المووضوع ..

:tek:

 

[*الأثــــــــير*]

المهم الذوووق ان كان ماركه او لا

 

[ĎєνiL.ĞιRL]

عدل كلامج ..

مشكوره عالمرور ..

 

[$ بنت علمي $]

يعطيج العاافية وماقصرتي على الموضوع والمجهوود الروووعة...

أما على سؤالج...

لا الحمدالله اناا مومن هالفئة الماركاات وصرااحة ماتهمني المااركة

اهم شئ يكوون البدلة حلوة ووسيعة ووطويلة وماهمني شنو ماركتهاا وحتى اشتري ملاابس عاادية

اما الجواتي {{تكرموون}}

والجنااط

المهم يعجبني

ومراات نشوف الجنطة العاادية احلى حييييييييييل من الجنطة الماركة

وشكرااااااااااااا

 

[Naughty Mum]

عن نفسي اذا المخبه عاامره وشفت اشياء دشت قلللبي وخاطري..... اشتريها ... وياما اشياء تعجبني بس ما تناسب ميزانيتي ما اذبح عمري ولا ما انام الليل .. عادي وجنه العيد ..مو كل شي ابيه املكه .. تستمر الحياة

وبصراحه هالطبع كلش مو الحلو الاهتمام المبالغ فيه بالمنظر وتقييم الاخرين على هالاساس ويكون حديث الساعه تخلي الانسان تافه ودمه ثقيل

والهلاقه اهيا انعدام الذوق مو مثل ما حضرتج حاطه بالعنوان ولبس اشياء مبالغ بالوانها وزركشتها وتشييرتها من فوق لي تحت .. وحتى اللي ماركه من فوق لي تحت من نفس البراند انا اشوفها هلاقه



وشكرا لج

 

[عاشقة-الكفيل]

بالنسبه لي لبسي اغلبه من مانقو وزارا ونكست .. واذا عندي مناسبه اشتري من المحلات الغاليه والماركات بس اذا شي حلو وذرب اذا ماحصلت مو لازم البس ماركه وهم بعد انطر السيل .. ماشتري بدله اب 800 وبالسيل القاها 150 .. اموت قهر ..

بس مشكلتي وين ..؟؟

بالجناااط فيني هوس مو طبيعي بالجناط ..
بس بالفتره الاخيره لما شفت اوضاع الدنيا اشلون صارت من حروب ومظاهرات وزلازل وتسونامي
انتبهت وصحيت لنفسي ..
الحمدالله عرفت وتيقنت ان هاذي مو الدنيا اللي لازم اعيشها والاميات الي قاعده اقطها على جناط اسوي فيها شي لاخرتي اتصدق ولا اساهم فبناء مسجد ولا اذبح جم ذبيحه للفقاره احسن من جنطه ولا بوك ولا ساعه ..

الله يثبتنييييييييييييييييييي