ملابسي واااااااايد مالهم مكان فى الكبت

[بدون هويه]

بنات من خبرتكم ابى طرق ثانيه غير الكبت لتعليق الملابس ابى نفس العلاق الدائري اللى بالمحلات بس ما ادرى وين احصله ابى افكار ثانيه للجنط والملافع

 

[miss5]

مشكلة

ما عندج الا الستاندات الي ينباعون ويستخدمونهم بالمعارض بس حلاته كبت مرتب ليش ما تسويلج غرفة ملابسسسسسسس وتغيرين الترتيب

والافضل غرفة ملابس تشوفيلج ديزاين ويبيلج نجار شاطر يسيويلج ياها

وفي مجلات خاصة بالديكورات للمنزل بكل اقسامه

 

[q8yah]

نفس مشكلتي

 

[المجره]

نفس مشكلتى الغرفه ضيجه وين نحط الستاندات هم عندى واحد بس ماخذ مساحه

 

[miss5]

انزين حاولو تعيدون تأهيل الكبت

يعني شوفو الاستخدام الدائم بالكبت والشغلات الي ماتستخدم بشكل مستمر شوفيلها طريقة ثانية للتخزين

علشان لا تاخذ حيز

 

[q8yah]

مليون مرة وأنا أسوي تصفية وهم ماكو فايدة لازم أشوفلي صرفه

 

[مكنتوشه]

حطيلج علاق مال اوتي البخار وعلقي فيه الاشياء المهمة ..

انا شريته من سيتي سنتر .. الصراحه وايييييد فادني .

 

[june_m00n]

شوفي خل اقولج طريقتي

انا عندي غرفة تبديل بس هم مع الاغراض ماتكفي

فشنو سوييت

العبي والبدلات والتنانير والبنطلونات والدراريع بعلاق

الجديد اللي سوييته

اني فضيت علاق كامل حق الجناط

وشريت هوك أو علاق على حرف الاس بالانجليزي S

صوب يتعلق بالحديده مالت العلاق

وصوب اعلق الجنطه

وبجذي قمت اشوف كل جنااااطي ربي لك الحمد

اول لما كانو بالرف والله انسى جناطي غميضه عليهم

وما ينلبسوون

والشغله الثانية اللي سوييتها وعجبتني بعد

شريت من ايكيا واكو منه بالمباركية بعد

اللي يصير قماش وفيه مثل ارفف ويتعلق بالعلاق

هذا خليته حق الجواتي كرمتي

شريت اثنيين وشكله الثالث ياي بالطريج

حطيت فيه كل جواتيييي السهره العملي البوتات الشحاحييط كلشييييي

ارتحت ارتحت

وهم بعد قمت اشوفهم جدامي

وااااااااايد وااااااااايد ارتحت الحمدلله رب العالمين


شرايج فيني هههههههه مرتبه صح ههههه
انشالله فدتج حبيبة البي

 

[زرار طقطق]

نفس المشكلة .... وإذا رتبنا وعدلنا تطلع لنا أغراض ماندري وين نحطها ؟

 

[DKNY]

هو بس ملابس كل الغرفه زحمه من كثرة الاغراض والحوسه واللووووسه اقول الله يرحمنا برحمنه

 

[DKNY]

هو بس ملابس كل الغرفه زحمه من كثرة الاغراض والحوسه واللووووسه اقول الله يرحمنا برحمنه

 

[ام جسومي]

مثل مشكلتي بالضبط .. حدي محتاسه مع هالاغراض ..
مادري شسوي .. الغرفه اذا صارت زحمه ماترتاحين فيها .. وبعدين الشقق الاغلب فيها 3 غرف .. غرفه لج انتي وزوجج وغرفه حق البيبي وغرفه زايده .. بس الحريم يتحسفون يخلونها حق اهدومهم

 

[..بسمة..أمل..]

اي والله صاجين على كثر ما ارتتب تطلع لي اغراض مادري من وين ..؟

والله الغرفه صاارت مخزن على قولة امي

لووووول

 

[ذكريات]

بنات شدعوه كل الكبت ملابس تلبسونها !!!!!

شوفوا اللي ما تبونه او اللي ما تلبسونه و شيلوه

 

[om yousif]

ايه والله كلنا نعاني من نفس المشكلة ,,, ماكو فايدة مهما تصفين الاغراض تطلع بعد وتزيد , كل بيتنا كباته ,,, الله يعينا

 

[زهرة اللوتس]

بايكيا اعتقد موجود

 

[sara3]

زهرة اللوتس شنو اللى بايكيا نورينا

 

[sara3]

june-moon

ما فهمت يعنى انتى فضيتى كبت وعلقتي على حديدة العلاق s وبعدين حطيتى الجناط انزين كام جنطة كفى وتحت الجناط الكبت فاضى ؟ ردى بليييز

 

[bombo]

انا مشكلتي مالها حل غرفتي زحمه و صغيره و ماعندي غيرها

 

[الدانة الحلوة]

اما قمصان النوم قصة

راح احط لكم اشلون رتبتها

فكرة محد سواها

انتظرونى

وينج يالخنساء ناطرينج لأن بصراحة هذي مشكلة صج صج مالها حل خصوصا ماكو مساحة