ملتقى الأمهات - مدارس الخاص + فهرس المدارس الخاصهܓܨ@

[Dancing^Queen]

رد: ملتقي الامهات - مدارس خاصه

ختي الشمس المشرقه

مدرسه خاصه حكوميه؟
مافي!!!





اختي ريما
يعني تشوفين الحل مدرس خاص
انا اقعده افكر صج يمكن لي صار احد غريب مايتعكفون ويبجون ويسوون سوالفهم يمكن صج مدرسه خاصه ابرك مني

دوني وين مدرستج عطيني رقمها

 

[زيـنـه]

رد: ملتقي الامهات - مدارس خاصه

الله يعينكم

كوين .. الله يعينج .. حسيت باللي انتي فيه !

 

[Dancing^Queen]

رد: ملتقي الامهات - مدارس خاصه

شبشركم ياجماعه
رحت اليوم اجتماع اولياء الامور
حيل طيبو خاطري
مو شويه

الاداره جدا متعاونه
والابله الفاشله شالوها وبتتغير ابتداءا من الاسبوع الياي
حلو لما تشوفين تجاوب يطيب خاطرج

 

[* LOVE STORY *]

رد: ملتقي الامهات - مدارس خاصه

شبشركم ياجماعه
رحت اليوم اجتماع اولياء الامور
حيل طيبو خاطري
مو شويه

الاداره جدا متعاونه
والابله الفاشله شالوها وبتتغير ابتداءا من الاسبوع الياي
حلو لما تشوفين تجاوب يطيب خاطرج

مبروووك
أحترم المدرسة اللي جذية بصراحة

 

[تم مشاري]

رد: ملتقي الامهات - مدارس خاصه

السلام عليكم
انا بعد رحت الاجتماع اليوم وايدارتحت والعربي مالت بنتي اسمها فضيلة
وطمنتي مدرسة الانجليزي انه بس فترة وبنتي راح تبتدي تقرا انجليزي لانها ممتازة

الحمدالله انشاء الله للاعلى

 

[DooNy]

رد: ملتقي الامهات - مدارس خاصه

شبشركم ياجماعه
رحت اليوم اجتماع اولياء الامور
حيل طيبو خاطري
مو شويه

الاداره جدا متعاونه
والابله الفاشله شالوها وبتتغير ابتداءا من الاسبوع الياي
حلو لما تشوفين تجاوب يطيب خاطرج

الله يبشرج بالخير خووووش خبر :ggdw:

وعسى تكون الابله اليديده احسن من الي قبلها

 

[manarah]

رد: ملتقي الامهات - مدارس خاصه

عالبركه ياكوين اللي لقيتوا نتيجه وانشالله بناتج للاحسن ... انا بسأل اذا ابي مدرسه مناهج الحكومه كعربي وانجليزي بس ابي تدريس قوي .ز يعني شنو افضل المدارس الخاصه اللي جذي .. انا ولدي الحين ب Kg2 بالتكامل الامريكيه ومحتااااااااره ما ادري قريد 1 و2 مثلا اخليه بنفس المدرسه يتأسس أو أنقله حكومه من السنه الياي والله يعينا عالمستوى أو اني ادخله مدرسه عربيه خاصه .. اشرايكم ؟

 

[رفرف]

رد: ملتقي الامهات - مدارس خاصه

مناره ..

اول سؤال ..
امس ليش هومووركاتهم وايد ؟؟ بنتي طاحت ايدها وهي تحل اكثر من 10 اوراق ريفيو وهوموورك ..
ما حلتهم كلهم الصراحة من ردت من المدرسة وهي تحل خشيت باقي الاوراق عنها قلت تكملهم باجر انشالله ..

مدرسة النجاة الخاصة مناهج الحكومة بس تدريسهم اقوى اخواني كانو عندهم وبالثنوي يدرسونهم مهندسين بس مادري عن مستوى الابتدائي الحين الصراحة اخواني كبار بالثنوي والجامعة اخاف مدرسينهم تغيرو ..

وجنه يمدحون القطوف هم منهج الحكومة ..

 

[ريماا]

رد: ملتقي الامهات - مدارس خاصه

اختي ريما
يعني تشوفين الحل مدرس خاص
انا اقعده افكر صج يمكن لي صار احد غريب مايتعكفون ويبجون ويسوون سوالفهم يمكن صج مدرسه خاصه ابرك مني

شوفى انتى سويتى اللى عليج وزيادة وحاولتى جربى تيبين مدرسة شاطرة ماراح تخسرين شى ولاتقعدين عندهم الانج بتوترين بناتج بيخافون منج اذا ماجاوبو او بيستحون فطلعى وتسمعى من بعيد لى بعيد سمعى شرحها وعطيها فرصة لمدة اسبوعين بالاسبوع3حصص وهذى فترة كافية تعرفين اذا استوعبو اولا بس اختارى مدرسة احد مجربها وتخصصها ابتدائى اعتبريها محاولة لخيرة لمصلحتهم
وبالتوفيق ان شالله

 

[manarah]

رد: ملتقي الامهات - مدارس خاصه

اهلين رفرف .. تصدقين بغيت من الصبح اسألج هالسؤال واكتب موضوع بس بالهوم ورك اللي امس بس سبقتيني ماشالله عليج .. امس كان يوم عصيب بالنسبه لي والله الجمله وايد طويله عليهم لا وهم تنكتب 8 مرات امبيييييييييه ولدي قام يكتب كلمه ويقلب قلبتين ويرد يكتب وبعدين يحوس بالدار ولا لما خلصنا الجمله 4 مرات لاعاد هذي فيها فراره بالقاري بالحوش وانا اعصااابي انتلفت خلااااص بصراحه كان واايد وغير الأوراق الباقيه على قولتج ما بين تلوين ورسم وحاااااله .. ترى اليوم بغيت اكلم التيشر الصبح واسألها ليش هذا كله المفروض هذا يخلونه للعطله كلها يشتغلون فيه اليهال مو كله بيوم واحد بس لي الساعه 7 ونص ماكانت يايه وانا وراي دوام ماقدرت اتأخر اكثر من جذي ... لا بس اذا انعاد هالشي مره ثانيه لازم اكلمها اليهال ما يتحملون كل هذا بيوم واحد .

 

[Dancing^Queen]

رد: ملتقي الامهات - مدارس خاصه

والله يابنات ماتصدقون فرحتي امس بغيت الم مس نورما بس قاعده اكحكح ومريضه قلت ماتبي مرضي المره مع هالمدرسه من تدشين لين تطلعين واهم يلمونج ويبوسونج (يوم بناتي بالروضه الحين الابتدائي اشوا مانحبيت غير شويه)

ومسوين بوك فير عندنا
شريت كل قصص البرنسس
وكتب تساعد علي حفظ الاحرف


بس صج حسيت ان انجبر خاطري
وشكلي صج بجرب مدرسه خصوصيه

 

[رفرف]

رد: ملتقي الامهات - مدارس خاصه

مناره

انا أأيد الهومووركات لأن شوف عيني الياهل ما يتقوى وتتثبت المعلومة الا بالهوموورك ..
وخل ينكرفون وهم صغار ماعليه يستفيدون
وحاسة مستوى بنتي وايد زين ومستفيدة يعني ..
بس امس كسرت خاطري قلت كيفها ماني مسلمتهم كلهم ..
اللي ماحلته اليوم مو ضروري باجر اتحله كافي من ردت من المدرسة وهي تحل ..
بس بنتي خوافة كله تخاف تصير كسلانة والتيجر ما تحبها ومايودونها قريد1 والاطفال كلهم يصيرون اشطر منها
اخر شي عورت قلبي فيها النوم خلاص وغصب تبي تحل خشيت اوراقها الباجية وقلت لها هييييييييي هاذي اخر ورقة خلصنا ..

 

[* LOVE STORY *]

رد: ملتقي الامهات - مدارس خاصه

صباح الخير امهات

باجر (اليوم الصبح) عندي اجتماع مع المس مالت ولدي لمدة ربع ساعه
المدرسة معطله الخميس والأحد مخلين هاليومين اجتماع مع اولياء الامور

 

[manarah]

رد: ملتقي الامهات - مدارس خاصه

اوكي رفرف انا وياج وانا بالعكس أأيد الهوم وورك وحتى لو كل يوم مو مشكله بس ما يكون بهالكميه اللي انعطت لهم اخر مره يعني مثلا الجمله اللي نسخوها 8 مرات كان يكفي 4 مرات ومعاهم ورقتين ثانيين .. يعني لو الهوم وورك كل يوم او يوم وترك بنفس الطريقه اوكي جذي .. لان لا تنسين هذوله يهال وترى الضغط عليهم من هالسن مو بصالحهم .. وهم انا اقولج مستواهم ماشالله وايد زين والاحظه حتى كلمات ثانيه يقدر يكتبها لانهم الظاهر بالصف يكتبون وايد .

 

[الشمس الذهبية]

رد: ملتقي الامهات - مدارس خاصه

السلام عليكم
عندي ولد في الصف الخامس
ابي أودية مدرسة خاصة حكومية السنة الجديدة
شنو رايكم في مدرسة الاخلاص ومدرسة الجميل واذا تعرفون مدرسو زينة افيدوني

 

[الشمس الذهبية]

رد: ملتقي الامهات - مدارس خاصه

السلام عليكم
عندي ولد في الصف الخامس
ابي أودية مدرسة خاصة حكومية السنة الجديدة
شنو رايكم في مدرسة الاخلاص ومدرسة الجميل واذا تعرفون مدرسة زينة افيدوني

 

[jana74]

رد: ملتقي الامهات - مدارس خاصه

اشلونكم بنات
انا عضوة جديدة لكن ياريت تساعدوني لاني وايد محتارة و ضايق خلقي انا عيالي كلهم درسوا في مدرسة الغانم و الحمد لله وايد مرتاحة لكن المشكلة ان ولدي الكبير الحين في السنه الثامنه و المدرسة مافيها ثناوية و ابي احول ولدي مدرسة ثانية بس ما ادري وين اوديه ابي مدرسة نظام امريكي بس ابي مدرسة زينة و ما ادري شسوي اوديه مدرسة مختلطة ولا مفصولة وايد حايرة ساعدوني بنات لا تخلوني

مشكورين وايد

 

[شهبونة]

رد: ملتقي الامهات - مدارس خاصه

السلام عليكم عنى سؤال عن الامهات اللي عيالهم
كانوا السنة اللي طافت في مدرسة المعالي بالروضة
وودوهم السنة مدرسة الغانم ثنائية اللغة في منطقة سلوى
السؤال المهم اللي ناطرة جوابه بأحر من الجمر
من الأفضل المعالي أو الغانم ؟​

 

[mrs-ss]

رد: ملتقي الامهات - مدارس خاصه

بسأل عن مدرسة الفحيحيل الانجليزيه اللي كانت على البحر والحين بالمنقف في وحده مدخله عيالها فيها ؟

 

[أسرار الطبيعة]

رد: ملتقي الامهات - مدارس خاصه

الشيء الوحيد اللي خلاني أنحاش بعيالي للخاص هو طريقة معاملة المعلمين والمعلمات لهم
وألا التدريس خاصة العربي والدين في مدرستهم الخاصة جدا في البيت
وسبحان الله ..، سوء المعاملة من أخواننا العرب ، وألا الأجانب عندهم طولة بال وسعة صدر
المفروض المدارس الخاصة تتنظف من تلك الشخصيات ( ترفع صوتها أمام الطفل، ردة فعل قوية اتجاه أي نشاط للطالب)
الله المستعان ..