ملتقى الأمهات - مدارس الخاص + فهرس المدارس الخاصهܓܨ@

[سيدة الكويت]

رد : سايتات المدارس الخاصة في الكويت

تبون مدرسه صج ...قويه وأسعار معقوله جدا

مدرسة الشهيده أسرار القبندى بالدسمه .......ماشاء الله تعالوا بس شوفوا مستوى أطفال المدرسه بالطلاقه والكتابه بالغه العربيه والكتابه بالغه الأنجليزيه ....ترى أحسن المدارس الثنائيه وهيه ثنائيه ...حتى لو تبون تنقلونهم حكومه للمتوسط ما يلاقون صعوبه.بأعطيكم الرسوم

الحضانه ......بالشهر 55 دينار

الروضه 700

الأبتدائى 990

بس ما فيها متوسط,.شوفوا مدرساتها ترى هنود ...بس الأكسنت بريطانى ومدارسات الغه العربيه ممتازات مصريات.بس المدرسه صعبه شوى بس تطلع طفل مستوى قوى.
راح يفتحون نادى صيفى ..شهر 6.

وهذا رقمهم 2572561

 

[keeka]

رد : سايتات المدارس الخاصة في الكويت

انا مريت اكاديمية الخليج اللي توها فاتحه صراحه روعه المدرسه يديييييييييده مبنى يديد
والمفروض الستاف كله من بريطانيا بس بعدهم ما اوصلو راح يوصلون قريبا الناظره رايحه اتييبهم
فيها كل الاكتفتي ما عدا حمام السباحه طبعا المدرسه بعدها فاضييييه ما فيها شي
بس يقولون على الصيف كل شي راح يكون جاهز وكل مدرسه راح تعدل صفها من ترتيب والعاب وصور .. صراحه انا وايد متشجعه وبنفس الوقت متردده

 

[xxx]

رد : سايتات المدارس الخاصة في الكويت

مشكورة سيدة الكويت

المشكله مكانها بالدسمه مو زحمه ؟؟


كيكة

تصدقين مادري ليش حبيت هالمدرسة
واسعارها حلوة
شلون مكانهم ؟؟ متقلقص ولا تمام ؟

 

[keeka]

رد : سايتات المدارس الخاصة في الكويت

هلا والله بنوته حتى انا حبيتها بعد والمدرسه كبيره ومكانها تمام
حتى فيها سرداب مواقف وصفوف بعد انا شكلي بتوكل على الله

 

[xxx]

رد : سايتات المدارس الخاصة في الكويت

كيكة

وين مكانها بالضبط ؟

 

[keeka]

رد : سايتات المدارس الخاصة في الكويت

اهيا شارع عمان صوب مستشفى الراشد بس مو يمه بس هذاك الصوب مو خوش وحده اتوصف

 

[xxx]

رد : سايتات المدارس الخاصة في الكويت

لا بالله دليتها هههههههههههههه

 

[keeka]

رد : سايتات المدارس الخاصة في الكويت

شوفي احسن شي دقي عليهم واخذي العنوان اذا عزمتي

 

[xxx]

رد : سايتات المدارس الخاصة في الكويت

ماكو الا جذي

 

[سيدة الكويت]

رد : سايتات المدارس الخاصة في الكويت

حياج الله بنت الكويت ...لا ابدا ماكوا زحمه بالدسمه وهى بقطعه 5 عيل واى على حولى تلوع الجبد......

بس هيه ما فيها لى خامس ابتدائى عاد ودى اكمل لحد الثانويه ابى مدرسه تب نفس مستواها.وأسعار مناسبه نوعا ما ....لأن صراحه المدارس الأجنبيه زفت بالعربى ..أنا بس ابى ثنائيه

 

[بـزه]

رد : سايتات المدارس الخاصة في الكويت

بنات واللي يعافيكم ابي رقم روض الصالحين

 

[xxx]

رد : سايتات المدارس الخاصة في الكويت

قريت هالاعلان بالجريده ........عن افتتاح مدرسة جديده


المدرسة الذكية الالكترونية ثنائية اللغة

لاب توب لكل طالب من اولى ابتدائي

الاجازات متوافقه مع وزارة التربية


العنوان : سلوى ق 1 ش100
ت: 5611953-5622492

 

[bedour18]

رد : سايتات المدارس الخاصة في الكويت

ترى المدرسة الذكية طلعت خوووش مقلب. حماي مدخل بنته هناك ثانية روضة اول شي غالية ثاني شي لا لابتوب و لاهم يحزنون. يعني قطوا الفلوس عالفاضي كأنها روضة عادية

 

[xxx]

رد : سايتات المدارس الخاصة في الكويت

وييييييي

طلعو نصابين ؟؟

بس اهما قالو من 1ب لابتوب

 

[دقدوقه]

مشاركة: سايتات المدارس الخاصة في الكويت

ثانكس

 

[xxx]

مشاركة: سايتات المدارس الخاصة في الكويت

ولكمو

 

[xxx]

كشف بأسماء و أرقام جميع المدارس الخاصة بالكويت

السلام عليكم

شلونكم بنااااااااااااات


لقيتلكم هالكشوف راح تفيدكم وايد من موقع وزارة التربية

المدارس الأجنبية

المدارس العربية

ان شاءالله يعجبكم وتستفيدون منه

 

[al7anona]

مشاركة: كشف بأسماء و أرقام جميع المدارس الخاصة بالكويت

خوووووووووووووووش موضوع يعطيج العافيه بنوته

مشكورة وايد
وانشالله يفيد باجي العضوات

 

[xxx]

مشاركة: كشف بأسماء و أرقام جميع المدارس الخاصة بالكويت

الله يعافيج ويارب تستفيدون

 

[أوركيد]

مشاركة: كشف بأسماء و أرقام جميع المدارس الخاصة بالكويت

تسلمين بعد قلبي

مجهوود حلو...