ملتقى الأمهات - مدارس الخاص + فهرس المدارس الخاصهܓܨ@

[Oregon]

رد: ملتقي الامهات - مدارس خاصه

السلام عليكم .. انا حابة انظم لكم

حاليا انا في امريكا بس اول ما ارد الكويت ودي ادخل اعيالي مدرسة امريكيه .. ظريبة الغربه.. اعيالي كلش ماكووو عربي ميح..

ودي اسأل اللي في التكامل .. انا ملاحظه كل سنه تقريبا يرفعون الاسعار ما حاولوا اولياء الامور الاعتراض على هالشي؟؟

و هل في خصم للأخوان ؟

و اي حزه اقدر اسجلهم ؟؟ هل مثل الابداع الويتنق بو سينتين و لا القبول سهل؟؟

ياريت اللي عندها فكره اترد على و استفيد منكم :eh_s(6):
​

 

[Oregon]

رد: ملتقي الامهات - مدارس خاصه

Up up

 

[هنوده]

رد: ملتقي الامهات - مدارس خاصه

السلام عليكم .. انا حابة انظم لكم

حاليا انا في امريكا بس اول ما ارد الكويت ودي ادخل اعيالي مدرسة امريكيه .. ظريبة الغربه.. اعيالي كلش ماكووو عربي ميح..

ودي اسأل اللي في التكامل .. انا ملاحظه كل سنه تقريبا يرفعون الاسعار ما حاولوا اولياء الامور الاعتراض على هالشي؟؟

و هل في خصم للأخوان ؟

و اي حزه اقدر اسجلهم ؟؟ هل مثل الابداع الويتنق بو سينتين و لا القبول سهل؟؟

ياريت اللي عندها فكره اترد على و استفيد منكم :eh_s(6):
​

تردين بالسلامه ان شاءالله بس انا ودي انصحج انج تدخلين عيالج مدارس ثنائية اللغه لازم يتعلمون العربيه لانها لغة اهل الجنه والقران الكريم انا عيالي مداس ثنائية اللغه والحمد لله ماشين بالعربي والانجليزي وانت براحتج بس بغيت انصحج

 

[Oregon]

رد: ملتقي الامهات - مدارس خاصه

تردين بالسلامه ان شاءالله بس انا ودي انصحج انج تدخلين عيالج مدارس ثنائية اللغه لازم يتعلمون العربيه لانها لغة اهل الجنه والقران الكريم انا عيالي مداس ثنائية اللغه والحمد لله ماشين بالعربي والانجليزي وانت براحتج بس بغيت انصحج

صح .. بس مصيرهم بتعلمون العربي ان شاء الله

اعيالج اب اي مدرسة؟

 

[amt~alrhman]

السلام عليكم


انا ولدي مواليد شهر 2 يعني البيان مايقبلونه الصراحه وااايد ناس يمدحونها وضايق خلقي وايد
مناسبني المكان والكل يقول ان تأسيسها قوي مادري شسوي

 

[seller]

بنات ابي اعرف مجموع الدفع حق مدرسة بيان يعني من الروضه لي الثانوي جم ادفع ؟

 

[ام بنتها]

بنات شنو اسعار القطوف ؟؟ ومنو الاحس و الاقوى بالمستوى القطوف ولا فجر الصباح ؟

وشنو ارخص مدرسه خاصه ثنائيه سواء انجليزيه او امريكيه بس يكون مستواها زين مو متدني و سعرها مناسب و رخيص مو وايد غالي
ياليت تفيدوني واكون شاكره لكم

 

[In Geneva]

إشلونكم بنات

شسالفة مدرسة الرؤيا كل سنة زيادة رسوم آخرها للسنة الياية الورقة وصلتني لاعادة التسجيل للسنة القادمة هم زياديين ؟

لا وخصم الإخوان أول 10% ألحين بس 150 دينار يعني لو ولدج أو بنتج الثانية اللي تستحق الخصم بصف 8 ورسومها 2225 يطلع الخم أكثر من 150 دينار شفتو شلون حتى الخصم قللوه

وآنا مو شايفة إنه الاستاف تغير مثل مدرسات أمريكيات صج لا الاستاف مقبول

لكن لو متغير يستحق الزيادة هذي ثالث سنة فيها زيادة رسوم ورا بعض ليش

والغريب محد يتكلم يمكن لأنه بعضهم أو الاغلبية جهات العمل تدفع لعيالهم

مثل الدكاترة وغيره علشان جذي اهم ضامنين إذا زادو محد يعارض والمدفوعات ماشية الكل يدفع .

 

[سيدة الكويت]

بنات ابي اعرف مجموع الدفع حق مدرسة بيان يعني من الروضه لي الثانوي جم ادفع ؟

حبيبتى بحدود 37 الف للطالب

 

[d7awe]

قوه حبيباتي
الله يعطيكم الف عافيه وماقصرتو كفيتو وفيتوووو

بس عندي استفسار بسيط واتمنى تردون علي باسرع وقت

بنتي مواليد شهر 1 -2007 يعني هالاسبوع تكمل 3 سنوااات وانا ساكنه غرناطه
واللي ابي اعرفه شنو المدارس ثنائية اللغه القريبه مني ومنو اللي يستقبل بنتي وباي مرحله ومتى بسجلها وجم رسومهم؟؟؟؟

والله يعطيها الف عافيه اللي ترد علي ويوفقها ويسكنها الجنه ان شاء الله

 

[*loveli-noni*]

الله يجزاج خير..

 

[شواهد]

يعطيج العااااااااااااااااافيه يصونج الرحمن
صار لي فتره ادور
ولدي بسجله .؛( بس ابي مناطق قريبه مثال
الشويخ,,,,,,كيفان,,,خالديه,,,,,,شاميه...عداليه.....فيحها المهم تكون قريب ان شا الله اندلس وفردوس المهم تكون زينه
ممكن احد يسعدني ,يعطيكم العااااافيه
وكيك جزاج الله خير علي معلوماااااااااااااااااااااااااااااااات يصونج الرحمن

 

[شواهد]

صج انا بعد ولدي 27/1/2007
متي يكون تسجيل سؤالي نفس سؤال اخت
وابي مناطق قريب نفسها سبحان الله
ممكن مساعد يصونكم الرحمن

 

[زقرتية]

بناات منو عنده معلووووووومات عن مدرسه الغانم اب سلووووى

 

[ها حياتى]

انا وينى عن هالقسم تونى اكتشفه
المهم يا محفوظات السلامه انا بيتى بالاندلس واقرب مدرسه خاصه عندنا اهيا اجيال وطبعا عارفين اسعارها 1650 حق الروضه وزحمه وعفسه واغبره اذا رحتى تاخذين عيالج فياريت الى تعرف مدرسه خاصه قريبه يمنا اتقولى الله يجزاها خير
الابداع وين مكانها هذى ومتى يبدى التسجيل واذا تعرفون رقمها وجم رسوم اول سنه روضه انا سمعت فى مدارس بخيطان خاصه شنو احسن وحده فيهم وشكرا لكم

 

[miss_heathrow]

انا بعد نفس خواتي بنتي موليد شهر يناير 2007 راح يقبلون فيها الخاص ولا لا ؟؟؟؟

 

[افهمنى _ تملكنى]

بنات حبايبى ابى اسالكم انا بنتى بدسمان وبدخل ولدى سي دي سي حضانه اهما صفين واحد مدرسته كويتيه اسمها تهانى والثانيه سوريه شرايكم اى وحده اختار اذا امجربينهم قوليلى ابليز

 

[ام علاوي وعزوز]

ابي اعرف لو سمحتو شسم المدرسة الخاصة اللي مقابل بغرب الجليب ؟ ولو سمحتو موقعها او رقم التلفون

 

[اثمان]

السلام عليكم

اختبار القبول لثانيه ابتدائى فى مدرسه ثنائية اللغه

بشنو اختبارهم؟؟يعنى شنو يسئلونهم؟؟

 

[أم عاتكة]

السلام عليكم ورحمة الله وبركاته


اخواتي الأمهــــات


اردت ان استفسر عن كيفية طلب عمل في المدارس الخاصة في الكويت

حيث ان زوجي حاصل على تمهيدي مجستير علوم شرعية وهو امام مسجد.
وهو قريبا بإذن الله سيكون مقيما بالكويت

فهل اجد عندكن الجواب؟

اتمنى ان اراسل المدارس الخاصة التي تقبل به قبل ان يسافر

حتى يتيسر له امر البحث بإذن الله


والله في عون العبد مادام العبد في عون أخيــــــــــــه