ملتقى الأمهات - مدارس الخاص + فهرس المدارس الخاصهܓܨ@

[جوكليت بار]

رد: ملتقي الامهات - مدارس خاصه

جوكليت بار
اذا ماهديتيه ماراح يتعلم
خليه يبجي دمعتين
مايضره قوي قلبك شوي علشانه اهو
ترا يستعسر زود

صاجه دانسينق
وهذا اللي صار


انتي شخبار الشيخات مع الدراسه
قريت ون عدل؟

 

[Dancing^Queen]

رد: ملتقي الامهات - مدارس خاصه

يس يس يل جوكليت

قريد ون وشكلي بنقرد يالهو بالي
بنتي من اول يوم بصمتلي بالعشره علي الديسليكسيا
اول ماييت من دوامي ركضه بطلت الجناط
شفت الكلاس ورك وكميونيكشين بوك مالهم

بنتي كاتبه اسم مو اسمها
@@ قلت ها اخاف ورقه احد ثاني

ناديتها زفيتها شلون تاخذين ورقه غيرج؟ ماتنتبهين؟
قالتلي ماما هذا اسمي قريه!
هاو شلووووووون
جان تمسك الورقه وتقولي كا هذي احرف اسمي وتتهجاه لي
اثرااااااااااها كاتبته ابد بالمقلووووووووووووب لو تحطينه جدام منظره تقرينه صح !

يعني يافرحتي بنتي ديسليكسيا وزغرطي ياللي مانتيش غرمااااااااااااااااااااااااااااااااانه



وبالنسبه للروحه نفذت خطه الهجوم 4 -2-4
اي سنترت اللعب
خليت ابوهم يوديهم
يعني محد بجي ولاحد عفر ولا لا لا ماما لاتخلينا واحنا بناتج حرام عليج تقلينا ولا تمثيليات

وبعد لايني صارلي جم يوم اهيئيهم بتشوفون رببببببببببببعك مدرستكم ناطرتكم تحبكم اليوم دقت علي
ومن هالسوالف فمشت الامور


وبخصوص ولدج
صدقيني اهو اسبوع ويقولج يما لاتلزقيين لاتفشليني جدام اليهال

 

[رفرف]

رد: ملتقي الامهات - مدارس خاصه

شلونكم امهات ؟؟

انا بنتي بمدرسة التكامل ..
كانت عندهم في كيجي1 والحين اهيه في كيجي2 ..
ولي الحين وايد مرتاحة معاهم ..

العام كانو ابلاتها عسل واحسها استفادت بالانجلش والعربي مستواهم وايد زين وهم انشطتهم حلوة ويعلقون شغل اليهال ورسوماتهم بالممر بره اليهال يتشيحطون عند اهلهم حياتي ..

انا اشوف تعامل المدرسات ونفوسهم الحلوة كاااااااافي لأن بنتي تموت ع المدرسة يوم اليمعة ايضيق خلقها وتحب ابلاتها علشان جذيه لي عطوها هوموورك ودها تكتبه عدل وتسوي اي شي علشان تكسب الأبلة ..

يعطونهم هومووركات بس مو وايد ..

ومادري مابي اتكلم عن المستوى اكثر لأن بنتي توها كيجي2 فمادري مو مقياس ..

 

[ذراي]

رد: ملتقي الامهات - مدارس خاصه

مرحبا حبيباتتي
ابسؤلكم عدة اسئلة؟؟
شلون مدرسة اكاديمية الخليج البريطانية ابي اسجل عيالي فيها ؟؟
بنتي محولتها من مدرسة اجيال راح تكون السنه هذي gr 2 ثانية ابتدائي انشالله
وولدي ريسبشن وهذي مشكلتي كان يدرس العام في روضة حكوميه و مدرسة اجيال سوتله اختبار وما قبلوه محتاره كل ما ادق على مدرسه ما ألقى مكان للريسبشن وفيه مكان للg2 والعكس صحيح واكاديمية الخليج اهي الوحيده اللي لقيت عندها لعيالي كلهم بس خايفة من امتحان المستوى لولدي يمكن ما يقبلونه ؟

احد يفيدني فيه مدارس ثانية احصل قبول عندهم ؟؟؟
حدي متوهقه !!
الدوامات بدت وآنا ألفلف بهالمدارس وتلفونات شغاله ، الي تعرف شي تفيدني ومشكورين مقدما.

 

[frfr197]

رد: ملتقي الامهات - مدارس خاصه

السلام عليكم ........... انا بنتى كانت فى مسجلتها فى الاكاديميه الامريكيه من كى جى ليمن غريد 3 وبعدين فكرت انقلها الى المدرسه القريبه عند بيتى النى نزلت بيتى الجديد وفكرت فى القرب......نقلتها لمدرسه حكوميه تدرون شنو الى صدمنى فيها اكتشفت انها صفر فى اللغه العربيه.....تخيلوا صارلى سنة وانا اسس فيهاولحد اللحين يايبه مقبول بالعربى.الحمد الله محد ينكر ان اللغة عندها ممتازه بس العربى ميح .....سلامى لكم جميعا

 

[DooNy]

رد: ملتقي الامهات - مدارس خاصه

شلونكم مع الدوام يا أمهات؟

انا بصراحة حسيته قصير مايسوى ما يدميني أقطهم إلا رديت يبتهم

 

[جوكليت بار]

رد: ملتقي الامهات - مدارس خاصه

اييييي دوني مثلي آنا جذيه مايمديني آحذ لي غفوه الا آنا قاعده

 

[برونزية رشيقة]

رد: ملتقي الامهات - مدارس خاصه

قطوة1


حبيبتي هذا بس دوام رمضان اتوقع
رمضان دوامه خفيف مايطلوون باليهال حرام


همممممممممممم

احنا بمدرسه عيالي دوامنا من الثمان ونص لين الوحده بس عادي تاخذينهم من ال12 ونص

والحين راحو اولي ابتدائي صار برمضان من الساعه 9 الا ربع لين الساعه 1

بالايام العاديه مادري شلون دوامهم

انزين انتي قبل لاتدخلين وليدج الله يحفظه مافتريتي علي المددارس؟
ماسئلتي عن المدرسه؟
ماقتنعتي فيها؟

وترا اذا سحبتيه ماتنردلج فلوسج حبيبتي



ام بدر
الله يفرحج بولدج معرس ان شاءالله

والله مادري شقولج ؟؟؟؟ قلبي مقبوض من هالمدرسة مادري ليش ؟ مع إن معاملتهم حلوة وكلشي مرتب .... بس مادري اشفيني متخوفة وااااااااااااااايد خاصة إن المدرسة مو ثنائية ... أخاف أرده الحكومة مثلا إذا ما فلح وأكلها باجر !!!

إنزين دانسينغ كوين ممكن تعطيني أسامي المدارس ثنائية اللغة بالكويت ؟ لأني بفتر وبحجز له مقعد حق ريسيبشن عندهم !!! حق السنة الياية !!!![/COLOR][/I][/B]

 

[جوكليت بار]

رد: ملتقي الامهات - مدارس خاصه

قطوة1 برد نيابة عن كوين بعد اذنها طبعآ

عندج البيان ثنائية اللغه ( 2632850 )
الأمريكيه ثنائية اللغه (4750333 )
الحياة ثنائية اللغه (5750825 )
أجيال ثنائية اللغه
الرؤيه ثنائية اللغه

ويفتحون باب التسجيل شهر2

موفقه

 

[برونزية رشيقة]

رد: ملتقي الامهات - مدارس خاصه

قطوة1 برد نيابة عن كوين بعد اذنها طبعآ

عندج البيان ثنائية اللغه ( 2632850 )
الأمريكيه ثنائية اللغه (4750333 )
الحياة ثنائية اللغه (5750825 )
أجيال ثنائية اللغه
الرؤيه ثنائية اللغه

ويفتحون باب التسجيل شهر2

موفقه

مشكووووورة الله لا يحرمني منكم ومن منتدانا الغالي :tek:

 

[قمر الليالي]

رد: ملتقي الامهات - مدارس خاصه

السلام عليكم
بنات ابى مساعدتكم معاي ولدي نقلته من اولى ابتدائي حكومه الى مدرسة اكسفورد الباكستانيه الانجليزيه
المهم شفت الكتب شاب شعر راسي اشلون ولدي راح يتعلم الرياضيات والعلوم والاجتماعيات والانجليزي باللغه الانجليزيه
المدرسه باكستانيه ماتتكلم عربى كلش موقادره اتفاهم معاها
ابي مساعدتكم اشلون ادرسه
مع العلم ان ولدي عنيييييييييييد حيييييييييييييييل

 

[برونزية رشيقة]

رد: ملتقي الامهات - مدارس خاصه

أبي أرقام مدرسة التكامل ضروري جدا جدا جدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام رناد]

رد: ملتقي الامهات - مدارس خاصه

أرقام مدرسة التكامل للاخت قطوه 1
5528139/5528145/5528175

 

[keeka]

رد: ملتقي الامهات - مدارس خاصه

شلونكم امهات شخباركم ويا المدارس والحوسه انا عيالي بكيمبردج سكول حولي واحد غريد 3 والعود اسم الله عليه غريد 6
الحمدلله المدرسه وايد مرتاحه عليها من بعد ما غيرو الاداره صارت وايد احسن المدرسين فيها اغلبهم من ساوث افريكا ووايد زينيين ومتفهمين

 

[Dancing^Queen]

رد: ملتقي الامهات - مدارس خاصه

قمر الليالي

نصيحه اذا ولدج يعاند بالدراسه
لاتدرسينه انتي
خلي اختج
اخوج
ريلج (لاحظو صفيته اخر واحد لاني ادري بالكويتين لوووول)
يساعدج
قوليله سو عمرك تدرس وانا يمك واساعد لان مني انا دايركت مايتقبل امر ويعاند
هذي من ناحيه الدراسه
من ناحيه تخاطبج ويا المدرسه المفروض يا حبيبتي لما تختارين تكونين انتي متهئيه للتعامل
ترا المدارس الاجنبيه ممنوع اصلا علي مدريسنها يتكلمون عربي حتا لو اهم عرب ولو شافهم الوكيل او الناظر او مسئول المرحله يتعاقبون
حتا مع الاهالي مو اليهال
وهالحجي قالولي اياه ابلات عيالي
وببعدين شلون تدرسينه انجليزي وانتي ماتعرفين ! المفروض تكونين متتهئيه لهالشي يعني ماخذه دوره
مستعده
انزين احد من اهلج مايقدر يساعدج؟

 

[Dancing^Queen]

رد: ملتقي الامهات - مدارس خاصه

وي كيييييييكه
حتا انتو وصلكم الطوفان ؟

حتا احنا مدريسينا ساووث افريكان
كلهم قلبو
!!!!
الصراحه تمام مع اليهال
بس العيب يكون بالياهل اكسنت جنه بريتش

 

[برونزية رشيقة]

رد: ملتقي الامهات - مدارس خاصه

السلام عليكم ...شلونكم ؟ شخباركم حبيبات قلبي !
وشلون التدريس وياكم ؟ وشلون استيعاب اليهال برمضان ؟؟؟؟
وشلون نومتهم والله انا مشكلتي هالأيام مع ولدي إني أسهر برمضان والحلو يبي يسهر معاي وبالغصب انومه كل ليلة ... هواش ومعارك هههههههههه يلله يرضى ينام الكتكوت الله يخليه يارب ...
مشرفتنا دانسينغ كوين فاقدتج حبيبتي ...تعودت على رسايلج ونصايحج يا قلبي ... حبيبتي لا تنسين أبي رقم الأخصائي ضروري .....حق ولدي خل ألحق عليه

 

[رفرف]

رد: ملتقي الامهات - مدارس خاصه

كوين ..

شكو ديسلكسيا ؟؟؟
حتى بنتي تكتب اسمها بالمقلوب ..
لا يكووووووون ام الكيرلي ؟ تطلع المشكلة بالاسم يختي مو فيها خخخخ
هذا حياتي لأنهم ياخذون العربي والانغلش يميع فيقلب مخهم خخخ ..
ماعليج دليل ذكاء يختي ..
كلنا كنا نكتب اسامينا بالمقلوب انا واخواني 2 كانا ماشالله مافينا الا العافية ونييب غريدات عالية بالآي كيو تست..
لا تعقدين البنية .. بس عيدي وزيدي .. عربي من اليمييين .. انجلش من اليساااار ..

 

[مغروره بس معذوره]

رد: ملتقي الامهات - مدارس خاصه

السلام
انا اخوي في الاكاديميه العربيه الامريكيه ثنائية اللغه اوكي منو عندها مدرس او مدرسه اتيي للبيت وادرسه كل المواد بس تكون زينه يعني مو اي كلام
اخوي في 3 ابتدائي

بليييييز اللي اتعرف مدرس او مدرسه ادزلي عالخاص

 

[الاسطورة]

رد: ملتقي الامهات - مدارس خاصه

والله انا ولدي كي جي 1
ودخلته الغانم ثنائيه اللغه
وبصراحه ليلحين احسها تمام
بس المشكله اني ما اعرف ادرس
وحدي متوهقه
ياريت احد يساعدني ويعلمني