ملتقى الأمهات - مدارس الخاص + فهرس المدارس الخاصهܓܨ@

[Miss_Tiger79]

رد: ملتقي الامهات - مدارس خاصه

ها رفرف ومنرة بشرو عن ريبورت اليوم
تصدقين انا ولدي يا منارة مثل ولدج واكثر اسمالله عليه والحين تقول التيشر اني اكثر واحد اعتمد عليه بالصف والحمدلله بس يبيله براكتس بالكتابة لاني اشوف كتابته الكلمة ربع الصفحه تقريبا ههههه
واليوم كاتبتلي حجي زين
بس الثاني بكي جي 1 تقول زين وايد بس يسولف بالصف وايد ويسرح ويبيله براكتس بالكتابه اكثر

 

[manarah]

رد: ملتقي الامهات - مدارس خاصه

لا والله مس تايقر احنا كقصه ياخذها البيت ويقراها هذا ليلحين ما وصلني شي وما أدري والله اذا بالصف يقرون قصص والا لا بس اتوقع ايه لكن ليلحين ما تأكدت من التيشر عن هالشي .. والورقه اللي فيها كلمات وايد من 3 احرف هذي ليلحين ما وصلتني ويمكن تكون موجوده بهوم وورك اليوم بس عاد ولدي لان باله وايد للدراسه ناسي الفولدر بكبره في بيت اخوي لأن اخوي اهو اللي اييبه من المدرسه مع ولده انا ماقدر اطلع من دوامي ومادري اذا الورقه موجوده وياهم والا لا ... الريبورت الله يسلمج يعني زوين بالنسبه لي اثنينهم العربي والانجليزي اجمعوا انه يحتاج للتركيز معاهم انا ادري بولدي يلهى بأشياء ثانيه ويحتاج براكتس اكثر بالقراءه ... ايه والارقام بعد بالانجليزي انا ادري انه مرات يعكسهم بالكتابه ياربي شيسوون صار عندهم لبس بالموضوع ما بين العربي والانجليزي .... والله يعينا انشالله

 

[رفرف]

رد: ملتقي الامهات - مدارس خاصه

هلا بنات .. شلونكم ؟؟

لا منارة ليلحين ماعطوهم قصص بس في اليوم جنه قصة صغيرة بالفولدر بو 3 او 4 صفحات فيها كلمات بسيطة ما ثبت عدل لأن الفولدر متروس اليوم هوموورك عربي وانجلش واوراق ..
والاوراق حتى البراكتس انا اسلمهم كلهم ..

وريبورت بنتي تمام كله اوكي ماعدا الأرت سكيلز مثل ما قلت لكم بس هذا اللي عليه نوتس .. كل الباجي تمام الحمدلله ..
اي وموضوع التركيز بالصف لأن بنتي تسرح وايد وكل هذا قالتلي اياه التيجر من قبل ..

مناره ولدج كان في صف مس ايرما العام ؟ kg1e ؟؟ اذا جذيه يعني حتى العام بصف بنتي
عفيه منو ولدج لان في واحد ذابحتني فيه كل السوالف عنه وتقولي اهوه ماي كوزن شكو مادري .. مادري من وين اتييب لها كوزنات

 

[Miss_Tiger79]

رد: ملتقي الامهات - مدارس خاصه

يالله زين اشوة
الحمدلله يعني النتيجه زينة ليلحين لانه توه اول ريبورت
والقصه الي دزوها اليوم رفرف قصه اوراقها بس 4 دزوها اليوم
بس القصه الي يدزونها البيت تكون قصه ومعاها دفتر تكتب فيه اسم القصه والتاريخ وتقييمها عقب يومين من ياخذ القصه الياهل

الله يوفق عيالنا انشالله
ونسولف عنهم متخرجين من الثانويه

تعالو صج بتكملون بالتكامل حق الالمنتري سكول
انا انشالله بكمل معاهم

 

[ورده بنفسجيه]

رد: ملتقي الامهات - مدارس خاصه

انا عيالي بالاكسفورد واحد بالعاشر والثاني بالتاسع بس لايعه حبدي من المدرسه حده ما في اهتمام الا تروحين تنطرينهم مثل بو الحصاني بالهده

اذا سألتي زين ما سألتيما لهم شغل الا بالاجنماع

ودي انقلهم بس تصدقون كل المدارس ما قبلتهملانهم من اكسفورد ويقلون لان تدرسهم ضعيف ما نعترف فيها

شل الحل وياريت اللي تعرف مدرس تدليني عليه والله ان حدي محتره

 

[*نور الكويت*]

رد: ملتقي الامهات - مدارس خاصه

انا عيالي بالاكسفورد واحد بالعاشر والثاني بالتاسع بس لايعه حبدي من المدرسه حده ما في اهتمام الا تروحين تنطرينهم مثل بو الحصاني بالهده

اذا سألتي زين ما سألتيما لهم شغل الا بالاجنماع

ودي انقلهم بس تصدقون كل المدارس ما قبلتهملانهم من اكسفورد ويقلون لان تدرسهم ضعيف ما نعترف فيها

شل الحل وياريت اللي تعرف مدرس تدليني عليه والله ان حدي محتره

وي الله يعينج ,
عيالج اي مرحله فيها ؟
المدارس تفتح باب التسجيل شهر2
عندج الأمريكية الدولية ممتاااااازة وقوية

 

[رفرف]

رد: ملتقي الامهات - مدارس خاصه

تايقر انشالله ناوية اكمل لين تخلص ثنوي اذا الامور كلها اوكي مستبعد اني اوديها حكومة والله يقدرنا ومانقصر معاهم يارب

 

[manarah]

رد: ملتقي الامهات - مدارس خاصه

هلا رفرف انا ولدي العام كان بصف مس نييللي وصفهم كان قبال صف بنتج واسمه الله يسلمج عبدالعزيز وعلى فكره ترى شفت ابنيتج الله يسلمها ويخليها لج اتهبل ماشالله ملح الدنيا لأن توني مستلمه صور القرقيعان وكنت طالبه الصوره الجماعيه وقعد يعدد لي اسامي اليهال كلهم فعرفتها ... بالنسبه للتكمله بالمرسه والله انا ليلحين يعني تقدرين تقولين 80% راح يكون فيها بس محتاره .. انا ودي أأسسه فيها بس اخاف بعدين ظروفي ما تسمحلي انه يكمل فيها يعني اسم الله عليه اهو واخوانه ما أدري اذا الميزانيه راح تسمح والا لأ .. بس انشالله على قريد 1 يكون فيها وهم اخته بتكون السنه الياي بكي جي 1 انشالله فيها والله كريم وأقدر اخليهم يكملون فيها .

 

[رفرف]

رد: ملتقي الامهات - مدارس خاصه

والنعم بعزوز وامه ..

شلونها صورة بنتي حلوة ؟
انا ماخذيت الصور السنة .. لأن العام صور بنتي كانت تعييييييييسه كل الضحكات غصب ومغمضة عيونها ولا صورة عدلة فما خذيتهم هالمرة ..

الله يقدرنا على مصاريف المدارس تقص الظهر ..

 

[manarah]

رد: ملتقي الامهات - مدارس خاصه

ايه والله صورتها ماشالله اتهبل تضحك واشزينها انا خذيت 3 صور جماعيه وحده منهم مع مدرساتهم وثنتين لا اليهال بروحهم .. شسوي اموت على شي اسمه صور واهم شي عندي الصور وضاق خلقي لأن ماكنت لاقيه حق ولدي اي صوره بروحه بس قلت اوكي لاني انا مصورته بروحه بصفه بلبس القرقيعان ... وبالنسبه لمصاريف المدراس الله يعينا انشالله يعني انا صج اقول حرام اني اوديه حكومه لأن احس انه بيمحون اي معلومات عنده من قبل وهم حرام ان باولى ابتدائي ما يتأسس عدل وهم ترى المدارس الخاصه اسلوبهم بالتدريس يفرق وفيه وناسه للياهل مع ان المعلومات قويه وهم ضغط وما يقارن مع الوضع بالحكومه بس احسن للياهل جذي

 

[Miss_Tiger79]

رد: ملتقي الامهات - مدارس خاصه

اي انا انشالله ابيهم يكملون
الحين عندي كي جي 1 و2 وانشالله بدخل بنتي مع اخوانها

ومنارة ذكرتيني على صور القرقيعان
ليلحين ما خذيتهم ناسيتهم كلش

 

[عسل هانم]

رد: ملتقي الامهات - مدارس خاصه

مشكورين عالموضوع يا بنات


وبغيت أسألكم سامعين عن مدرسة الخرافي اذا ماني غلطانه بخيطان

 

[Miss_Tiger79]

رد: ملتقي الامهات - مدارس خاصه

لا ما سمعت عنها

 

[on line]

رد: ملتقي الامهات - مدارس خاصه

يعطيج العافيهعلي الموضوع المفيد

 

[ثلاثينية]

رد: ملتقي الامهات - مدارس خاصه

السلام عليكم

بالنسبه لي .... خرجت الولد والبنت من الاكاديميه الانجليزيه واهي مدرسه روعه
وعندي بنت بyear 10 وذي اخر سنه لها بالمدرسه ... وان شاء الله تتخرج وتلحق اخوانها
وادارتهم ومدرسينهم روعه... ارتحت لهم حيل

 

[Dancing^Queen]

ܓܨܓܨفهرس المدارس الخاصهܓܨܓܨܓ

:edbf4317b9:

حيبياتي الامهات هالموضوع الهدف منه ان يكون مرجع لنا لسايتات المدارس الخاصه
استكمالا للموضوع السابق
http://www.q8yat.net/showthread.php?t=5869

اللي عندها سايت اي مدرسه خاصه ياليت تحطه لنا

علشان تعم المنفعه والفايده للكل
اي وحده تبي اي معلومه عن المدرسه مجرد انها تدش هالموضوع وتدور اسم المدرسه وكليك

American School of Kuwait
http://www.ask.edu.kw/Home/home.htm

THE ENGLISH SCHOOL FAHAHEEL
http://www.skee.com/index.htm

The American International School
http://www.aiskuwait.org

New English School
http://www.neskt.com

The British School Of Kuwait
http://www.bsk.edu.kw

A'Takamul, Kuwait
http://www.atakamul.edu.kw

Al-Bayan School
http://www.bbs.edu.kw

مدرسة النجاة النموذجية
http://www.alnajat.net

Universal American School
http://www.uas.edu.kw

Kuwait National English School
http://www.knes.edu.kw/index.htm

The English School
http://www.tes.edu.kw/


KUWAIT INTERNATIONAL ENGLISH SCHOOL
http://www.kies.edu.kw/

Rawd Al Saleheen مدرسه روض الصالحين ثنائيه اللغه
http://rawd-edu.com/arabic

Fawzia Sultan International School مدرسه فوزيه السلطان الخاصه للاحتياجات الخاصه
http://www.fsis.edu.kw

مدرسه الرؤية ثنائيه اللغه
http://www.alruyaschool.org

The American Creativity Academy (اكاديميه الابداع الامريكيه)
http://www.aca.edu.kw

the Dasman Model School (دسمان)
http://www.dasmanschool.com.kw

Gulf British Academy
http://www.gulfbritishacademy.com

Future Bilingual School مدرسه المستقبل ثنائيه اللغه
http://www.fbskuwait.com

American Bilingual School
http://www.americanbilingual.com


Al-Ma'alee Bilingual School مدرسه المعالي ثنائيه اللغه
http://www.almaalee.edu.kw/missionstatement.htm

مدرسه الخليفه للاحتياجات الخاصه
http://www.khalifaschool.com/

Gulf International School
http://www.gis-kuwait.com/mission.html
الله يوفق عيالنا ان شاءالله قولو امين

يالله ياحلوين اي وحده عندها سايت لاتصير بخيله وتشاركنا بمرجعنا
واي معلومه حياها الله

 

[تم مشاري]

رد: ملتقي الامهات - مدارس خاصه

السلام عليكم
الله يعافيك ثلاثينية انا عندسنة ريسيبشن وقريد 2 انشاء الله السنة الياية ابي اسعار الكاديمية الانجليزية ورايك فيها لاني بنقل بناتي من مدرستهم السة الياية وراح اسجلهم من شهر 2 وابي مدرسة قوبة انا عن نفسي مفكرة الكويت الانجليزية بس ابي اشوف الاكاديمية اذا زين واسعارها معقولة احولهم لانه ابي كذا مكان لانه مااضمن يقبلونهم

 

[ثلاثينية]

رد: ملتقي الامهات - مدارس خاصه

بالنسبه لمدرسه اعيالي انا نفسيا مرتاحه لانهم من الرسبشن او بالاحري من اول ما افتتحت المدرسه على قوله الاداره انا من مؤسسي المدرسه
واعرف شخصيا كذا ولي امر فكر انه يغير المدرسه وبالنهايه غير رايه
وانا عن تجربه غيرت مدرستهم لما كانوا ب year 5 وحطيتهم بالدوليه اللي بميدان حولي وهذي يم مدرسه الجميل
وبصراحه لاعت جبدي درجات عيالي تدنت حييل ولما رجعتهم للاكاديميه والله بطلعه الروح لانه الاولويه للطلبه الموجودين فيها بس لم اعرفوا
انهم موجودين من زمان ردوهم .... والحمدلله خرجت 2 وباقي اخر وحده وان شا الله تتخرج شهر 5
وانا دزيت لج رقم المدرسه على الخاص واذا بغيتي شي انا بالخدمه

 

[تم مشاري]

رد: ملتقي الامهات - مدارس خاصه

السلام عليكم
حبيبتي ثلاثينية والله شوقتيني للمدرسة المدرسة وين مكانها وفي زحمة يمها وبالنسبة للمدرسة المبنى قديم والا جديد ااسفة للاطالة بس والله ماني عارفة وين اوديهم مدرسة الكويت الانجليزية gread 22475 والله وايد بس شسوي ابي مدرسة قوية وزينة واذا مدرستكم زينة اروح اسجلهم من شهر واحد
انا دقيت عليهم وخذيت السايت مالهم وشفته بس مترددة
زمشكورة حبيبتي وااسفة للاطالة

 

[F.A]

رد: كشف بأسماء و أرقام جميع المدارس الخاصة بالكويت

موضوع وايد فادني
قواكم الله