ملتقى الأمهات - مدارس الخاص + فهرس المدارس الخاصهܓܨ@

[أوراد3]

رد: ملتقي الامهات - مدارس خاصه

بنات شرايكم بمدرسة دسمان النموذجية؟
إلي عندها عيال بالمدرسة تقولي عن مستواها بالإبتدائي المتوسط
ومشكورين

 

[أوراد3]

رد: ملتقي الامهات - مدارس خاصه

آنا ولدي بدسمان بس بالروضة أحس ان تعليمهم زين وولدي وايد استفاد
بس حاطة إيدي على فلبي ودي اكمل معاه بالإبتدائي بنفس المدرسة
ما ودي أوديه حكومة لأن تأسس عدل عندهم

 

[رفرف]

رد: ملتقي الامهات - مدارس خاصه

امهات التكامل رحتو الاجتماع اليوم ؟؟

 

[كـلا كـلا]

رد: ملتقي الامهات - مدارس خاصه

BBstyle
درسة الخرافي تقصدين اي بي اس بس صاحبتها بنت فايزة الخرافي ههههههه

ولدي بكي جي 1
مدرسة عادية واوكي لي حد الان

 

[manarah]

رد: ملتقي الامهات - مدارس خاصه

ايه رفرف انا رحت .. والحمدلله طمنوني عن مستواه بس مازال المطلوب منه انه ما يلهى باشياء ثانيه اثناء ما المدرسه تشرح .. انتي اشلون بنتج ؟

 

[Miss_Tiger79]

رد: ملتقي الامهات - مدارس خاصه

اي رحت اليوم

والحمدلله طمنوني
وقالتلي ابله عبود انه ما يسمع كلامها

بس وهابي قالتلي ابلته انه يحتاج انكم تتكلمون معاه اكثر انجليزي وانه يلهى بالصف مع اليهال

منارة زين اشوة انتي كلميه انه يحط باله على الشرح

ورفرف بشري اشصار على صبوية

 

[رفرف]

رد: ملتقي الامهات - مدارس خاصه

صبوية تمام المس مستانسة منها بس ما تحب تلون عموما واي شي فيه تلوين تسويه ع السريع بدن اهتمام يعني مشكلتها بل art بس طبعا والسرحان ..

واي ياحلوها ابلتهم تقولي اهيه تحب الميكب وجذيه صح ؟ لأن كلما يشتغلون بالغليتر تحطه بويهها وشعرها ..
قلتلها ايه .. جان تقول عيل اذا ماعندج مانع بشتريلها صبغ اظافر وغليتر وشغلات جذيه اشجعها فيهم علشان تحب الرسم اكثر
واي عسل هالابلة

 

[manarah]

رد: ملتقي الامهات - مدارس خاصه

ايه والله عسل ومسكينه تحسينها تعطي من قلبها .. وسألتوا ابلات العربي والا لا ؟ انا قالتلي مزاجي لو عاوز يكتب حيكتب لو مش عاوز خلااااص .. صج عنيد هالولد .. بس تدرون احس مشكله الابلات ان عدد اليهال وايد بالصف يعي 25 او 26 ياهل مو شويه عشان المدرسه تقدر تركز على كل واحد فيهم يعني ابله العربي تقوللي انهم ما يقدرون يسمعون الايات لكل طفل لان عدد اليهال وايد .

 

[رفرف]

رد: ملتقي الامهات - مدارس خاصه

مناره لا ماكلمت ابلة العربي

 

[Miss_Tiger79]

رد: ملتقي الامهات - مدارس خاصه

هلا امهات التكامل
اي زين اشوه رفرف اطمنتي على صبوية

وليش ما كلمتي ابلة العربي عاد كانو بالمسرح كلهم

والعربي اشوة قالولي انهم زينين بس العود تبيه يركز اكثر

 

[OM RITAJ]

رد: ملتقي الامهات - مدارس خاصه

هاااي بنات

انا عيالي من الحضانة بالابداع مستواها ممتاز من ناحية المدرسات و الستاف و قوية بالاسلام بس قالوا ان مدرسة الاولاد التدريس فيها مو قوي فمحتارة اخلي ولدي بالابتدائي عندهم او لا و الحين ولدي بروح ثاني روضة يعني عالسنة الياية بقرر

حبيبتي بغيت اسألج عن مكان الابداع وين صايرة؟

 

[وحيدي]

رد: ملتقي الامهات - مدارس خاصه

السلام عليكم
اللي عندها فكرة عن أفضل المدارس الباكستانية في محافظة الفروانية . تجاوبني ؟ ولدي في الصف الثامن( الباكستانية الأحمدي ) راح ننتقل
للمنطقة في الصيف فحابة أعرف عنها أي شيء . شلون المستوي الاكاديمي ؟متي يبدأ التسجيل ؟وكم أسعارهم ؟وشلون العطل مع الحكومة وإلا
لا؟

 

[* LOVE STORY *]

رد: ملتقي الامهات - مدارس خاصه

السلام عليكم
اللي عندها فكرة عن أفضل المدارس الباكستانية في محافظة الفروانية . تجاوبني ؟ ولدي في الصف الثامن( الباكستانية الأحمدي ) راح ننتقل
للمنطقة في الصيف فحابة أعرف عنها أي شيء . شلون المستوي الاكاديمي ؟متي يبدأ التسجيل ؟وكم أسعارهم ؟وشلون العطل مع الحكومة وإلا
لا؟

في وحده بجليب الشيوخ اللي سمعته عنها انها قويه وااايد
وانتي سألي مدرسته شنو يرشحون لج

 

[miss fabulosity]

رد: ملتقي الامهات - مدارس خاصه

يامهات فيدونى انا بنتى راح اتكمل انشاء الله 28 -10 -2009 3 سنين يعنى يقبلونها حضانه بالخاصه صح

بغيت اعرف بالله انا شسوى وبعمرى اذا دفعت العربون وبنتى للحين ماقطت البامبرز انا قايله على شهر 3 الياى بعلمها بس ماتعلمت تقدر ادش حضانه المدارس الخاصه
التكامل
الابداع
دسمان
البريطانيه للبنات

احترت والله ساعدونى :0bee2e8d89:

 

[أوراد3]

رد: ملتقي الامهات - مدارس خاصه

وسومة إذا بنتج ما قطت البامبرز ماراح يقبلونها (بمدرسة دسمان)
لأن من شروطهم إن الولد مايلبس البامبرزبصف الحضانة هذا من ضمن الشروط إلىي توقعين عليها بالتسجيل
آنا صار جذي معاي بولدي ما سجلته بالحضانة إلا لما قط البامبرز

 

[ReeMaN]

رد: ملتقي الامهات - مدارس خاصه

اختى وسومه ولدي كان بحضانة الشامية تابعه حق مدرسة الابداع كان شرط القبول فيها ان مايلبس حفاضه وكان توووه قاط الحفاضه والحمدلله انقبل :>

 

[DooNy]

رد: ملتقي الامهات - مدارس خاصه

ReeMan
شلون نظام التسجيل عندهم كورسات ولا سنوي؟
يعني هل كل 3 شهور ولا لازم سنوي انا ودي ادخل بنتي متحسفه ليش ما دخلتها مع اخوانها بالمدرسه ما فطنت الا لما تسكر التسجيل ويوم رحت قالولي جدامج 60 ويتنق لست

 

[حلم الطفولة]

رد: ملتقي الامهات - مدارس خاصه

دوني شوفي بعد : حضانة مرتقى و حضانة ريبورن نظام أمريكي وانجليزي ..
بس اللي أعرفه ريبورن تنمية مهارات اجتماعيه وموتور سكيلز وأحرف وأرقام .. مو قرايه وكتابه جمل وكلمات مثل البري كيه .

 

[وحيدي]

رد: ملتقي الامهات - مدارس خاصه

في وحده بجليب الشيوخ اللي سمعته عنها انها قويه وااايد
وانتي سألي مدرسته شنو يرشحون لج

مشكورة حبيبتي صح راح أسئل المدرسة .

 

[Dancing^Queen]

رد: ملتقي الامهات - مدارس خاصه

السلام عليكم جميعا يا امهات

شالاخبار
شلونكم مع الدراسه والتدريس
الصراحه انا زعت العافيه
وهالاسبوع عيالي معاقبين ومحبوسين بالبيت
لايطلعون ولايروحون
وساحبه منهم العابهم وسكوتراتهم وكل شي
لان السنعات مالهم خلق يكتبون بالاملاء فماكتبو وخذو صفر