ملتقى الأمهات - مدارس الخاص + فهرس المدارس الخاصهܓܨ@

[الصابرة المحتسبة]

رد: ܓܨܓܨفهرس المدارس الخاصهܓܨܓܨܓ

يعطيج العافيه وفي ميزان أعمالج

 

[^توجان^]

رد: ملتقي الامهات - مدارس خاصه

العنود 2 يعطيج العافية مدرسة المستقبل خلط ولا البنات منفصلين عن الاولاد

انا بناتي برابع ابتدائي وخامس ابتدائي مدارس الحكومة ابي انقلهم ثنائية اللغة المستقبل مكن يقبلونهم ولا لا ياليت تفيديني اذا عندج فكرة او اي احد يدري يقدر يفيدني في الموضوع وجزاكم الله خير

قصدج المستقبل ثنائية اللغة الفحيحيل؟اذا اهيا انا اللي اعرفه انها للسادس بس يعني بيقعدون سنة وتردين تنقلينهم حرام.البنات منفصلين عن الاولاد فيها.

 

[السيدة الاولى]

رد: ملتقي الامهات - مدارس خاصه

مشكورة توجان على اهتمامج زين وين اقدر اوديهم اي مدرسة خاصة ممكن تقبلهم؟

 

[New Mum]

رد: ملتقي الامهات - مدارس خاصه

مناره الله يبشرج بالخير والله فرحتيني من الصبح
إنشاء الله تكون خوش مدرسه

 

[برونزية رشيقة]

رد: ملتقي الامهات - مدارس خاصه

صبااااااااااااااح الخير بنات .. شلونكم ؟؟؟؟؟

رفرف : شلون صبوية ألحين ؟

 

[رفرف]

رد: ملتقي الامهات - مدارس خاصه

شلونكم بنات ؟؟


انا توني امس رديت من السفر ..
وبنتي ماحلت الهوموورك ماقدرو عليها خواتي
نحله اليوم انشالله ..

ومشكورين بنات على سؤالكم خاصة قطوة ماااقصرتي ..
الحمدلله اهيه الحين احسن وكلشي تمام بس مكملة على المضاد لازم 10 ايام ..
والسمع هو يبيلها شوية ما تسمع عدل عدل ..

 

[raspberry]

رد: ملتقي الامهات - مدارس خاصه

السلام عليكم
أنا توني يديدة مسجلة عندكم والسبب الصراحة أبي أعرف إذا سامعين بالأكاديمية الأمريكية العربية بحولي قبل كان اسمها انجلو أكاديمي اذا كانت زينة ولا لأ .؟. اهيه منهجها هاركورت نفس منهج الدانه حسب ما قريت عندكم
وشكرا

 

[raspberry]

رد: ملتقي الامهات - مدارس خاصه

مرحبا.....
أنا عيالي الحين بمدرسة الغانم الثنائية
بنتي الكبيرة اسم الله عليها دخلتها حضانة من كان عمرها سنة و3 شهور حبيبتي كانت توها تمشي وحضانتها كانت تهبل بس حسافة سكروها اسمها رينبو بسلوى - ظلت عندهم سنتين بعدين تسكرت وبعدين وديتها بلاي قروب هم حضانة اول السنة كانت وايد عاجبتني والصراحة بنتي تعلمت وايد اشياء منهم وكنت ناوية اخليها الروضة عندهم بس معاملتهم مع الاهل زفت وحاطين كله فلبينيات بالاستقبال وما يعطونج ويه
وبعدين يوم راحت كي جي ون وديتها الغانم واهيا للحين فيها ويوم الخميس اللي طاف كانت حفلة تخرجها من قريد 5 بس حسافة السنة الياية راح اوديها حكومة وقلبي معورني عليها

وولدي اسم الله عليه دخل حضانة بس شهر يوم كان عمرة 3 سنين واهي حضانة دار الفرح وكان كل يوم يبجي وما استانس فيها وما كملت لان وقتها كانت خدامتي وايد زينة فخليته بالبيت عند الخدامة واولى روضة دخلته المدرسة الذكية وكانت غلطت عمري لانها تلوع الجبد بس ولدي كان وايد مستانس ويحب ابلاته وبعدين كي جي تو دخلته الغانم مع اخته واهو للحين فيها وانشاالله السنة الياية يروح جريد 3

واي استفسار عن الغانم انا حاضرة

لو سمحتي بس انا ماعرف اشلون طريقة المشاركة أنا أبي أعرف عن الأكاديمية الأمريكية العربية الي بحولي شارع قتيبة

 

[Miss_Tiger79]

رد: ملتقي الامهات - مدارس خاصه

رفرف
الحمدلله على السلامه

روسبري
والله ما ادري عنها

 

[manarah]

رد: ملتقي الامهات - مدارس خاصه

الحمدلله على سلامتج رفرف .....امهات التكامل استلمتوا صور اعيالكم والا بعد ... رفرف اليهال امبدعين بصورة الفني فيس وحتى مس فرح وياهم بعد اشكالهم صج اتونس وصبويه اتهبل ماشالله ..

 

[رفرف]

رد: ملتقي الامهات - مدارس خاصه

مناره ..

اي استلمت الصور بنتي عافسة شعرها مادري ليش ومبينه متبتبة مع انها عصلة خخخخ وايد ملبسينها هدوم ..
والصورة الشخصية ضاحكة ضحكة ملييييييييقة وحلجها عوي بس الصور الجماعية حلوة ..

 

[Miss_Tiger79]

رد: ملتقي الامهات - مدارس خاصه

اي والله استلمنا الصور

والمشكله انه ولدي الصغير قاعد بغرفته والا قصص كل صوره

فطلبت صور ثانيه

 

[jolie_q8]

رد: ملتقي الامهات - مدارس خاصه

هاللوووو أمهات شلونكم وشخباركم

مع الكورس الثاني والجو المغبر

انا استلمت الصور يونسون طبعا ابتسامه ولدي عويه

بس أوكي

 

[bambena]

رد: سايتات المدارس الخاصة في الكويت

شكرا موضوع وايد مفيد

 

[رفرف]

رد: ملتقي الامهات - مدارس خاصه

وي تايقر حسااافة
واي على سوالفهم اليهال مره صبوية سوت نفس السالفة تونا رادين من فوتوكينا ومصورتهم ب100 دينار وقصصتهم بالمقص صغااار صغاااار بغيت اذبحها ..

 

[bambena]

رد: ملتقي الامهات - مدارس خاصه

واي خلاص لازم اواجه سنه الحياه عبود بيدش الروضه

حطيته ويتينغ بالتكامل

وبروح اشوف الابداع واكاديميه الخليج البريطانيه واي بي اس

اشوه حضانته دربوهم عدل لاختبارات المدارس


والله يسهل

 

[جوري99]

رد: ملتقي الامهات - مدارس خاصه

الله يعافيكم فى احد يفيدنى عن مدرسة التميز الباكستانية الانجليزية اللى بجليب الشيوخ واكون شاكرة لها وممنونه

 

[ريماا]

رد: ملتقي الامهات - مدارس خاصه

الله يعافيكم فى احد يفيدنى عن مدرسة التميز الباكستانية الانجليزية اللى بجليب الشيوخ واكون شاكرة لها وممنونه

قوية حيييييييييل وتأسس من قلب انا كنت فاهمة انة الواجبات عندهم دسمة بس لا طلع كل يوم هوم ورك نسخ صفحة بس
هذا اللى اعرفة

 

[jolie_q8]

رد: ملتقي الامهات - مدارس خاصه

واي صج حره على تقصص الصور

بامبينا .. يا حلوه عبودي ألف مبروك .. وان شاءالله تفرحين بدخلته الجامعه يارب

اخذي جوله على المدارس وعطينا خبر

بس شنو حضانته؟ .. ا

تايقر شلون عبود مع كرسبي كريم @@

---
جوري99 .. مو سامعه فيها للاسف

 

[Miss_Tiger79]

رد: ملتقي الامهات - مدارس خاصه

رفرف
شفتي شلون تخيلي الصور مقصصه كلها
حده ضاق خلقي وعاقبته
تعالي صج رفرف بدخلين مسوكة حضانه شهر 9 انا يمكن ادخل مناوي حضانه الشاميه يم دوامي لانها بدش الروضه صغيره وجنها مسوكة معاها ...
جولي
عبود كان تعبان اشويه وكان اليوم ضيف عند مس فرح صف صبويه وبيروح معاهم الرحله يوم الاحد
بس اهم شي اليوم بالطابور قالتله ابلته اليوم انت تعبان شويه واختار اي صف تقعد فيه جان يقول مس فرح وبروح بعد معاهم الرحله لانه ماراح اليوم ورفيجه بعد قعد معاه مادري ليش

شخبار فهودي بكرسبي كريم؟؟؟
شفتي صورة عبودي

بامبينا
يالله انشالله يقبلونه التكامل
وشنو حضانه ولدج