بعطيكم تقرير رحلتنا للخبر !
\
طبعا احنا ثنتين عرايس وخوات << قوولوا ماشاء الله !
رحنا السويكت في البدايه انصدمنا بالعبي مو شي واللي عندنا احلى الف مره
مرينا الخااااااااااام تعذبنا صج عوار قلب شي مستحيل تحصلينه بالكويت راقي وذرب
قينا منه كذا قطعه والاسعاااااااااااااااار صلخ طبعا المتر يوصل لي 150 دينار بس شي بجد يستاهل
تدفعين وانتي تضحكين
وشارع العرايس رحنا له عشان اختي
انصدمنا صدمه نفسيه خخخخخخخخخ لوووووووووووووووووعه
واللي تمدحه ماعندها ماعند جدي
وبعدين رحنا الظهرااااااااااااااان الدولي وما ادراك ما الظهرااااااااااااان
انا ماراح امدحه بس حاولوا تروحون له
شي خياااااااااااااااالي وفيه كل شي تحتاجينه من الالماااااااااااااااااااس
لي اي شي يطري ببالج تحصلينه بهالمجمع
واحلى شي انه فيه جنييييييييييييد << ماشبعت من المعرض
خذيت لي جم شغله منه وهدايا للبناااااااات
ومحل بدون اسم << مال العبي بس مو نفس الكويت المزور خخخخخخخ
لا هذاك الاصلي بس ماكان عنده شي والكولكشن قديم
فما خذينا منه الا جناط ميكب وجنطة ساعات تكفي 6 ساعات
وحجمها يونس وفكرتها غريبه راقيه وذربه وغاليه بعد لووووووووووول
وطبعا نكتار وزهور الريف ومليووووووووون محل خمطنا منه !! << ودي اكتب بالتفصيل بس ماراح اخلص
ورحنا ابن خلدون بلازاااااااااااااا مجمع راقي وحلو بس مافيه زود
ورحنا المارينا مووووووووول بالدمام عاد هذا رحنا له 3 مرات يجنن خام \ وشحاطات \ واشياء غريبه
وخذيت خاتمي الالمااااااااااااااس منه !!
والراشد كل يوم بنروح له بس مامدانا واحنا مالنا حاجه فيه وعارفينه وعارفين محلاته
الحين المختصر المفيد
\
الخبر حلوه وتجنن وفيها شغلات غريبه
بس العبي احنا احلى بواجد
البدل البيضا للعرووووووووس احنا احلى بمليون مره
وعلى فكره احنا افترينا عدل مالقينا شي سنع كله لوعه
الجنااااااااااااااااط صدمه بصراحه مالقيت ولا شي
\
الحلو فيها
الخاااااااااااااااااااااااااااااااااااام وانصح اي وحده بتفصل تروح للخبر
الساعات ماركات ورخص الترااااااااااااااب
الشحاطااااااااات تجنن خصوصا المارينا فوق خذيت منهم اكثر من 6 وكل وحده تقول الزود عندي
طبعا مافيهم شك وخرابيط اغلب العرايس ،،،،،،
حلات الشحاطة راقيه وناعمه مو دفاشه << شافت عروس تشتري هالطقه
والسووووووق طبعا كله تنزيلات
بيجايم لاسنزا على 60 ريال وعليكم الحساب خذيت لي1 حلوه
تعبت اذا ذكرت شي بكمل
عرووووس الكووووووووون
بصراااحة اخالفج الرااي مليوووووووووووووووووووووووون الف مرة اسمحي لي الخبر توني جاية منها العبي رووووووووعة احلى من الكويت بمليوون مرة شغلهم غريب وتطريزاتهم غريبهم وخامهم اتحدى ان في احلى منهم بالكويت الخاام اصلن يصدمج والعباااياات الكويتيات طق عصي عليهم روووعة
والبدل البيضاا حلوووين وروووعة وفي احلى من الكويت بواجد انا فارة الكويت كلهااا بالخبر احلى من ملووت الكويت كل بدل الكوويت تلوع الجبد
والملاافع شغلهاا غريب وخامهاا اغرب واحلى
وبعدين يكفي ان الكويت عباياتهم مو راضين يفجوون عن الشوارفشكي والملفع بو خط الشووارفسكي اللي يلووع الجبد حتى السيلانيات يلبسوونه والمشااغل يضحكون بس نقشات وزري
اما لاسنزااا روووعة وبلاااااااااااااااااااااااااااااااااااااااش
ومحلات الماركة اكسسوريز وبي اتش اس وغيرهم روووووووووووووعة وبلااش
الرووب في bhs
مايغلى فو 50 ريال وعليكم الحسبة
صراااحة الخبر والدماااااااااااااام حدهم شي واللي ماراحت لهم طافها نص عمرهاااا
لا تزعلين عروووس بس وجهات نظر تختلف
امااااا الخام يابنات حدث ولا حرج اصلن تحتارين
وانا خذيت صدر من العمودي صدر خالص فيه ستيان فووق مشغوول بحركات وشوارفسكي وتحت الستيان شبك ينبااع جذي من محل الخام العموودي لونه كركمي بذهبي روووعة وشريت له خام تحت مشغوول شبك ذهبي وكله لمعة وشوارفسكي بس الصدر ب 180 دينار تقريباا والخام اللي تحت ب 100 وفصلته هناك وطلع من باجر عند خياط عميلنا بالدمام دايما نفصل عنده ومقاسه رووعة وقصته صارت غريبة سويته حق امسيتي
ولا تقولوون مسرع طلع ماشالله عليه الخياط شاطر والبدلة ماكان يبيلها الا ان يفصل لها التنورة اللي تحت لان الصدر جاهز
