ملتقى عرايس 2010 شهر 3 مارس

[مروقة البال]

شمااليه

امس كنت بسنتر بوينت الري ..
في صناديق اكسسوارات ولها ادراج كثيييره

 

[~ شهــآمــه ..]

هااي

كيفكوون

ان شاءالله منيحين :$

جود .. ما تشوفين شر يا قلبي ..

بس زهرااء القاسم خبيرة تجميل صح ولا انا غلطانه ..؟

.

.

.

فاتن حمامه

تكفين شوفي لي فساتين العرايس هناك .. عشان بأذن الله بروح الخبر و الدمام يوم الثلاثااء

وسيل لي متى ..؟

 

[حلوه بكيفي]

هااااااااااااي بنات بسلم وبمشي لان حدي تعبااانه من9 الصبح الى 6 بالليل وانا افتر في الاسواق تعبت رجووولي ماتوا

بس شنو تتوقعون مشترياتي؟

مبخر واحد للبيت- مرايه مدوره صيره مالت التكبير ( عرفتوها)- مقص حواجب قوي- مبرد 5 في واحد- مجموعه مني كير - مشط اسود اسنااانه كبار وبس
لوووووووووول>يا حسافه التعب بس

لا ومجموعه المني كير حقي حق استخدام اللحين

والله افشل من الصبح وهذي اخرتها يالله الله كريم

كويتيه ستااار ولكم ولكم لبه قلبج ومبرووك على النجاح

وبنات نصيحه لا تروحون دريم موول لانه يفشل ومو حلو

 

[~ شهــآمــه ..]

اهلييييييييييين حلووه بكيفي

ما تشوفين شر

بس اامحق على روحتج ههههههههههههههههههههههههههههههههه

انا قلت الحين سوت انجاز البنت

فصلت لها على الاقل 4 بدلات اخرتج مني كير هههههههههههههههه

 

[لمسه مخملية]

بنات شهري شلونكم

بسألكم شنطة الفندق شتحطون فيهااا ؟

1-قميص اول يوم .... وبيجامه حرير <<<توني استوعب اني للحين مااشتريتهم....يبووووي ...... بس حاجزه قميص اول يوم ..
2-معجون وفرشة اسنان ...
3-شنطة صغيرونه فيها عدة الميك آب أهم شي هذي ياااااوووو لو ننسااااها ..
4-فوط والروب ..
5-بدلة او عباية للطلعه ...شنطة للطلعه ....

بنات بعد شنو نحط بهالشنطه ........انا اقول بلا روحه للفندق .... البيت أوفر ولا شرايكم خخخخخ ...

 

[أحساس مجروحهـ]

بنات انا حدي متضايقهـ

صارت حالة وفاة وعرسي تأجل ماادري متى يمكن بعد 3 او 4 اشهر او اكثر

 

[لمسه مخملية]

7
7
احساس ياعله خييره ياارب لج ماتدرين .... و عسى ان تكرهو شيئا وهو خيرا لكم ..

والله يرحم ميتكم ...

 

[حلاتي بحركاتي..]

مرحباااااا بنات شهري شلونكم<<<<خذيت الكلمة من لمسه مخمليه عجبتني هههههههههههههههههههه

ماقلت لكم قبل امس رحت الافنيوز من الساعه 2 لي الساعه 10 بالليل والله تعتب بس موكلها فرارة خذينا بريك انا ورفيقه دربي اختي رحنا تغدينا عالساعه4 بفرايديز لازم ناكل عشان الطاقه
المهم اول شي دخلت سيفورا وشريت كل العطورات الفرنسية وشريت قلوس شفاف من ديور ماخذيت لون
بعدين رحت بدي شوب شريت مجموعتين منهم
بعدين رحت الجزيرة شريت عطر
بعدين رحت الشابع شريت الاوراق المعطرة اللي تنحط تحت الملابس عشان الريحه
بعدين رحت دبنهامز شريت مسكرا لانكوم وحمر من لانكوم وشريت منهم طقم فوط
بعدين رحت إيكيا وشريت البوكسات واجياس الملابس اللي حجمها صغير حق قمصان النوم بس

وبس هذي جولتي بالأفنيوز

أما اليوم رحت كذا اتيليه والحمدالله عجبتني كذا بدلة بس مافصلتهم انا لازم ارجع البيت وافكر بهدوء واتخيل الصورة كامله بعدين برجعل وفصل

وبعدها رحت البيرق شريت من المنصور اسيتون اللي يجي قطع صغار بكرتون اسهل اطلعين القطعه وتمسحين الاظافر بلاقطن بلاحوسه جاهز
وكنت ناويه اشتري قلم الاسيتون بعد اللي يمسح اطراف الصبغ اذا دمر الاظفر بس نسيت

وبعدها رحت حق محل بدي سنتر شريت مجموعه النرجس
وبس طلعت

ولما رجعت البيت دقيت على الهندي اللي يبيع المكياج وجاني البيت وشريت منه
علبة الشدو اللي تجي كامله الوانها حيييييل حلوة وهاديه مو فاقعه وفيهم لمعه حلوة نفس طريقه شدوات اليسا وهيفا
وشريت منه حمر اللوان هاديه حق الدوام وحق الطلعات
وشريت تاتو حواجب عجيييييييييييييييييييييييييب اختي شرت مثله وحطته والله يابنات اني امسح فيه ماانمسح بس اول ماغسلت وجها راح احلى شي ماكان عنده الااثنين وخذيناهم انا واختي

وشريت نفس طريقه الكحل السائل بس لمعه وحده سلفر ووحده ذهبي حلوووه حييل تنحط على بدايه العين او فوق الايلاينر واللمعه حيييل هاديه مورزي اوفر
وشريت صبغ الاظافر الالوان الاساسيه احمر فوشي بيجي فاتح بصلي برتقالي وجم لون حلووين حق بدلاتي

وباقيلي جم كريم اساس وكونسيلر طبعا هذيلا باخذهم ماركة مو من هذا

وبــــــــــــــــــــس

شـــــرايـــكم فيـــني إنجــــار صـــــح......

 

[حلاتي بحركاتي..]

احساس حياتي خيييره انشاءالله ماتدرين انشاءالله انه خيره لج ولحياتج

والله يرحم موتى المسلمين

 

[غلاوي الديره]

صباح الخير
انى بودى هير؟؟:016:
مشتاقتلكم:eh_s(21):
احساس مجروحه فديتج خيره فيما اختاره الله لاتضايقين نفسج
حلاتى خوش انجاز
حلوه بكيفى امبيه صج على بالى انجزتى
فاتن تردين لنا بالسلامه
شوشو عبرينا شدعوه::eh_s(4):
بنات اموووت واعرف شسالفة التواقيع ماتطلع؟:lkmnkl:
ترى ماباجى شي:eh_s(2): وانا من اليوم ان شاءالله ببلش بسورة البقرة
وخلاص قررت اضرب بكل شي عرض الحيط على قولتهم واستانس بعرسي ماعلى من اللي يحاولون يشوشون علينا:tongue22:
بنات ادعووولى عفيه محتاجه دعاااؤكم​

 

[مروقة البال]

احساس .. عساه خيرة لكم ..

حلاتي << تصفق لج .. انتي كذاااا << رافعه ابهامها .. الله يهنيج فيهم يااارب

غلاوي.. الله يعطيج ع نيتج

 

[جےـود الحےـزن]

::

شهآمه زهراء القاسم عندهآ صالون وعندهآ اتيليه ..
بيربل ديزاين رقمهم 25735858

.
.

آحساس مجروحه خيره وانا اختج
والله يعظم اجركم ويجعلهآ آخر الاحزان يآرب

.
.

غلآوي الله يوفقج ويسعدج ويبعد عنج الضيق والهم
ويجملج بعين زوجج , ويزرع حبج بقلبه

.
.

بنآت مفروض تستانسون وانتم اتجهزون ليش اتضايقون وتشدون اعصابكم
بالنهآيه مخلصين مخلصين
والله يا بنات غيرنا الكثير اللي تتمني الله يرزقهآ بآبن الحلال وتستقر ..
ادعو بالتوفيق من الله .. لان هو اهم شئ ..
واكثروا من الاستغفر وذكر الله ..
اختكم ’’ جےـود الحےـزن ’’

..

 

[غلاوي الديره]

مروقه اجمعين ياقلبوؤوؤو
جووود هلا وغلا
اجمعين والله يجزاج خير على الدرر اللي قلتيها
...

 

[غلاوي الديره]

بنات طلعت دراعات البيت سويت 10 منهم 3 ناعمين و7 يصلحون اذا احد طب عليهم فجأه خلصت دراريع البيت
والبدل سويت 5 كشخه فخمين و3 ناعمين بس ليما الحين بالخياط ان شاء الله يضبطون كله موديلاتى ومن مخى عند خياطى الخاص<<اقلد حلاتى :lololoe:
وبديت ارتب جناطى لانى خلاص قاعده اشطب بس باجي التناتيف
اي صج لاتنسون بنات ترى اذا عندكم ملابس سبور وجنزات او نفانيف قصار السوالف هذي اخذوها معاكم ترى مايدرى زوجج اذا جديد ولا قديم دام الشي حلو
والله قعدت اليوم ارتب كبتى الا اشوف بديات ونفانيف قصار عندى نصهم ولا مرة لبستهم واقوم احطهم بالجناط
ورحت خذيتلي اظرف واكتب على كل ظرف :050103nbh_prv:
مثلا الصالون واحط فيه المبلغ اللي احتاجه
بدلة العرس وحطيت المبلغ
البدل
عشان اعرف اللي لي واللي علي
واليوم ان شاءالله :RoadRunner: بروح اشترى اوتى بخار ومكينه بروان
وطلعت امس ملابسى اللي تضبط من الخياط وعلى طول عالمصبغه ابى ريحة الخياط تروح منهم
واكون خلصت اللهم استلام بدلاتى واطلع ملابسيمن المصبغه واضبط جناطى
واغراض الجمعيه قبل العرس باسبوع بشتريها وتم بحمد الله..:ggdw:
عقبالكم تخلصون والله راح ترتاحون...:yaaaaaarb:

 

[جےـود الحےـزن]

::


غلآوي عسا خلصتي شغلج ..
وتعالي بسألج انتي حجزتي مكياج عند منو وشعرج عنده منو ابي اساميهم ..


..

 

[جےـود الحےـزن]

::

فديتج حطيتي الرد قبل لا اسألج ^_^
بقرء وارجع اعلق..~

..

 

[جےـود الحےـزن]

::

زين سويتي يا قلبي حتي بشرتج وجسمج يرتاح قبل العرس وتفتكين من المحاتات
وانا الحمد مبلشه بالتشطيبات واستلام باقي البدل..
بس باقي العله بدلة رد اسبوعي مو محصلتهآ ..
عندي موديل بس خايفه اجازف اقط مبلغ وقدره علي الخام والكرستال واخر شئ ما تطلع حلوه وما في وقت ساعتها اغيرها ..
والله يوفق الجميع
اليوم بروح لحوش السالميه ابيلي كم صندل ..
بأذن الله اللي ما تنام عينه ما يجي اخر شهر الا انا مخلصه .
ويكون تقريبا باقي علي العرس 25 يوم >>من عرايس اخر الشهر يعني بشهر 3 عندي وقت ^_^

..

 

[غلاوي الديره]

ياقلبى حجزت عند امل ميك اب والشعر عربيه
انتى شنو باجي لج؟؟!!

 

[غلاوي الديره]

ان شاء الله تسوين اللي فبالج يارب وتخلصين وترتاحين والله احس هم وانزاح صج جنه شي ثقيل كان على صدري
انا 12\3 يعني نص الشهر

 

[جےـود الحےـزن]

::

بنات اللي اتعرف حريم غير ام نوره العلاج للعبي ياليت تسدح رقمهآ هون ..

..