(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا ** ))

[توني مترقيه]

رد: ملتقي الامهات - مدارس حكوميه

مشكوووووووووره علي الموووووضوع اللي يهمنا ويهم كل ام .........

ياليت تفيدوني بما ان بنتي العوده هذي اول سنه لها .............عن عدد الدفتر جم 40 ورقه ولا ابو 60 ..........ناويه اجهز لها من الحين واخلص ...........................

ومن وين شريتوا اغراض المدرسه كل وحده تذكر لنا ..؟؟؟؟؟.........علشان يكون في تفاعل

دشي موضوعي (شنو جهزتوا للمدارس )) راح يفيدج

 

[cute-girl]

رد: ملتقي الامهات - مدارس حكوميه

تربيه اسلاميه عدد (1) كراسه 60 ورق عدد و الثاني للقران عدد (1) كراسه 40 ورقه
لغه عربيه 3 دفاتر 1 كراسه 60 ورقه 2كراسه 40 ورقه
لغه انجليزيه (3)كؤاسه 60 ورقه
علوم روب ابيض
رياضيات (1) كراسه 60 ورقه
اجتماعيات 1 اطلس مدرسي للمرحله المتوسطه +الوا خشبيه +الكراسه المخصصه الاجتماعيات .... لا تشترين كشكول اجتماعيات الدفتر ايكوون احسن لان اخفف او هل ايام المدرسات يبونه
اقتصاد مدرسي عدد (1) كراسه 40 صفحه
تربيه الفنيه للكورس الاول عدد (1)كراسة رسم+الوان+مقص+صمغ الكورس الثاني راح يكون نص الكورس الثاني ديكور او كهربا مادري على حسب الاحرف بعدبن نص الثاني راح ابدلونهم الديكور ايصير كهربا والكهربا ايصيرون
حاسب الى (1)كراسه 60 ورقه + ديسك
تربيه بدنيه بنطلون اسود بلوزه بيضه جم قصير جوتي رياضه اسود
الموسيقى دفتر واحد
انشالله الطلبات اتكون صح لان بالورقه مكتوب لكل الراحل المتوسط
وانا اشتري من عدة جمعيات مركز سلطان+الروضه+العديليه+المنصوريه+القادسيه

 

[الاوة]

رد: ملتقي الامهات - مدارس حكوميه

السلام عليكم ان ودي انظم لكم ولدي البكر يروح ثانية ابتدائي مدرسة الوليد بن عبد الملك الفردوس وبنتي ثانية روضة بنفس المنطقة صراحة تعبت مع ولدي حيل مدلل وعيار كلة ما يبي يدرس تعبان مالي خلق لين اخر شي طلع بجيد جد1 ودي اعرف طريقتكم في تدريس عيالكم لاني موظفة وبرمضان امسك المطبخ يعني متى ارد ادرسة وشلون الطريقة بستفيد ودمتم

 

[ســوســو]

رد: ملتقي الامهات - مدارس حكوميه

السلام عليكم ..

اول شي انا عندي اخواني اتبع معاهم طرق معينه اثناء التدريس بالاضافه إلى قوانين < اهم شي خخ بس جد والله انا معاهم

جذي عشان يحطون ابالهم ان وقت اللعب لعب ووقت الجد جد .. من هالقوانين قبل لا ابلش معاهم الدراسه اللي يبي يشرب

ماي مثلا يروح من الحين لان حزت الدراسه ماحب احد ياكل وانا اشرح له وهم لاني ايمع اخواني بالغرفه ونسكر علينا

الباب وحتى لو واحد خلص ماخليه يطلع الا لما الكل يخلص بس مو معناته اخليه يحوس ويزعجنا لا بالعكس .. مثلا

اعطيه جمله واقوله انسخها لي 3 مرات بشوف خطك صار حلو والا لا ( هالحجي مع اخوي اللي بالابتدائي ) ..اما

المتوسطه لا مثلا افتح على ذاك الدرس والا ذيك الايه المهم انهم ينشغلون بشي يخص الدراسه ولا تضحكين وايد معاهم

لانهم بيتمادون بس اذا حسيتي ان اهو حده ماله خلق وجذي حاولي تضحكينه حتى لو بابتسامه يعني انا وايد تمر علي ايام

واحس اخوي وانا قاعده اشرح جنه يقولي متى تخلصين خخ فـ على طول احاول انكت واستخف دمي خخ .. خل اقولكم

عن تدريسي لهم خاصه ان بـ رمضان والناس مضغوطين حييل جدولي معاهم :

1- اول مايردون من المدرسه ساعه يرتاحون فيها وبعدها يحلون الواجبات وعشان اخفف الضغط عليهم دايما كلمتي لهم

اللي تعرفونه كتبوه وأي واجب صعب لا تحله الا لما احضرلك هني يرتاحون شوي

2- طبعا عقب مايخلصون من الواجبات ماتاخذ ( ساعه او ساعه ونص ) يرتاحون .. مسلسلات .. اقعد اسولف معاهم

شسويتو ماسويتو بالمدرسه طبعا لعب مافيه لان من ضمن قوانيني ( بلايستيشن .. لاب توب .. كره ) مافيه الا الخميس

واليمعه عشان اذا اغلطوا بشي او يابو درجه موزينه لا سمح الله يكون عندي شي اهم يحبونه وناطرين الخميس واليمعه

عشان بس يلعبون والا شي وانا هني عاد احرمهم منها بس ملاحظه : ( وقت تسليم الامتحانات والا الشهادات اكافئهم بأنهم

يلعبون اللي يبونه )

3- عقب صلاه التراويح اذاكر لهم ساعتين مجرد تحضير ومراجعه على السريع يطالعون ( باب الحاره ) < يحبونه فديتهم

خخخخخ وينامون اقعدهم 3 يتسحرون واذا مثلا اكو حفظ نراجع مع بعض وينامون جم ساعه يريحون ويردون ينامون

4- تسطير الدفاتر دايما ايمع كل دفاترهم يوم الخميس ( قبل كان الاربعاء ) خخخ واسطرهم حسب الماده جم تحتاج صفحه

نصائح :

اهم شي التشجيع ثم التشجيع ثم التشجيع

( برافوو عليك .. والله انك شاطر .. سمله عليك ذكي .. عفيه عليك .. كفووووو .. والله بطل .. ماشاءالله عليك )

كثروا من هالكلام "

وفي اكو شغله بعد كل يوم وركزو على ( كل يوم ) تحذيرنه انه لا يرافج الكسالى ووصيه مالك شغل فيهم وهم حذريه قوليله

مو عبالك انا بالبيت ومادري شنو تسوي بالمدرسه ترا اعرف كل شي

ونصيحه مني والله جد اشوف امهات يظلمون عيالهم انا عمري 18 سنه ومروا علي اشكال والوان مدرسين ومدرسات

مصريين سوريين لبنانيين كويتيه وااااايد فـ قلت مابي اخواني الصغار نفسي يتغربلون مع هالمدرسين فـ حاول انكم تعطون

فرصه لـ عيالكم يتعمدون على نفسهم او حتى لو عليكم .. عندكم شوامل واذا شي صعب بالانجليزي في مواقع ترجم وتساعد

يعني هالموقع كتبي أي كلمه بالانجليزي يترجمها لج ودايما استعين فيه اذا بحضر لهم انجليزي لاني انا ضعيفه فيه

http://alfrasha.maktoob.com/trans/

وآسفه قرقت عليكم وايد بس القصد اهو الافاده .. ولاتنسوني بالدعاء لي ولـ اخواني

 

[ســوســو]

رد: ملتقي الامهات - مدارس حكوميه

وأي بضيف شغله بعد .. ( للمتوسطه ) لان الابتدائي دروسهم سهله

مثلا : اجتماعيات كل مايكون عندج وقت فراغ امسكي كتابه واقعدي لخصي له بشرط انج تكونين مخصصه الدفتر بس للأجتماعيات يعني

اخواني اللي بالمتوسطه حزت الامتحانات مايدرسون الا الدفتر اللي اكون ملخصته لهم اكون جامعه فيه اسئله بالشامل اذا اكو امتحانات عندي

مالوت السنين اللي طافت يعني جد مايذاكر الا التلخيص ودفتره اللي مع الاستاذ اما الكتاب بس يطالع الخرايط واشرحله شفوي ع الخرايط

والشغله الثاني لازم تخصصون يوم بالاسبوع حق ( نحو انجليزي وعربي + تحسين الخط ) < كل ماكنتي منتظمه كل ما تتيسر امورج

ولا تنسوني بالدعاء

 

[كويتيه عالي سماها]

رد: ملتقي الامهات - مدارس حكوميه

جزاج الله خير

 

[ســوســو]

رد: ملتقي الامهات - مدارس حكوميه

ويآج يآرب ..

 

[السنعة2]

رد: ملتقي الامهات - مدارس حكوميه

ماشاء الله عليج سوسو الله يهنيج ويوفقج ويكونون اخوانج متفوقين
اللهم آمين

 

[نوروظلام]

رد: ملتقي الامهات - مدارس حكوميه

امهات منو ولدها برابع ابتدائي ابي اعرف شنو ادرسه بالنسبه للعربي والانجليزي

 

[akadenia]

رد: ملتقي الامهات - مدارس حكوميه

شرايكم بمدرسة البنين الابتدائي ف منطقة جنوب السرة - الزهراء

رجاء علموني لاني بنقله باجر

وتعتقدون يرضون ينقلونه الحين

 

[akadenia]

رد: ملتقي الامهات - مدارس حكوميه

يا حلوج يا سوسو

انتي اللي برافو عليج وشاطرة والله واسمله عليج

الله يخليج لاهلج ويبارك فيج وباخوانج

الله يرزقني بنوته حلوة مثلج وتساعدني على اخوانها

يا حلو البنات

 

[ام عبوشى]

رد: ملتقي الامهات - مدارس حكوميه

شلونكم عندي سؤال اذا في وحده تعرف مستوي المدرسه الابتدائيه الي بمشرف للبنين ناسيه اسمها ياريت احد يفيدني

 

[القراءن ربيع قلبى]

رد: ملتقي الامهات - مدارس حكوميه

سوسو يا قلبى اللة يخليج لامج واخوانج ماتصدقين يا قلبى اشكثر عورتى قلبى ذكرتين فى نفسى لما كنت ادرس اخوانى كاانج تتكلمين عنى و
الحين دايخ السبع دوخات من عيالى فى تدريسهم عيال هلوقت ماهمهم الى اللعب جننونى اللة يخليهم يارب ويهديهم وينجحهم امين
الامتحنات على الابواب وصف سابع متعب بذات الرياضيات ياريت خواتى الى تعرف من وين احصل نماذج امتحانات فى جميع المواد صف سابع لاتبخل علينا فى الاجر

 

[المزيونه بنت ابوها]

عشان اعيالنا @هالموضوع خصصته للامهات اللي عياليهم بمدارس حكوميه@

السلام عليكم ورحمة الله وبركاته

خواتي العزيزات

كيف حالكن؟
هالموضوع خصصته للامهات اللي عياليهم بمدارس حكوميه( مدارس بنين او بنات
نلقتي فيه
ونتبادل الخبرات
ونذكر ميزات كل مدرسه
وشنو سيئاتها ان وجدت
وشلون علي التدريس
وشلون افضل طريقه تدرسين عيالج فيها واذا في وسائل تعلمييه تتبعينها مع عيالج تشوفين منها نتيجه


كل ام تدش تكتب عيالها باي مدرسه ومعلومات عن مدرسه عيالها

 

[الحراير]

رد: عشان اعيالنا

وانا بدش معاكم ولدي بثالثه ابتدائي والعلوم والرياضيات صعب عليه وحاطه مدرسة رياضيات وانجليزي

 

[* LOVE STORY *]

رد: عشان اعيالنا

حبيبتي في موضوع مثبت فوق عن هالشي

تفضلي
http://q8yat.net/showthread.php?t=169554

 

[قطورة ومطورة]

رد: ملتقي الامهات - مدارس حكوميه

يا بنات بليز فيدوني ابي أسئل عن مدرسة مشرف الابتدائية بنات الله يخليكم أحد يجاوبني

 

[المزيونه بنت ابوها]

رد: ملتقي الامهات - مدارس حكوميه

شرايكم في مدرسة قيس بن عاصم اللي بالعارضية ؟
شلون الابلات عندهم ؟
والاداره؟والتدريس ؟
ياليت تردون علي ...................................................[/b]

 

[--ام--حمني--]

رد: ملتقي الامهات - مدارس حكوميه

الرجاء الإفادة على وجه السرعة:
أي مدرسة ابتدائية بنين بمنطقة مشرف أفضل للطلبة:
النجاح أم عبدالله عبداللطيف العمر؟
ولدي بيدخل أولى ومحتارة؟؟؟؟؟؟؟؟؟؟؟

 

[& شهد &]

رد: ملتقي الامهات - مدارس حكوميه

هلا وغلا فيكم يا امهات

انا احسي ان الوقت ما يكفيني عشان ادرس ولدي

المواد دسمه هو اسم الله عليه وده يعطي ووده يعلب وياكل ويقول يمه رديني الروضه

يا لهويييييييييييييي

عادنا في الحمد مثل ما يقولون