ملعمه "آداب "وأبي أستقيل .. يصير بأي وقت ؟

[eastfem]

بنات انا معلمة تعيين يديد ماصارلي شهرين من باشرت عملي

صراحه عمل الملعمة ضغط مادري شلون بعضهم متحمل هالمهنه الي صارلها 10 سنين والي 12 سنه الله يعين

لكن سمعت ان المعلمة تربويه ماتقدر تستقيل الا اذا كملت سنه او سنتين بالضبط ماني عارفه

انا خريجة آداب .. وناويه استقيل ومتردده بس اول بدبرلي وظيفه وان شاء الله الله يسهل

لاني موقادره اتحمل اشراف ونصابي 15 واحتياطات واذا قعدت بالقسم يا اصحح امتحان ولا دفاتر

غير ورش العمل و المعرض ياي بالطريج ،، ولايعه جبدي من الاداره والقسم .. فسؤالي

هل يحق لي استقيل متى ما أبي ولا لاء !؟؟؟؟؟

مشكورين بنات انشالله ماراح تقصرون بالنصايح الطيبه ..

 

[جمبلو جمبليله]

استقيلي واشربي وانتي تقدمين استقالج ماي بارد على قلبج

شهادج آداب ورايحه عند الخدم الميانين كلهم حقودات وغيورات


خل يحطون موظفات متخصصات للاشراف المعلمه

دورها تشرح دروسها وتمشي بسس تدش حصتها وتطلع

ويقولون ليش التعليم فاشل ياشين العرب بسسسسسسسسس

قدمي وزارة الاعلام حبوبه

موفقه يارب وسألي ديوان الخدمه

عادي تستقيلين وتقدمين على ديوان الخدمه مره ثانيه

شوفي وين يطلع اسمج هذا اللي اعرفه وتأكدي

 

[Angel_store]

اب اب اب

 

[عزتي مالها حد]

عسى الله يسهل امرج ويوفقج

 

[ريانا]

استقيلي واشربي وانتي تقدمين استقالج ماي بارد على قلبج

شهادج آداب ورايحه عند الخدم الميانين كلهم حقودات وغيورات


خل يحطون موظفات متخصصات للاشراف المعلمه

دورها تشرح دروسها وتمشي بسس تدش حصتها وتطلع

ويقولون ليش التعليم فاشل ياشين العرب بسسسسسسسسس

قدمي وزارة الاعلام حبوبه

موفقه يارب وسألي ديوان الخدمه

عادي تستقيلين وتقدمين على ديوان الخدمه مره ثانيه

شوفي وين يطلع اسمج هذا اللي اعرفه وتأكدي [/quote


عفوا ماكو اسلوب افضل من كلمه الخدم الحقودات اذا كنتي انتي المديره فحسبي الله ونعم الوكيل وان كنت معلمه الاحتياط فلاتعليق عالعموم كاتبه وشهادتج اداب حسستيني ان الاداب شهاده طب من كثر وظايفهم

عزيزتي صاحبه الموضوع نصيحتي اذا كنتي اداب انجليزي فانحاشي من التدريس لان وايد ضغط عليهم اما اذا كنتي تاريخ او اجتماعيات فخلج عالتدريس لان وظايفهم قليله وماكو معاش. سنع

 

[اروري]

اومآ
ابي اقدم اذا فتح التسجيل بس حبطتيني هع :eh_s(10):

 

[*ماي الورد*]

تقدمين الاستقالة من السكرتارية و لمن يوافقون عليها ردي قدمي علا الديوان بس قوليلهم مابي التدريس

 

[جمبلو جمبليله]

استقيلي واشربي وانتي تقدمين استقالج ماي بارد على قلبج

شهادج آداب ورايحه عند الخدم الميانين كلهم حقودات وغيورات


خل يحطون موظفات متخصصات للاشراف المعلمه

دورها تشرح دروسها وتمشي بسس تدش حصتها وتطلع

ويقولون ليش التعليم فاشل ياشين العرب بسسسسسسسسس

قدمي وزارة الاعلام حبوبه

موفقه يارب وسألي ديوان الخدمه

عادي تستقيلين وتقدمين على ديوان الخدمه مره ثانيه

شوفي وين يطلع اسمج هذا اللي اعرفه وتأكدي [/quote


عفوا ماكو اسلوب افضل من كلمه الخدم الحقودات اذا كنتي انتي المديره فحسبي الله ونعم الوكيل وان كنت معلمه الاحتياط فلاتعليق عالعموم كاتبه وشهادتج اداب حسستيني ان الاداب شهاده طب من كثر وظايفهم

عزيزتي صاحبه الموضوع نصيحتي اذا كنتي اداب انجليزي فانحاشي من التدريس لان وايد ضغط عليهم اما اذا كنتي تاريخ او اجتماعيات فخلج عالتدريس لان وظايفهم قليله وماكو معاش. سنع

ساعة غضب قلبي واحنا بالانتقاد دايم نقصد المعلمات الشريرات االلي معانا


مو انتي حبوبه يعني المعلمات الطيبات المخلصات اللي ما يسوون عصابات على المعلمه

الجديده اللي جايه تتعلم من خبرتهم ويدقون النفسيه عليها مع الاسف

هم يدورون ويتشيحطون انا وانا وانا مدرسه خير انشاءالله درينا انج مدرسه

 

[عادت ذكرياتي]

قدمي استقالتج عادي وسجلي رغباتج بالديوان أو بموقعهم

وسئلي أكثر واستفسري واستخيري عشان قرارج يكون الأخير


موفقة

 

[^^yasmina^^]

انا نفسج اداب انجليزي وبلشت روحي بالتدريس

صيري شاطرة وطلعيييي لا تصيرين نفسي انا هذي خامس سنه حقي وكل سنه بقول بطلع ولا طلعت
ويصير حبوبه تستقيلين اي وقت انا ارفيجتي اداب انجليزي وقدمت عالتدريس كورس او اقل من كورس ما تحملت واطلعت

طيعيني طلعي لان الي يدش التدريس ما يطلع

 

[eastfem]

ياسمينه خرعتيني شنو اهوا سجن توج قايله تقدرين تستقيلين بأي وقت !!
ودي و ماودي لأن عندي التزامات بس النفسيه بالقاع .. قاعده احاول اودي اوراقي يمين ويسار اشوف اي مكان يقبلني
الله كريم الله يسهل على المعلمات صج شـقــــــــــــــــــــــــى

 

[بحر الرمال]

قدمي مكان ثاني بس ترا كل مكان عمل و له مشاكله, مشاكل التدريس تنحصر في انه تعب بس تحسين بلذه الانجاز,الاماكن الثانية مثل انج تكونين موظفه بوزاره او كاتبه او استقبال هم لها مشاكل و حش و انحطاط اخلاقي (عند البعض مو الكل بالذات الاماكن اللي فيها شباب) .
اذا انتي مو مرتاحه للتدريس وجهه نظري اول شي قدمي نقل حق مدرسه ثانية, بعدها اذا مارتحتي استقيلي

 

[^SwEeTa^]

حبيبتي .. انا اكلمج من واقع تجربتي

من سنة بالضبط كنت مدرسة علوم ابتدائي .. و أبدا ما حبيت وسط التدريس و ما لقيت نفسي فيه و لا أرضيت طموحي كللللش

فكرت بيني و بين نفسي لقيت اني مو مجبوره أعيش و لا يوم من عمري بمكان انا مو راضيه عنه

عقب الاستخارة و الاستشاره قررت اتحرر و اعيش مثل ما انا ابي .. مو مثل ما الظروف فرضت علي .. و الحمدلله قدمت استقالتي بقلب باااااااارد .. و الكشرة مني لي هناك

و لي يومج انا بالبيت .. مجابلة زوجي و عيالي .. و اذا فكرت ارجع أتوظف .. شي مؤكد ما راح أصير مدرسة (مع ان ان شهادتي تربية اساسية)

التدريس حلو .. لكن وسط المدرسات و المدارس مو مريح

حبيبتي شهادتج مو تربوية .. و هذا أهم شي .. معناته جدامج مجالات وااايد .. و أماكن كثيره تقبلها

الله يوفقج

 

[CrystalQ8]

انا هذه السنه ١١تعبت من التدريس ونفسيتي انعكس علي بيتي وعيالي وزوجي يحن علي بالاستقاله والهة قاعده افكر فيها بس الحين انا حامل واصله قلت استفيد من امعاش وامشي هالسنه بس صج طلبات ماتخلص ومعاش مافيه بركه والواحد يعيش مره

 

[عسولة كويتيه]

عادي تقدرين تقدمين استقالتج وتروحين مكان ثاني مدام باول الطريج قدمي

 

[eastfem]

بحر الرمال وسويتا انا من البدايه موحابه هالمجال ودشيته وشفت بعيني التعب والاحباط الي يعيشونه المدرسات الله يعيييييين اهم شي ابي اركز شنو اجابل ولا شنووو العمل متشعب و الاجواء غير مريحه كلش ، كريستال الله يعينج بعد شتسوين الى صبر 11 سنه يصبر اكثر اول وتالي مصلحتج خلصيها وتالي استقيلي دام بولعيال طلب هالشي معناته في شي غلط قاع يصير عندج استقيلي واشتري راحتج ووقتج مع عيالج وريلج ...

و فكرة اني انقل واشوف اذا الحال تم على وضعه ولالاء هالامر وارد لكن يعتمد على وايد اشياء حاطتها في بالي

بنات مشكورين ماقصرتو ودي بعد اسمع اراء وتجارب ترفع معنوياتي عشان اقدم استقالتي ههههههههههههههه

 

[بوغاتي88]

عطوكم كادر ليييييييييييييييش تستقيلين؟

 

[love^angel]

اذا شهادتج اداب استقيلي عادي يوظفج الديوان بمكان ثاني مو مثلي تربيه وصارلي سنه مستقيله للحين قاعده