ملفي للسلطات المبتكرة والسندويشات المميزة ...

[athora]

هاي شلونكم..زوزو لا تنسين السلطه امي ياييه من الحج وبسوي استقبالها الاحد ..فناطره السلطه بسويها

 

[ELSA7RA]

يعطييييييييييييج العافيه اختي تهبل خلطاتج احس لذيذين وفناتق _03ba:

 

[جوري وبنفسج]

السلام عليكم

الغالية athora
الحمدلله على عودة الوالدة من الحج وحج مبرور وذنب مغفور

الغالية ELSA7RA
تسلمين يا قلبي على الكلام الحلو وكلج ذوق :tek:

ومثل ما وعدتكم اليوم جبت لكم السلطة بس أنا سويتها في بيت أهلي ومطبخهم ما فيه شبابيك فصايرة الصور بهاته شوي

* سلطة الجرجير بالشيري توميتو والميني موزاريلا *

المكونات

ميني موزاريلا ( موزاريلا شكله كور صغيرة أنا حصلته بمركز سلطان شرق وأتوقع موجود بالساليمة بعد )



طماط شيري ( طماط صغار )


مشروم مشوي + فلفل بارد أحمر مشوي


جرجير عدل



صلصة فرنسية + صلصة البلسمك + بهارات أيطالية



نجيب طبق التقديم نحط الجرجير وبعدين نحط بالنص المشروم والفلفل البارد وبعدين نحط على أطراف الصحن الطماط والجبن ونحط الصلصة عليها ونرش البهارات الإيطالية وممكن ترشين أروجانو ( زعتر بري ) وهذا الشكل النهائي


وصحتين على قلبكم ​

 

[الروح المتوهجة]

عجيب و حلو و صحي , و ينفع للغدا و العشا الخفيف

تسلم ايدج عز

 

[athora]

حبيبتي الله يسلمج ..وتسلم ايدج ان شاءالله بجربها

 

[سـاكـــورا]

ماشاء الله تسلم ايدج

 

[diamonda]

مشاالله الاطباق عجيبه اول مره ادش الموضوع ونسخت كل اللي فيه :dddds:
بجد انتي مبدعه ماشالله عليج وصج يابخت ريلج فيه عنده كنز الله يحفظج ويخليكم لبعض
ولا تحرمينا من ابداعاتج يالغاليه:tek:

 

[جوري وبنفسج]

السلام عليكم

حبيباتي الغاليات
الروح المتوهجة
athora
سـاكـــورا
diamonda

مشكورين على المرور الحلو والكلام الحلو يا حلوين

عندي بس تعليق

وصج يابخت ريلج فيه عنده كنز الله يحفظج ويخليكم لبعض
:tek:

تدرين عاد أنا ما أسوي هالأطباق لزوجي بس لأخواتي في زيارتنا الإسبوعية . لأن زوجي ما يحب هالسوالف وأغلب الريايل ما يحبون هالفناتق بس مجابيس :dddds: أذكر مرة مسويه له عشاء بوفيه للدوانية الكل قام يمدح شغلي وسألوه زوجتك لبنانية هههه . قال لهم لا كويتية وأصلا هالأكل طالع من خشمي أنا منغث منه فقلت له تمام دام أنغثيت حرام خل نريحك منه :dddds: ​

 

[athora]

هلا زوزو صاجه حبيبتي مثل ريلي يحب الاكل العادي عكسي اموت على التخبص والحوسه:dddds:

 

[دلوعه زوجها]

ماشاء الله عليج فنااااااااااااااااااااااااااااانه بمعني الكلمه نصيحه مني لازم تفتحين مطعم والله وانا مستعده اشاركج والله ما اتغشمر لانج فنانه بكل شي واطباقج شكلها عجيب ومرتبه ونظيييييفه وسنعه ماشاء الله عليج
فكري بموضوع المطعم ورديلي خبر ترا من صجي مو غشمره نسوي مطعم حق الفناتق والله يطلع ذهب لأن افكارج وايد غريبه وحلوه
واخيرا تسلم ايدج ويعطيج الف عافيه

 

[omajiad]

_03BA:تسلم إييييييييدج

لايوقف لايوقف لايوقف لايوقف :ggdw:

 

[جوري وبنفسج]

السلام عليكم


الحبيبة athora
ههه :dddds: أغلب رياييل الكويت جذي .

الحبيبة دلوعة زوجها
عساج دووم تحصلين الدلع والحب من زوجج ومشكورة على التقدير صدقيني أنا فكرت بالمطعم وعندي عقلية تجارية بس المشكلة أن المطعم يحتاج تفرغ ومجابل ومسؤولية شفتي بردز اللي بشرق اللي مقابل مانجو قبل كنت أحب أشتري منهم بس الحين من بعد ما أكتشفت أسرار السلطات والصلصات صرت أسوي سلطات أحلى منهم .
وأنتي إذا حابة أفتحي المطعم وأنا أعطيج المنيو والطريقة وموفقة حبيبتي نصيحة الموقع هو المفتاح الرئيسي لنجاح أي مشروع أختاري موقع زين يطلع لج ذهب وخل أقول لج شغلة شفتي فكرة الموكا والسنبون قبل 18 سنة محد يعرف هالسوالف بالكويت وأنا يوم رحت أمريكا أعجبتني الفكرة وأقترحت على زوجي قال لي ما راح تنجح الفكرة ورفضها قلت له الأيام راح تثبت لي أنها ناجحة وتطلع ذهب والحين شوفي الكافيهات ومحلات السنبون والموكا وسوالفها شكثر يربحون ماشاء الله يطلعون ذهب الله يوفقهم ويبارك لهم برزقهم


الحبيبة omajiad
حياج الله وأبشري بالمزيد قريباً ​

 

[بدور 2008]

اشكرج علي هذا الابداع
والي الامام انشالله

بس ودي اطلب طلب صغيرون ؟؟؟

اذا عندج وصفة حلوة وسهلة حق الباستا

والله ودي اسويها بس مو عارفة طريقة حلوة واتمني مساعدتج وياريت تكون بالصور ( اتشرط

اتمني تلبين هذا الطلب
وبالتوفيق ....

 

[athora]

زوزو لوووووووووووووووول تفكيرج مثل تفكيري انا من زمان كل

ما فكر بفكره سبحان الله بعد فتره اشوفها متنفذه واتحسف اني ماسويتها.....


...ياالله شرايج نبطل مشروع انا وياج
:ggdw:

 

[جارة القمر]

خخخخخخخخخخخخخخخخخ


عيل

أنا ريلي


يموت بسوالف السلطات







وتسلم ايدج

 

[اسراء205]

مشكوره ويعطيج الف الف عافيه

س : ماهي تتبيلة الثوم المجفف بالاعشاب .... جاهزه او ممكن تعطيني طريقةتها

 

[جوري وبنفسج]

السلام عليكم

الغالية بدور 2008
حياج الله يا قلبي وإن شاء الله قريباً أحط لج طريقة حلوة للباستا

الغالية athora
ههه وايد أشياء مشتركة بينا سبحان الله الأراوح تتآلف بس أنا ترى كسولة شوي وما أحب الإلتزام بمشروع أو عمل منظم :dddds:

الغالية جارة القمر
زين حلو يكون الزوج يحب سوالف السلطات علشان تتفننين له الله يوفقكم ويسعدكم

الغالية اسراء205
تسلمين على المرور وبالنسبة للتتبيلة الملح بالثوم والأعشاب أنا أشتريها جاهزة من مركز سلطان . وهذه صورته
​

 

[memy-08]

مشكوره

 

[دلوعه زوجها]

السلام عليكم


الحبيبة athora
ههه :dddds: أغلب رياييل الكويت جذي .

الحبيبة دلوعة زوجها
عساج دووم تحصلين الدلع والحب من زوجج ومشكورة على التقدير صدقيني أنا فكرت بالمطعم وعندي عقلية تجارية بس المشكلة أن المطعم يحتاج تفرغ ومجابل ومسؤولية شفتي بردز اللي بشرق اللي مقابل مانجو قبل كنت أحب أشتري منهم بس الحين من بعد ما أكتشفت أسرار السلطات والصلصات صرت أسوي سلطات أحلى منهم .
وأنتي إذا حابة أفتحي المطعم وأنا أعطيج المنيو والطريقة وموفقة حبيبتي نصيحة الموقع هو المفتاح الرئيسي لنجاح أي مشروع أختاري موقع زين يطلع لج ذهب وخل أقول لج شغلة شفتي فكرة الموكا والسنبون قبل 18 سنة محد يعرف هالسوالف بالكويت وأنا يوم رحت أمريكا أعجبتني الفكرة وأقترحت على زوجي قال لي ما راح تنجح الفكرة ورفضها قلت له الأيام راح تثبت لي أنها ناجحة وتطلع ذهب والحين شوفي الكافيهات ومحلات السنبون والموكا وسوالفها شكثر يربحون ماشاء الله يطلعون ذهب الله يوفقهم ويبارك لهم برزقهم


الحبيبة omajiad
حياج الله وأبشري بالمزيد قريباً ​

حبيبتي والله كلج ذوق وان شاء الله تكونين متهنيه دنيا واخره يارب مع زوجج واولادج امين يارب العالمين
وبالنسبه حق المطعم انا هم ماقدر اجابل بروحي لازم معاي احد اثق فيه وانا مو حابه اسوي المطعم ويكون فيه عمال فكرتي انه مطعم صغيرون وكله سوالف دلفري ويكون بأيدي كويتيه 100%100 هذي الفكره الحلوه بس انه نفس حال الباجي ماراح يكون فيه شي مميز واذا ماكسبتج شريكه اكسبج اخت وعزيزه وغاليه
ويعطيج الف عافيه علي مجهوداتج اللي تقدمينها ويجعلها في ميزان حسناتج بإذن الله
مشكوره يا اروع طباخه في الدنيا

 

[شهد سبرنغ]

ماشاء الله
ابداع