ملفي للسلطات المبتكرة والسندويشات المميزة ...

[lolwah]

تسلم ايديج

 

[جوري وبنفسج]

السلام عليكم

الغالية sweet chili
حياج الله يا قلبي ومرورج هو النايس :hjy5jewf:

الغالية 78MariMar78
حياج الله يا قلبي وتسلمين على ذوقج وعلى الدعاء الطيب :hjy5jewf:

الغالية lolwah
حياج الله يا قلبي وتسلمين على المرور الحلو :hjy5jewf:​

 

[جوري وبنفسج]

السلام عليكم

واليوم موعدي معاكم مع سلطة واو حدها لذيذة وسر روعتها في صلصتها

أنا أخذت طريقتها من كتاب الذواقة لعبير الراشد بس غيرت نوع الخضار وأضفت لمساتي بالصلصة

* سلطة الروبيان والخضار بصلصة الأفوكاتو *

المكونات

روبيان >> ممكن تسلقينه أو تحمسينه ( ستير فراي ) أنا حمسته بس لا يصير يابس خلو نص ونص يعني جوسي




كوسا وجزر مقصص حلقات ومشروم مقصص حلقات >> نحمسه ستير فراي نص ونص



بصل أخضر مفروم + علبة ذرة صغيرة >> من زود العجلة نسيت أصورها ههه




خس هولندي




نخلط مكونات السلطة ونحطهم بطبق التقديم


والحين الصلصة الخطيرة


حبة أفوكاتو + نص حبة فلفل أخضر حار + شريحة من الفلفل الأخضر البارد + 3 أو 4 ملاعق كبار زيت زيتون + ملعقتين كبار مايونيز + كزبرة خضراء + شبنت مجفف + عصير ليمونه + شوية صلصة صويا + ملح بالثوم + بقدونس مجفف +ملعقة وسط كمون حب










نحط كل مكونات الصلصة بالخلاط ونخلط


نصب الصلصة فوق السلطة وهذا الشكل النهائي للسلطة




وأتمنى أنها تعجبكم وصحتين على قلبكم ​

 

[صدى الأفراح]

وااااااااااااااااااااااااااااو لك انا بحياتي مادقت الربيان أو أي شي بحري لأني ماااااااااابطيقو بس انتي مبدعه لك وصفااااتك وذوقك ونظاااااااااافتك بشهووووووووووووووووووو بجد تسلم إيدك ورح أعملها وبقطع دجاااااااااااااج وكيفي أنا حره

 

[الروح المتوهجة]

تسلم ايدج حدها ابداع

انا بغير فيها .. لانها دسمه وايد

مو ناقصين شحم


بحط بدال الميونيز روب , و الافوكادو بحط نص وحده كافي

 

[جوري وبنفسج]

السلام عليكم

الغالية على قلبي صدى الأفاراح
لك تسلملي هالطلة الحلوة تسلملي يا روحي :hjy5jewf:
أي بيصير مع الدجاج ليش لا ... تفننوا في أطباقكم ولا تتقيدوا بالوصفة

الغالية الروح المتوهجة
حياج الله يا قلبي :hjy5jewf: بس أذا ربيان لا تحطين روب لأن المأكولات البحرية ما تتناسب مع منتجات الألبان وتقدرين تلغين المايونيز وتكثيرن زيت الزيتون . أو ممكن تستخدمين دجاج وبدل المايونيز حطي لبنة حامضة أحلى من الروب ... وناطرين تطبيقاتكم وأقتراحاتكم تعليقاتكم ​

 

[الروح المتوهجة]

السلام عليكم

الغالية شوشو الحلوة عليج بالعافية يا قلبي ووايد أستانس لما أشوف تطبيق عملي للأطباق :ggdw: وما عليه المرة الجاية حاولي تصورين


والحين بحط لكم ساندويش جربته اليوم لريوقي وطلع حلو كنت مآخذة طريقته من موقع أجنبي

* ساندويش الأفوكادو بنكهة الجتني *

أول شيء نعد صلصة الجتني وأنا حطيت كمية بسيطة تناسب الساندويش بس أذتني شوي بالخلاط بالغصب أنخلطت

نحتاج للجتني : كزبرة + شريحة زنجبيل +عصير ربع ليمونه + شوية فلفل أخضر


نحطهم بالخلاط الصغير ونخلطهم مع أضافة شوية ملح ( أنا حطيت ملح بالثوم )



والحين مقادير الساندويش : شرايح أفوكادو + طماط + بصل + جبن سويسري + صلصة الجتني



نجيب توست أسمر ونحط أول شيء صلصة الجتني بعدين الطماط والبصل والأفوكادو والجبن




نحطهم بالشواية لين يذوب الجبن




وهذا الشكل النهائي



ولمزيد من الطعم اللذيذ نضيف مسترد


ملاحظة / تقدرين تستغنين عن صلصة الجتني بالمسترد .​

لفت نظري الجبن السويسري .. اشلون طعمه؟

انا ماعرف الا جبن فيتا وجبن سلايز تشيدر , و طبعا جبنة التشيدر و الجبن الابيض الفرنسي , ودبل كريم الماني

 

[الروح المتوهجة]

السلام عليكم

الغالية ABEER FLOWER الله يعافيج يا قلبي ومرورج هو الأروع

الغالية على قلبي صدى الأفراح تسلمين لي يا عسل وأبشري بسوي طبق حلو أخذت وصفته من موقع نستله وقريباً راح أنفذه وعلى فكرة أنا مو شاطرة كثير بالحلويات خصوصاً اللي تدخل الفرن ههه من الفرن ألى الزبالة بس أعرف أسوي حلو بارد اللي نخلط المواد مع بعضها ونبردها :dddds:

الغالية اسراء205 السندويشات مافي أسهل منها وراح أعطيج الحين وصفات سهلة _03BA:



1) توست + جبن سلايس + تركي أو مرتاديلا + خس + مخلل + مايونيز + مسترد



2) لبنة + خيار + نعناع + شوية سماق



3) باذنجان مقلي + كوسا مقلية + فلفل بارد مقلي أو ممكن تشوينهم وتحطين معاهم شوية مايونيز + لبنة حامضة وجرجير




4) أذا عندج طماط مجفف + جبن موزاريلا + جرجير أو ريحان وشوية خل بلسمك



5) جبن حلوم + طماط + زيتون شرايح أخضر + زعتر حطيهم بصمون فرنسي كبير وقطعيه



6) أذا عندج صدور دجاج قطعيه صغار وتبيله وبعدين أما تشوينه بالشواية أو تقلينه وحطي معاه شوية مايونيز ولبنة حامضة وثوم وأي تتبيلة تحبينها ​

ممتاز :icon30:
افكار حلوة و سهلة ومبتكرة

اهم شي تعلمت استخدم خل البلسمك للساندويش فكرة ما فكرت فيها من قبل

تسلمين عز على افكارج النيرة

 

[الروح المتوهجة]

السلام عليكم

والحين موعدنا مع طبق جديد حلو ويصلح طبق جانبي مع الستيك أو الدجاج المشوي

* بيبي بوتيتو بمايونز الثوم والأعشاب *

هذا الطبق أخذته من موقع أجنبي وغيرت فيه شوي هم حاطين روزماري بس أنا ما كان عندي فأستبدلته بالأعشاب الأيطالية

نحتاج إلى بطاط صغار( واذا ما عندك ممكن تحطين بداله بطاطا كبيرة بس تقعينها إلى قطع متوسطة )


ليمون نقطعه أرباع وثوم نخليه بقشره


تتبيلة الأعشاب الأيطالية


ملح بالثوم


نقشر بالبطاط ونضيف له الثوم بقشوره والليمون والأعشاب الإيطالية وزيت زيتون ونحطه بفرن درجة حرارته 200 لمدة 50 دقيقة . وبنص الدة (25 دقيقة ) نطلع الثوم واليمون . ونزيل قشرة الثوم ونضيفه على مايونز ونخلطه بالخلاط .

وأذا أستوى البطاط نطلعه من الفرن ونضيف له المايونيز بالثوم وهذا الشكل النهائي


وأتمى أن يعجبكم الطبق وصحتين على قلبكم :hjy5jewf:
​

فكرتها حلوة , و لو نجرب اللبنة بدال الميونيز اتوقع يطلع اخف اشوي


عاد اول امس كنت اشوف BBC lifestyle
والطباخ سوا صينية بطاطا حلوة حط عليها :
ينسون , زيت زيتون , ثوم فصوص وشواها بالفرن وعقب حط عليه طماط شيري ورده بالفرن

يقول الينسون له ريحة حلوة بالاكل وجربوها

وامي جربتها مع الربيان فعلا نكهته وايد حلوة

جربيها عز :rerrerek:

 

[الروح المتوهجة]

السلام عليكم

الغالية على قلبي صدى الأفاراح
لك تسلملي هالطلة الحلوة تسلملي يا روحي :hjy5jewf:
أي بيصير مع الدجاج ليش لا ... تفننوا في أطباقكم ولا تتقيدوا بالوصفة

الغالية الروح المتوهجة
حياج الله يا قلبي :hjy5jewf: بس أذا ربيان لا تحطين روب لأن المأكولات البحرية ما تتناسب مع منتجات الألبان وتقدرين تلغين المايونيز وتكثيرن زيت الزيتون . أو ممكن تستخدمين دجاج وبدل المايونيز حطي لبنة حامضة أحلى من الروب ... وناطرين تطبيقاتكم وأقتراحاتكم تعليقاتكم ​

الله يحييج يالغالية ويعلي مقدارج يارب ...
اي صح كلامج ما ينفع ناكل منتجات الالبان مع الاكل البحري زين نبهتيني ... حده طار من بالي

عيل ببيعها و اجربها كما هي و الله يستر من الوزن ههههههههه

الله يعطيج العافيه تسلم ايدج عز

 

[اسراء205]

مشكوره اختي عز الاسلام على اطباقج العجيبه

 

[أم حسون]

ماشالله عليج فنانه والله تسلم ايدج قلبي

 

[~باقة ورد~]

ما شاء الله لا قوة إلا بالله هذا الإبداع ولا بلاش الله يهنيج ويزيدج من فضله وتسلم إيدج عالمجهود الأكثر من روعه

 

[جوري وبنفسج]

السلام عليكم

الغالية الروح المتوهجة
حياج الله يا قلبي ويسعدني تفاعلج المميز :ggdw:

لفت نظري الجبن السويسري .. اشلون طعمه؟

انا ماعرف الا جبن فيتا وجبن سلايز تشيدر , و طبعا جبنة التشيدر و الجبن الابيض الفرنسي , ودبل كريم الماني

الأجبان أشكال وألوان وأحنا ما نعرف إلا القليل منها أجل لو رحتي فرنسا بتدوخين من كثر أنواعهم

الجبن السويسري طعمه ماسخ شوي . وله نكهة مميزة شكله فيه ثقوب نفس اللي يطلع بتوم وجيري :dddds:

ممتاز :
افكار حلوة و سهلة ومبتكرة

اهم شي تعلمت استخدم خل البلسمك للساندويش فكرة ما فكرت فيها من قبل

تسلمين عز على افكارج النيرة

البلسمك يستخدم عدة أستخدامات للسلطة وللمعكرونة وللسندويشات وفي شغلات يمكن للحين ما نعرفها تذكرت يوم أول مرة أتعرف على البلسمك هه كنا مسافرين ألمانيا قبل 8 سنين وكنا بمطعم وطالبين باستا شفنا الجرسون شايل بطل أسود على بالنا نبيذ ويوم حط طالبنا قالنا تبون أحط لكم على الطبق قلنا لا ما نبي نبيذ قال هذا مو نبيذ هذا أسمه خل البلسمك وقام يشرح لنا عن فوائده ومن يومها عرفناه ولما كنت أروح مطعم بردز اللي بشرق وأشتري منهم سلطات عرفت أستخدامات البلسمك وقمت أجربه في أطباقي

فكرتها حلوة , و لو نجرب اللبنة بدال الميونيز اتوقع يطلع اخف اشوي


عاد اول امس كنت اشوف BBC lifestyle
والطباخ سوا صينية بطاطا حلوة حط عليها :
ينسون , زيت زيتون , ثوم فصوص وشواها بالفرن وعقب حط عليه طماط شيري ورده بالفرن

يقول الينسون له ريحة حلوة بالاكل وجربوها

وامي جربتها مع الربيان فعلا نكهته وايد حلوة

جربيها عز :rerrerek:

ممكن تجربين أي نكهة تحبينها ولا تتقيدين بالوصفة الأصلية تصدقين أنا عمري ما تقيدت بوصفات كتب الطبخ لازم أضيف من عندي شيء وكل مرة أغير بالطبق

وبالنسبة للطبق شكلي بجربه مع أن مدري ليش الينسون أحسه يقلب جبدي وأفضل عليه الكمون الحب وايد روعة بس على العموم راح أجرب الينسون واشوف النتيجة

>> بس أنتي تقصدين البطاط الحلوة مو العادية أو أن الطبق شكله حلو ؟

الله يحييج يالغالية ويعلي مقدارج يارب ...
اي صح كلامج ما ينفع ناكل منتجات الالبان مع الاكل البحري زين نبهتيني ... حده طار من بالي

عيل ببيعها و اجربها كما هي و الله يستر من الوزن ههههههههه

الله يعطيج العافيه تسلم ايدج عز

هههه عادي بيعيها كلها مرة وحدة أنتي ماراح تحطين المايونيز بأكلج كل يوم . وممكن مثل ما قلت تستغنين عن المايونيز وتكثرين الزيت زيتون ... هههه ذكرتيني بزوجي كل ما يشوفني أحط مايونيز بالسلطة أو أكلي يقعد يقول لي مو زين كولسترول ويعطيني محاضرة عن أخطاره أنا أضحك واقول له أنت شايفني آكل ما يونيز كل يوم ! وبعدين توني صغيرة ووزني معقول ولا اعاني من أمراض حتى تقعد توسوس :dddds: وكل شيء بالمعقول ما يضر :tomato2:​

 

[جوري وبنفسج]

السلام عليكم

الغالية اسراء205
حياج الله يا قلبي وشاكرة لج المتابعة الحلوة يا عسل :hjy5jewf:

الغالية أم حسون
حياج الله يا قلبي وفديتج وفديت ذوقج يا حلوة :hjy5jewf:

الغالية ~باقة ورد~
حياج الله يا قلبي وتسلمين على الكلام الحلو والدعاء الطيب يا عسل :hjy5jewf:​

 

[الروح المتوهجة]

الغالية الروح المتوهجة
حياج الله يا قلبي ويسعدني تفاعلج المميز

الله يعز غاليج حبيبتي من طيبج وذوقج والله



الأجبان أشكال وألوان وأحنا ما نعرف إلا القليل منها أجل لو رحتي فرنسا بتدوخين من كثر أنواعهم

الجبن السويسري طعمه ماسخ شوي . وله نكهة مميزة شكله فيه ثقوب نفس اللي يطلع بتوم وجيري :dddds:

وي عاد انا من محبي الجبن ... لكن احب يكون له نكهه و ياريت مالح ماحب الماصخ .. طيب شنو جربتي غير السويسري و البارميزان و التشيدر؟




البلسمك يستخدم عدة أستخدامات للسلطة وللمعكرونة وللسندويشات وفي شغلات يمكن للحين ما نعرفها تذكرت يوم أول مرة أتعرف على البلسمك هه كنا مسافرين ألمانيا قبل 8 سنين وكنا بمطعم وطالبين باستا شفنا الجرسون شايل بطل أسود على بالنا نبيذ ويوم حط طالبنا قالنا تبون أحط لكم على الطبق قلنا لا ما نبي نبيذ قال هذا مو نبيذ هذا أسمه خل البلسمك وقام يشرح لنا عن فوائده ومن يومها عرفناه ولما كنت أروح مطعم بردز اللي بشرق وأشتري منهم سلطات عرفت أستخدامات البلسمك وقمت أجربه في أطباقي


البلسمك حاليا استخدمه مع السلطة ... احط مقادير متساوية من خل البسلمك و زيت الزيتون , وشوية عصير ليمون مع فص ثوم صغير و شوية بارميزان و اخلطهم بالبليندر , وتقدرين تضيفين عليه كزبرة حب يعطي نكهه حلوة ... واحطه على السلطة جربيه ان شاء الله يعجبج

بس حق الباستا ! عجيب والله ... اجربه بس مادري اشلون ههههه


ممكن تجربين أي نكهة تحبينها ولا تتقيدين بالوصفة الأصلية تصدقين أنا عمري ما تقيدت بوصفات كتب الطبخ لازم أضيف من عندي شيء وكل مرة أغير بالطبق

صح كلامج ... انا باول تجربة لي مع الوصفة غالبا ما اتقيد بالمقادير , وعقب اغيرها حسب مزاجي و ذوقي



وبالنسبة للطبق شكلي بجربه مع أن مدري ليش الينسون أحسه يقلب جبدي وأفضل عليه الكمون الحب وايد روعة بس على العموم راح أجرب الينسون واشوف النتيجة

>> بس أنتي تقصدين البطاط الحلوة مو العادية أو أن الطبق شكله حلو ؟



الينسون طعمه حلو ( سكر ) حالي يعني ... و على قولة الشيف له ريحة عطرية حلوة مع الاكل ... مثل ماقلت لج الوالدة جربتها مع الربيان ومدحته بس للامانه انا ما ذقته

وطبعا الكمون الحب وايد حلو مع الاكل , و الكزبرة الحب بعد
وصديقتي لها طريقة حلوة بعد ... تدخل حبة البركة ( الحبة السوداء) في اكلها , بالسلطة , عقب ما تحمس الدياي ويبرد ترشه عليه بعد .. كله فايدة ولا يأثر على الاكل

والبطاطا ... اقصد البطاطا الحلوة ... الي طعمها فيه سكر ... وايد ياكلونه الاجانب

انا عن نفسي لما بجرب هالطبق بسويه ببطاططنا العادي المالح .. وبرش عليه بارميزان يطلع احلى واحلى



هههه عادي بيعيها كلها مرة وحدة أنتي ماراح تحطين المايونيز بأكلج كل يوم . وممكن مثل ما قلت تستغنين عن المايونيز وتكثرين الزيت زيتون ... هههه ذكرتيني بزوجي كل ما يشوفني أحط مايونيز بالسلطة أو أكلي يقعد يقول لي مو زين كولسترول ويعطيني محاضرة عن أخطاره أنا أضحك واقول له أنت شايفني آكل ما يونيز كل يوم ! وبعدين توني صغيرة ووزني معقول ولا اعاني من أمراض حتى تقعد توسوس :dddds: وكل شيء بالمعقول ما يضر



وي انا احب الميونيز لو حاصلي اكله كل يوم ماعندي مانع .. ولازم بالسندويشات ادهنهم بشوية ميونيز والا ما ابلعهم احسه ناشف .... وانا عن نفسي هم الحمدالله ماني بدينة لكن انتبه لاكلي ... والمشكلة باهلي .. بالاصح بامي ماترضى ولا تحب الميونيز ولا زيت الزيتون لدرجة حتى سلطة الفتوش ما تاكلها ولا تحط من الصلصه الي اسويها تخاف من زيت الزيتون ! محبطتني وايد ... والحمدالله على الصحة و العافية احنا بنعمة ناكل ونشرب ونطبخ و نستمتع باكلنا الله لا يغير علينا و يزيدنا من نعيمه يارب لكن بدون متن مانبي شحوم ههههههههه

 

[احلى قصيد]

يابنت الحلال

صرت ادور مواضيعك دوارة وصايرة مااحب ادش موضوع حق غيرك

عنصرية

الله يخليك حق كل إلي حبونك

 

[جوري وبنفسج]

السلام عليكم


الغالية الروح المتوهجة
حياج الله يا قلبي والبطاطا الحلوة أستخدمها لذيذة عندي طبق مسويته قبل إن شاء الله قريب أنفذه وأصوره

ولا زيت الزيتون لدرجة حتى سلطة الفتوش ما تاكلها ولا تحط من الصلصه الي اسويها تخاف من زيت الزيتون !

بس غريبة ليش الوالدة خايفة من الزيت زيتون !!! بالعكس أصلاً كله فوايد ويأخذونه علاج لأنه ينزل الكويسترول السيء ويرفع الكويسترول الجيد شوفي الفلسطينين واللبنانيين والأيطالين شعوب البحر الأبيض شلون صحتهم ممتازة وما يعانون من أمراض القلب ولا الكويسترول والسر في زيت الزيتون .. حطي زيت زيتون في كل أكلاتج ولا تحاتين

الغالية احلى قصيد
فديتج وفديت مرورج يا قلبي ومواضيعي تنور بطلتج الحلوة :eh_s(15):​

 

[ام كنعه]

يعطيج العافيه

 

[ام كنعه]

صراحه اليوم طحت علي موضوعج وايد استمتعت وخلصته كله وانشالله ابدي في التطبيق ما شالله عليج