ملف الخلطات والعناايه 2012

[حبيبه ببي]

شلونكم بنات شخباااركم؟؟


اليوم موضوعي عن العنايه من غير الحاجه للذهاب للصالونات




وحابه أفيدكم بشغلات عشان ماتحتاجين للصالون وتصيرين أنتي خبيره حق نفسج




وشلون تعتنين ببشرتج وتحافظين عليها..





أولا: حف الجسم..




طبعا أنا قبل كنت أحف بشيره بس ألحين عقب ماشريت أله فيلبس خلاااااص ودعت الشيره وحوستها




واذا تقولون الشيره تشيل الجلد الميت انا استبدلتها بالحمام المغربي يشيل الجلد الميت وينظف عددل




وهذي صورة ألتي وناويه أجرب أله بروان هديه العروس ان شاء الله..

1. أله فليبس وعليها راس نزع الشعر..



2. راس الأماكن الحساسه ..



3. فرشه لتنظيف الأله ..




4. جنطه صغيره لحفظ الأله مع ملحقاتها والشاحن..





ثانيا: صبغ وتشقير الحواجب..




عشان تكون النتيجه روووعه من لون الصبغ ولون التشقير لازم تكون أدواتج كامله و مظبوطه يعني انا استخدمت كذا لون لصبغ الحواجب من أسود وبني غامج لين رسيت على هاللون من الحواج..

1. صبغ الحواجب ماركهBigen لون BROWN BLACK..
2. عود أسنان عشان ترسمين فيه وتكون الرسمه مضبوطه..



أما التشقير فاستخدم البودره من الحواج والسائل من الجمعيه وعشان مايتحسس جلدج
حطي قبل الشقير فازلين..

1. بودرة blonder geli من ويلا..
2. الفرشه اللي أخلط فيها وأوزع ع الحاجب..
3. سائل التشقير من ويلا قوه 9%..


ثالثا: البديكير والمنيكير..


طبعا أنا الحمدلله ولا مره سويت أظافري بالصالون لأني بصراحه موسوسه من نظافه الأغراض فقلت ليش ما أجمع الأغراض وأسوي لنفسي أبرك من هالصالونات حتى خواتي يطلبوني أسويلهم يوم شافو أظافري ونظافتهم


الأدوات:

1. عده العناية بالأظافر شاريتهم من طيور الجنه وفيهم كل شي..
2. مفراكه الرجول وتشيل الجلد الميت وتنظفهم عددل..
3. أداه تشيل الجلد الميت اللي على الأظافر..
4. مبرد..
5.محلول مزيل اللحميه..
6.محلول مطهر لصبغ الأظافر وهو اللي يخلي الأظافر لونهم وردي يشوق..
7. فلين لتفريق أظافر الأرجل للمنيكير..


رابعا: تنظيف البشرة..


أهم شي لازم يكون عندج جهاز بخار الوجه لتفتيح المسام وانا مالي طالبته من الوسيط


وهذي صوره من النت طلعتها لعيونكم :ggdw:لأني نسيت أصور جهازي

والميلك والتونر لتنظيف البشره من الأوساخ والترسبات والماركه اللي ارتحت عليها
ماركه لوريال من الجمعيات..

1. التونر من لوريال ..
2. الميلك من لوريال ..



الماسكات اللي أستخدمهم وناسبو بشرتي

1. ماسك من ستيفز من الجمعيه..
2. ماسك البابايا من سوفت&لايت هم من الجمعيه..



ولازم يكون عندج سنفره تكون خفيفه ع البشره وبنفس الوقت تنظف عدل
ولازاله الرؤوس السودا ابره بودي شوب أنظف من اللزقات لأني جربتهم وأحس أنهم
مايسون شي غير الابره اللي تنظف عددل وأخر شي أرش وجهي بماي ورد أو أمرر عليه مكعبات من ماي الورد عشان يسكر المسام..

1. ابره بودي شوب لأزاله الرؤوس السودا..
2. رشاش ماي الورد..
3. سنفره ستيفز..




واتمنى يعجبكم موضوعي وتستفيدون منه..



وهالله هالله بالردوود بنات لأني تعبت من تحميل الصور..:ggdw:


خالص ودي..


حبكـ جنوني,,:eh_s(17)::eh_s(17):​

 

[حبيبه ببي]

السلام عليكم ورحمة الله وبركاته


شلونكم شخباركم؟
انا هالموضوع حطيته بقسم العرايس.. وحطيته اهني بعد انطلاقا من:

قال رسول الله _صلى الله عليه وسلم_ : ( لا يؤمن احدكم حتى يحب لأخيه ما يحب لنفسه)

وبما اني احبكم كلكم واحب لكم ما احب لنفسي ابي اللي متوهقين يستفيدون لعل وعسى يلقون الحل اهني

================================================== ==========


انا صراحه مستغربه من اللي يستخدمون الشيره للمنطقه الحساسه > البكيني < ... بدون لا تسمعين انها ترهل انتي اصلا لما تشيلي بالشيره :-

*قاعده اتمططين بالبشره ويا الشيره
*يعور
*غثيث وانتي تشيلين حوسه وممكن يدبق وعاد يا ويلج ان دبق تروحين فيها
*كل شوي بتقعدين اطلعين قطعه صغيره كبر العلجه وتشيلين شوي شوي يعني وقت طويل

والليزر:-

سويته مره ما ارتحت نفسيا كلش ...مع اني شفت نتيجه حلوه بس ماعجبني طريقة كشفي لعورتي استغفر الله العلي العظيم وطبعا اللي بتسوي ليزر براحتها هذي حرية شخصيه..والنتيجة حلوه بس الراحة النفسية أولى.

الموس:-

هههههه ما يبيله معروف شعر خشن ويسود و ويع بس ترا مالنا غنا عنه يفيد في بعض الاماكن...بس ترا نوعية الموس هي اللي تعطيكم نتائج سيئه...وبالنسبه للمتزوجات والمقبلات على الزواج اكيد ودهم بنتيجه شوي احلى من الحلق





طريقتي في ازالة شعر المنطقة الحساسة > البكيني < هي التالي:-


شرائج فيت الشمعية

شي طبيعي الكل عارفه لووووول

امبيه يا بنات لا اله الا الله مادري ويني عنه من زمان اثاري رفيجاتي يستخدمونه وطايحين فيه وانا خلف الله علي كنت بداية عمري شيرة من عمري 14 سنه خفت منها ومن مشاكلها وانا توني صغيره ذاك الوقت وعقبها انتقلت للموس واهيا اطول فترة بحياتي لوع جبدي (طبعا بعدها اكتشفت ان نوعية الموس هي تعطي نتيجة سيئه) وثالث شي ليزر ما ارتحت نفسيا

المهم

الشمع يا بنات

كــــــــــــــــــل الاجانب يستخدمون الشمع للبكيني لاحظت سمعت بالبرامج وبسوالفهم بالافلام وشفت باليوتيوب وقريت بالنت ان افضل طريقة لازالة الشعر للوجه والبكيني هي الشــــــمـــــع لا حلق بالموس ولا بالخيط (بالنسبه للوجه)



وانا قلت مو معقوله الاجانب امطيحين فيه واهوا مو زين

شفت نتجيه ترضي القلب..وصراحة قلت لازم اقولكم عليها وخصوصا اللي ماعرفت تشيل بشرائج فيت او اللي غاب عن فكرها شرائج فيت الشمعية

نعومه وصفاء يهبلون صارلي اسبوعين من شلت وطلعت شعيرات نااااااعمه


* ما ياخذ وقت طويل

* مريح بالاستخدام لا يدبق ولا يبط الجبد

* العوار اخف بوااااايد من الشيره

تفضلوا طريقتي :-


شي طبيعي الكل يعرف شرائج فيت الشمعية الحجم الكبير ( مناسب للسيقان والذراعين)

وهذي صورته ومطلعه وياه الشريحة .....راح نحتاجه للبكيتي للمساحات الكبيره اللي هو فوق



[URL=http://www.up-00.com/]

[/url]



وراح نحتاج شرائح فيت الشمعية الحجم الصغير مكتوب عليه (لمنطقة الابطين وخط البكيني)

وراح نستخدمه بالاماكن الوعرة الضيقه اللي هم جانبين الافخاذ وجانبي بالقرب من المناطق التناسلية


وهذي صورته ويا شريحته الصغيره



[URL=http://www.up-00.com/]

[/url]



اول شي راح ناخذ الشريحة الكبيرة نقصها بالمقص نصين لان احنا نبي الشريحة تكون عريضه بس مو طويله



[URL=http://www.up-00.com/]

[/url]




واهني انقص




[URL=http://www.up-00.com/]

[/url]


طبعا مكتوب بالورقة اللي معاه انج اتسخنينه بأدينج عشان يتسخن الشمع وتقدرين اتبطلين الشريحة اللي هي اصلا عباره عن شريحتين

وانا اقولج لا تقصين على نفسج اتسخنينه بأيدج وسخني بالاستشوار جذي عشان يتوزع الشمع بالشريحتين بالتساوي قبل ما تفصلينهم عن بعض



[URL=http://www.up-00.com/]

[/url]




واهني تسخن وبديت ابطله شوي شوي



[URL=http://www.up-00.com/]

[/url]




واهني بطلنا الشريحتين
وقبل ما تحطينه عالبكيني اخذي شريحة وحده من اللي فصليتهم ثم وجهي على الاستشوار الحار خمس ثواني خل الشمع يذوب ويصير حار (حراره يتحملها جلدج) لان يا بنات اذا ما كان الشمع حار ولا ذايب مرح تحصلين على نتيجه كلش ..

وهذا هو:




[URL=http://www.up-00.com/]

[/url]



قولي بسم الله وحطي عالبكيني من فوق في المساحات الكبيره وامسحيه عليه مسحه مسحتين ثلاث (بأتجاه نمو الشعر) لين تحسين برد على جلدج نص برده ولا تشيليه وهو توه حار لان جذي راح يدبق.. خليه يبرد نص برده وامسحيه عليه وقولي بسم الله واسحبي بعكس اتجاه نمو الشعر بسرعه متوسطة...بليز لا تشيلين بقوه شديدة و لا تشيليه ببطء

وبجذي بتشوفين الشعر انشال بسهوله وبتشوفين جلدج ناعم ...ثم اخذي الشريحه الثانيه وسوي فيها نفس الطريقة الاولى سخنيها بالاستشوار وحطي عالاماكن الثانيه من المساحات الواسعه فوق


ولي خلصتي من المناطق العليا..وبدا موعد المناطق الوعرة اللي هو جوانب الافخاذ الداخلية استخدمي الشرائح الصغيره اللي مكتوب عليها مخصصه للبكيني وسخنيه بدون لا تقصينها بالمقص لانه حجمهم مناسب جدا بعدين افصليهم عن بعض وبعدها سخني شريحة وحده بالاستشوار وقولي بسم الله وحطي وامسي مسحه مسحتين ثلاث وشيليه ولا ترددين ولا تفكرين.. شيليه وتوكلي على الله..صدقيني ان عواره اخف من الشيره...


من كثر من الشرائح مريح استخدامها راح تتجرئين وتروح لي ورا بعد...لان ان خفتي وتوهقتي راح تسحبين الشريحه على طول .. لو كان شيرة جان بجيتي لي تلزق ههههههه <<<< مجربه كل شي



نجي عند مكان الشعر اللي بالشفرتين القريب جدا من الاماكن التناسليه

اذا قدرتي تشيليه كان بها والحمدلله وانتي بأذن الله راح تقدرين تشيلين نصه خصوصا الصوب المقارب للافخاذ الداخليه .. وان قدرتي تشيلين المقارب للامكان التناسليه شيلي واذا حسيتي نفسج مبتدئه وخفتي عاد هذا خليه للموس احسن


وبعده ما تخلصين من شيلة الشعر بالشمع المنطقة راح تكون متحسسه شوي خصوصا اللي أول مره... مع العلبه يجي منديل مبلول تمسحين فيه المنطقه وهو يهدي المنطقه <<<< هذا مبدئيا بس وبعدين لمي قشج وشيلي اغراضج لوووووول

وبعدين روحي غسلي بماي بارد وحطي كريم فيسودين يخفف الاحمرار والالتهاب ويمنع ظهور الحبوب ... وقولي الحمدلله واستانسي بدون شعر ههههههههه
وهذول اهما



[URL=http://www.up-00.com/]

[/url]






وصراحة بجلستي كنت حاطو طاسه فيها ماي وباكيت كلينكس وفوطة وقصه ما ساتخدمت ولا شي منهم <<<<< اغراض الشيرة سابقه خخخخخخخ... وجلستي كانت خفيفه وقصيره وكنت حاطو على اف ام الكويت ومكيفه لووووول



وطبعا


هنـــــــــــــــــــــــــــــــك ملاحظة عالموس


معلومة خاطئة:

الموس يسبب حكه وشعر خشن ويطلع حبوب


المعلومة الصحيحه:

نوعيه شفرات الموس هي اللي تحدد ظهور الحكة والشعر الخشن وحبوب

وطبعا الموس لا غنى عنه ابدا...

خصوصا للحالات الطارئه اذا كنتي مو فاظيه للشمع وماعندج وقت وخصوصا للمتزوجات


اقدم لكم احلى مووس استخدمته مريح جدا جدا


هو:

فينوس بريس

Venus breeze


وهذا صورته:




[URL=http://www.up-00.com/]

[/url]


واهني لما بطلته

عباره عن يده (مسكه) مع علبتين صغار كل علبه فيها شفره تركبينها باليده..


[URL=http://www.up-00.com/]

[/url]


وطبعا الجديد والحلو بشفرات فينوس بريز ان على جوانب الشفره في اكو مثل جل صاوني تبللين منطقة البكيني بالماي وتبللين الشفره بماي وامررينها عالمناطق اللي مثل ما قلنا قبل خفتي او ماعرفتي تشيلينهم ولما تمررين راح يذوب الجل الصابوني مع حركة الموس و راح يسهل عمليه حلاقه الشعر وراح يخلي المنطقه ناااااااعمه على عكس لو شلتي بموس والمنطقه جافه او كنتي حاطه بس غسول عادي فرق السما عن الارض..


وهذا هو عن قرب


[URL=http://www.up-00.com/]

[/url]


واستخدامه الشفره الوحده اكثر من مره لين يختفي الجل الصاوبي ويخلص وانا الحين صارلي اكثر من خمس مرات استخدمة نفس الشفره وما خلص الجل منه ... يعني بأذن الله يطول معاج ومناسب للطوارئ ههههههه والوقت اللي تكونين مو فاظيه للنتف


وطبعا الموس استخدميه على باقي المنطقة حتى الخلفية

يا بنات والله حيل مستانسه لما لقيته بالجمعيه لاني شفته مره بمجلة دعايه وتوني القاه بالجمعيه يهبل


وحلو استخدامه على باقي الجسم اذا كنت مستعجله انا ما أأيد الموس للرجول والادين

================================================== ==================





ترا تعبت وانا انزل الصور وارتب

مابي منكم الا دعوة صداقة من القلب ان الله يوفقني في زواجي





شكرا لأستماعكم والى اللقاء :tek:







طـــــــــــــــمــــــوحـــــــــــــــه بــــــــزيـــــــــــــــاده​

 

[قطوووة]

مشكورة عالنقل

 

[حبيبه ببي]

قوووه كويتيات شلووونكم


صراحه مادري شقول لوووول احس جني اول مره اكتب موضوع

:eh_s(22):

بس كل اللي بقوله قبل لا دش بموضوعي اني اشتقتلكم وااايد

و 3 شهور وااايد بالنسبه لي فتره طويله

بس ماحبيت ارجع لكم وايدي فاضيه هههههه




وابي اشكر كل عضوه اسألت عني سواء برساله خاصه او بمسج على فوني او بالواتس اب

وان شاءالله ما اقاطعكم ابد

ندخل بالموضوع

خلال هالفتره اللي غبت فيها عنكم كنت اسوي سيرج عن اكثر المواد الآمنه اللي ( تفتح )

انا قلت تفتح لاني ماحب اقول تبيض صراحه كل ما اقول تبيض اتذكر كلوركس وتايد وهالسوالف

لوووووووول

المهم طبعا المادة اللي تحتل المرتبه الاولى بالتفتيح اهيا :

1- الالفا اربوتين ( alpha arbutin )

طبعا هالماده غااااااااليه ومو متوفر كخام عندنا

الثانيه :

2- حمض الكوجيك ( kojic acid )

تقدرين تلقينه كسيروم او كريم بالصيدليات بس مادري اذا موجود او لا بس

ماينفع البشره الحساسه والجافه لان يمكن يتحسسون منه






و من ضمن الشغلات اللي تفتح اللي لقيتها وسويت عليها سيرج وشفت انها من مكونات

اغلب كريمات التفتيح والصوابين واللي استعملته بخلطتي اهوا :












العرقسوس ( licorice )

هذي صورته واهوا مطحون :

وبنقل لكم فقره عنه لقيتها بمنتدى عروس من العضوه منووووشه كاتبه عنه :



((العرقسوس أو أصل السوس نبات شجري معمر ينبت في كثير من بقاع العالم مثل سوريا ومصر وآسيا الصغرى وأواسط آسيا وأوروبا.
تستخرج من جذور الشجرة مادة العرقسوس، وهي أكثر حلاوة من السكر العادي ويمكن مضغها أو تؤكل كحلويات. وهناك 12 نوع من جذور العرقسوس تختلف في الطعم
المادة الفعالة في السوس هي الكلتيسريتسن، وثبت أن عرق السوس يحتوي على مواد سكرية وأملاح معدنية من أهمها البوتاسيوم، الكالسيوم، المغنسيوم، الفوسفور، ومواد صابونية تسبب الرغوة عند صب عصيره، ويحتوي كذلك على زيت طيار. ففي عام (1955- 1960) تم فصل مركب سيترويدي أطلق عليه اسم


حمض الجلسريزيك glycerrhysic acid من جذور نبات العرقسوس وقد تبين أن هذا الحمض يشبه في بنيته الكيميائية مركب الكورتيزون المعروف إلا أنه يتميز عنه بخلوه تماما من الآثار الجانبية المعروفة عند التداوي بالكورتيزون خصوصا لمدة طويلة.

يحتوي مستخلص عرق السوس (Licorice extract) علي مادة الجلابريدين، وهي مادة آمنة لتبييض الجلد، حيث تمنع كثرة التصبغ بمادة الميلانين عن طريق منع تخليق إنزيم التيروزيناز، ويعتبر هذا الإنزيم هو المسؤول عن تخليق صبغة الميلانين، كم أن مستخلص عرق السوس له تأثير فعال كمضاد للالتهابات.
وهو مضمون من ادارة الغذاء والادويه الامريكيه fda وقد ادرج فى قائمه الاعشاب آمنه الاستعمال بصورة عامه


ويدخل مستخلص عرق السوس فى مستحضرات التجميل ويعالج حب الشباب ويقلل من حروق الشمس ويساعد فى علاج تلون البشرة الداكنه الكلف . وفى اخر دارسه اجرتها جامعه كاليفورنيا اتضح ان عرق السوس له اثر كبير فى منع تسوس الاسنان))


عشان جذي سميتها خلطة الكورتيزون الطبيعي طبعا انا سويت كريم للجسم وصابونيه وسنفره



اول شي



1- كريم الجسم :


علبة جليسوليد 250 مل تحطينها كامله

كوب واحد من مستخلص العرقسوس ( راح اكتب شلون تسوونه )

زيوت ( زيت لوز - زيت افوكادو - زيت جوجوبا - زيت جلسرين ) من كل زيت ملعقتين كبار

الطريقه :


اول شي تشترين عرقسوس مطحون وتاخذين منه مقدار ملعقتين وتصبين عليه مقدار كوب ماي

وتخلينه ينقع بالثلاجه يوم كامل , تالي صفي المنقوع بقماش واخذي مايه , اخذي الجليسوليد و

حطي عليه كوب مستخلص العرقسوس مع الزيوت من كل زيت ملعقتين وخلطيهم بخلاط الكيك

راح تطلع النتيجه جذي :

2- الصابونيه :



انتي حره باستخدام الصوابين اللي تبينهم بس انا بكتبلكم اللي انا افضله

وماتزيدين عن 3 صابونات


انا اخترت الصابون السائل الافريقي ( اذا استعملتي الافريقي تزيدين عليه صابونه وحده كافي )

( التاجره Grass تبيعه )

مع

صابونه بالمرز بزبدة الككاو ( موجوده بلولو هايبر وفي منها بزيت الزيتون )

او

صابونة سكن سكسس ( موجوده بلولو هايبر )

او

صابونة فير اند وايت ( so white ) ( طالبتها من النت )

كلهم مجربتهم وحلوين


الطريقه :


تاخذين العرقسوس المطحون وتطحنينه زيااااده لين يصير ناااعم انعم من اللي شريتيه اوكي

تقطعين الصابون الافريقي قطع صغيره كلش وتبشرين معاه صابونه وحده من اللي حطيتهم لج

تالي بعدين حطي 4 ملاعق من العرقسوس الناعم وصبي عليهم 2 كوب ماي وخلطيهم بملعقه

عاديه وخليه ينقع بو جم ساعه اللي مافيها صبر لووووول تحطه بخلاط العصير سيدا مو مشكله

بعدين عبيه بعلبه وحطيها بالثلاجه يوم كامل بعدين استعمليها


هذي صورتها :

طبعا اهيا يوم عن يوم راح يصير لونها غامج من العرقسوس يتركز فيها اكثر فا عادي لا تخافون

مو عبالكم اختربت


وهني صورة الكريم مع الصابونيه

بالنسبه للسنفره اختاري اي سنفره تعجبج ستيفز وربعها وضيفي عليها العرقسوس المطحوون

الناااااعم وخلطيهم عدل واستعمليها بس خليها يوم كامل بدون استعمال عشان يتركز فيها وبس

واذا تبين تضيفين لها زيوت مو مشكله



وتقدرين تسوين تونر حق جسمج منه تنقعينه وتاخذين مايه وتحطينه فبخاخ كبير وبخي فيه

جسمج بعد السبوح






الحين نيي للبرنامج اللي بتمشون عليه سهل وايد :

1- تتسبحين بالصابونيه وتتفركين فيها وتخلينها شوي على جسمج بو 5 - 10 دقايق تالي غسلي

وتسنفري و غسلي ونشفي وجان تبين بخي من التونر وخليه ينشف على جسمج

2- اخذي الكريم وتدهني منه على كامل جسمج ونطري شويه تتشربه البشره ولبسي ملابسج


وكل يوم جذي لمدة شهر وبتشوفين شي يسرج ,طبعا كل وحده على حسب جسمها تبين النتيجه



ملاحظه :

قبل لا تسوين هاللي قلته كله نقعي العرقسوس واخذي مايه وسوي تست ( تجربه ) حق جسمج

شوفي تتحسسين ولا لا اوووووووكي مو تقولون ماقلت

اي صح نسيت اقول تحفظون الكريم والصابونيه بالثلااااااااااااااجه عشان ماتخترب وتكون فرش

حزت السبوح اخذي منها اللي يكفيج فباديه ورجعيها الثلاجه مو تبربسون فيها لووول ومدة الحفظ شهر



وهذي النتيجه بعد الانتظام والاستمرار لمدة شهر بعد اسهل من جذي برنامج ماكو لوووول

على فكره ترا انا ما اسوي مغربي ولا احط خلطات قبل السبوح الله يخلي الماجيك بيلنق و

بخار الحمام

ترا واااايد حلوه الخلطه اقوى من خلطة فيتامين سي

لمعه

نعومه

تفتيح

صفاء

:rerrerek:


واتمنى تجربونها وتعجبكم وبس خلصت

واسفه اذا الموضوع مو مرتب

​

.​

 

[حبيبه ببي]

صباح الخير يا حلوين:eh_s(17):





تدرون احنا بالقسم وااااااااايد نحب الخلط:eh_s(4):



المهم راح احطلكم



احلى اللوشنات الي تفتح الجسم بشكل طبيعي


من تجاربي


وسويت منهم الخلطه عجييييييبه



غير النعومه الفائقه لووووول








لوشن اس تي بالشوفان وزبده الشيا

لوشن البابايا بلوك اند وايت


لوشن نيفيا بالسوس والتوت

لوشن جرجنز فير اند سوفت

لوشن فيتامين سي من الحواي بدينار ونص


وباقي اللوشنات تقريبا نفس السعر اقل شوي او اغلى شوي


لوشن فازلين اليديد الوردي


مادري ليش ما طلع بالصور





الزيوت الي بنحتاجها



زيت البرتقال,,, لانه فيتامين سي


زيت جنين القمح


زيت الليمون


جلسرين

زيت اللوز المر


زيت السمسم



من كل زيت بنحتاج ملعقه كبيره



زبده الكاكاو






الطريقه باختصار



بنذوب الزبده شوي بالمكرويف لين تصير لينه


نحطه بالطاسه الي بنخلط فيها


ونضيف ملعقه كبيرة من كل زيت



نضربهم زيييييين بخلاط الكيك


نضيف عليهم اللوشنات كاملين


ونخلط عدل

بو دقيقتيمن


بتصير كريميه وايد


وريحتها عجييييييييييييييييييييبه






تسوي وحده ونص من هالحجم


بس انا كليتها لووووول



طريقتي قبل الحمام خلطه البابايا لمده ساعتين


موجوده في بروفايلي وصارت معروفه


وبعد الحمام اللوشن بس شوي مو وايد

لانه وايد كريمي

بس راح تتشربه البشرة بسرعه




وشوفو النعووووووووووووومه



بياااااااااااااااض عجيب وعلى ضمانتي






من لا يشكر الناس لا يشكر الله



انطروني في مواضيع يديده

باي:eh_s(8):​

 

[حبيبه ببي]

اشلونكم قلبووووووو:eh_s(22):




بنات بليز لا تعصبون وتجولون احنا برمضان وصيام لان الموضوع


مال اكل الصراحه






نبدا





الي يحبون الكاكاو والسينبون بيعشقون هالسنفره والمرطب





سنفره الكاكاو



الاغراض








5 ملاعق كبار سكر بني




ممكن الابيض بس انا افضل البني وباي كافيه تجعدون فيه اخذو السكر الي على الطاوله



لوووول




ملعقه كبيره زيت زيتون



افضل العويد عشان فيه فيتامين اي





ملعقتين كبار فازلين بزبده الكاكاو





ملعقتين كبار شمع العسل مع عسل




اذا كلش مو متوفر عندج كافي العسل




ملعقه كبيره ماي ورد ما صورته




نص ملعقه كاكاو خام



نص ملعقه قرفه>>>دارسين







علبه فاضيه نضيفه اكيد




احسن شي عشان تعقمون العلب الفاضيه تغسلونها بماي وملح وبعدين ماي


او ماي وبكربونات الصوديوم






الطريقه










ناخذ طبق نحط فيه شمع العسل
والفازلين
ونذوبهم في المكروويف شوي
بعد ما نطلعهم نضيف زيت الزيتون


والكاكاو والقرفه



ونقلب زيييين









نحط بالعلبه السكر


وفوقه الخليط



ونقلب زييييييييين









اشرااااااااايكم؟؟؟؟



والله احلى من بودي شوب كافي انج انتي الي مسويته وعافه مكوناته











الخطوه الثانيه



مرطب الكاكاو




المكونات








ملعقه زبده الكاكاو


ملعقتين فازلين بزبده الكاو



مرطب نيتروجينا



عجييييييييب وطعمه فانيليا


ويخلي الشفايف زبده



بس ممكن تستبدليه بلابليو الزرقه لان لونها ابيض


لان ما بي يكون فيه لون في المرطب



ملعقه عسل كبيره



ملعقتين ماي ورد كبار




ثلاث حبات فيتامين اي


نص ملعقه صغيره كاكاو


ربع ملعقه قرفه







نفس الشي بنحط كل المرطبات على بعض ونحطهم في المكرويف


ولما نطلعهم نضيف


الكاكاو والقرفه


ونقلب زين



نرجع ندخلهم المكرويف 7ثواني عشان نتاكد


انهم تجانسو مع بعض ونضيف الفيتامين





بس وحطيهم في العلبه الفاضيه












لونه وطعمه صج عذاااااااااااب



لون الكراميل


م حبيت اصور شفايفي





فصورتلكم اللون على ورقه








لونه كراميل



كانك حاطه عسل على شفايفك


اغراااااااء




كل يوم بليل سنفري شوي شوي شفايفك من السنفره وحطي المرطب






قسما بالله شفايفك تصير حرررررررررير


ولا تشققات ولا اي شي ملمسمهم عجيييييب




غير ان الخلطه راح تنفخلج شفايفك شي بسيط من القرفه





ترى والله مالي مصلحه اتعب وانزل مواضيع غير اني احبكم



وبعض البنات يستفيدون وكلمه الشكر ثقيله عليهم


ماااااااااااااا احل نقل الموضوع


بدون ذكر اسمي واسم المنتدى


الموضوع اهداء لبنات الحمله لانهم اهما الي طلبوه مني





فددددددددديتهم


اي سؤال انا حاضره بنات:eh_s(17):​

 

[حبيبه ببي]

بسم الله الرحمن الرحيم

ثاني مره اكتب الموضوع وينمسح:eh_s(4):



هالخلطه كتبتها لبنات حمله انوثه طاغيه وجربوها وعجبتهم قلت اانزلكم فيها موضوع لاني الله يعلم اشلون احبكم




بس في شغلتين ابي اتكلم فيهم قبل الخلطه


اول شي بالنسبه لموضوعي عن الايد البنات الي سالو عن فايده الفراوله بنات مو كل شي بكتبه لانو صعب الموضوع خلقه طويل


سو سيرج في جوجل فائده الفراوله للبشره

ثاني شي البنات الي دخلو الموضوع وقالو حرام

بنات احنا مو اهل نحرم ونحلل بكيفنا عيل اشلون خلطات طبيعيه يعني ما عندكصابون بابايا بالقطع مو حرام


ما عندك لوشنات بالكاكاو والتوت وسنفره المشمش كل هادا مو حرام وبس الفراوله حرام


اتمنى فهمتو قصدي



ندخل في موضوعنا

واهوا خلطه تنحط على الجسم كامل بدون الفيس قبل الشور من ساعتين لخمس ساعات

وبعدين تاخذين حمامك عادي



تنعم حييييييييييييل

تصفي الاثار

توحد اللون وتفتح الجسم مع الاستمرار




المقادير والطريقه












صابونه بابايا كامله مبشوره انا قطعتها كان عندي وقت انتظر تذوب انتو ابشروها احسن


غرشه كامله ماي ورد

2غطا زيت ليمون


غطا زيت لوز


غطا زيت جلسرين


3 ملاعق كبار كريم جليسلود انا سعات اسويها بكريم البابايا نفس النتيجه

ليمونه كامله بس الي بشرتهم حساسه او جافه لا يحطونها والوصفه بتعطيكي نفس النتيجه لان فيها زيت ليمون

ملعقتين كبار نشا


3 كبسولا فيتامين E

عشان تحفظها


الخلطه لا تخرب تقعد معاكي شهر كاااااااااااامل بدون ما تخرب



الطريقه

تبشرين الصابونه وتحطيها في نص غرشه ماي الود في علبه طول الليل


نص ماي الود الثاني تحطينه في جدر على نار هاديه تحطين فيه قشور ليمون وبرتقال لمده 3 دقايق وبعدين تطلعيهم


وتحطي الصابون


لحد ما يذوب وما يكون فيه اي قطع





شوفو اشلون صافي وذايب


اللحين تحطين الكريم وتنتظري لحد ما يذوب






اول ما يذوب حطي الزيوت وقلبي شوي وبعدين اعصري الليمونه كامله





اخر خطوة نحط النشا ونتركه يتقل شوي

وخلاص نسكر النار


ترا كل شغلنا على نار هاديه






ننتظر تبرد شوي ونعبيها في غرشه زجااااااااااج لازم بنات الليمون يتفاعل مع البلاستيك


نحط الفيتامين اي نغزه بابره ونفضيه






حطيها بعد ما تبرد في الثلاجه قلت تقعد شهر ما يصيرلها شي



طريقتها كل يومين قبل الشور او ثلاث مرات في الاسبوع

وشوفي توحيد اللون والبيااااااااااااااااض


اي سؤال انا حاضره


ما احلل نقل الموضوع من غير ذكر اسمي واسم المنتدى كويتيات ولا نسبها لاي احد



الوصفه سهله بنات استغنو عن الكسل لووووووووول



ماراح اقول ما احلل الي يعجبها الموضوع ما ترد


راح اقول الي عندها ذوق وتقدر جهد الناس بترد

الي مايشكر الناس ما يشكر الله:eh_s(17):




الي تجربها انتظر رايها:eh_s(8):​

 

[حبيبه ببي]

صباح الخير على الحلوين





اشلونكم بنات عساكم بخير دوم يارب










:eh_s(17):





:eh_s(17):




:eh_s(17):



ندخل بالموضوع وهو شي اكتشفو انو متروس اضعاف فيتامين سي الموجود بالبرتقال





وهو بذور العنب





وسو منه زيت موجود بمركز سلطان بس مو دايما موجود



طيب اشلون نستفيد منه



تعالو اقلوكم










اهني صورة العنب الاحمر


يقولون عليه العنب الافريقي


بيكون داخله البذور




بنجيب حوالي 20 حبه او 25



ونغسلهم




ونحطهم بالخلاط مال العصير مع ملعقه كبيره من زيت اللوز


لتنعيم البشرة


وشوي من ماي الورد عشان ينخلطو





ونخلطهم زيييييييين لما يصير مثل البيوريه










ونحطهم وين يا حلوين بمال الثلج بالفريزر



وندخلهم الفريزر





وياااااااااااا حلللللللللللللاتهم



وانتي راده من الدوام او بعد ما تذهبين الغدا

وتاخدين وحده وتسوين فيها الويه عجييييييييب


تحسين فرش ومع الوقت نضااااااااااااااره وتفتتتتتتتتتتتتيح مو طبيعي




جربو وردولي خبر





واول ما اسوي منه اخذ فرش واخ وياه ملعقه كبيرة شوفان مطحون او عيش مطحون واسويه ماسك




عجييييييييييييييب حده









ها اشرايكم






ممكن نسوي بنفس الطريقه




الكيوي البرتقال المانجو الفراوله التوت



واوقات اسوي مكس بين فاكهتين






لا تطوفوه والله عجيب وتعرفون انجل كات ما توصيكم على شي غير لما يكون خطير






ما بي منكم غير تدعولي بالخير:eh_s(22):






سلام والقادم احلى

 

[حبيبه ببي]

قوووووووه بنوتات


الموضوع مبين من العنوان انو عن الفيس
اول شي انا كنت واعده البنات على الخاص انزل مواضيع وايد بس بعد
مانزلت اول موضوع وكان عن المنطقه الحساسه
صاب اللاب توب مالي ليزر قوي لوووووووول
والله صار ظلام اشوف الايقونات بس الليت مال اللاب توب ظلام دامس والله انقهرت حدي
فداكم بس صلو على النبي لاني الصراحه مو ناقصه لوووول


اول الشي الصلااااااااااااااااااه يا بنات تنور الفيس بدون اي خلطات وذكر الله لا تنسون




نبتدي اللحين في موضوعنا ولا تنسوني من الدعاء


راح ابتدي في سنفره النسكافيه وكلو من اختراعاتي
والنتيجه فتاااااااااااااااااااكه

عباره عن ملعقه صغيره نسكافيه
ملعقه صغيره حليب بودر
ملعقه صغيره جلسرين سائل
نص ملعقه اي سنفره للفيس انا استخدمت s.t بالمشمش






خلطيهم زين وتعالي على فيسك حطيه بحركات دائريه لما حبات النسكافيه تذوب يا خذ دقيقتين تقريبا
الحين فيسك بيصير بني طبعا من النسكافيه


غسلي عدل بماي اكثر من مره
وبعدين هاتي قطنه وامسحي فيها الفيس عشان ما يبقى اي اثر


النتيجه

نعوووووووووومه ونضاره واحساس مخملي عجيييييب




الحين الخطوه الثانيه الماسك الابيض وهم من اختراعي

المكونات

ملعقه صغيره قشطه المراعي نادك المهم مو قيمر

ملعقه صغيره نشا

ملعقه صغيره طحين
ملعقه كبيره ماي ارز اشلون اكيد كل يوم بنشغل عيش في البيت يعني نسلق رز
بكل اللغات
بعد ما نسلق الارز ناخذ ملعقه كبيره من الماي

واهني الصوره







راح تفرديه على كل الوجه بطبقه سميكه مايبين وجهك منه
بتصرين تشبهين سنو مان:krkrkr::krkrkr::krkrkr:

ما انصحك يكون احد في البيت لا يخترعون من الشكل لووول

ببتتركيه نص ساعه راح ينشف وايد
تروحين الحمام تفركينه زين ولا ما انفرك خلاص بتغسلي زيييييييين وتنشفي فيسك بطريقه الطبطبه
فهمتو علي
الحيم ماي ورد يا بالرشاش يا تسوين اكنت تتوضين وتركي ماي الورد ينشف على فيسك



اتعب واقول خطييييييييييييييييير
النتيجه


صفااااااااء نووووووووووور نعوووووومه فيس مشدود

والله يا بنات لدرجه اني بعد ما غسلته لا حظت ان فيسي في شعر صغير ما كنت ملاحظته


اظن المكونات بكل بيت وما ياخذ وقت يعني وانتي مجابله لاب توبك سويه وبتطلعي قشطه يا قشطه


انتظرو موضوع يونس بعد يومين اذا ما صار فيني شي لوول



بنات الرد ما ياخذ منك اقل من دقيقه دامك استفدي البنات الي يحطون مواضيع بس هدفهم تستفيدو ماياخذو منك فلوس على الموضوع وانتو تستخسرو تقولو كلمه شكر طبعا مو كل البنات


انتظر تطبيقكم ورايكم​

 

[حبيبه ببي]

اشلوكم بنات


رمضان كريم
ينعاد عليكم بالف صحه وعافيه يارب




الموضوع حصريييييييييييييي على كويتيات




ما احلل نقل الموضوع خارج المنتدى


وما احلل الي تاخذ الوصفه وتنسبها لروحها



بذمتها ليوم الدين




الحين بقولكم سالفه شعري


انا شعري ناعم والحمدلله بس مو ستريت كيرلي وطبعه اذا ما اهتميت فيه يصير جاف


اهتميت فيه يصير عادي ويهببببببببل اشحلاته



ماشاء الله ولا حول ولا قوة الا بالله



المهم بنات امي كانت من وانا صغيره الصراحه تحطلي عليه ماسكات وحنه


واهتمتلي فيه زين الله يحفظها


لون شعري بالاساس بني فاتح بس انا اسوي اسود مثل شعر هيوفه لاني يليق علي اكثر



والله ثم والله يابنات اول ما دخلت الجامعه البنات صارو يشدوني من شعري على بالهم باروكه


لان ماشاء الله شعري لاخر ظهري مع لونه ولمعته يعطيج احساس انو مو طبيعي



وطبعا ان يوصلني الكلام انهم متراهنين انو مو شعري لوووووووووول


ولما ادخل المصعد وانا طالعه لازم يشدونه


وطبعا تكرر الموضوع وايد


واي صالون اروحه لازم يسالوني انتي مسويه حنه فرد اجولهم لا



يستغربووووووون


والله اكثر من 3 صالونات نفس السؤال



بس الحمدلله تحجبت وبس ابني الي الحين يشدني من شعري:eh_s(4):


قرقت وايد



الخلاصه الاهتماااااااااااااام المستمر


عندي خمس ماسكات للشعر ما اغيرهم



نعومه,لمعان,طول,كثافه,قوة بالشعر وعدم تقصيف


اليوم الموضوع راح يكون عن واحد من الماسكات


الي يعطي نعووووووومه ولمعان للشعر





نبتدي


بسم الله الرحمن الرحيم










فنيان نصه زيت زيتون ونصه زيت جوز الهند



ملعقتين كبار عسل


علبه روب



ملعقتين كبار قهوه


ملعقه وحده حلبه


مطحونين ناااعم





اول شي الروب معروف يطري الشعر من قلب



العسل يرطب الشعر ويعطيه لمعه خراافيه


القهوه وايد بنات ما يعرفون تنعم الشعر وااااااايد


الحلبه تنعم وتقوي الشعر ومع الخلطه بتروح ريحتها



الخلطه بتكون ريحتها قهوه



الزيوت معرفونين ينعمو ويرطبو الشعر حيييل





نيجي للطريقه





تجيبين جدر وتحطينه على النار هاااااااديه



تحطين خلطه القهوه والحلبه وتضيفين عليهم الزيوت وتقلبين بمضرب البيض












بعدين تضيفين العسل










وتقلبي زين



راح يثقل وياج الخلطه وتصير مثل قوام الحنه تقريبا












بس لما يصير قوام تقيل ضيفي علبه الروب













وقلبي لمده دقيقه وخلاص شيليها من النار









بتصير جذي في الاخر




انطري تبرد شوي



تصير دافيه





تقسمي شعرك نصين مثل لما تسوين حنه وتحطين الخلطه وتلبسين الجيس البلاستيك مال الشعر



وتقعدي فيها من ساعتين لخمس ساعات



لا اكثر ولا اقل




وعادي تغسلين بالشامبو وبالسم بعدها



لان خلاص شعرج استفاد من الخلطه




تسوينها كل 10 ايام او كل اسبوع مره




انتي بس تغسلين شعرج راح تشوفين لمعه قويه ونعوووووووووومه وشعلرج طري



يعني لو تسوين استشوار او فير بس تسوين الخصله مره وحده







طبعا في ماسكاتي الثانيه



اذا تبونها بسويلكم فيها مواضيع


بس اشوف ردودكم





هالموضوع اهداء لبنات الحمله فديييييييتهم



وفديت كويتيات




:eh_s(7):





مو محلله للي يعجبهم الموضوع وما يردون





اي سؤال من عنوني​

 

[حبيبه ببي]

بسم الله الرحمن الرحيم

عسانا على القوه الموضوع طويل:rerrerek:


الموضوع عباره عن صابونه وكريم حق الايد
من عمايل ايدي الحلوين لوووول


بنات بليز الموضوع طويل راح احط طريقه الصابونه وابعت مايرد احد بليز لحد ما انزل الكريم عشان الموضوع يصير متكامل

بلييييييييييييز





او الشي الصابونه

تفتح

تنعم

انسي شي اسمه اسمرا المفاصل

مخصصه بس للايد او الجسم


راح احط اشلون نسويها وبعدين احط استخدامها







المكونات


رز مطحون 4 ملاعق كبار


مربى فراوله 4 قفشات كبار ومهروسين بالشوكه


زيت لوز زيت جلسرين زيت زيتون كل واحد قفشتين كبار




عسل 3 ملاعق كبار متروسين


بودره البرتقال 5 ملاعق كبار


قشور البرتقال نشفيها واطحنيها بتحصلين منها البودره بتصير كنها سنفره



صابونتين جونسن للاطفال


بنات مايصير اي صابون ثاني


في اشياء بليز ما تغيروها وانا في اشياء لو لها بديل راح اكتبها بس الي اقول ما يتغير بليز التزمو فيه




بودره جسم انا حاطه بودره لافندر جايتني من دبي مادري في منها في الكويت ولا لا تقدرين تستبديلها باي بودر عندك

ملعقه كبيره منها



الطريقه




نبشر الصابونتين


نجيب قدر نحطه على النار ونحط فيه كوب ماي ورد


ونحط الصابونتين فيه لحد ما يذوبو





نقلب طول الوقت والنار على الهادي عشان ما تنحرق





نحط اللحين الرز المطحون ومربى الفراوله ونقلب لحد ما كلو يتجانس









بس دقيقه وحده تقريبا



بعدين نضيف العسل ونقلب













ونقلب لحد ما كلو يدخل في كلو:krkrkr:



في الاخير ضيفي الزيوت الي قلت عنها وقلبي بسرعه من تحت لفوق عشان يمتزجو عدل







شوفو اللمعه وااااااااااااااااااو:ggdw:


اخر خطوه بودره البرتقال وبودره الجسم ونقلب ونشيلها من النار

















شوفو اشلون فيها برتقال هادي اهيا السنفره الي راح تكون موجوده بالصابونه





تبرد شوي حطيها في علبه زجاج وحطيها في الثلاجه كم ساعه وطلعيها وتكون جاااااهزه للاستخدام​

مكوناتها مبينه اشلون راح تصير ايدك بعد ما تغسلي



زبده زبده زبده

وبتفتح وااااايد المفاصل كل يوم عن اليوم الي قبله راح تغسلين فيها مره وحده بس بليل قبل النوم


وبعدين تدهني من الكريم


اللحين اقولكم عليه





بنااااااااااااااااااات بليز لا يرد احد غير لما اخلص


ولا تقولون ناطرين اتظرو شوي بليززززززززززززززززززززززز​

:eh_s(4)::eh_s(4):​

 

[حبيبه ببي]

ينننننننننننننننننننعم ويبض بدون لا تحطين فير اند لافلي ولا اولاي




المكونات












قفشه كبيره جليسلود



قفشتين كبار لوشن البابايا


قفشتين كبار زبده الكاكاو




قفشتين كبار هاند كريم من نيتروجينا الكريم هادا تحفه يا بنات يطري من القلب



تقدرين تستبدليه بفازلين بالكاكاو






قفشه كبيره شمع العسل



تقدير اذا مو عن\دك تستخدمين عسل بس



















4 حبات فيتامين اي




10 ملاعق زيت زيتون


2 غطا جلسرين سائل



4 غطا زيت لوز



3 ملاعق كبيره كريم الايد الوردي




الطريقه





تحطين شمع العسل



وزبده الكاو


والفازلين في المكرويف 30 ثانيه



بيصيور سايحين








بتكوني حاطه كل المكونات والزيوت في الخلاط نسيت اصور هالخطوه



وتحطين بعد كبسولات الفيتامين اي بعد ما تفضينهم




وتضربي بسرعه بنات تحطون الشمع قبل لا يجمد




وبس صار عند احلى كريم للايد







طول اليوم راح تصيرين تتحسسين ايدك من النعومه


والظافر بيقو بدون لا تحطين مقوي ويطولو والتجربه خير برهان لووووووووول









اهني صوره الكريم بعد ما فضيناه





الطريقه كل يوم بليل تاخدي من الصابون على ايدك بدون ماي وتفركي تفركي دقيقتين وبعدين تشطفي وتنشفي




روحي سريرك وخلاص ما راح تسوي شي بايدك ابدا تحطين الكريم واحلام سعيده





وشوفي الصبح ايش بيصير







ما احلل نقل الموضوع غير بذكر اسمي واسم كويتيا



المقلدون خلفنا دائما:krkrkr:





انا مو تعبت انا انهلكت من الموضوع



اذا مو عاجبك الموضوع اطلعي بدون رده بس اذا عاجبك ما احللك تطلعين بدون ما تردين على تعبي لكم



:eh_s(17):​

خلصت بردو قلبي بردودكم الحلوة

 

[حبيبه ببي]

بسم الله الرحمن الرحيم


ثاني مره اكتب الموضوع اول مره الكمبيوتر سوا ريستارت في اخر الموضوع:eh_s(4):


اول شي بنات

قولو ماشاء الله ولا حول ولا قوة الا بالله

مو ناجصه انخبط عين يجيني تخلف عقلي اكثر من الي عندي:krkrkr:
المهم يا بنوتات كلنا تقريبا نعرف خلطه الزيوت المبيضه من زماان اسمع فيها وحتى لما تشتري زيوت الجسم قري حليها اخلطي وادهني المنطقه الغامقه لمده ساعتين واتسبحي


وانول جزاها الله خير ذكرتهم في مواضيعها واعتقد ماي وارد تبيعهم

المهم انا انسانه طول الوقت حرانه طبيعه جسمي حتى بالشتا حرانه:eh_s(14): مثل هالاخ

فلو حطيت زيوت على جسمي ههههههه راح تزيد الطين بله


وفكرت وايد في طريقه:eh_s(10): وما لقيت حل


وفي يوم كنت اتفرج على برنامج طبخ بما اني طباخه ماهره

مادح نفسه يبيله.......

وكان الشيف يسوي مايونيز وفي عقلي اقول مو ناقص غير المايونيز بعد نسويه في البيت كاهو مكود في الجمعيه مو لاجي الي يشتريه

واطج في راسي الفكره احول الزيوت الى مايونيز اقصد كريم لوووووول

وجمعت قشي ورحت المعمل وهو المطبخ

والزيوت الي خلطهم كانو


زيت البرتقال
زيت الليمون
زيت الخروع للجسم
زيت السمسم
زيت اللوز للجسم
زيت جنين القمح

بكميات متساويه

وملعقه صغيره زيت الورد او اللافندر عشان الريحه الحلوة تثبت فيج


ونحتاج بعد ماي ورد


والمقادير لكل كاس مليان خلطه الزيوت ربع الكاس ماي ورد

نحط ماي الورد في الخلاط ونفتح الفتحه الصغيره الي فوق مثل الصوره




وننزل بشويش بالزيوت


وبعد ما نخلص الكميه نسكر الفتحه الصغيره ونظل نخفق لمده دقيقه


والناتج بيكون

:eh_s(2):






:ggdw::ggdw:


كريم وطبعا استفدنا كمان من ماي الورد ان راح نحطها على كامل الجسم

هادي كميه بسيطه كنت مسويتها للاختبار وصورتها ورديت سويت كميه كبيره من الخلطه

ونتايجها الصراحه وااايد عجيبه


اممممممممممممم وطبعا ما نسيت الشعر بالنسبه للناس الي ما يحبون الزيت على شعرهم سويت نفس الطريقه بس بدل ماي الورد ماي عادي

اي خلطه زيوت تبينها منها كاس واحد مقابل ربع ماي

اهني كنت حاطه زيت خروع للشعر
وزيت جوز الهند
وزيت ذره للشعر





وطلع بالزبط زي حمامات الكريم:ggdw:


اشتبون بعد



وسويت كريم للفيس وللايد ومازالو تحت التجربه لجمييييييييع المشاكل يعطوني النتيجه الي ابيها وطبعا ما يغلو عنكم





ما احلل نقل الموضوع او نسبه لاحد ثاني بدون ذكر اسمي واسم المنتدى وفي رقبتكم ليوم الدين




معنى الابداع صنع المستحيل ونحن نصنع المستحيل من قلدنا اكد باننا الافضل

المقلدون خلفنا دائما
لوووووووووووول


الي يدشون وما يردون اذا مو عاجبك الموضوع لا تردي اذا عاجبك ما احللك تطلعي بدون رد

:krkrkr:

:eh_s(17):للي يحبوني​

 

[حبيبه ببي]

بسم الله الرحمن الرحيم





اشلونكم مع الصيام؟



بنات والله بس نزلت الموضوع لعيونكم مع اني وااااااايد مشغوله في رمضان وياريت تصبرو علي في المواضيع الثانيه



لان تعرفون رمضان وشغله



حبيت بس احطلكم في الاول

تجارب البنات مع الوصفه الاولى عشان تعرفون


اني صادقه وياكم في كل حرف اكتبه

وما احطلكم شي غير انا مجربته وواثقه منه







QUOTE=سالم الروح;25948476]غسلتها وناااسه نعوووومه موطبيعيه بروحه شعري ناهم زادت النعومه ​

مشكوره[/QUOTE]






اقتباس:
المشاركة الأصلية كتبت بواسطة مدمنة خلطات
انا قريت الخلطة وانا بالدوام

رديت البيت وجهزتها >>> اعتمدت على الذاكرة واللي في الحقيقة هي خرطي لوووووووووول

نسيت احط حلبة وحطيت خميرة :eh_s(22):

بالنسبة للزيوت انا مخلطة زيوت واعتقد من ضمنها الزيوت اللي ذكرتيها

مبدئيا شعري صار ليييييييييييين وطرررررري حيييييييل

غرقته بعدها بكريم ...

الشي اللي لفت نظري بالخلطة القهوة >> انها تنعم الشعر .. هذي معلومة جديدة علي ..!!

ان شاء الله بعيدهااا هالاسبوع وبستشور شعري وبقولكم النتايج ............... :eh_s(15):






اقتباس:
المشاركة الأصلية كتبت بواسطة هدوء البنفسج
تم غسل الشعر
طبعا الحين شعري نشف اشوي

ملمسه نااااعم بس التموجات مارحات ><
بستمر عليها كل اسبوع بدون تقديم ع الله
لانها اعجبتني ومكوناتها عندي وماتحتاج وقت

مشكورة غلاااتي للمرة الثالثة

اول مرة اجرب شي بهالسرعة هع






اقتباس:
المشاركة الأصلية كتبت بواسطة CryinG_Blue_EyEs
هلا بنااات
انا جيت بعد ما جربت الخلطة
مع العلم اعرفكم بطبيعة شعري
شعري خفيف - مصبوع اشقر يعني قمة الدمار - جاف من الاطراف و لما اسوي سشوار يصير دهني من الجذور
و الطول تحت كتوفي بشوية

سويت الخلطة و خليتها بشعري نحو 3 ساعات و غسلت شعري بعدهاااااااااا
احلي شيء فيها ان ريحة الحلبة ماااااااااااااااااااافي ابدا بسبب القهوة و دة كان شيء مهم بالنسبالي عشان الدوام
و حسيت شعري طري ماشاء الله -- لما ينشف بقي ان شاء الله اشوف اللمعة
و ان شاء الله يطول و يكثف عن قرييييييييب و حالتة تتحسن من الدمار الشامل اللي صاير له

كات ربي يبارك لك يارب و يجازيكي كل خير قولي اميييييييييين






اقتباس:
المشاركة الأصلية كتبت بواسطة Miss shatha
مشششششكوره. حبيبتي


انا امس سويتها بقهوه فرنسيه بس ماكان عندي روب حطيت مايونيز وحليب


الفت من مخييي اسمحيلي


النتيجه رووووووووعه لمعاااااان ونعومه لازم تجربونها بنات

ها تحمستو:eh_s(9):






اليوم بنزل ماسك التكثيييييييييييييييييييف


ومنع تساقط الشعر




بس لااااااااااااازم ما يكون فيه سبب طبي او هرمونات في التساقط





المكونات











ياريت يا بنات تركزو شوي





نص فنيان من زيت الثوم>>>>>يكثف الشعر ويطلع شعر يديد


نص فنيان من زيت الخروع>>>>يكثف الشعر ويمنع التساقط ويغذيه



نص فنيان من زيت السمسم>>>>يقوي بصيلات الشعر ويساعد ف ي طلوع شعر يديد





ملعقه صغيره ثوم بودر من الجمعيه>>>معروف بفوايده



ملعقه كبيره قهوة

ملعقه كبيره سدر>>> معروف في التكثيف اكيد



الحين المكون الرئيسي



نوا تمر ملعقه كبيره



تاخذون نوا التمر ويا كثره في رمضان

وتحرقونه على الجوله لين يصير لونه مثل الفحم

وتطحنوه في مطحنه القهوه










الطريقه نفس الماسك الاول






نحط البودرات في الجدر ونحط عليه الزيوت

على نار هاديه وننتظر لين الخليط يصير لزج شوي

نسكر النار


وننتظر يبرد شوي


نقسم الشعر



مع تدليك فروه الراس بالخلطه لمده دقيقتين



تلبسين غطا للراس وتقعدين فيه ساعتين


وتغسلينه


مرتين في الاسبوع






بنات الشعر ما ينغسل اكثر من ثلاث مرات في الاسبوع لان كثره غسيله بتخليه يتساقط


لان الماده الدهنيه الي يفرزها الشعر فيها المواد الدهنيه والكيراتين الطبيعي للشعره


لو غسلتيه كل يوم


انتي جذي بتعدمي شعرك



وهم كثره الخلطات في الاسبوع الواحد بتخليه يتساقط

يعني الخلطات مرتين او ثلاث مرات بس بالاسبوع






الحين بقولكم نتايج الماسك



بعد اول شهر باذن الله بتشوفين شعر عنون بدا يظهر في فراغات الشعر



في غضون 3 اشهر الي 6 اشهر بيصير شعرك كثييييييف باذن الله



بس لاااااااااااااازم الاسنتمرار






يا ويلكم لو ما شفت ردود



يلا عشان انزلكم باقي الوصفات




ويلا شي على السريع




وصفه تقصف الشعر




بعد ما تشربين قهوتج

اخذي الي يتبقى في الفنيان وزيدي عليه ملقه زيت زيتون ودهني فيه

اطراف الشعر المقصفه


واغسليه بعد نص ساعه



بيقل التقصف عندج بنسه 70 في الميه




انتظرلاو ماسك تطويل الشعر






ما احلل نقل الموضوع خارج منتدى كويتيات


ما احلل الي يعجبهم الموضوع وما يردون




ما احلل نسب الموضوع لاي شخص بذمته ليوم الدين


​

 

[حبيبه ببي]

السلام عليكم بنات عساكم طيبين




اول شي شاكره كل البنات الي جربو وصفاتي وردو وقالو تجربتهم والحمدلله كلها مرضيه



ثاني شي بالنسبه لسنفره النسكافيه كنت جاعده قلت خلني اشوف في قوقل احد مسويها قبلي ولا لا



وانا كنت كاتبه الموضوع بعنوان



تبين فيسك قشطه بنص ساعه مع انجل كات وسنفره النسكافيه والماسك الابيض




ولا يطلعلي رابط موضوعي ورابط ثاني بعنوان



تبين فيسك قشطه بنص ساعه مع زياد وسنفره النسكافيه والماسك الابيض​

وادش الموضوع اهوا نفس موضوعي كوبي بالصور وكله وحسب يا الله ونعم الوكيل ناسبه لنفسه في موقعين


وشنو بعد واحد مو وحده اقوله رساله استحي على نفسك يا البواق هادا موقع نسائي مو لامثالك




ومن اليوم ورايح



ما احلل نقل الموضوع غير بذكر اسمي ومنتدى كويتيات ولي ينسبه لنفسه برقبته ليوم الدين​

:rgewrg::rgewrg::rgewrg:





فشيت غلي فيه:ggdw::ggdw::ggdw::ggdw:





نبتدي موضوعنا


اول شي شنو يعني نضاره نضاره يعني


فيسك مو تعبان


تحطين ميكب ويطلع واااااووو بدون ما تلطخين عمرك بالفونديشن



خدود مورده


ويه يبرق من الاخر بيبي





الموضوع عباره عن ماسك وسنفره اثنينهم كل مكوناتهم تعطي نضاره مو طبيييييييييعيه



وانا مجربته اكثر من ثلاث مرات


وما احطلكم شي غير وانا مجربته اكثر من مره



والماسك والسنفره لجميع انواع البشره ما عدا الحساسه الي من اي شي تتحسس





قرقت وايد :ch12: تراني نعست


لوووووووول





نبتدي بالسنفره مكوناتها












ملعقه صغيره سكر بني ممكن استبداله باالابيض بس البني افيد ب 100 مره في كل شي



نص ملعقه بودره الفانيليا


ملعقه صغيره حبه البركه


ملعقه كبيره زيت زيتون




بنات كل المكونات لها علاقه ببعض ما تجولولي ليش حاطه هاد وهاد


كنت راح اكتبلكم كل شي وفيدته بس حدي مشغوله الي تبينه سوي سيرج عنه ىفي جوجل



واكثر شي بيثير فضولكم الفانيليا شوفو اشلون يسون فيها حمامات ملكيه وااايد مفيده للبشره




واهني الصوره بعد الخلط







راح تحطينها في الصحن وتتركيها 5 دقايق عشان يتجانسو وبعدين بحركات دائريه على الفيس والرقبه والايد بعد لان الكميه راهيه




وممكن تسوين كميات مضاعفه وتحطينها بعلبه وتستعمليها ما تخترب



فوايدها فظيييييييييييييييييييييعه للبشره ونعومه بيبي


بتغسليه زيين بالماي وبعدين بغسول عشان يستعيد الفيس لاستقبال الماسك


وانصحكم بهذا الغسول













الحين نبتدي في ماسك النضاره والله اتحدى في ابر النضاره للويه




المكونات




قشور المانجا
بعد ما تاكلين المانجا بالهنا والعافيا لا ترمين القشور جففيها واطحنيها
















نبي منها ملعقه صغيره




ثاني شي اهوا كاكاو بودر مو نسكويك لا كاكاو خام في انواع وايد انا استعمل هرشي بكل الجمعيات



ملعقه صغيره










ثالث شي العسل غني عن التعريف انا استعملت العويد تقدرون تستعملون اي نوع
ملعقه وسط








اخر شي زيت اللوزللبشره نص ملعقه صغيره




واهني صوره الماسك بعد الخلط








ينحط على الفيس لمده 20 دقيق




مرتين في الاسبوع واتحداكم اذا ما كررتوه كل شوي من النتيجه




لمععععععععععععععععععه في الفيس بدون مبالغه مثل لمعه الماي
خدود مشدوده وانتي تضحكين كانت ما اخذه ابر نضاره




سوه مو تقولون صعب والله ما ياخذ وقت والمهم النتيجه



وترى متى راح تتسنعين وتهتمين فعمرك؟؟؟؟؟؟؟؟؟



تعبت وايد والله متعوب على الموضوع لاتنسوني من الدعاء وتطبيقكم



انتظر رايكم مو تدشون تقرون وتطلعون


وكتبت على الصور بالرسام بسرعه عشان البواقين
لووووووووووول



اي سؤال انا حاضره




:eh_s(8)::eh_s(8):​

 

[حبيبه ببي]

<a rel="nofollow" href="http://ox-d.knockbook.com/w/1.0/rc?cs=4f96a50a5adbb&cb=INSERT_RANDOM_NUMBER_HERE" >http://ox-d.knockbook.com/w/1.0/ai?auid=189153&cs=4f96a50a5adbb&cb=INSERT_RANDOM_NUMBER_HERE" border="0" alt="][/URL]


[CENTER][COLOR=royalblue]بسم الله الرحمن الرحيم[/COLOR]




[COLOR=#4169e1]اشلونك حبايب قلبي عساكم بخير ان شاء الله:eh_s(22):[/COLOR]




[COLOR=#4169e1]بناااااااات وايد طلبو مني ماسك طبيعي لتفتح البقع واثار الحبوب وكلف الحمل[/COLOR]


[COLOR=#4169e1]واكيد يبيض تحبون البياض واايد:p[/COLOR]






[COLOR=#4169e1]ومثل ما تعودتم مني احط سنفره وماسك والاثنين مكملين لبعض[/COLOR]




[COLOR=#4169e1]يعني بنات وايد عضوات جربو مسكاتي ووسنفراتي بس يقولولي مثلا جربنا ماسك النسكافيه عججيب واحساس مخملي[/COLOR]


[COLOR=#4169e1]بس لو سويتي بعده الماسك راح توصلين لاحلى بعد[/COLOR]



[COLOR=#4169e1]يعني حاولو السنفره وراها الماسك مثل ما اكتب عشان توصلين للنتيجه النهائيه الي اكتبها[/COLOR]






[COLOR=#4169e1]يلا نبدا:eh_s(17):[/COLOR]






[COLOR=#4169e1]السنفره[/COLOR]



[COLOR=#4169e1][URL="http://www.q8yat.com/"][IMG]http://up.q8yat.com/uploads/images/Q8yat-84b78e4cc9.jpg[/URL][/COLOR]







ملعقه صغيره قشور برتقال



ملعقه صغيره شوفان مطحون



ملعقه صغيره رز مطحون




ملعقه كبيره زيت ليمون






الطريقه





طبعا البرتقال تاخدي القشور تجففيها وتطحنيها



بنات وايد سهله يعني اي فاكهه حابه تجففي قشورها حطيها في صحن وطلعيه الدريشه بيجف



انا حاطه صحف فوق الثلاجه واحط فيه القشور وبعد يومين تكون ناشفه واطحنها واشيلها في جيس نظيف




والشوفان من الجمعيه استخدم كويكو او اي ماركه عندج والرز كله بيطحن في مطحنه القهوه



شوفو انا دايما طاحنه كميات ومحتفظه فيها عشان مو كل شوي اطحن




المهم


تجيبين المقادير وتخلطينهم عدل




بيطلع عندج مثل الصور










بطريقه دائريه ومو تفركين وايد لا عادي وبشووويش وركزي على المناطق الي فيها اثار حبوب او كلف او بقع



اتركيه دقيقتين واشطفيه اكثر من مره بالماي وبعدين امسحي ويهك ونشفيه عدل






بنات في شي غلطططططط تسونه وايد اقراه في المنتدى



السنفرات والماسكات اذا كان للويه او الجسم ما يزيد عن 3 مرات في الاسبوع


اسالو اي خبيره تجميل او طبيب


والسبب بسيط احنا ليش نسوي سنفره عشان نشيل الخلايا الميته فلو تسوين كل يوم


جلدك اصلا ما بتعطيله فرصه يكون خلايا يديده وبتشيلين خلاياه الاصليه لين ما تقلب بشرتك حساسه



حتى الماسكات لو طبيعيه ما تزيد عن 3 مرات في الاسبوع


الي يزيد عن حده ينقلب ضده ديرو بالكم

اي السنفره هاي بعد اسوي فيها ايديني وانا اسوي ويهي وايد تفتح وركزو على المفاصل في اليد







ننبتدي في الماسك



وهو ماسك السمسم



معروف السمسم وااااااااااايد يفتح ويصفي الويه وهو اساس الهرده او الطحينه


فسويت منه ماسك ثلاثي

لووووووول


هادا اهوا السمسم قبل لا نطحنه










موجود بالجمعيه عند الملح والعدس

واكيد عند الحواج والعطار





المقادير






ملعقه صغيره هرده


الي اتهيا الطحينه لان بنات السعوديه يسالون شنو اهيا الهرده فديتهم هادي صورتها


نص ملعقه صغيره زيت السمسم



ملعقه كبيره سمسم مطحون

تخلطينهم عدل









هادا شكله بعد الخلط



انا احب احطه 5 دقايق في الثلاجه عشان يصير بارد



اي شي بارد تحطينه على بشرتك يشد البشره


تفردينه علة فيسك 20 دقيقه وبعدين تفركينه بدون ماي وبعدين تغسلين ويهك زييييييين


استمري عليها من اول اسبوووووع بتشوفين بيااااااااض صفاااااااااااء في البشره البقع بتروووووح وتفتح


وبس ادعولي بالخير





ما احلل الي يعجبها الموضوع وتستفيد ماترد

الي ما يعجبها حياكي الله لا تردين





ما احلل نقل الموضوع غير بذكر اسمي واسم كويتيات​

[/CENTER]

 

[حبيبه ببي]

http://www.youtube.com/watch?v=m-48U2us_IE&feature=related

قوه بنات من فتره وانا احوس واجول باليوتيوب لقيت وحده اسمها رانيا خبيره تجميل بس اووووووووووووووف

تسوي مسكات عجييييبه والحمدلله انا ماني نحيسه


هاالماسك جربته وااااااااااايد حلو بس يبيله خمريه ريحته قويه الصراحه بس نياجه فتاااااااااااكه

كتبت الموضوع عشان تستفيدو مثلي ومابيمنكم غير الدعوة


والردود ما تاخذ اقل من دقيقه

والي تجربه تحكيلنا


وفي اشياء ثانيه شوفوها للبشره والشعر


تصبحو على خير

مابي اقوم الصبح من النوم ما القى ردود والموضوع في خبر كان

:eh_s(4)::eh_s(4)::eh_s(4)::eh_s(4):
​

 

[حبيبه ببي]

http://www.youtube.com/watch?v=PTxC-...eature=related


شوفو بنات طريقه تجفيف الليمون الصحيحه عشان الماسكات كنا نحطو بالشمس وهادا غلط​

 

[حبيبه ببي]

:050103nbh_prv:


قووووه كويتياات شلوونكم شخبااااركم


قبل جم يوم دزتلي عضوه رساله خاصه تسألني فيها عن لمعه الجسم وشنو استخدم من كريمات وجذي

انا رديت عليها وقلتلها شتسوي


والحين بقولكم انتو شتسوون طبعا انا اغلب الاشياء اللي اسويها home made احب اسوي شغلي بيديني

واشوف النتايج الحلوووه وايي اقولكم



راح نسوي مثل هاللمعه وتكون مثل السبراي



واللــــــــــوشن



والـــــــصابونه








اوكي

نبدا شنو نحتاج :

* مكعبات المسك من القرشي كلكم تعرفونهم طبعا 5 مكعبات

* بيبي اويل انا افضل هالماركه لانه مافيها عطر كلللش مو نفس جونسون حتى الوردي في ريحه



* لوشن جليسوليد هم هذا مافيه ريحه او شبه مافيه



* صابونة ديتول الورديه



* لمعه هذي اللمعه اسمها فروزين وايت من ماك



* 2 علبة فاضيه وحده تكون بخاخ والثانيه عاديه ولو يكونون زجاج احسن





نبدا الحين شنسوي اول شي بالــــــبودي ســـــــــبراي :

1/ تييبين علبه فاضيه بخاخ تحطين فيها البيبي اويل اكثر من النص بشوي

2/ تبشرين المكعبات بعدين تاخذين 4 قفشات كبار وتذوبينه عالجوله راح يصير سااائل


3/ تصبيته على البيبي اويل وسيدا وبسرعه وتخضينه خض عدل مدل لما تحسين تجانس

4/ تضيفين اللمعه بالكميه اللي انتي تبينها وتخضين عدل مدل ولو تسوين حمام مائي دافي عشان يتجانسون اكثر



وجربيها على الصدر روووووووعه والريحه تيننننننننن رشي وبلمسات خفيفه وزعيه





نيي حق اللــــــــــوشن :


1/ تييبين علبه فاضيه تحطين فيها البيبي اويل اقل من النص بشوي *

2/ تذوبين قفشتين كبار من المسك وتصبينهم على الاويل وتخضين عدل

3/ تضيفين عليهم اللوشن لما تنترس العلبه وتضيفين اللمعه وتخضين عدل او اذا ماتبين لمعه عادي

لان اللوشن ماراح يختلط مع المسك راح يتكتل عشان جذي نذوبه مع الاويل اول



دور الصــــــــابونه :


1/ تبشرين الصابونه طبعا انا ماخذه الحجم الكبير فا بشرت نصها لان وايد كلها

2/ اللي بقى من المسك المبشور تذوبينه بعدين تضيفين الصابونه المبشوره وتخلطين عدل

3/ تزهبين القالب اللي بتحطينها فيه ويكون مقصدر عشان بسهوله تطلعينها

4/ تصبينها بالقالب وتحطينها بالثلاجه لين تتيمد

ريحتها اتينننننننن حتى ريلي قام يستعملها وتصبغ فيج الريحه ما تروح وتفوح بعد




وتقدروون تسوون جذي بدون المسك بس الاويل واللمعه وتقدرين

تضيفين عليهم كريم اساس عشان اللون الحلوو واذا تبين ضيفي عطر عادي



اللي عاليمين بس اويل ولمعه واليسار اويل ولمعه وكريم اساس


حطيتهم بمال لديودرنت الرول اسهل




واهني جربتهم على ايدي

بـــــدون فـــــــــلاش

[/URL][/IMG]

مــــــع فــــــــــلاش






:icon30::icon30:



ترا رووووعه لا تطوفكم جربووووها

ان شاءالله تكووووون الفكره اعجبتكم وسلامتكم


​

 

[حبيبه ببي]

مر حبا

ياعسولات يافراولات ياحلوات

امس شفت صديقتي لي اكثر من شهر مو شايفتها صارت تلق لق

طقني الفضول يابنت وانا اختس شنو مسويه وقالت عن خلطه خذتها من منتدى وهي

^



^



^


ماراح احرق اعصابكم زياده

خذي علبه اسكينول باالبابايا وعلبه اسكينول باالليمون وعلبه جلسرين سائل وعلبه جليسوليد واخلطيهم مع بعض
وجيبي قدر وتحطي علبه ماء ورد كامله و5ملاعق نشاء وعلى النار لين تتماسك
وحطيهم مع اللي فووق واخلطيهم مع بعض
وبس
وهي تحطه على جسمها كله وتنام ماله ريحه مزعجه تقول انا كنت اعاني من اسمرار المنطقه الحساسه
بس تقول تفتحت عندي المنطقه بشكل غير طبيعي صار لوني يهبلل

واذا قمتي غسلي بصابونتك
وتكوني مجهزه لوشن خاص
مكوناته ماء ورد وزيت الاطفال من جونسن وجل الاطفال من جونسن وشوي زيت زيتون تقول مالها ريحه ريحتها حلوه
هاالخلطه وحطيها على جسمك

وبعدين ترشين شوي بودره اي نوع وتلبسين وتطلعين
عادي

وانا طيران شريت المطلوب وبديت بالخلطه من امس

ولاني احبكم كتبتها بالمنتدى

دعواتكم