ملف الخلطات والعناايه 2012

[حبيبه ببي]

السلام علييكم ورحمة الله وبركاته ..
شحآلكم عسآكم بخير ..
صبآحكم ومسآئكم معطر بذكر الله ...


آكييييد تذكرتوووني انا انا دمره الحلوه خخخ ، دخيييلكم رجعوآ ذآكرتكم وتذكرووني خخخ
مآيستوى جيه خخ /، دامني شفت تشجيييع من ردوود الاعضآء قلت خلني انزل موضوع ثآني
> حسستتكم مباراه خخ

صح مبروك خخخ مآيخصصه خخ

اككييد الكل حللمه يكون جسمه آبيض ونظيف ويلمع > حشى صاله مب جسم خخ ، ولون موحد
وآبييض بيضاء الثلج > أدري قوية بس مشوهآ عن خآآطري خخخخ

انزين ترييوني خلوني اعطسس شوي هفتني بعوووضه خخ

انزين هآك اليييومـ قلت خلني انزل خلطة مب الكل احسن عني خلني اخترع شي يديد
واول مره تشوفوآ > حسستكم اني داخله مال التكنلوجييآ :krkrkr: > فديتني ظريفة خخ

أنزين جمعت مني منآك وسويتهآ وأستخدمتهآ وشفت نتيجة مريضة أقصد مرضية
اكيد مع الاستمراار راح تشوفوآ نتييجة حلوه ان شاء اللــــه =)



نبدآ ع بركة آلله ، هآلخلطة من تآليفي وآنتآجي ومكيآجي وتصويري خخ
لاحد يقولي هالخلطة شايفنهآ بمكآن بضربهآ وآلله :eh_s(2): ، انا تعبت وتي
وحده بردووود تقول شآيفتنهآ بمكآن براويييهآ ألييومـ الازرق تررراه ...



رددوآ معآي ( 3 مرآت ) "


لا اله ألا آلله وحده لا شريك له ، له الملك وله الحمد وهو علـى كل شي قدير
لا اله ألا آلله وحده لا شريك له ، له الملك وله الحمد وهو علـى كل شي قدير
لا اله ألا آلله وحده لا شريك له ، له الملك وله الحمد وهو علـى كل شي قدير








بسم آلله ..

1- صأبونه آلبابايا .
صأبوبه ألكركم .
3- صأبونه جرحنز بالمسك .
4- صأبونه سيباميد .
5- أخر صابونه هآي مب متوفره هني ، يايبه من برآآ ، آنتوآ آستبعدلوهآ بصأبونه مبيضه مثل الغار او السحرية أو اي شي ...

1- فازلين بزبدة الكاكاو .
2- فازلين موحد للون .
3-لوشن 21 بالصبار .
4- لوشن جرجنز بالمسك .
5- كريم جلسوليد .
6- فكسس .

1- ملح آلحليب .
2- ملح البابايا .
3-كركم جسم .

1- نششآ .
2- ملح .

آلزيوت .

1- زيت للوز المر .
2- زيت أللوز الحلو .

3- زيت الجلسرين .
4- زيت الخروع للجسم .

1- مآء ورد .
2- أسكينول ليمون أو اي شي ..



بسسس هذي المكونات أدري بتقولوآ وآييد بس ييلا كل شي ف سبيل الججمال خخ



الحين نبدي الششغل .. سمحلولي مآسويت ألخطوآت لاني سويتهآ قبل ونسيت أصور ..


بشروآ آلصوآبين وشيلوآ قششكم وسيروآ آلمطبخ وجهزوآ الجدر يكون منآسب
حطوآ ف الجدر مآي ورد أنا حطيت المركز و والعادي وعقب حطيت قفشة نشآ وحركتهم زين وعقب
حطيييت الملح قفشتين وحرركتهم و حطوآ قفشة كركم ، وجهزت الصوآبين وفريتهم فره عجيبه ، وخلطهههم عدل لييين
ذآبوآ ومآتوآ وفكوني منهم خخخ ، وعقب حطيييت الاسكيينول كآآآآآمل وحركتهم ع ننار هادية ، بتلاحضضوآ آسستوى ثقييل ،، ع صوب بطآسسة حططوآ اللوشنآآت والفكسس واخلطووهم
وحطوهآ ف الجدر وحرركوآ حتي يتجآنس / وضييفوآ ملعقتين او ثلاث من الاملاح اللـي اهمـ
( البابايا + الحليب ) ...

وضييفوآ آلزييوت ، وقللوآ من زيت اللوز الحلو ,. بس اكثر ضييفوآ ألمر .
وطففوآ النآر ...


ووشيلو آلجدر عن النآر وخلوهآ برآ آلين تبررد ششوي ، وصبوهآ ف غرشة منآسبة
وحطوهآ ف الحمآمـ ( اكرمكم آلله ) ,,


وجيه بتكون آخر شي ..

عااد انا العب فيها خخخخخخ سويت ششآرع



تسبحووآ ونظفوآ آلجسم بالليفة المغريبه وعقب حطوهآ ع جسسكم وكل مكااان الاا الوية
وخلوهآ من 10 _ ليم 15 دقيقة لين تجججف ,, وعقب لما تجف بللوآ آلجسم بآلمآي وافركوآ شوي شوي
وشوفوآ آلآوصصآخ كييف تتطلع ، جنه أول مره تتسبحي خخخخ ..



و جيييييييييييييه انا خلصصصت ان شاء اوفييت ف ششرحي
اللي مب عارفة شي ، انا حاااضره ... ^^

ما احححل وحده تنقل بدون ما تذكر الاسم والمصدر واسم المنتدى
لاني اكتشتف في ناس حراميه يسرقوآ موضوعي ويقولوآ بآسمهم
قوآآآآآآآآآآآآآآآآآة عيين بـعد :eh_s(4): ، المشكله مكتووب ع الصور
أسمي وتجججذب وتقول مآلهااا > مآفيهم خير لاه عسب جيييه


ف أللي تبي تنقله تذكر كل شي .. :eh_s(15):





ان شاء الله لاشفت تشجيييع بالردوود
انزل عنآيتي حق المنطقة الشسمونه :$ خخخخ





دعوآآآآآآآآـكمـ لي ربي يسر أموري ويحقق آللي ف بــآلي عآجلآ غير آجل لأاني بـجد
مجتتآآآآجه :eh_s(2)::eh_s(2): ....



فففمآن آلله (K) " ​

 

[حبيبه ببي]

من الاخت دمره

آلسلآم عليكم ورحمـه آلله وبركآته
جييف حآلكم > آقصصد شحآلكم أن شاء الله بخير وسهآله ومآتشكون من شي
آذآ تشتكوآ آوديكم آلمستشفى ...


أتششوه


آلمهم هآك آلييومـ آلله يسلمكم ويسلمني ويخليني لأهـلي > خلصيينآ خوو
شفت ريولـي مآتبشر بآلخيير من الشحآط عزكم آلله ، من كثر مآ آلبسهآ سوت لي
سسوآآآد برييولـــي :eh_s(2): وصصآر شكلهآ آنف وآلله :eh_s(4): ، قلت ففخآطري > ترآه
الخآطر يرمس هآ خخخ :krkrkr:، قومي يآبنت وحووسيً مني منآك وشيلي هآلسسوآد
> يآلييت آسير الجامعه بدون الششوز والسبه هآلسسوآد وألدمآر والقنبله خخ ، وحتى تنـفع للأييد اللي فيهآ سسوآد ع الاصآبع والخ ,,


وحستَ مني منآك ألا ادور ، لين حصلت ع شي قمت آسير الجاامعه وانا ارفع ريولي
من الثقه خخخخخخ :krkrkr:، > خقققه ع غفله ألمهم ، ما بطولهآ وأهي طويله أقصد صغيره




نبدآ على بركة آلله ^^"


أعوذ بالله من الشياطن الرجيم ولا حول ولا قوة ألا بالله العـلى العظيييم
أعوذ بآلله من الخبث والخبآئث


> شكلي شآيفه جن خخخخخ





بسسم آلله



أول شي المقأدير


دقيق خخ

1- فأزلين ملعقة وآحده.
2- ليمون ون .
3- كريمـ جليسوليد ملعقة وآحده .
4- نسيت أصور لكم _ صآبون دوف ألوردي ، كآمل .




الطريقة ,,


نيب شسمه طآسة مآل الشوربة خخ > حلو الوصف المهمَ
يبوآ المبشره مآلوت السلطه وآبشروآ الصابون نصهآ .
وعقب حطوآ عليهآ ملقعة فأزلين و ملعقة جليسوليد
وليمونه كآملههَ ، اخلطوهآ خللللط حتى تتجآنس ثم تنآكل خخ لا اقصصد
بتصير كككذذآ

الحين بيبدآ ألشغل والعنآء خخخ > حسستكم لااه
غسلوا رجولكم جيد جدأ ، حتى تكن صافيه خخ
وشيلوا هالخلطه وحطوها ع ريولكم ولبسسوآ
كيس لازم يكون كبير شوي ، وخلوهآ سآعه
وبـعد السأعه جهزوآ آلعده اللي آهـــي


ييبوآ ( طشت او برميل خخ او تب )


وآشيلوا الكيس وحطووأ رييولكم ف مآي حححآر
خلووهآ ششوي 10 _ لين 15 دقيقة .

هآ الحجر يبته من البيتش خخخ شفته ع طوول هجمت عليه
وآخششه خخخخ ...


قععدوآ فركوآ ع الامآآكن الداكنه اللي عليها سسواد اهي ع الاصابـع
وررآ وكل مكآآآن ليين مآتقول أيييدج أرحميني خو ..
انا يبت هذول لزووم الخقه خخخ ..



ولما تخلصصوآ تشفوآ رييولكم الحللوه عدل مدل قدل خخ



وبـعد ما خصلت سويت خلطة ثآنية علشان تصير ريولي ورده
خخخخ :krkrkr: احلى تشبييه خخ ..

1- فأزلين الوردي > انا سويت حق ايدي بـعد عسب جيه صورته بألمره ..
2- كريم جليسوليد .
3- كريم مرطب من جونسون وآيد حلو .
4- ليمونه .
5- مآء دمره أقصد ورد خخخ ..


وعلبه صغيره حق الخلطة ,



من كل شي خذوآ ملعقة ملعقة واخللطوآ
لين ما تصير كذآ زي الفل ي فل خخ

ودهنوآ رييولكم فيييهآ ولبسسوآ دلاغ ..
وشوفوآ كيف بتكون بييضه مع الاستمرار طبعآآ




.. تستعمل 3 مرات ف الاسسبوع وان شاء الله السسوآد يبح ^^"


وانا هالخلطة احطها فالليل والبس دلاغ
والحمدلله سسوآد طآر ورجعت ريولي حبيبتي ننفس ما كانت حلوه ومشرقه > حشى شمس مب ريول خخ :krkrkr: ...





أن شاء الله اوفييت ف شرحي


يا ويل ويلها الي ما تطبق لا اضربها ضرب اليههد خخخخ
بشل لها الخيزران واراكض فيها خخخ


ججد والله الخلطة سهله وكل شي متوفر عندكم
محد يحتج حتى اللي ريوله بيضه يجربها عن خخاطري > غصب خخ





دعوآتكم لي ربي يسر أموري ويحقق اللـي ف بآلي ...
ربي يحفظـــكم =)​

 

[حبيبه ببي]

قووووه كويتيااات



شلووونكم ؟؟ شخباااركم



ان شاءالله مستعدين حق العيييييييييييد واااي انا مفتكه بروووح الحج لا سوق ولا تفرفر لوووول


الله يعينكم ..



المهم ذيك المره اختي طلبت مني اسويلها خلطه تفتح ايدها وعلى قولتها ما تبيها تدبق و اهم شي ريحتها حلووووه

قلت لها بسويلج بس على شرط تستمرين فيها عالاقل اسبوووع عشان تشوفين نتيجه ...



عااااد انا كنت توني مسويه خلطه بس ماجربتها على نفسي كنت بستخدمها حق ريولي لان تكرمون من الشحاااطه

صار فيها حز اسود والخلطه سهله ومكوناتها اكيد موجوده عندكم واذا مو عندكم بالجمعيه والحواي




اول شي خلووونا نشوووف النتيجه هذي صور ايدها قبل و بعد استخدام الخلطه اسبوع وشي تقريبا :

[/URL][/IMG]



وهذي صورة الخلطه هذي العلبه الثانيه اللي اسويها لها لان هذيج خلصتها باسبوع :

[/URL][/IMG]





هااااااااااااااا تبون تعرفون شنو الخلطه ؟؟؟ _03BA:



















هذي الخلطه :

[/URL][/IMG]




عباره عن :

كريم جليسوليد الاحمر ( 125 ml )

ليمون ( عصير 4 حبات )

زيت اللوز المر ( فنيان واااحد )

فيتامين سي الفوار ( 2 قرص )








الطريقه :


تخلطين الجليسوليد مع زيت اللوز المر عدل

تذوبين قرصين الفيتامين بعصير الليمون

تخلطين العصير مع الجليسوليد والزيت عدل مدل

تحطينهم بعلبه وتسكرينها وتخضين العلبه عددددل اوكي






مهم : لازم تحطين العلبه بالثلاجه ووتخلصينها باسبوع وكل

اسبوع تسوين يديده لان يمكن تخترب

الكميه اللي انا حاطتها تكفي اسبوع وشوي تقريبا






الاستعمال :

تحطين منها بالليل وتنامين او جم ساعه قبل السبوح

ترا اهيا ما تدبق ولا شي وتمتصها البشره جنها كريم عادي










وسلااامتكم وان شاءالله تجربونها :hjy5jewf: :bye22:​

 

[حبيبه ببي]

اقتباس:
و حابه اسئل افضضضل مـآركه لكريم الاساس
تعطي لوك طبيعـي و خفيييف استعمال يومي صبـآحي
و الاهمممممم

تخفي عيوب البششره لان عنندي خدي اليسار فيه بقـع اثار حبوب الشباب
و مسامات وآآضحه

للبششره الدهنــيه
شايفييين هالكلام انا نزلت موضوع من فتره ابي اغطي كل هالعيوووب
بالميك اب
و طبعا :eh_s(11)::eh_s(16)::eh_s(2): بالميك اب تباان العيووب زوود خصوصا المساماات
ماخليت كريييييم ماجربته
حبوووب جججربت
رحت للدكتورره ووصفت لي حبوب و كريماات زيااااااده
و لسا المشكله قاائمه
شبه فقدت الامل و كنت معزمه اسوي تقشير كرستالي و كيميائي

بالصددفه شفت وحده تقول ان كوآفيره وصفت لاختها خلطه عشان تروح اثار الحبوب
و تبيييض و توحد لون الوجه و بعشره ايام صارت بشرتها صاااافيه ماشاء الله
قلت خلني اجرب دام المكونات سسسسسسهله
( خميره + ليمون )
تحطين المقدار اللي يناسسسبك عشان يكون خليط متجانس
و الله يابناات من ثااني يووم حسيييييييييت بفرررق
صح مو كبيييييير بس يعتبر انجااااااااز المسامااات الواضحه تقفلللللللت :ggdw:
و نسبه بسيطه من الاسمرار بخدي اليسار رااحت
كيف لو داااومت على هالخلللطه
و الله مااني مصصصصصدقه
احس معجزززززه
حتى الوالده ملاحظه تقوول صار وجهك مشرق لووووووووووول
و اول مادخلت عليها على بالها حاطه ميك اب :ggdw::ggdw::ggdw::ggdw::ggdw::ggdw:
ماشاء اللله لا اصكني عييييييين :ggdw::rerrerek:
حتى فاونديشن اللي حطيته قبل مااروح الدوام صار مضبووط علي
مايباان عيوووب الووجه :ggdw::ggdw::ggdw:

الحممد لله يااارب



و قلت خلني افيد البنات :eh_s(7)::eh_s(7)::eh_s(7):​

 

[حبيبه ببي]

موضوعي عن تنظيف جزء مهم في جسم المرأه (السره )كثير يعانون من تغير

لونها او من رائحه كريهه

وجايب لكم اليوم افضل انوااااع الكريمات للو جه تعالو ا نبدا


اولا شي


(طريقة تنظيف السره)





المرحله الاولى:






- عودين اذان ..
- مسحه طبيه ..
- ملعقه صغيره بيكربونات الصوديوم ..
- ملعقه صغيره بيبي اويل من جونسون (او اي زيت اطفال) ..



خذي فنجان قهوه فاضي .. و حطي فيه ملعقه صغيره بيكربونات الصوديوم ..







ثم حطي فوقهم ملعقه صغيره بيبي اويل .. و اخلطيهم ..





ذا يصير شكله .. مو سايل .. شوي ثقيل ..





الحين نستعمل عود الاذان و المسحه الطبيه ..





خذي شوي بعود الاذان و بحركه حلزونيه ناعمه نظفي السر ..





بس لا تدخلينه مره مره .. ولا تكونين على السطح مره مره ..
يعني خليك وسط .. و بنعووووومه مو بقووه ..


ثم خذي المسحه الطبيه و امسحي السر بنفس المكان اللي دخلتي فيه العود ..
و الحين استخدمي العود الثاني بنفس الطريقه ثم اقلبي المسحه الطبيه و امسحي ..

ملاحظه/ لا تستخدمين اكثر من عودين ..


و اذا خلصتي حطي على السره مسحه بصبعك فازلين ..







ملاحظه/ اذا حسيتي بألم في سرتك عادي لا تخافين ماصارلك فتق ..
طبيعي بيألمك لان المكان مو متعود يدخل فيه شي ..




المرحله الثانيه:


خلي الفازلين اقل شي ساعه .. ثم تحتاجين ..


​

​

 

[حبيبه ببي]

- اسكينول ( عادي اي نوع ) ..
- عود اذن ..


حطي شوي اسكينول في العود و امسحي فيه الفازلين كله ..
استخدمي الجهتين من عود الاذن ..


ملاحظه/ عود اذن واحد فقط ..




المرحله الثالثه:




بعد ما تمسحين السره بالاسكينول حطي البودره على السره ..

ثم قبل النوم حطي بمسحه من صبعك زيت الزيتون ..
( يفضل يكون من المعصره الاصلي ) ..
عادي حتى لو ما راحت البودره .. حطي زيت الزيتون ..
و يفضل زيت الزيتون يوميا قبل النوم ..






ملاحظه/ هذا البرنامج بعد كل استحمام فقط ..
اما زيت الزيتون يفضل استخدامه على السره يوميا ..

و المتبقي من خليط ( بيكربونات الصوديوم + بيبي اويل ) يمكن حفظه بالثلاجه للاستخدام المره القادمه ..

وبس​

 

[حبيبه ببي]

احبكم



والله



احبكم




احبكم في الله



و




















صباح الخير


و


مساء الورد




وشلونكم حبايب قلبي


من زمااااااااان كنت كاتبه هالخلطه في موضوع وما اخذت حقها ولا اتوقع انكم جربتوها


بس صج هالخلطه تبييض وتوحد اللون


اول شي بقولكم شلون عرفتها هالخلطه وبصراحه كنت اعتبرها سر من اسراري لان اللي علمتني عليها قالتلي انها سر من اسرارها اهيا وخواتها

المهم

كنت بالصالون وقاعده انطر دوري بقص شعري

والا يمي وحده قاعده وتسالني ماشاء الله بشرتج حلوه شنو تسوين عاد قعدت اسولف عليها واقولها جان تقولي انزين اشرايج بايديني

واهيا كانت لااابسه جبنيز وايدها ماشاء الله لون واحد قلت حلوه ماشاء الله الحلو انج حنطاويه فاااتحه ولونج واحد ماشاء الله جان تقولي شوفي انا الشي الوحيد اللي ما اتركه هالسنفره مستمره فيها انا وخواتي تقول احنا مانبي البياض بس نبي لون واحد وناعم وفعلا لونها حلو وواحد


وقالت

سنفره للجسم - م كركم - م زيت زيتون

عاد انا قلتلها مشكووره وبعدين حطيت عليها اضافاتي يا حياتي


وخليتها

سنفره المشمش الكميه اللي تكفي الجسم




- ملعقه وحده كركم



- ملعقتين زيت زيتون او حتى اللوز المر





- ملعقتين هرده (طحينه اهيا اللي للاكل ) و - اشويه ملح


واهيا تتفركين فيها عقب الحمام وتخلينها من خمس الى عشر دقايق بعدها بللي الليفه المغربيه بماي وفركي جسمج

تبييض وتوحد وتنعم مو طبيعيه تجنن





وادعولي




واللي تجربها انطر تجربتها يا بنات ترا صج صج حلوه هالسنفره والخلطه

توحد تبيض وتنعم



و




ابي


منكم



شي


واحد



بس



ابي دعواتكم الطيبه اللي طالعه من قلبكم لي ولعيالي وابوهم



وابي شي ثاني بعد




ابي الفايده لكم




و




اي سؤال انا حاااضر من عيونــــ@@ــــي



و



مع





تح




مع



تح




مع


تح



:eh_s(22):






مع تحياتي يا حياتي

مزيونه وشقره

 

[حبيبه ببي]

رديتي من السوق والا الدوام وريولج مغبره ورقبتج سوده

اول شي تسوينه قبل لاتتسبحين وتاخذين شور منعش:eh_s(17): ​

لا زم تسوين هالخطوه المهمه و بتشوفين نتايجها العجيبه مع الاستمرار​

الاسكينول​

اخذي الاسكينول وحطي منه اشوي البقطنه ومسحي فيها ارقبتج وشوفي اشلون يطلع السواد واللون الغامج بالقطنه :eh_s(1): ​

ومسحي لحد ما يروح كل السواد وحتى صدرج مسحيه​

وسوي نفس الطريقه لريولج وخصوصاً الاصابع وشوفي شنو يطلع معاج​

وبعدين اخذيلج شور وانتعشي :eh_s(6): ​

بس لازم الاسكنول قبل الشور لان الماي والصابون بيلزق الوصخ والسواد اكثر ​

ترا الاسكنول شي عجييييب ويفتح الجسم والمناطق الغامجه واهوا انواع بالخيار بالليمون بالبابايا :eh_s(3): ​

وانا استخدم اللي بالليمون:eh_s(15): ​

ويالله بنات ننظر ردودكم وتجاربكم​

ودعواتكم يا كويتيات​

​

 

[حبيبه ببي]

الفكره الاولـــى​

اذا بتسوين .. كمادات لعيونج .. استعملي هذا القطن .. وهو خاص للمراه المرضعه .. تحطه عشان مايتسرب الحليب
منها .. وداخل هالقطن مثل الجلي يحبس الماي لفتره اطول من القطن العادي .. وبنفس الوقت يبرد بسرعه ..
وطبعا احلى كمادات اهي كمادات الشاي .. وهذه النصحيه من طبيبه عيون .. استعملي هالطريقه وراح ترتاح عيونج..​

اخذي الكماده وقصيها بالنص .. نص دائره .. وغمسيها بالشاي الدافي .. وسكري عيونج وحطيها .. وقعدي فتره ربع
ساعه .. بجو هادي .. وشوفي النتيجه​

​

يلا بشوف تفاعلكم ..​

[

 

[قليبوني:$]

حلوووو بانتظار الباققي

 

[حبيبه ببي]

الفكره الثانيه

اذا تبين ماسك ينعم البشره .. ولا يسبب لها الجفاف .. وبنفس الوقت يعطيها صفاء ..

استعملي .. صفار بيضه .. مع ملعقه من حليب الاطفال .. ضروري حليب اطفال ..
لحط يستعمل حليب بودر عادي .. لانه يجفف البشره .. لاحتوائه على الجلوكوز .. حليب الاطفال مافيه
جلوكوز .. واخذو رقم 1 ..وحطيه على بشرتج ..ونطري لين تحسين انه تجمد .. وماتقدرين تضحكين ..
بعدين حطي بيدج ماي وغسلي ويهج راح تطلع معاج رغوه مثل الصابون .. فركي ويهج عدل ..
وبعدها رطبي بشرتج بأي مستحضر عندج ...




يلا تشجيعكم ​

 

[حبيبه ببي]

الفكره الخامسه​

هذه الفكره للمتزوجات فقط .. تاخذين علبه البنتادين الى بالصوره .. وتحطين فيها ماي ورد تقريبا سكانه .. وتخفيفينه بماي عادي .. وخلى المادي دافي .. وبعدين ابرشي من مسك الطهاره ( القرشي ) وحطيه داخل .. ورجي العلبه .. وبعدين غسلي فيه مثل طريقه البنتادين من داخل .. ومن برا .. وسوي هالعلميه بعد انتهاء كل دوره او قبل الممارسه .. رح تخلي ريحتج كلها مسك .. وانا عن نفسي اسويها .. ونتيجتها تهبــل ..تقضي على الرائحه نهائيا ​

​

ناطرتكم​

 

[حبيبه ببي]

الفكــره الثامنه

اذا تحبين الكاكاو .. وريحته .. وتبين حمام زيت بطعم الكاكاو .. وتصير ريحه شعرج كلها كاكاو ..
اخلــطي كميه من الكاكاو البودر .. مع حمام زيتج المفضــل .. اول شي حطي حمام الزيت .. على حسب
كميه شعرج .. وبعدها حطي من الكاكاو .. واخلطيه لين ينخلط عدل .. وحطيه على شعرج .. مثل حمام الزيت
وخليه فتره .. وبعدين غسـلي شعرج .. وشوفي ريحه شعرج .. كاكاو .. ودج تاكلينه



حمام الزيت مع الكاكاو البودره .. تقدرين تستعملين سن كويك ..




راح تكون النتيجه مثل جذي ..



يلا بنات ابي تفاعلكم اكثر .. عشان اعطيكم افكار اكثر واكثر

 

[حبيبه ببي]

الفكره العاشــــره

تبين ريولج ناعمين .. وصافين .. اخذي ملعقه كبيره فازلين .. مع ملعقه وسط من كريم شول للقدم .. مع ملعقه صغيره من معجون كلوز آب الاحمر .. واخلطيهم .. راح تصير الخلطه باللون الوردي .. ادهني رجلج فيها قبل النوم والبسي اكياس التوست مع دلاق ..وان قمتي من النوم غسلـي ريولج وشوفي النتيجه فتاكــه ... وبوصيكم على شغله .. طول ماانتي بالبيت البسي دلاق مع فازلين وكريم شول بروحهم .. بدون المعجون .. المعجون بس بالليل ..احرصي على الدلاق ..







بانتظاآآآركم

 

[حبيبه ببي]

الفكره السابعه عشـــره

تبين تسوين برافين لايدج .. كل الى تحتاجينه زبده الشيا مع شمعتين .. مع المحلول الوردي مال البدكير منكير .. سخني الشمع وزبده الشيا على نار هاديه .. لين يذوب ..بعدين حطيهم بصحن ونطري شوي لين تحسين ان الخليط صار دافي شوي .. حطي المحلول الوردي .. واخلطيهم عدل .. ونطري لين يصير الخليط دافي للدرجه الى تتحملينها .. وحطيها على ايدج .. وتحصلين على برافين باقل التكاليف ...








النتيجه .. وحطيه على ايدج .. ويفضل تكونين توج مسويه بدكير ومنكير لايدج ..

ناطرتكم​

 

[حبيبه ببي]

الفكره العشرون

عندج روب منتهي .. لاتقطينه .. سوي لج قناع منه .. اخذي ملعتين روب .. مع بيــاض البيض .. مع ملعقه صغيره خميره .. ذوبيها بماي حار وصبي شويه منها بالخلط ..واخلطي .. وحطيه على ويهج وايدج .. لين تحسين انه يبس .. غسليه .. مع الاستمرار يسوي انتفاخ للوجه ولليد.. يعني اذا تبين خدود .. حطيه على خدودج وقرصيها .. وكرري العمليه يوميا لين توصلين للنتيجه الى تبين ..




ناطرتكم

 

[حبيبه ببي]

الفكره الثاني والعشرون​

شعرج متكهرب .. وتحطين سيرم وماكو فايده .. انا اعلمج .. اخطلي معاه شويه من الفازلين .. وشوفي النتيجه .. فتاكه .. اتحدي شعره تنط عقب هالطريــقه .. وسويها لما تبين تسوين ستريت بعد .. ولما تستشورين شعرج وفيه شعيرات واقفه << مشكلتي الازليه ههههه .. حطي شويه سيرم مع شويه فازلين وافركيهم بيدج .. بعدين امسحي على شعرج .. وشوفي ​

​

ناطره تجاربكم ​

 

[حبيبه ببي]

الفكره الثالث والعشــرون​

تبين بشره ويهج تشد .. استعملي هالطريــقه .. وانا ماخذتها من وحده اجنبيه .. بس والله جربتها تقريبا اسبوع وحسيت بالفرق وااايد زينه وتشد البشره وتحسين ان ويهج بارد وماتبين تحطين عليه شي .. ونضاره .. كل الى تحتاجينه شاي اخضر مع فيتامين E وماي ورد واعواد اذاني او اسنان .. انا استعملت اعواد اذاني لان ماعندي اسنان وكل الطرق تؤدي الى رومــا .. المهم تاخذين اللبتون وتشقينها وتخلطينها مع ماي الورد لين يصير الماي لونه اخضر .. بعدين حطي حبه فيتامين E اخلطيهم عدل .. لاتسخنين الماي موزين يأثر على الحبــه .. الموهم ..وحطيهم بقوالب الثلج .. وحطي الاعواد مثل مانا حاطه بس اول تخلين الخلطه تجمد شوي وتقززين الاعواد فيها .. وكل يوم اخذي لج عود ومرريه على ويهج .. والله النتيجه فتاكه ..​

​

​

​

بانتظأآآآركم ​

 

[حبيبه ببي]

بنات انا من كنت بالمتوسط وانا البخ هالخلطات على ويهي لكن الشي الوحيد اللي استمريت فيه هالخلطه البسيييطه واللي تغني كل الخلطات واهيا
تفتح اللون وتوحد لون البشره وتنعم وااايد
واذكر اني مره نصحت وحده في هالخلطه واقعدت تستخدمها كل يوم وصااارت شي شي وتقولي تصدقين الكل يقولي ويهج صار ابيض ولونه فاااتح وساعات تحط الهرده بروحها طبقه خفيفه جنها كريم وتخليها مده

وخلطتي اهيا:

هرده + حليب بودر

والكميه خليها اللي تكفي بشرتج كامله


والخلطه بتصير متماسكه اشوي ماراح تكون سااايحه

انا اخلطهم في فنجان قهوه


حطي هالقناع على بشرتج بعد ماتغسلينها بماي وصابون وخليها المده اللي تقدرين والبشره تستفيد من القناع اكثر من ربع ساعه

وبعدين فركي الخلطه بتكون جنها سنفره بعد ماتنشف اشويه

وانا ساعات احط عليها اشوية زعفران اكسره واخليه ناعم بايدي واحطه معاها لان الزعفران يفتح اللون بعد وهالطريقه توني مستمره عليها يعني فكرة الزعفران يديده

اي سؤال انا حاااضر من عيونــــ@@ـــي


انطر رايكم وتجاربكم مع الهرده

وانطر ردودكم:eh_s(21):


مع احتراماتي ياحياتي

مزيونه وشقره​

​

 

[حبيبه ببي]

الفكره الثــامن والعشــرون ​

​

تبين لمعه لشعرج .. وتفتحين لونـــه .. استعملي هالطـريــقه .. ملعقتين عســـل .. مع بابونج .. مع ماي ورد .. الطريــقه .. اغلي البابونج بالماي العادي .. بعدين صفيه واخذي الماي واخلطي معاه ملعتين عســل .. وزيديه ماي ورد شوي ..وحطيهم بمرش عندج .. وكل ماتسبحتي رشيه على شعرج .. والله لمعه غير طبيعيه .. ولا تقولين العسـل يدبق لا .. عادي .. ينعم .. ومع كثر الاستعمال راح تحسين ان شعرج فتح لونه ..وفيه لمعه وصحه ​

​

​

ملاحظـه : الفكره من خبيـر بالعنايه بالشــعر ​

ناطره .. تطبيقاتكم ​