ملف اهم المواضيع اهني باقسم العنايه بدون ردود بليز

[سويت فانيلا]

الفكره العاشــــره

تبين ريولج ناعمين .. وصافين .. اخذي ملعقه كبيره فازلين .. مع ملعقه وسط من كريم شول للقدم .. مع ملعقه صغيره من معجون كلوز آب الاحمر .. واخلطيهم .. راح تصير الخلطه باللون الوردي .. ادهني رجلج فيها قبل النوم والبسي اكياس التوست مع دلاق ..وان قمتي من النوم غسلـي ريولج وشوفي النتيجه فتاكــه ... وبوصيكم على شغله .. طول ماانتي بالبيت البسي دلاق مع فازلين وكريم شول بروحهم .. بدون المعجون .. المعجون بس بالليل ..احرصي على الدلاق ..






بانتظاآآآركم

 

[سويت فانيلا]

قوه كويتيات





هذا ثاني موضوع ارتجالي لي.. قلت بكتب لكم طريقتي في تنظيف ايدي وريلي و اظافري يشعون بياض.. مع انه حايشني صداع مو طبيعي بس قلت بكتب الموضوع لخاطر عيونكم :eh_s(7):

ومابي منكم غير الدعاء









راح ابتدي بالأظافر

مع الوقت الاظافر يصير لونها اصفر نتيجة عدم تنظيفها و تراكم الوصخ و شكلها يكون مقزز و مو حلو

انا عندي طريقتين اتبعهم بتنظيف اظافري (كنت بصور اغراضي اللي استعملهم بس والله حست حوسه و قلت بحط لكم صور من النت)


الطريقة الاولى: الليمون و معجون الاسنان


1- تيبين معجون اسنان المبيض اي نوع انتي تحبينه.. انا استخدم ماركة "ناجورال وايت" و تحطين نقطه وحده من المعجون في صحن عميق بلاستيك

2- تعصرين نص ليمونه مع المعجون اللي حطيتيه بالصحن البلاستيك و تخلطينهم مع بعض عدل لين يمتزجون زين

3- تستخدمين فرشاة اسنان مخصصتها لاظافرج او فرشاة الاظافر و تنظفين اظافرج بالفرشاة والخليط اللي سويتيه الليمون مع معجون الاسنان عقب ما نقعتيهم فيه لمدة 3 دقايق (حاولي تنظفينهم من بره و داخل) وبعد ما تنظفينهم غسلي ايدج بماي دافي و صابون

الطريقة الثانية : استخدام بيكاربونات الصوديوم و محلول الهيدروجين بيروكسايد (الطريقة هذي مفعولها في التنظيف اقوى من الليمون و فعال اكثر يعني استعملوها للاظافر اللي صعب ينظفون و يروح الصفار منهم و طبعا الطريقة هذي أمنه لا تخافون)



1- تيبن صحن بلاستيك عميق و تحطين قفشة كبيرة بيكاربونات الصوديوم في ماركات وايد موجوده بالجمعيات (انا احب النوعيه هذي و اطلبها من بره بس مادري اذا موجوده بالكويت ولا )

2- تضيفون على بيكاربونات الصوديوم قفشه و نص كبيرة من محلول الهيدروجين بيروكسايد Hydrogen peroxide (تلاقونه بلولو هايبر ماركت قسم الادويه يم الشامبوهات و الصوابين)

3- تخلطينهم مع بعض و تنقعين اظافرج لمدة 3 دقايق و بعدين استعملي الفرشاة للتنظيف ..بنات لا تخافون من محلول الهيدروجين بيروكسايد لانه عباره عن ماي عادي بس مع ذرة اكسجين زياده H2O2 اما الماي العادي اللي نشربه تركيبته الكيمائية ذرتين هيدروجين مع ذرة وحده اكسجين H2O والمحلون هذا يستخدمونه لتعقيم الجروح و التنظيف ووايد استخدامات له(ان الله احياني اكتب لكم بشنو استخدمه) يعني ما منه مضره.

***و عقب ما تخلصون من الطريقة الاولى أو الثانية (اختاري وحده فيهم او سوي وحده و اذا ما نظفوا اظلفرج اتبعي الطريقة الثانيه اليوم الثاني)

تدهنون اظافركم باستخدام فرشاة نظيفه مالت صبغ الاظافر بزيت فيتامين اي Vitamin E مفرغته من كبسوله (كبسورت فيتامين اي يبيعونها بالصيدليات) و خلوا الزيت باظافركم مو اقل من ساعتين و شوفوا اشلون يبيضون و يقوون

اما حق ايدي و تنظيفها انا ما اتعب عمري مع السنفرات والخلطات و الاذيه هذي كلها
استخدم مقشر Glycolic acid نسبته 15% او 20% (قال لي عنها دكتور اجنبي) (تلاقونه بالصيدليات سالوا عن مقشر احماض الفواكة الجلكوليك اسيد و راح يعطونكم مو مهمه الماركه بس لازم تكون تبع شركة زينه المهم التركيز) تلاقون وايد ماركات ووايد تراكيز يمكن انتي ما تتحملين التركز هذا فا ابتدوا بتركيز اقل يعني 10% زين بالنسبه لللايد.. و قبل ما تدهنون ايدكم فيه سووا احتبار الحساسية على منطقة صغيره من ايدج و نطري عليها 24 ساعه اذا ما تحسست يعني الوضع اوكي.. استخدموه يوميا او يوم و ترك وخلوه على ايدكم ما يقل عن 4 ساعات.. الكريم هذا تستخدمونه بس داخل البيت لا اطلعون فيه بره وعقب الاربع الساعات او اكثر دهنيها بالمرطب اللي يناسبج وانتي مرتاحة له

بتشوفون ايدكم اليوم الثاني فتحت و صفت بدون خلطات ولا سنفرات ولا دعك و حك و فرك (نفس الطريقه تسوينها حق ريلج)

انا استعمل هالماركه بس مادري اذا موجوده بالكويت ولا لآ,, بنات لازم تستخدمون واقي للشمس حق ايدكم علشان ما تسوود ولاتحسس من الشمس و اذا تسوقون سياره لبسي دسوس

وهذا الشكل النهائي حق الايد الناعمة الانثوية

دعواتكم ان ربي يشافي اخوي

 

[سويت فانيلا]

الفكره السابعه عشـــره

تبين تسوين برافين لايدج .. كل الى تحتاجينه زبده الشيا مع شمعتين .. مع المحلول الوردي مال البدكير منكير .. سخني الشمع وزبده الشيا على نار هاديه .. لين يذوب ..بعدين حطيهم بصحن ونطري شوي لين تحسين ان الخليط صار دافي شوي .. حطي المحلول الوردي .. واخلطيهم عدل .. ونطري لين يصير الخليط دافي للدرجه الى تتحملينها .. وحطيها على ايدج .. وتحصلين على برافين باقل التكاليف ...







النتيجه .. وحطيه على ايدج .. ويفضل تكونين توج مسويه بدكير ومنكير لايدج ..

ناطرتكم

 

[سويت فانيلا]

الفكره العشرون

عندج روب منتهي .. لاتقطينه .. سوي لج قناع منه .. اخذي ملعتين روب .. مع بيــاض البيض .. مع ملعقه صغيره خميره .. ذوبيها بماي حار وصبي شويه منها بالخلط ..واخلطي .. وحطيه على ويهج وايدج .. لين تحسين انه يبس .. غسليه .. مع الاستمرار يسوي انتفاخ للوجه ولليد.. يعني اذا تبين خدود .. حطيه على خدودج وقرصيها .. وكرري العمليه يوميا لين توصلين للنتيجه الى تبين ..



ناطرتكم ​

 

[سويت فانيلا]

الفكره الثاني والعشرون

شعرج متكهرب .. وتحطين سيرم وماكو فايده .. انا اعلمج .. اخطلي معاه شويه من الفازلين .. وشوفي النتيجه .. فتاكه .. اتحدي شعره تنط عقب هالطريــقه .. وسويها لما تبين تسوين ستريت بعد .. ولما تستشورين شعرج وفيه شعيرات واقفه << مشكلتي الازليه ههههه .. حطي شويه سيرم مع شويه فازلين وافركيهم بيدج .. بعدين امسحي على شعرج .. وشوفي




ناطره تجاربكم

 

[سويت فانيلا]

الفكره الثالث والعشــرون

تبين بشره ويهج تشد .. استعملي هالطريــقه .. وانا ماخذتها من وحده اجنبيه .. بس والله جربتها تقريبا اسبوع وحسيت بالفرق وااايد زينه وتشد البشره وتحسين ان ويهج بارد وماتبين تحطين عليه شي .. ونضاره .. كل الى تحتاجينه شاي اخضر مع فيتامين E وماي ورد واعواد اذاني او اسنان .. انا استعملت اعواد اذاني لان ماعندي اسنان وكل الطرق تؤدي الى رومــا .. المهم تاخذين اللبتون وتشقينها وتخلطينها مع ماي الورد لين يصير الماي لونه اخضر .. بعدين حطي حبه فيتامين E اخلطيهم عدل .. لاتسخنين الماي موزين يأثر على الحبــه .. الموهم ..وحطيهم بقوالب الثلج .. وحطي الاعواد مثل مانا حاطه بس اول تخلين الخلطه تجمد شوي وتقززين الاعواد فيها .. وكل يوم اخذي لج عود ومرريه على ويهج .. والله النتيجه فتاكه ..








بانتظأآآآركم


​

 

[سويت فانيلا]

بنات انا من كنت بالمتوسط وانا البخ هالخلطات على ويهي لكن الشي الوحيد اللي استمريت فيه هالخلطه البسيييطه واللي تغني كل الخلطات واهيا
تفتح اللون وتوحد لون البشره وتنعم وااايد
واذكر اني مره نصحت وحده في هالخلطه واقعدت تستخدمها كل يوم وصااارت شي شي وتقولي تصدقين الكل يقولي ويهج صار ابيض ولونه فاااتح وساعات تحط الهرده بروحها طبقه خفيفه جنها كريم وتخليها مده

وخلطتي اهيا:

هرده + حليب بودر

والكميه خليها اللي تكفي بشرتج كامله


والخلطه بتصير متماسكه اشوي ماراح تكون سااايحه

انا اخلطهم في فنجان قهوه


حطي هالقناع على بشرتج بعد ماتغسلينها بماي وصابون وخليها المده اللي تقدرين والبشره تستفيد من القناع اكثر من ربع ساعه

وبعدين فركي الخلطه بتكون جنها سنفره بعد ماتنشف اشويه

وانا ساعات احط عليها اشوية زعفران اكسره واخليه ناعم بايدي واحطه معاها لان الزعفران يفتح اللون بعد وهالطريقه توني مستمره عليها يعني فكرة الزعفران يديده

اي سؤال انا حاااضر من عيونــــ@@ـــي


انطر رايكم وتجاربكم مع الهرده

وانطر ردودكم:eh_s(21):

مع احتراماتي ياحياتي

مزيونه وشقره​

​

 

[سويت فانيلا]

الفكره الثــامن والعشــرون

تبين لمعه لشعرج .. وتفتحين لونـــه .. استعملي هالطـريــقه .. ملعقتين عســـل .. مع بابونج .. مع ماي ورد .. الطريــقه .. اغلي البابونج بالماي العادي .. بعدين صفيه واخذي الماي واخلطي معاه ملعتين عســل .. وزيديه ماي ورد شوي ..وحطيهم بمرش عندج .. وكل ماتسبحتي رشيه على شعرج .. والله لمعه غير طبيعيه .. ولا تقولين العسـل يدبق لا .. عادي .. ينعم .. ومع كثر الاستعمال راح تحسين ان شعرج فتح لونه ..وفيه لمعه وصحه






ملاحظـه : الفكره من خبيـر بالعنايه بالشــعر

ناطره .. تطبيقاتكم

 

[سويت فانيلا]

الفكره التــاسع والعشــرون

هذا قناع يمكن الكل يعرفه .. مدهــشه نتايجه .. وانا جربته اكثر من مره .. نتائجه روعه .. وسهل .. كل الى تحتاجينه اسبريـن .. وملعقه عســـل .. تاخذين الاسبرينه وتحطينها بالصحن .. وتكسرينها ..وتحطين ملعقه عســل وحده .. واخطليه .. وحطيه على وجهج .. لمده عشر دقايق .. واغسلي وجهج .. ورطبيه ..باي مرطب .. ولاتسوينه وتطلعين على طول بالشمس لا .. سويه بالليل ورطبي وجهج ونامي وشوفي بشرتج ..والله نتايجه رهيبه لاتستهينون بالمكونـات .. والاسبرين انواع اخذي نفس الى انا حاطته .. بالليمون ..وفوار .. ينباع بمركز سلطان والجمعيات .. صوب البنادول ولزقات الجروح ..





النتيجه

ناطرتكم
​

حقـوقمشاهدة ملفه الشخصيإرسال رسالة خاصة إلى حقـوقاضافة حقـوق الى قائمة الاتصالالبحــث عن ردود : حقـوقالبحث عن مواضيع : حقـوق

 

[سويت فانيلا]

الفكــــره الثــلاثــون

طبعــا كلنا يعرف فايده الليمون وزيت الزيتون والملح .. وشكثر هالخلطه تبيض وتنظف الجسم .. بس دايم نتعاجز ان نجيب الليمون ونعصره ونحط الزيت والملح والقصه هذه .. انا اليوم فكرتي راح تختصر هذا كلــه .. اول شي اخذي الليمون وحطيه بالخلاط ..وصفي العصير منه .. واخذي شوي من العصير وذوبي فيه حبه اسبرين الفوار .. وحطي معاه زيت الزيتوت وحطي الملح .. كثري الملح .. عشان لما تسنفرين جسمج .. تحسين بالملح ..الفايده من الاسبرين انه يخلي الليمون مايعفن .. وفوق هذا اهو مفيد للجلد يبيض .. اخذي مثل الى انا حاطته بالليمون .. وفوار .. الى راح تستخدم هالخطله ماراح تنساني :>
المكونات ليمون + ليمون مركز + حبه اسبرين الفوار + زيت زيتوت+ ملح
الليمون المركز + الاسبرين تحافظ على الخلطه لاطول فتره ممكنه .. تقريبا لمده شــهر حطيها بالحمام مو شرط بالثلاجه








شكلها النهائي ..ولاحظو قطع الليمون والملح مبينين .. وسنفري فيها جسمج بعد كل خلطه تحطينها بالليل

بنات دعواتكم لـي ان الله يرزقني الى في بالي

ناطرتكم​

حقـوقمشاهدة ملفه الشخصيإرسال رسالة خاصة إلى حقـوقاضافة حقـوق الى قائمة الاتصالالبحــث عن ردود : حقـوقالبحث عن مواضيع : حقـوق

29-09-2011, 12:23:29 AM
​

 

[سويت فانيلا]

الفكـــره الثاني والثــلاثون

تبين شفايفج مورده بلوك طبيعي .. ماتبين غلوس ولا حمره فاقعه .. شوفي طريقتي .. كل الى تحتاجينه فازلين وحمره سحريه .. وعلبــه شدو فاضيه او اى علبه صغيره ماتبينها .. اخذي ربع الحمره السحره .. واخلطيها مع فازلين .. مع ملاحظه ان الفازلين يكون بكميه اكبر من كميه الحمره .. واخلطيهم مع بعض .. وخليهم عندج بعلبه صغيره واستخدميها .. بيكون الناتج شفايف ورديه طبيعيه ..








ملاحظه : الفكـره منقــوله ..بس طبقتها وعجبتني .. قلت انقلها لكم ..

بنات ادعولي تكفــون ان الله يوفقني ...دعواتكم​

حقـوقمشاهدة ملفه الشخصيإرسال رسالة خاصة إلى حقـوقاضافة حقـوق الى قائمة الاتصالالبحــث عن ردود : حقـوقالبحث عن مواضيع : حقـوق

 

[سويت فانيلا]

˚ஐ˚◦{ ♥مسااائوو.صباااحووو؛؛؛
كيف صارت شفايفي حمممممممممممراء؟؟؟
السلام عليكم ورحمة الله وبركاته
كيفكن بنات؟
انا امووووو ت عالشفايف مو الورديه مو الفاتحه لا الحمممممراء
وماراح اكتبلكم الا وانا مجربه والله العظيم
اول شي تقشرين الشفاااااايف (زيت زيتون +سكر)
بخفيف التقشير لا تقسين عليها شوي بنعومه برقه
بعدين تاخذين نصف ليمونه وتفركين شفايفك لمدة 2 دقيقه بعدها
خذي موية ورد تكون مثلجه من اول وامسحي بها شفيفك ووجهك طبعا قبل النوم والله مرررره خطيييييره
ماراح اسامحكم تدخلون وماتردون او تدعون ليه بالخير والتوفيق ويا اخواننا المسلمين

اللهم صلي على محمد النبي الامي

على فكره منقوول

 

[سويت فانيلا]

السلام عليكم اشلونكم حبايبي ولهت عليكم انا من النوع الاناني اللي مااحب اعلم بس المنتدى علمني اني مااخش عليكم شي بدخل بالموضوع هالخلطه عجيبه تصلح للمتزوجه والبنت وريحتها عذاب وتنفخ الشفايف. وتخلي لونها وردي ياناس استغنيت بالكليه عن الحمره احطها لو امدح فيها ما اوفيها حقها نبتدي وسامحوني اذا بدر مني اي بديلات لاني شابكه بالايفون 

اول شي نحتاج حق تعرفون اللي بدي شوب النكهات اختاري نكه كرز او فراوله هذي صورته
http://i.imgur.com/lJIB0.jpg

فازلين والكل يعرف صورته

زيت اللوز المر
http://i.imgur.com/D80jG.jpg

كعر الفاسي (دم الغزال )
http://i.imgur.com/U9wLZ.jpg

وبكنج باودر مال الاكل
http://i.imgur.com/vt70a.jpg

ناخذ من كل شي شوي. او ع حسب المده اللي بتستعمليها بس لاتحطون بيكباودر وايد حيل نص
قفشه مالت اكل

هذا الشكل النهائي للخلطه
http://i.imgur.com/aM1DV.jpg

هذي صوره شفايفي وانا حاطه مسحه خفيفه حيييييل من الخلطه العاده اكثر.
*http://i.imgur.com/UVVTy.jpg

وهذي شفايفي مع الميكب شوفو اشلون بارزه بشكل ملحوظ
http://i.imgur.com/RD1F3.jpg

مااحللل ليوم الدين اللي ياخذ او تاخذ صوره الشفايف ومانزلتهم الا عشان تستفيدون
جربوها وادعولي انه الله يحقق اللي في بالي​

 

[سويت فانيلا]

قوووه كويتيات شلووونكم


صراحه مادري شقول لوووول احس جني اول مره اكتب موضوع

:eh_s(22):

بس كل اللي بقوله قبل لا دش بموضوعي اني اشتقتلكم وااايد

و 3 شهور وااايد بالنسبه لي فتره طويله

بس ماحبيت ارجع لكم وايدي فاضيه هههههه




وابي اشكر كل عضوه اسألت عني سواء برساله خاصه او بمسج على فوني او بالواتس اب

وان شاءالله ما اقاطعكم ابد

ندخل بالموضوع

خلال هالفتره اللي غبت فيها عنكم كنت اسوي سيرج عن اكثر المواد الآمنه اللي ( تفتح )

انا قلت تفتح لاني ماحب اقول تبيض صراحه كل ما اقول تبيض اتذكر كلوركس وتايد وهالسوالف

لوووووووول

المهم طبعا المادة اللي تحتل المرتبه الاولى بالتفتيح اهيا :

1- الالفا اربوتين ( alpha arbutin )

طبعا هالماده غااااااااليه ومو متوفر كخام عندنا

الثانيه :

2- حمض الكوجيك ( kojic acid )

تقدرين تلقينه كسيروم او كريم بالصيدليات بس مادري اذا موجود او لا بس

ماينفع البشره الحساسه والجافه لان يمكن يتحسسون منه






و من ضمن الشغلات اللي تفتح اللي لقيتها وسويت عليها سيرج وشفت انها من مكونات

اغلب كريمات التفتيح والصوابين واللي استعملته بخلطتي اهوا :












العرقسوس ( licorice )

هذي صورته واهوا مطحون :

وبنقل لكم فقره عنه لقيتها بمنتدى عروس من العضوه منووووشه كاتبه عنه :



((العرقسوس أو أصل السوس نبات شجري معمر ينبت في كثير من بقاع العالم مثل سوريا ومصر وآسيا الصغرى وأواسط آسيا وأوروبا.
تستخرج من جذور الشجرة مادة العرقسوس، وهي أكثر حلاوة من السكر العادي ويمكن مضغها أو تؤكل كحلويات. وهناك 12 نوع من جذور العرقسوس تختلف في الطعم
المادة الفعالة في السوس هي الكلتيسريتسن، وثبت أن عرق السوس يحتوي على مواد سكرية وأملاح معدنية من أهمها البوتاسيوم، الكالسيوم، المغنسيوم، الفوسفور، ومواد صابونية تسبب الرغوة عند صب عصيره، ويحتوي كذلك على زيت طيار. ففي عام (1955- 1960) تم فصل مركب سيترويدي أطلق عليه اسم


حمض الجلسريزيك glycerrhysic acid من جذور نبات العرقسوس وقد تبين أن هذا الحمض يشبه في بنيته الكيميائية مركب الكورتيزون المعروف إلا أنه يتميز عنه بخلوه تماما من الآثار الجانبية المعروفة عند التداوي بالكورتيزون خصوصا لمدة طويلة.
يحتوي مستخلص عرق السوس (Licorice extract) علي مادة الجلابريدين، وهي مادة آمنة لتبييض الجلد، حيث تمنع كثرة التصبغ بمادة الميلانين عن طريق منع تخليق إنزيم التيروزيناز، ويعتبر هذا الإنزيم هو المسؤول عن تخليق صبغة الميلانين، كم أن مستخلص عرق السوس له تأثير فعال كمضاد للالتهابات.
وهو مضمون من ادارة الغذاء والادويه الامريكيه fda وقد ادرج فى قائمه الاعشاب آمنه الاستعمال بصورة عامه


ويدخل مستخلص عرق السوس فى مستحضرات التجميل ويعالج حب الشباب ويقلل من حروق الشمس ويساعد فى علاج تلون البشرة الداكنه الكلف . وفى اخر دارسه اجرتها جامعه كاليفورنيا اتضح ان عرق السوس له اثر كبير فى منع تسوس الاسنان))


عشان جذي سميتها خلطة الكورتيزون الطبيعي طبعا انا سويت كريم للجسم وصابونيه وسنفره



اول شي



1- كريم الجسم :


علبة جليسوليد 250 مل تحطينها كامله

كوب واحد من مستخلص العرقسوس ( راح اكتب شلون تسوونه )

زيوت ( زيت لوز - زيت افوكادو - زيت جوجوبا - زيت جلسرين ) من كل زيت ملعقتين كبار

الطريقه :


اول شي تشترين عرقسوس مطحون وتاخذين منه مقدار ملعقتين وتصبين عليه مقدار كوب ماي

وتخلينه ينقع بالثلاجه يوم كامل , تالي صفي المنقوع بقماش واخذي مايه , اخذي الجليسوليد و

حطي عليه كوب مستخلص العرقسوس مع الزيوت من كل زيت ملعقتين وخلطيهم بخلاط الكيك

راح تطلع النتيجه جذي :

2- الصابونيه :



انتي حره باستخدام الصوابين اللي تبينهم بس انا بكتبلكم اللي انا افضله

وماتزيدين عن 3 صابونات


انا اخترت الصابون السائل الافريقي ( اذا استعملتي الافريقي تزيدين عليه صابونه وحده كافي )

( التاجره Grass تبيعه )

مع

صابونه بالمرز بزبدة الككاو ( موجوده بلولو هايبر وفي منها بزيت الزيتون )

او

صابونة سكن سكسس ( موجوده بلولو هايبر )

او

صابونة فير اند وايت ( so white ) ( طالبتها من النت )

كلهم مجربتهم وحلوين


الطريقه :


تاخذين العرقسوس المطحون وتطحنينه زيااااده لين يصير ناااعم انعم من اللي شريتيه اوكي

تقطعين الصابون الافريقي قطع صغيره كلش وتبشرين معاه صابونه وحده من اللي حطيتهم لج

تالي بعدين حطي 4 ملاعق من العرقسوس الناعم وصبي عليهم 2 كوب ماي وخلطيهم بملعقه

عاديه وخليه ينقع بو جم ساعه اللي مافيها صبر لووووول تحطه بخلاط العصير سيدا مو مشكله

بعدين عبيه بعلبه وحطيها بالثلاجه يوم كامل بعدين استعمليها


هذي صورتها :

طبعا اهيا يوم عن يوم راح يصير لونها غامج من العرقسوس يتركز فيها اكثر فا عادي لا تخافون


مو عبالكم اختربت


وهني صورة الكريم مع الصابونيه

بالنسبه للسنفره اختاري اي سنفره تعجبج ستيفز وربعها وضيفي عليها العرقسوس المطحوون

الناااااعم وخلطيهم عدل واستعمليها بس خليها يوم كامل بدون استعمال عشان يتركز فيها وبس

واذا تبين تضيفين لها زيوت مو مشكله



وتقدرين تسوين تونر حق جسمج منه تنقعينه وتاخذين مايه وتحطينه فبخاخ كبير وبخي فيه

جسمج بعد السبوح






الحين نيي للبرنامج اللي بتمشون عليه سهل وايد :

1- تتسبحين بالصابونيه وتتفركين فيها وتخلينها شوي على جسمج بو 5 - 10 دقايق تالي غسلي

وتسنفري و غسلي ونشفي وجان تبين بخي من التونر وخليه ينشف على جسمج

2- اخذي الكريم وتدهني منه على كامل جسمج ونطري شويه تتشربه البشره ولبسي ملابسج


وكل يوم جذي لمدة شهر وبتشوفين شي يسرج ,طبعا كل وحده على حسب جسمها تبين النتيجه



ملاحظه :

قبل لا تسوين هاللي قلته كله نقعي العرقسوس واخذي مايه وسوي تست ( تجربه ) حق جسمج

شوفي تتحسسين ولا لا اوووووووكي مو تقولون ماقلت

اي صح نسيت اقول تحفظون الكريم والصابونيه بالثلااااااااااااااجه عشان ماتخترب وتكون فرش

حزت السبوح اخذي منها اللي يكفيج فباديه ورجعيها الثلاجه مو تبربسون فيها لووول ومدة الحفظ شهر



وهذي النتيجه بعد الانتظام والاستمرار لمدة شهر بعد اسهل من جذي برنامج ماكو لوووول

على فكره ترا انا ما اسوي مغربي ولا احط خلطات قبل السبوح الله يخلي الماجيك بيلنق و

بخار الحمام

ترا واااايد حلوه الخلطه اقوى من خلطة فيتامين سي

لمعه

نعومه

تفتيح

صفاء

:rerrerek:


واتمنى تجربونها وتعجبكم وبس خلصت

واسفه اذا الموضوع مو مرتب :eh_s(2):

​

 

[سويت فانيلا]

هذا الموضوع لوحـــده اسمها عابرة سبيل من منتدى عالم حواء
صديقتي سوته وبانتج النتااايج لها بس تقول للحين ماوصلت للي تبيه بس بتستمر الى ماتوصل للي تبيه

بسم الله نبدا ..

طبعا اغلبنا يتمنى يرفع ذراعه بدون اي احراجات ..
و بدون محد يعلق .. ويهز الثقه فيك .. مثلي انا ..

عانيت 9 سنين من هالظاهره اللي تسمى ( سواد الابط ) ..
لكن الحين الحمممدلله 89% انتهيت منها ..

لكثرة الطلبات اللي تجيني عن الابط .. قررت اني انزل هالموضوع ..
ولو اني ما وصلت لين الـ 90% بس صارت توووجب مرررره ..
و عشان خاطر عيونكم و لانكم حبايبي ..


راح اتكلم لكم اليوم عن 3 اشياء ..

1) تفتيح الابط ..
2) افضل مزيل رائحة عرق تشترينه ..
3) افضل مزيل رائحة عرق تصنعينه في البيت ..




-- تفتيح الابط --


جربت كثير كثير للتفتيح .. خلطات كريمات ..
اللي جاب معي نتيجه هو مزيل عرق بيزليين ..

هذا النوع ..

اللي بالاعشاب الخضراء ..

خلال اسبوعين تقريبا راح من السواد 40% ..
لكني لما بغيته مره ثانيه ما حصلته .. كل مخلص ..

و جربت هذاالنوع ..

حلووووو مره لكنه ما فتحني .. بس حافظ على المنطقه و ما غمق لونها ..



نجي للخلطه اللي سويتها .. استمريت عليها الحين اسبوعين و زياده ..

ملاحظه/ ضرووري مزيل عرق روول (الكوره) فاضي .. انا استخدمت حق بيزليين ..
اذا ما كان عندك اشتري ارررخص نوع و نظفيه زين .. لان اذا استخدمتي القطن راح يبهذلك مره ..
و المقادير هذي بالضبط على حجم علبة مزيل عرق بيزليين ..


كل المطلوب هو ..

- ملعقة نشا
- ملعقتين زيت اللوز المر
- ملعقتين زيت الجلسرين
- ملعقة موية ورد




حطي بصحن ملعقة نشا ..

و ضيفي ملعقتين زيت لوز مر ..

ثم اضيفي ملعقتين زيت الجلسرين ..

ضيفي ملعقة موية ورد ..

اخلطيهم زين زين .. و حاولي النشا ما يصير قطع .. حاولي تذوبينه اكبر قدر ممكن ..

فكي علبة مزيل العرق .. يبيلها قوه شوي لا تخافين ما تنكسر ..

عبييه في علبة مزيل العرق ..

و صار عندك جاهز

..

ملاحظه/ هذا المزيل ما يمنع ريحة العرق .. لكني راح اقولك على افضل مزيل تصنعينه في البيت
تستخدمينه قبل الخلطه ..




---------
النتايج :

مدة استخدامه:

مرتين في اليوم على الاقل ..
اول ما تصحين .. و قبل النوم هذا ضروري ..
ولو تحطين بينهم يكون افضل ..


كيفية استخدامه:
اول ما اصحى احط مزيل رايحة العرق (اللي صنعته في البيت وهو موجود اسفل) ..
ثم احط الخليط على ابطي .. و قبل النوم ..
ما يحتاج تغسلينه هو تتشربه البشره ..

النتيجه:
الحمددللله لقيت تحسن 89% .. وصار ابطي يووجب ..
و اقدر ارفعه عاادي بدون احراج ..

مدة النتيجه:
شفت التحسن من اول اسبوع ..
و لقيت نتيجه حلوه خلال اسبوعين تقريبا ..


يتبع​

 

[سويت فانيلا]

-- افضل مزيل رائحة عرق تشترينه --


بلا منازع و الافضل اللي جربته بيزلين و انا جربت نوعين ( اللي ذكرتهم فوق ) ..
سعره 30 ريال بالصيدليه ممكن تلاقينه ارخص عند العطار ..

ما يسود .. يحافظ على لون الابط .. مزيل عرق حلوووو .. لكنه ما يزيل العرق نفسه ..

بالنسبه للي عرقهم زايد .. او ممكن حتى العاديين ..
افضل كريم مزيل لرائحة العرق هووو بلااا شك ..


Sauber Balance

يضبط لك كمية العرق الزايد ..
ما يسود .. سعره 22 ريال تقريبا .. تلاقينه بالصيدليه ..

انا من اصحاب العرق الزااايد .. و مع هذا الكريم الحمممدلله والله ضبط عندي كمية العرق بشكل واضح ..
صارلي الحين تاركته سنتين ولا رجعت كمية العرق الزايده .. مع اني ما استخدمت منه الا علبه وحده ..

ما اقولكم اختفت كمية العرق .. لكن ماصرت اتعرق مثل قبل .. الحين صرت استخدم اللي صنعته في البيت (تلاقونه اسفل) ..

-- افضل مزيل لرائحة العرق تصنعينه في البيت --




كل اللي تحتاجينه هو ..

- ملح الليمون ( تلاقينه فالسوبرماركت مع قسم البهارات و سعره 7 ريال ونص ) ..
- علبه فاضيه ( انا استخدمت علبة اسكينول ) ..



ضيفي ربع العلبه اللي عندك ملح الليمون ..

ملاحظه/ لأصحاب البشره الحساسه يفضل انكم تقللون من كمية ملح الليمون و اختبروه على جلدكم قبل ..
يعني حطوا ملعقه وحده تقريبا و اختبروووه .. لا تدعون علي حبايبي ..




ضيفي ماء عادي ..

بيصير شكله كذا ..

رجي العلبه زيين لين يذوب ملح الليمون في المويه ..

ضبطت العلبه شوي عشان ما اخربطه مع الاسكينول نفسه .. شلت الملصق عنه ..

و الطريقه هي ..

اول ما تصحين تحطين في القطن من الخليط ( ملح الليمون + المويه ) ..
و امسحي فيه الابط .. راح يكفيك مسحه وحده ..
انا اقعد 3 ايام تقريبا ما تطلع مني ريحه ابد ولا عرق ..




وبس ..


---------

النتايج :

مدة استخدامه:
مره وحده في اليوم تكفيك لثلاث ايام ..
و ممكن اول ما تصحين و قبل النوم ..


كيفية استخدامه:
حطي من خليط (ملح الليمون + الماء) في قطن و امسحي في ابطك ..


النتيجه:
الحمممدللللله ما تطلع مني لا ريحه ولا عرق ..
و اذا سويت رياضه و شديت فيها و عرقت ..
ما تطلع ريحه اببببد .. فقط عرق بسيط .. ( حسب مجهودك فالرياضه ) ..


مدة النتيجه:
من اول استعمال تشوفين الفرق ..


--------------

أنا إن شاء الله بسوي الاولى لتفتيح الأبط وان شاء الله اشووف النتاااايج​

 

[سويت فانيلا]

بناااااااااااااااااااااااااااااااات بنااااااااااااااااااااااااااات

احم احم

انا مستانسه حدي حدي حدي حدي

من وانا صغيره واحلم بغمازه اطالع اختي واقولها عطيني غمازتج لوووووووووووووول

طبعا انا كالعاده اذا ابي شي افتر على كل الاماكن واطالع تجارب البنات بالغمازات اول شي يمدحون

بعدين يحبطوووووون

يوم من الايام انا دخلت على موقع جان اقرى هالكلام سمعوا

قريت ان كل واحد عنده غمازه تكون العضله عنده مرتخيه علشان جذي تطلعله غمازه

بس انا اليووووووووووووم يايبه لكم البشاااااااااااااااااره ااهيا انج تسوين غمازه حقج

بدوووووون لا تسوينها بالمكياج ولا تروحين تسوين جراحه فمن خلال بحثي <<<عيل شلون عيل

وحبي لكشف الامور << شدعوه عليج

اكتشفت ان كل واحد فينه يقدر يسويله غمازه باي شكل من الاشكال

يعني شنوووووو ؟؟ انا اقولكم يعني شفتوا تسوين غمازه لاااااااااا وتتحكمين بطولها بعد

اول شي جربت جم غمازه ليما لقيت الغماوه اللي ناسبة وييييييييييييييهييييييييييي والله والله والله

البيت كله انصدم منيييييييييي انتي شلووووووووون طلعتلج غمااااااااازه ؟؟؟وبنت اخت رفيجتي

تقولي جذابه من زمان عندج اهيا هههههههههههههههههههههههههااااااي هاذه المطلوب

ادري انكم تحمستوا بس والله يا بنات صارتلي غمازه طواليه نفس الهنديه والاحلى بعد

ان بس تطلع ليما اضحك يعني مو نفس عمليات التجميل تطلع وانا ساكته لا لا لا هاذي مو

مبين كلش اصلا راح ينسون اهلج ان ما عندج غمازه ههههههههههههههههههههههه

المهم مصختها عاد خنقولكم الطريقه

اول شي نبدى بالغمازة الويه المدور

يعني المتروووس

نحتاج حق شغلتين قلمين رصاص هاذه الاسود والاصفر اللي يكون تحته اخر شي دائره حمره او يكون

فيه مساحه

ثانيا فرشة مال مكياج اللي يكون اخرها مو بوووووووز شوي عريض

اول شي اروح المنظره واطالع ويهي واشوف وين ابي تكون غمازاتي يعني المكان خلاص

حفظته اروح احط القلم على المكان واضغط القلم على خدي الاثنين وانا ضاغطه اضحك افرش ويهي

يعني وتظلين جذي 5 دقايق تضغطين حيل ادري في شوي عوار مع الضغط

بعد ال5 دقايق وخري القلم وشوفي ويهج بالمنظره بتلاقين صار مكانه احمر بس راح يروح الاحمر

وتبقى الغمازه اول شي انا ليش قاعده اضغط ؟؟؟؟؟ علشان ارخي العضله بناااااااات كل يوم اسوي ه

هالحركه لييييييييما ترتخي العضله المهم ما عجبج شكلها وايد ؟؟؟تبين وحده طواليه حطي

القلم تحت الغمازه الصغيره اللي سويتيها وضغطي انتي طوليه بناااااااات تقدرين تتحكمين فيها

ونفس الطريقه تظلين وكل ما ظليتي اكثر كلما بينت اكثر بس انتي ضغطي ضغطي علشان

ترتخي العضله بعدين روحي ييبي الفرشات وحطيها على المكان شنو فايدة الفرشااااات ؟؟؟

ادخلها داخل اكثر طبعا تقدرين بالفرشات تسوين ورا بعض الضغط تصير هم طواليه الغمازه

حق الويه الضعييييييف مو لازم تسوينا طوليهه اذا ما كانت تناسب ويهج فراح تستخدمين بس

الفرشات وانتي تشكلينها ترسمينها

يعني كل واحد يشوف اللي تلوق على ويهه

واللي تبي صغيره تضغط مره وحده بالقلم لمدة 5 دقايق يعني مو تحت بعض

وطبعا قتلكم كلما زيتوا المده صارت اكثر انا صارلي يومين ما راحت بس خفت

لان ليلحين قاعده ارخي العضله وناااااااااااااااااسه بنااااااااااات

كل شوي مسكي القلم ورخي ورخي يعين ضغطي ضغطي علىشان ترخينها

عاد انا قلت اقوووووووولهم ولا خليه سرررر بيني وبين نفسي ههههههههههههههههههههههه قلت

لا يا عشق لا تحرمينهم هذوله كويتيات حبيباتي

المهم بناااااات انامابي منكم غير الدعاء الله يعطيني اللي في بالي :yaaaaaarb: وتقولولي تجاربكم بالضغط

طبعا الضغط مسمر لمدة اسبوعين وشوفي النتايج :eh_s(7): حتى تقدرين تضغطين باضافرج على خفيف اذا ما عندج فرشاة او ما ناسبتج باضافرج بس شوي شوي وطبعا تقدرين تدشين قوقل وتشوفين انواع الغمازات وبث

وبس اي اني كويسشن ؟؟؟


على فكره انا قريت هالكلام من موقع انا دشيته يعني مو عبط لووووووول

وهالله هالله بالردووووود​

 

[سويت فانيلا]

السلام عليكم ورحمة الله وبركاته


شلونكم بنات شخباركم


حبيبت اشاركم باللي خلصني من السواد والاحراج وتطفي الليتات

والله ثم الله بين فخوذي والمنطقه الحساسه صارت خيال وربي فوقي



جربتها يمكن عشر ايام او اسبوعين وبالاسبوع حاليا مرتين او ثلاث مرات ماقطعتها يعني عقب ماتخلصون اسبوعين بعدين تخلونها بالاسبوع مرتين



المكوووونات



كريم الراعي

بالجمعية تلقووونه



زيت جنين القمح

بالحواي وعاد شوفو الاصلي وين انا خذيته وبس


زيت زيتون

زيت جلسرين

زيت اللوز المر

وكريم سودو

بالجمعيات والحين مسوين عليه خصم بمذركير لحقووو لووول



طبعن الطريقه

من كل كريم اربع قفاش كبار حطيهم بغرشه بلاستك
والزيوت ملعقتين صغار موملوت حوس الشاي لا الوسط المهم عرفتوا شقصد وخلطوهم معا الكريم

واستخدموهم كل يوم بليل بس قبلها تمسحوا بسكنول ليمون وحطو الكريم ونامو بدووووون سليب ولا سرووال ولاشي هوووا المنطقه وهذا السر لاتخافون موداخلكم هوووا








وادعولي وادعو لامي وابوي بالصحه

بس جد جد جد تجربه تهبل ومعا اني جربت كل شي غالي من كريمات عشان يصيرون بيض مانفع معاهم الا هالشي تخيلوا كريمات من الصيدليه ماسوا جذي خلطات تبيض من الحواي اوكي يفتحون بس يرد اللون هذا على ضمانتي مايرد الللون :sfg::sfg:




يلا مسي مسي :bye22:

 

[سويت فانيلا]

{ بسم الله الرحمن الرحيم
السلام عليكم ورحمة الله...~


{ هالشهر سويت طريقة جديدة لشعري ...~

خذيت طريقة رغوة الشامبو من العضوة عندنا بالمنتدى بس والله ماذكر اسمها
ومدري وين مووضوعها راح دورته مالقيته !
لكن ,,,,,,
جزاها الله خير

فادتني الحمدلله ولاحظت مفعولها بالغسلة الرابعة
وكلامها صدق

لان يقولون ان الشامبو لما ينحط ع الشعر مباشرة بدون تخفيف بالموية يحرقه ويضره
وهالطريقة تحل المشكلة

{ أولاً :..~

أنا الشامبو اللي استخدمه إسمه Palmolive بخلاصة البيض وزهرة الفانيلا


{ رغـــــــــــــوة الشامبـــــــو ...~

1\ جبت علبة فارغة بلاستيكية للمياة المعدنية

​

2\ حطيت فيها مقدار صغير من الشامبو ومليت (نصف العلبة) موية

3\ بعد ترطيب الشعر بالماء ,, ترج العلبة لتكوين رغوة <<< يابو الفصحى بس

ونسكب منها شوي ع الفروة ونعمل رغوة
ونرجع نسكب شوي ونزيد الرغوة
ونكرر العملية

4\ بعد ماندلك فروة الراس بلطف ونرغي الشامبو بالراس زين
نغسله بالمقلوووووووووب
علشان ننشط الدورة الدموية
ونتجنب التساقط

{ ثانياً :..~

ولما خلصنـــــــا خلاص من غسل الشعر ..

نجي لحمام زيت اللي عملته

انا نوع شعري جاف + خشن شوي + كيرلي

فــــ كنت ابغى حل يساعدني إني أهدي شعري خخخ
قدر الامكان ويكون خفيف وناعم ومرتب

والحمدلله استفدت من خلطتي الي سويتها

{ خلطة حمام زيت فاشكول بالثوم:...~

1\ حمام زيت فاشكول بخلاصة الثوم (علبة كبيرة)





2\ نصف كوب عسل (اي نوع طازج او معلب من السوبرماركت)





3\ ملعقتين كبار زيت اللوز أو الخروع (الي متوفر عندك ينفع)





واذا شعرك دهني حطي ملعقة بس

4\ ملعقتين كبار زيت باراشوت الذهبي (جوز الهند)




وبعد اذا شعرك دهني حطي ملعقة

5\ زيت صانسيلك ضد التساقط الذهبي

سوري مالقيت له صورة !
بس معروف من المجموعة الجديدة لصانسيلك ضد التساقط
مقدار ملعقتين كبار للشعر الجاف وملعقة كبيرة للشعر الدهني

6\ ملعقة صغيرة حليب بوقوس المركز

7\ ملعقتين كبار زيت جنين القمح (تلقونه عند العطار)

ونخلط كل المكونــــــــــات زين
وبعدين نضيفها في علبة حمام زيت
ونخلطها حتى تتجانس سوا

وتستخدم بشكل طبيعي مثل اي حمام زيت اخر
ونتركه ع الشعر لمدة 10 دقائق

{ ملاحظة:...~

نترك العلبة بعيد عن الشمس والحرارة اكثر من 30د
ولاتخافوا ماراح تعفن الخلطة
ولاراح تخترب

{ نتائج الاستخدام :...~

1\ يقل التساقط بشكل ملحوظ

2\ تخف خشونة الشعر وتموجه

3\ يعطي نعومة للشعر

4\ يمنع القشرة من الظهور

واذا حابين بعد ماتجففون شعركم
تستخدمون سيريوم لوريال ضد الخشونة البرتقالي
او مسحة من كريم بالمرز الاخضر بالبروتين والفيتامين
او القليل من زيت 555 القديم

بعد حلووو

{ جربوهـــــــا وأدعوا لي
ربي يفرج همي ويسهل امري

لأمانه منقول للفائده..

 

[سويت فانيلا]

عالحبة ويطيرها :rerrerek: << حبيبي هالماسك .



لكن طبعا لازم تاخذينه مع المجموعه الكامله لانه ما ايي بروحه


وانا ماني بحاجة المجموعة بس ابيه للطوارئ .


واخوي توه بالغ لووووول وويهه وععوووو ومناااشب امي على


هالماسك .. وانا مابيه يخلص ، حددده نرفزنييي !! :eh_s(4):




عاد قمت اسويله كل يوم شي والوص فيه ويهه .. لييين اكتشفت ماااسك


عجيب بمعنى الكلمة , واهو استانس عليه وقام كل شوي


يخبص مخي قومي حطيلي من الماسك حدده زين وويهي قاعد يصفى :ggdw:


وطبعا استانست وجربته لان طلعتلي حبة حقيرة كلبه والنتيجه من اول مرة


فتااااكه .


فقلت خل اسوي حق اخوي كمية صغيرة بعلبة واهو يحط حق عمره كل يوم


بما ان الخلطة ماتخترب ، لانه دوخني بحنته .. جااااان تطرون على بالي :eh_s(15):





الحين بوريكم الطريقة بالصور مثل ماعودتكم بكل مواضيعي :eh_s(7): ..



اول شي هذي المكونات :

طين طبيعي (مالي ماركة الشرفاء) من الحواي وتقدرون تستبدلونه بطين خاوه


وايد زين الطين حق الحبوب ترى بناات يموتهم ويصفي اثارهم لانه يقشر البشرة.



ثاني شغله نحتاج حبتين اسبرين (مضاد حيوي قوي وقاتل للبكتيريا ) ، ومرة مطحونه


عند الحواي (انتي طحنيها احسن).. هم " مضاد حيوي" المرة ومفتح للآثار .

نحط هالكمية من الطين وفوقة حبتين الاسبرين بعد ماتدقونهم ، وهالكمية من المرة


يعني مقدار ربع قفشة صغيره .

ونعينهم بمقدار غطا او اكثر ماي ورد .. لين يصير قوامها ثقيل بس مو حييل خلوه


رطب اكثر .

وبس حطيت الماسك على كل ويهي ، واللي بقا منه قسمته بعلبتين صغار حقي


وحق اخوي وسكرتها عدل عشان ماتنشف الخلطة وخشيتها


عندي بالغرفه .. لاتخترب ولا شي .

وجربتها انا بناات على الحبة بروحها عقب صج صج من ثاني استخدام تحسين مافي بروز خلاااص


وبستمر مرتين باليوم لين يطير اثرها قبل لايعلم على ويههي .



طبعا اخذ شوي بصبعي واحط عالمكان وكل شوي ابللها بصبعي ماي ورد عشان


لاينشف الماسك او اخلي يمي بخاخي وكل مانشف ابخ . واخليه بو ساعه جذي


وبعدين بس اغسله .


ومرة بالاسبوع لاتنسون هالماسك اينن عالوي كلله :eh_s(15):






هذي طريقة عجيبه وتعطي مفعول برواكتيف .. جربوها بنات ماراح تندمون :rerrerek:








اسمحولي على هالكلمتين وانا عمرها ماطلعت مني
لكن بما اني اشوف بنات وايد اعلمهم عالخاص وافيدهم
ويروحون ينزلون مواضيع بخلطاتي ينسبونها لنفسهم
بدون ذكر اسمي لو بالغلط :bbbiu:


مضطرة اقوول ..



مااا احلل اي وحدة تنقل الموضوع او تذكر شي
من خلطاتي بدون ذكر اسمي مني ورايح طبعا اما اللي فات مات .


لاتزعلون مني بنات بس حرام عليكم ترى
الدعوة حلوة ليش تحرموني منها ؟؟ خل نتقاسمها
عالأقل :eh_s(2):






احبكم :eh_s(7):​