بنات حبيباتي اول شي ضروري ضروري
نرطب البشره حتى ولو كانت دهنيه(بهالحاله نستخدم مرطب
على هيئة جل بدل الكريم) انا استخدمت
مرطب كلينك للبشره الجافه لان بشرتي اجف من
الجافه ..بعدين رطبت منطقة تحت العين
بمرطب ديرماكول وايد مريح وخفيف حق تحت الميك اب مو
دهني ابد .. وبعد ما بشرتي امتصت المرطب وزعت
البرايمر من pupa هالبرايمر واااايد احبه وارتاحله ..
بالضبط نفس برايمر سيفورا هم عجيب ..
بعد ما استقر البرايمر على بشرتي استخدمت
فاونديشن rimmel وايد حلو بس عيبه ان مجموعة
الدرجات محدوده جدا وبالتالي اللون شوي غامج بس ما عليه still nice .. بنات الفاونديشن مو ندهن
فيه الوي ومع السلامه! لازم ينمدج عدل مع البشره كل شي نقدر نستعيل فيه الا الفاونديشن ناخذ
راحتنا واحنا نوزعه وندمجه لان حتى لو الميك اب واو بس الفاونديشن مو حلو بيخرب على كل
شغلنا ..نبي بشرة طبيعيه وfresh مانبي طحين او ماسك!! .. وبليز بنات ما نثقل طبقه خفيفه توحد
لون البشره وتغطي العيوب الصغيره اما العيوب الكبيره والواضحه نغطيها بالكونسيلر لان هذي وظيفته ..
انا اقولكم شلون تعرفون الكمية المناسبه .. اذا عندج شامه بالوي وبعد الفاونديشن صارت رماديه
معناته انج مكثره! واذا المنطقة المحيطه بالفم صارت رماديه ومتكتله معناته احد الاشياء انج مكثره
فاونديشن او مو دامجته عدل .. او ان اللون مو مناسب بشرتج .. بنات لازم لازم لازم يكون لون الوي مثل
لون الرقبه او كلش كلش افتح منه بدرجه بسيطه .. منظر بشع لما يكون الوي لوون والجسم لون .. او
الوي والجسم لونهم رمادي على اخضر! ترى السمار حلو والفاونديشن الاسمر عجيب! خاصة اذا خلطناه
مع اضاءه ذهبيه يطلع واو! لذلك انتبهوا للفاونديشن لازم1/ نختار اللون صح 2/وندمجه عدل عدل مدل
3/وما نكثر منه ..
بعد الفاونديشن وكالعاده حطيت 3 نقط من
الكونسيلر الاحمر من باليت ميك اب فور ايفر وblend ..
كونسيلر كلينك و blend ..
مثبت بنفت نسيت اصوره بس موجود بمواضيعي السابقه وblend ..
(طريقة توزيع الكونسيلر موجوده بمواضيعي السابقه)
رقم 4 اهوا
cream blush من
استي لودر لونه برونز استخدمته للنحت .. ورقم 5
بلش من نوبا لونه
مشمشي عجيييب من قلب استخدمته على الوجنتين ..
للعين استخدمت رقم 1
الaqua cream من ميك اب فور ايفر .. رقم 2 اللون البني فقط من باليت
too
faced رقم 3 شدو اسود .. رقم 4
ستار باودر باللون الاورنجي المشمشي المشرق يهبل يهبل .. رقم
5 شادو
نايلون من ماك ..
1- نوزع الaqua cream على كامل الجفن ..
2+3- نبدي نبني اللون البني بالتدريج .. حطينا الشدو بطريقه مبدئيه ..من منبت الرموش الى كسرة
العين وندمج اللون كما في الصوره 3
4+5- نعلي اللون نفسه الى تحت الحاجب بحيث تكون المسافه بين اللون والحاجب صغيره حيل .. نمد
اللون الى المكان اللي واقفه عنده الفرشه بالصوره 5
6- بعد ما وصلنا للشكل اللي نبيه ندمج اللون لين نحصل على النتيجة الموضحه في الصوره ..
بنات سوري بهالصوره غلطت بتالرقيم .. فجأه شقحت لي رقم10 مادري ليش ":\
10+11- نمسح مسحه خفيفه على الشادو الاسود بحيث ما تكون الفرشه متروسه لون مجرد لون
خفيف ونوزعه بكسرة العين عشان يعطينا عمق او بعد للعين وندمج وندمج وندمج ..
12+13- ناخذ الستار باودر الاورنجي ونمده بجانب الشادو البني بس من غير ما نروح عليه! يمه فقط مو
فوقه وندمج ..اخذت النايلون وحطيته بالزاويه الداخليه للعين وتحت الحاجب ..
14+15+16- حطيت ايلاينر .. وبالشادو الاسود مديت خط تحت العين .. واخذت الشادو البني ومديته
تحت ودمجتهم يميع..
اشتهيت اركب رموش! طريقة تركيبها وايد سهله بس يبيلها ممارسه .. نحط الصمغ وننطر 10 ثواني
عشان ما يكون بعده ماي ويتلفنا! يكون شوي دبق .. نثبت الرموش من النص اول شي وبعدين من
الاطراف كما هو موضح بالصوره D: ..
للشفايف نقدر نستخدم اللي نبيه وانا بعطيكم اختيارات وانتو نقوا اللي يعجبكم .. اما اللون الـ
nude اللي
نفس لون البشره استخدمت rimmel ..او اللون
الاحمر الناري اللي الكل يحبه الا انا .. دمجت chanel
مع sea ray .. او
اللون العنابي اللي وايد دارج وموضه.. استخدمت diva من mac .. والاسامي جدامكم
النـتــيــجــه الـنـهـائــيــه ..
[URL="http://up.shamoa.com/uploads/images/shamoa-ed4909f205.jpg"]
[/URL]
