ملف شامل لكل أسباب تأخر الإنجاب .. ويتضمن الأعراض والعلاج ( متجدد )

["*آآآنؤؤؤقهـ*"]

رد: ملف لمراكز العقم حول العالم

تم دمج مواضيع متشابهه

 

["*آآآنؤؤؤقهـ*"]

الله يرزق الجميييع

 

[نكهةالبرتقال]

السلام عليكم بنات أنا صارلي متأخرة 4 سنوات بالحمل و أنا سليمة و زوجي سليم الحمد لله عل حسب كلام الدكاترة

لكن اكتشفت إن في أشياء ما سووها لي :

مثل ... أخذ عينة من بطانة الرحم

مثل ... تحليل افرازات المهبل اللي بعد الجماع ، ممكن يكون في حموضة تقتل الحيوانات

مثل ... المنظار ، أو فحص أهداب قنوات فالوب ، اللي تلتقط البويضة

أنا بس سويت أشعة الصبغة و قالوا سليمة الحمد لله.

مثل ... الأجسام المضادة.


هذي شلون أطلبها و وين أروح ؟

أنا كل ما أروح مكان أو أسأل طبيبة يقولون خلصتي كل الفحوصات

و ت|أخر الحمل معاج غير مفسر


لكن أنا مؤمنة إن ربي بيرزقني بيوم و يرزق كل متأخرة يارب مادامت متفائلة بربها و باذلة السبب.


تعرفون أحس أبي أسوي شي

مابي أكتف إيدي و أقعد و العمر يمشي.

 

["*آآآنؤؤؤقهـ*"]

ابببب


اببببببباببببب



ا

 

[orchidia]

حبيبتي نكهة البرتقال ..

الحموضة الي بالرحم هي الاجسام المضادة على حسب علمي طريقتها الوحيدة انه يصير جماع وعلى طول تروحين الدكتورة وتسوي لج ان كان سونار او تصوير رباعي ما أدري بالضبط

بس بعد الجماع على طول تروحين لهم عشان يشوفون مجرى الحيونات المنوية وهل الرحم يقتلها أو لا ..

ما أعتقد عينة من بطانة الرحم راح تفيدج لأنها بالسونار تحدد سواء هي سميكة أو ضعيفة أو متقرحة وبس هذي مشاكل البطانة

أما الأهداب اذا دورتج منتظمة فما يحتاج لأن مهمة الاهداب الوحيدة تنقل البويضة ف الوقت المحدد مالها شغل بالتلقيح أو الحمل

موفقة ويارب أكون أفدتج

 

[عسل حدي]

رب لا تذرني فردا وانت خير الوارثين

 

[عسل حدي]

رد: ملف لمراكز العقم حول العالم

رب لا تذرني فردا وانت خير الوارثين

 

[Hanan82]

مشكوره اختي عالمعلومات القيمة والله وجزاك الله كل خير .

 

[نادية امحد]

رد: ملف لمراكز العقم حول العالم

ماذا نعني بعملية اطفال الانابيب ؟


هو إخصاب البويضة بالحيوان المنوي في أنبوب الاختبار بعد أخذ البويضات الناضجة من المبيض لتوضع مع الحيوانات المنوية الجيدة فقط بعد غسلها حتى يحصل الإخصاب. ثم تعاد البويضة المخصبة (الأجنة ) إلى الأم. تستغرق هذه العملية من يومين - خمسة أيام وهذه الطريقة تُعطى الخيار الأفضل لاختيار أفضل الأجنة لنقلها إلى الأم بعد إخصابها خارج الرحم. وتعطى كذلك مجالاً أكبر لاحتمال الحمل في الدورة الواحدة لأنه يمكن نقل أكثر من جنين واحد إلى داخل الرحم.

ملاحظة: قبل البدء بإعطاء العلاج بطريقة اطفال الانابيب يجب أن تُجرى فحوصات مختلفة للزوج والزوجة للتأكد إذا كانت هناك أسباب تعيق الحمل، ومعرفة إذا كان بالإمكان العلاج بطرق أبسط وهذه الفحوصات مثل فحص الدم وفحص الرحم وفحص الحيوانات المنوية وقناتا فالوب.

 

[سـما]

رد: ملف لمراكز العقم حول العالم

السلام عليكم حبايبي بغيت اسأل عن لندن
انا متزوجه صارلي تقريبا 8 سنوات وزوجي عنده ضعف في الحيوانات المنويه واغلب التحاليل يكون 80٪ميت والحمد لله ع كل حال والحين زوجي وده يروح لندن يفحص يبي يعرف شنو مشكلته وانا ماابي اسوي انابيب او تلقيح لاني قاعده اخذ علاج للالتهاب اللي عندي بالمعده فقال زوجي خلنا نستغل الوقت هذا واروح افحص لعل وعسى نعرف شنو المشكله وياخذ علاج ويزقني ربي طبيعي ان شالله مع العلم اني سويت 3 اطفال انابيب بالكويت وحده عند عاليه الفضلي وثنتين عند فوزيه القطان ووحده نجحت اللي كانت عند فوزيه وحملت بثلاث توائم بس الله ماكتبهم لي وسقطت ع 5 شهور والحين اتمناكم تساعدوني نبي نروح لندن على حسابنا وابي فزعتكم والله يجزاها خير اللي تساعدني ولايحرمها الاجر وللعلم ولامره رحنا لندن يعني مااعرف
فيها شي لغتي الانجليزيه معقوله وان شالله اقدر ادبر اموري والله يكتب لي اللي فيه خير :yaaaaaarb:

الله يرزقج بالذرية الصالحة المعافاة ويرزق الجميع
حبيبتي روحي مستشفى قايز هوسبيتال
في لندن
هذا المستشفى نتائجة قوية
ورئيس قسم الخصوبة مسلم عربي مصري
نسيت اسمه
ودكتوري بنفس القسم
وبعد مسلم مصري
اسمه طارق الطوخي انصحج فيه جدا جدا جدا

وعملية اطفال الانابيب في هذا المستشفى
وهذا القسم عادية جدا وغير متعبة باذن الله
ونسبة نجاحها عالية
لا يضيع الوقت عليكم بالعلاجات
اتوقع ان الحل الامثل لوضعكم هو اطفال الانابيب

وما انصح بعملية اطفال الانابيب في الكويت ابدا
لان نسبة نجاحها 10٪ على اقصى تقدير
واللي نسمع عن حملهم ما هم الا عشرة بالمية من اللي جربوا وفشلوا

انا عشر سنوات وما خليت مستشفى ولا طبيب بالكويت

انصحج بشده بلندن
عمليتة اطفال الانابيب فيها مختلفة وخفيفة جدا
علاجات التنشيط غييييييير
ولاتحسين انج قاعده تاخذين ابر للتنشيط
ولا تتعبين
وتسوين عملية سحب البويضات اليوم
ومن باجر انتي بالسوق وتتمشين بين المجمعات وبالحدايق

واهم نقطة وهي غير متوفرة بالكويت
وهي أهم عامل لنجاح العملية
ان ارجاع الاجنة تكون في اليوم الخامس او السادس
وهي فترة كافية جدا لاخذ الرحم وقته لاستقبال الاجنة
( مثل الوقت الطبيعي لو كانت البويضة بقناة فالوب وتوها تنزل للرحم)

هذي النقطة هي اهم مرحلة
بالكويت تدرين ليش ما يرجعون الاجنة باليوم الخامس او السادس!؟
لان ما يملكون الجهاز اللي شبيه برحم الاحم اللي يقدر يحفظ الاجنة
اطول فتره ممكنة

اي مكان بالعالم
اذا قالوا لج ان ارجاع الاجنة يكون بعد اليوم الخامس
روحي له
حتى لو كان وين معناته زين ونسبة الحمل مرتفعه

والله يرحمنا برحمته
ويكتب لنا العفو والعافية
والذرية الصالحة المعافاة

 

[سعادة 417]

رد: ملف لمراكز العقم حول العالم

الأخت سما
أشكرك والله يوفقك
ممكن تزودينا بموقع مستشفي قايز على النت
وعلى الله التوفيق

 

[ميلانوو]

رد: ملف لمراكز العقم حول العالم

سما
الله يجزاج الف خير ويجعلها بميزان حسناتج ويرزقج بالذريه الصابحه من غير علاج قولي امين


سعاده
خليني ارد عليج بدال الاخت سما بعد اذنها طبعا

هذا السايت وهذا قسم الانجاب بالمستشفى
http://www.ivfdirect.com/home.aspx
http://www.ivfdirect.com/home.aspx

 

[سعادة 417]

رد: ملف لمراكز العقم حول العالم

الله يوفقك يارب ويرزقنا بالذريه الصالحه

 

[سعادة 417]

رد: ملف لمراكز العقم حول العالم

أخواتي المشكلة عند زوجي الحيوانات المنويه صفر ودوالي
تنصحوني بهالمستشفي Investigations
وهل هو متخصص للعقم الرجال
ما استغنى عن نصيحتكم وتجربتكم الله يوفقكم إنشاء الله

ألله يوفقكم يارب.

 

[ميلانوو]

رد: ملف لمراكز العقم حول العالم

حبيبتي اذا كان زوجج يقدرون بالتفتيش او الخزعه يطلعون يحيوان منوي


انصحج بهالمستشفى اعلى نسبة نجاح للحقن المجهري بلندن بس انه غالي ممكن العمليه توصل ٦الاف دينااار!!!!!!!

ARGC produces consistantly high results in IVF treatment | ARGC - The IVF Clinic

 

[سعادة 417]

رد: ملف لمراكز العقم حول العالم

أختي ميلانوو الله يوفقك يارب
مشكوره وإنشاء الله ربي يعطيك الذرية الصالحه .... يارب

رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء

 

[أأأميرة الورد]

جزاج الله خيير

 

[mrs_fff]

شنو علاج التكيس على المبيض وشنو اسبابه

 

[meme KSA]

رد: ملف لمراكز العقم حول العالم

حبيباتي انا متاخره في الحمل وان شالله رايحه لباريس سياحه اقدر اخذ تقرير عن حالتي والمشكله اللي فيني وادخل على عياده عندهم واوريها تقريري ولا لازم اراسلهم واخذ موعد موشرط مستشفى كبير لااااا ادخل على عياده صغيره بس لازم ابحث عن عياده ممتازه ,, انتظررررررررر الرد منكم ياعسوووولاات ... والي تعرف عياده ممتازه في باريس وكم تكلف الدخول على الدكتوره تبلغنييي باسرع وقت اقل شي لو تكتب لي فيتامينات لي ولزوجي لان الفيتامينات الممتازه والزينه مو متوفره في السعوديه...

 

["*آآآنؤؤؤقهـ*"]

اللهم اني استغفرك واتوب اليك