ملف لتجميع أرقام صالونات خدمه المنازل شاركينا

[ساندي-بيل]

الله يسامح اللي حطت رقمها

ليش يالاحساس مو حلو شغلها ولا شنو ؟

 

[رايقة1980]

بنات ابي وحده تسوي تسريحااات

وتجي للمنقف لي بروحي

كل مااتصلت على وحده تقول لازم مجموووعه











وابي اعرف سعرهااا

 

[مهموومه]

مدا صفيه للشعر وحف الوجه
روعه روعه روعه روعه روعه روعه وتخيلو اسعارها عجحيبه وحلوة
والله العظيم كل مره اسوي شعري عتدها الكل يستخف ويسألني شغلها بالتسريحات والشعر عجيب وحده راقي
انا بصراحه احب الي تشتغل بذمة وضمير مو اي شي
هذا رقمها دزولها مسج عن كل شي بس قبلها بيوم وجم راح تكونون
7594028

 

[مهموومه]

هذي وحده تسوي شعر وتسريحات اسمها صفاء واختها تسوي مكياج
9835849

 

[MZajEyA]

هذي وحدة تسوي شيرة هندية لانكم طلبتو وايد


بس ما انصحكم بالشيرة الهندية لانها تطلع الشعر يابس


بس اذا مصرين هذي شغلها حلو اسمها وردة 7865241

 

[احساس بنت]

بنات واللي يعافيكم ما تعرفون وحده تسوي حمام مغربي في البيت وتكون شاطره

 

[MZajEyA]

فاطمة المغربية شاطرة 7191272

 

[احساس بنت]

مشكوووره اختي على الرقم

 

[شمعة الحب2008]

مراحب بنات

انا اليوم جربت ((( آستي ))

اللي ذاكرينها الخوات بالصفحات اللي قبل

صراحة شغلها حلو

و طلعت ما شاء الله خبرة 17 سنه

سويت عندها

صبغ حواجب مع تشقير دينارين

حف (( شيرتها حلوة وبالاعشاب )) اذا كامل بــ 6 دنانير

بدكير (( حلو مو روعة )) بـ 5

استشوار حلو بس مو حق حفلات لا شغل عادي

سريعة كل الشغل هذا خلصته بساعة ونص بالضبط

بس معاها وحدة تساعدها شوية باردة سوت التشقير والاستشوار

اتمنى اكون افدتكم بنات

 

[@ دهن العود @]

شمعه جم رقم استى ؟؟؟

وشلون تشقيرها ؟؟ لون الشعر اصفر وله مثل الجلد ؟؟؟؟ ويبيين انى مشقره وله لااااا؟؟؟

وصبغها شلون شكله ؟؟؟ صبغ شعر وله خاص للحواجب

يعنى بالعربى شاطره بالتشقير ؟؟؟؟

والشيره حلوه؟؟؟ وب 6 الجسم كله وله ايد ورجل؟؟؟

الله يعينج على اسئلتى

 

[شمعة الحب2008]

هلا اختي (( دهن العود ))

سوري غلطة مطبعية اسم الصالونة (( اسبي )) >>>>> 7162324

صبغها للحواجب اتوقع كان صبغ ويلا العادي بس لونه عادي وظل كم يوم ما خف

لون التشقير حلو مو طبيعي حيل ولا اصفر حيل يعني وسط وصراحه نفس شغل الصالون انا ناسبني ما ادري اذا راح يعجبج

والشيرة حلوة تشيل حتى الشعر الصغير وسعرها اهي قالت لي جسم كامل بــ 6 دنانير على قولتها تعالي بالصالون ارخص بس فرق دينار يعني بالصالون بخمسة

بس ما شاء الله سريعة

في شغله بنات بدكيرها حلو بس استخدمي ادواتج او عقمي ادواتها بديتول احسن لكم واهي تعور شوي بالبدكير بس تنظف الايد والرجل عدل

 

[الغلا كله انا]

بنات تكفوووووووووووووووووووون ابي وحده تفتنك<<<<ركزواااااا بقص الشعر يعني بالعاميه ايدها مباركه بالقص

 

[احلى عروس]

والله انا عيزت ادور مكياج حلو بالبيت انا كله عند صالون انوار النصار بالفروانيه مكياجهم حلو ورخييييييييييييييييييص بس ماكو خدمه منازل حسااافه الي تعرف خل تفيدني والي شافت مكياجهم ابي نفس المستوى

 

[همس]

سوفت كوماري هذه زين سشوارها ؟؟

 

[بوكيه ورد]

مشكوووره على الموضوع

 

[camilia]

بنات ابي وحدة قصها حلوو لاني بقص شعري وتيي المناطق الداخلية

 

[حبيبة بحار]

تسلم ايدج على عالموضوع

صراحه انا خذت جم رقم و بجربهم

 

[Ryant al3od]

تسلمون يا بنات

والله موضوع روعة جزى الله صاحبة الموضوع كل خير على هالافادة الحلوة والله استفدت واجد

خصوصاً عندنا مناسبات واجد بعد العيد

و إن شاء الله إذا اضبطوا معاي بكتب لكم هني

و بالنسبة لإيمان اللي تسوي مكياج لبناني و أختها صفاء مضمونه أكيد

لأن بجربها بعرس ولد خالي

 

[بنت من الكويت]

حبيباتي ليش تمدحون الناس وتوصلونهم السما وهم مايعرفون شي؟!!

جربت كوماري الي وصلتوها السما .. امبيه والله ماتعرف شي انصدمت وتوهقت كنت معزومة حسافة الفلوس الي دفعتها لها

والله يسامحكم..

 

[sadeem yam yam]

انا دلتني رفيجتي الله يجزاها خير على وحده شغلها بالحواجب عجييييييييييييييييب .. وانا مو اي وحده تضبط حواجبي ولازم اروح الصالون ..
والله يابنات .. ماشااء الله شغلها يجنن .. بس انتي قوليلها الرسمه الي تبينها بالضبط واهي تسويها لج .. يعني اول مره يمكن يكون شغلها عادي .. لانها ماتعرف الشكل الي تبينه بالضبط .. تعرفون الي يبون تشاينيز والي ماتبي يكون الحاجب طوويل وجذي .. وبعدين خلاااااص ماراح تستغنون عنها .. والله حتى الي بالدوام خذو رقمها ..
وتسوي شيره بعد شيرتها حلوه .. وتسوي بديكير ومنيكير بس شغلها عادي .. وهم الاستشوار زين .. بس الي تبدع فيهم الحواجب .. لدرجه انها لمن كانت عندي كانو يطلبونها للحواجب ..
ومايبين شغلها واااايد نظيف ..
اسمها لولي وهذا رقمها .. 6501814