مليتي من المتن!!تعالي سوي هالرجيم وياي

[jolie_q8]

امس رحت حق (عياده التغذيه)

وعطتني هالرجيم اسويه لمده اسبوع على ما تطلع نتايج تحاليلي

منو تبدي وياي !!


رجيم لمده اسبوع

على الريق: كوب ماء

الفطور:
كوب حليب خالي الدسم أو قليل الدسم + 1 توست اسمر
+ شريحه جبن قليل الدسم أو 3 ملاعق لبنه قليله الدسم أو بيضه مسلوقه
+ شرائح خيار+ خس+طماط

الضحى:
كوب ماء
+ حبه تفاحة أو برتقاله أو 2 كيوي أو 5 حبات تمر

الغداء:
كوب ماء
+ طبق سلطه أو خضروات مسلوقه أو تبوله بدون برغل
+ دجاج أو سمك أو لحم (مشوي بالفرن أو مرق)
أو 6 ملاعق فول أو 6 ملاعق فاصوليا أو شوربه عدس
+ لبن خالي الدسم

العصر:
كوب ماء
+ حبه فاكهة

العشاء:
روب خالي الدسم + حبه فاكهة
أو
سلطه خضراء + حبه فاكهة

 

[Dancing^Queen]

رد : مليتي من المتن!!تعالي سوي هالرجيم وياي

ماقدر عليه

 

[jolie_q8]

رد : مليتي من المتن!!تعالي سوي هالرجيم وياي

نو بروبلم

 

[@ الرسامة @]

رد : مليتي من المتن!!تعالي سوي هالرجيم وياي

يعطيج العفية على الدايت

 

[xxx]

رد : مليتي من المتن!!تعالي سوي هالرجيم وياي

الله يوفقج جولي

 

[jolie_q8]

رد : مليتي من المتن!!تعالي سوي هالرجيم وياي

@ الرسامة @

^^بنت الكويت^^

تسلمون..حبيباتي على المرور والتشجيع

 

[أنا وين ؟؟]

رد : مليتي من المتن!!تعالي سوي هالرجيم وياي

موفقه




انا عن نفسي ماسكه التخفيف قد ما اقدر ولو اني خايرته من قلب

 

[jolie_q8]

رد : مليتي من المتن!!تعالي سوي هالرجيم وياي

انا اليوم ..كنت معزومه
وكشت بالرجيم
بس وين بروح!! ببلش من يديد
موعدي الثلاثاء..يارب اكون نازله

 

[غدير^الجنان]

رد : مليتي من المتن!!تعالي سوي هالرجيم وياي

مالي خلق رجيييييييم

((

يعطيج العافيه

 

[jolie_q8]

رد : مليتي من المتن!!تعالي سوي هالرجيم وياي

غدير^الجنان
افااااااااا!!!!
يعني بس انا اللي مكتوب على اسوي رجيم طول عمري

 

[أنا وين ؟؟]

رد : مليتي من المتن!!تعالي سوي هالرجيم وياي

جولي أفا ... كلنا معاج ... سيري ونحن من ورائك

والله انا الموضوع ابالي بس الالتزام صعب

 

[jolie_q8]

رد : مليتي من المتن!!تعالي سوي هالرجيم وياي

حبيبتي والله...
اليوم بدعت..ما بقى كاكاو بالدنيا ما اكلته وجيرمن كيك
والسبت ببدي مره ثانيه..فشله موعدي الثلاثاء المفروض اكون نازله

 

[كورن فليكس]

رد : مليتي من المتن!!تعالي سوي هالرجيم وياي

انا باجر إنشالله بحاول إني أسويه .. إنشالله إنشالله
بس هذا من أي عياده؟؟

 

[jolie_q8]

رد : مليتي من المتن!!تعالي سوي هالرجيم وياي

كورن فليكس

هلا والله..زين لقيت احد يشجعني
هذا من عياده النغذيه بالصباح(سميره دشتي)

 

[كورن فليكس]

رد : مليتي من المتن!!تعالي سوي هالرجيم وياي

الصباح
مادري ليش شدني هالرجيم؟؟
مع ان انا ما بقى عياده بالكويت ما دخلتها ولا آكو رجيم ما جربته بس ما يعجبوني وما أكمل عليهم..
بس هذا عجبني,,إنزين جم ينزل بالأسبوع؟؟
شكله زين بو 3 كيلو يمكن أو 2 !!

 

[jolie_q8]

رد : مليتي من المتن!!تعالي سوي هالرجيم وياي

والله ما ادري جم ينزل انا توني باديه فيه..الاثنين اللي طاف..واليم وامس ماخذه اوف
وباجر برد عليه..وبروحلها يوم الثلاثاء وبشوف جم نازله

 

[كورن فليكس]

رد : مليتي من المتن!!تعالي سوي هالرجيم وياي

إممممم
أوكي آنا باجر إنشالله ببدي فيه وبشوف شيصير معاي!!
مشكووره

 

[jolie_q8]

رد : مليتي من المتن!!تعالي سوي هالرجيم وياي

موفقه..بس مو تخونين فيني
واذا رحت لها..بحط الرجيم اليدي اهني ..علشان نكمل
بس عندي سؤال كم وزنج وطولج !!

 

[كورن فليكس]

رد : مليتي من المتن!!تعالي سوي هالرجيم وياي

ليش الإحرااااااااااااااج!!!
طولي 164
وزني ...... بدزلج عالخاص وزني :d
لووول
وزني بعيد الشر عنج 115 كيلووووووووو.

 

[jolie_q8]

رد : مليتي من المتن!!تعالي سوي هالرجيم وياي

لا عادي كلنا بالهوى سوى
انا نفس طولج بالضبط..وزني الحين 79
اول ما ولدت كان 97
طبعا بالحمال اصير 107
آه يا قلبي