مليت صج صج مليت والكل مستغرب....

[كـــكـــاوة]

بدش بالموضوع على طول وعفيه شورو على

صارلى 14 سنه اشتغل ومعاشى نصه تقريبا بالضبط يروح للأقساط كل ما أحاول أجمع مبلغ طار يا خراب سياره يا مناسبه ما يمدينى أجمع فلسين إلا طارو زهقت لا قادره أسافر ولا شى فلوسى ضايعه وساعات أنا إن جمعت أقول لنفسى ويييييييييييييييييييييه خل أصرفهم باجر بموت وأنا حارمه نفسى من شغلات أحبها محد مصدق إنه صارلى اشتغل 14 سنه وما عندى حتى ألف دينار والله يا بنات ملييييييييييييييييييت صج صج زهقت يهال صغار توهم مشتغلين مجمعين بالآلاف وأنا ولا فلس مو حاسدتهم بس أقول ليش ما أقدر أجمع وايد مضايقنى هالموضوع ....

 

[أحلاهم]

أنا بعد نفسج ما جمعت ولا شي ولا دينار..بس الحمد لله دام الصحة والعافية موجودة قولي الحمد لله..وبعدين فيه صديقة لي نصحتني لما اشتكيتلها اني ما جمعت وجذي..قالتلي شي الصراحة ارتحت..الناس اللي تجمع فلوس دايما تحاتي ونفسيتها تعبانة لاحظي وخايفين حتى يصرفون شي على نفسهم ويبخلون على نفسهم..بس احنا الحمد لله اللي بخاطرنا نشتريه ونسافر وما تضيق الا تفرج..والواحد ما يدري يمكن يجمع الفلوس وما يتهنى فيها..فأنا ارتحت عقب نصيحتها واايد..بس ادخري ميلغ حق العازة يعني حق طبيب خاص حق ظرف طارئ ايه بس ما احرم نفسي من شي..وانشالله اكون ما قرقت عليج وايد..وسلامتج يا الغالية

 

[كـــكـــاوة]

أنا بعد نفسج ما جمعت ولا شي ولا دينار..بس الحمد لله دام الصحة والعافية موجودة قولي الحمد لله..وبعدين فيه صديقة لي نصحتني لما اشتكيتلها اني ما جمعت وجذي..قالتلي شي الصراحة ارتحت..الناس اللي تجمع فلوس دايما تحاتي ونفسيتها تعبانة لاحظي وخايفين حتى يصرفون شي على نفسهم ويبخلون على نفسهم..بس احنا الحمد لله اللي بخاطرنا نشتريه ونسافر وما تضيق الا تفرج..والواحد ما يدري يمكن يجمع الفلوس وما يتهنى فيها..فأنا ارتحت عقب نصيحتها واايد..بس ادخري ميلغ حق العازة يعني حق طبيب خاص حق ظرف طارئ ايه بس ما احرم نفسي من شي..وانشالله اكون ما قرقت عليج وايد..وسلامتج يا الغالية

لا حبيبتى ماقرقتى على بالعكس يشرفنى أنج أول وحده ترد على ، وأنا ودى أجمع وهم بنفس الوقت ما أكون حارمه نفسى ولا أحاتى وتكون نفسيتى تعبانه مثل ماقلتى بس للأسف كل محاولاتى باءت بالفشل :0bee2e8d89:

 

[Dr.Nouf]

اقري سورة الواقعة دايما << تدر الرزق
وخلج قريبة من الله .. ودشي مثلا جمعية .. ولا مشرووع صغير مايكلف بضاعة رخيصة وتبيعنها عالأهل جذي وإنشالله احوالج تتحسن بشكل ملحووظ حبيبتي =)

تره انا ياهل مافهم بهالسوالف .. لكن اشووف امي .. وانا ورا العيد إنشالله بسوي موضوع حق اللي يبي يتااجر ويربح !

 

[life1]

حبيبتي مرات تصرفين فلوسج على اشياء صغيره بس على اخر الشهر يصير هالشي كبير


يعني مثلا احنا البنات ندش السوق الي يشوفنا يقول اول مره يعرفون شي اسمه سوق

 

[life1]

انتي مثل امي كل شهر تقول ابي ايمع وعلى اخر الشهر مخلصه فلوسها وكل منا اروح السوق وتشوف شي عاجبها تاخذه او تشتريلي

وكل ما اقولها يما خشي فلوسج تقول شدعوه كله اب10 كله اب7 ما راح ياثر والدنيا ما تسويخلينا نلبس الاياثر ونص و ثلاث ترباع


شلون ما ياثر!!! وعلى اخر الشهر تتحسف

كل دينارحطيه ابمكانه الصحيح

 

[c a t w o m a n]

قسمي معاشج عدل قسم للاقساط يروح قسم للجمعيه قسم للسوق وشيلي منه مبلغ حتى لو صغير قطيه بحساب ثاني مو تصرفين من الحساب مهما يصير شهر ورى شهر بتيمعين شوي شوي انشالله بس امشي عالتقسيمة مو تطلعين منها وعسى الله يرزقج دنيا وآخره​

 

[Twinkle]

انا ليلحين ماتوظفت بس نفسج قاعده افكر من الحين ان اوفر بحساب ثاني..
ان شاءالله البنات يفيدونا..











رفع

 

[كعبية]

نصيحه لا تشترين كل شي تطيح عينج علي ودايما غيري نمط حياتج يعني اذا كنت تشترين بدل غاليه اشتري خام وخيطي وصدقيني راح تشوفين عندج ميلغ وحاولي تكفلين يتيم علشان تتبارك فلوسج وتزيد

 

[أم تروفه]

صاجة كل شي بالسوق نبيه انا موظفة ولا جمعت ولا فلس شى اقساط وشي اهدى هدايا والباقي بالسوق

 

[شيهانه]

اكثري الاستغفار وان شاء الله ربي يزيد رزقك ..

 

[مترجمه]

انا اقول الواحد خل يكون عنده قناعة وعزة نفس ماله داعي نكون " مشافيع" و " موشايفين خير "

يعني شفت البدله الفلانيه الا اشتريها .. اشدعوه حياتج بتنتهي اذا ما خذيتيها ؟ والا اليوم عرس فلانه لازم اصك على كل الحضور

.. ليش يما انتي العروس ؟؟ خلج بسيطه وبدال بدله بـ ميتين دينار خليها باميه مثلا ..

والا العطر اللي بـ 20 كل شهر اشحقه يعني ؟؟ انا مو بخيله والله شاهد علي بس ادري ان في ايام سوده تمر على البني ادم وصدقيني لي يت هالايام محد بينفعج لا اخو ولا تلد بتحسين روحج ذليله .. يدقون عليج ليل ونهار عشان تردين فلوسهم ..

ارد اقولكم لا تتعلمون تشترون كل شي اتطيح عليه عينكم

 

[فارسة خالد]

حبيبتي اول ما ينزل راتبج دفعي كل التزاماتج والاقساط ... اللي يبقى فكري بالبيت قبل لاتروحين السوق او اي مكان قولي حق نفسج انا شنو ابي ؟ شنو ناقصني ؟ ( نصيحة كتبيهم بورقة واخذيها معاج السوق ) ... والشغله الثانية حددي ميزانية للسوق ( مثلا نزل الراتب ودفعتي كل التزاماتج قولي من 50 لي 100 دينار فقط لا غير حق السوق هالشهر ) ... الشغله الثالثه اشتري اللي تبينه عن قناعه ... وبعدين لا تطالعين لا فوق ولا تحت ولا تشترين الغالي ولا الرخيص اشتري من السوق اللي يناسب الميزانية وان شاء الله اللي يبقى من الراتب خشيهم ولا تحركينهم انسيهم وحطيهم بحساب ثاني ... او اذا تقدرين فتحي حساب ثاني وحددي مبلغ من الراتب تحولينه عليه لو 10 دنانير وكسري البطاقه

 

[*أم*خالد*]

نظام تصرفين واللي يبقى تخشينه هذا .. ها ها هاااااااي

حياج بموضوعي => بدت الدعايات المليقه :krkrkr:

http://q8yat.net/showthread.php?p=12076470&posted=1#post12076470

جذي راح تعرفين فلوسج وين قعد تروح وتسوين عليها كنترول .. وما ياخذ منج الا ربع ساعه بآخر اليوم تحسبين حساباتج
ومن اراد العلى سهر الليالي

 

[نور بوبيان]

فتحي حساب ثاني وسوي استقطاع شهري وخلي الكرت عند أمج أو ريلج علشان تنسينه ولا تفكرين تصرفين منه ....

لاتنسين الصدقه شهريا علشان ربي يبارك لج في معاشج .....

لاتروحين السوق وايد وخصصي يوم بالشهر للتسوق ..... لأن ساعات نشتري أشياء مو لازم نشتريها ونركنها ....

وسئلي ربج البركه في كل شيء ...

 

[شكليطه]

حبيبتي الله يعينج وان شاءالله تستفيدين من مواضيع البنات هني بالقسم واااااااااايد حلوة

واكثري من الاستغفار والصدددددددددددددددددددددددددددددددددددددددددددددددددددددددقه

مثل ما انتي ملتزمة باقساط وديون......خلي الصدقه بالنسبه لج التزام

وشوفي فايدتها


وانا احب اعلق على كلام اختي (احلاهم).......اسمحيلي كلمة رفيجتج ناقصتها شويه دقه
يعني مو معقوله اظل طول عمري افسفس بالفلوس يمين ويسار ....ووقت الحاجه اضطر اروح حق فلان وعلان....مو حلوة بحقي صح؟
عالاقل اللي يوفر يكون حاشم نفسه في المواقف الصعبه......ذيك الساع بتنفعه هالفلوس
اما اللي يطير فلوسه بسرعه ..هذا اللي بيتعرض لاحراجات ومواقف صعبه


يمكن رفيجتج كانت تقصد البخيل......هذا الله لايبلانا فيه ونعوذ بالله من البخل........

لكن الاعتدال في كل الامور شي زين....

امتع نفسي (بحدوووووووووووووووووووووووووود) امكانياتي مو اكثر
وبنفس الوقت ايمع حق المستقبل


لا تعتقدون لما تقرون كلامي اني مكنزة آلاف مؤلفه......انا كنت احرق الفلوس حراق
لي درجه صارلي حول السنتين او اكثر ما اسحب كااااااااش كلش.....كله اشخط بالكي نت


بس الحمدلله مااوصلت لمرحلة السلف والدين.....لكن صارت جدامي مواقف قريبه حيل......انصدمت فيها صراحه
ناس يتلهم ظروف جدا ضروريه وللاسف ماكانوا حاسبين لها حساب...وكانوا ماشين على طريقتي (حرق الفلووس)

بس لا تشوفون الاحراج اللي صار لهم لما يروحون يمين والا يسار


عشان جذي انا انقرصت وخفت اني لا سمح الله اتعرض بيوم من الايام حق ظرف طارئ وانا ماعندي

فقررت اني اوفر اللي اقدر عليه

والحمدلله احس بطمأنينه واستقلاليه واني شايله عمري....بعكس لما تطلبين من امج او ابوج مع انهم ماراح يقصرون اكيد

لكن شعور الاعتماد على النفس يعطيج قوة وامان


وهم شغله ثانيه صارت لي....معاي زميله بالدوام الله يهنيها......شخصيتها وارادتها قويه تبارك الرحمن
مايهزها شي....قامت توفر وبنفس الوقت مونسه روحها ومو حارمه نفسها من شي
والحين اهي ماشاءالله عندها رصيد قوي......وشرت بس بنص هالرصيد سياره وظل عندها باجي المبلغ اللي موفرته

وانا كنت متوظفة عقبها بسنه بس.....مافي رصيدي ربع اللي عندها (من فلوس الوظيفه طبعا.....غير فلوسي الخاصه من اهلي)

فنقدت على عمري صراحه.....قلت انا اسافر واهي تسافر....انا اقعد ببالكويت واهي نفس الشي
بس اهي ماشاءالله موفره ومخططه تشتري ارض.....وانا ولا شي

شنو فرقها عني؟؟؟؟؟؟؟


الارادة وبس


والحمدلله اتخذت قراري وجربت اكثر من طريقه والحمدلله مع التعود قدرت اصير خوش وحدة

وللامانه لا تزعلين مني صاحبه الموضوع....عندي هم وحدة بالدوام مشتغله اكثر منج ونفس حالتج ماعندها شي...وعايشه عالسلف
واذا صار الصيف تحرق الفلوس باول شهر شهرين وبعدين تقزرها عالطراره (قالت هالكلمه بلسانها)

فصراحه ماحبيت اتخيل نفسي مثلها.......


وان شاءالله ربي يبارك لج بفلوسج ويبارك لنا

 

[فراشه]

اشتري حصاله فخار من سوق الايرانين وحطي فيها كل شهر 50 وانسيها

 

[كـــكـــاوة]

حبيباتى كلكم فديتكم وماقصرتوا ومشكورين عالحجى الطيب ونصايحكم الاحلى ، وفى اشياء من اللى قلتوها أسويها الإستقطاع الشهرى لكفالة الأيتام والمشاريع الخيرية والصدقة شىء أكيد ما انساها وحاطه حصاله لهشغلة ، بس يمكن بعضكم قالى حاولى ما تروحين السوق وايد وهم هالشغله قللت منها عشان ما طيح عينى على أشياء وأروح اشتريها مثل ماقلتو لأنى اعرف نفسى إذا شفت شى اشتريه ، والحمد الله رب العالمين انا ما اتسلف من احد معاشى مكفينى بس اللى مضايقنى إنى موعارفه أوفر وإن وفرت فلسين مثل ماقلت فى بداية موضوعى طارو يا خراب سيارة او ظرف عائلى أو هالمناسبات اللى ماتخلص ولاده زواج تخرج وغيره بصراحه موعارفه وين الخلل بالضبط .. الله كريم

 

[*أم*خالد*]

اممم تسمحين اصير لزقه وارد عليج مره ثانيه واعرض عليج الدعايه مره ثانيه :tomato2: ؟

اختي انتي تقولين مو عارفه الخلل وين بالضبط

اول شي لازم تسوين خطه ماليه

اكو فلوس تنحفظ مدى الحياة

اكو فلوس تنحفظ لوقت العازة

وعلى حسب اذا ابالج سفر او بيت .. تخلين حق كل هدف حساب توفير مستقل والبنوك ماتقصر

واكو فلوس للصرف في الشهر هذا

وهالفلوس كلها اتابعينها وتكون عينج عليها .. كل فلس حمر من وين يدش عليج ووين انصرف وراح

وتلزمين نفسج فيها

الهدايا والمواجيب خلي سعر الهديه مايتعدى العشرة او العشرين دينار بس

اللحين بتنزل المعاشات ان شاء الله بتاريخ 15 سبتمبر

هالنظام طبقيه شهرين .. لأن واحد منهم عيد فـ نظام الصرف عندج بيختلف عن النظام في الأشهر العادية

وانا اسفه اذا صرت لزقه بس حبيت افيدج لأن احسج صج صج محتاره
ومره ثانيه اسفه على الازعاج

 

[كـــكـــاوة]

اممم تسمحين اصير لزقه وارد عليج مره ثانيه واعرض عليج الدعايه مره ثانيه :tomato2: ؟

اختي انتي تقولين مو عارفه الخلل وين بالضبط

اول شي لازم تسوين خطه ماليه

اكو فلوس تنحفظ مدى الحياة

اكو فلوس تنحفظ لوقت العازة

وعلى حسب اذا ابالج سفر او بيت .. تخلين حق كل هدف حساب توفير مستقل والبنوك ماتقصر

واكو فلوس للصرف في الشهر هذا

وهالفلوس كلها اتابعينها وتكون عينج عليها .. كل فلس حمر من وين يدش عليج ووين انصرف وراح

وتلزمين نفسج فيها

الهدايا والمواجيب خلي سعر الهديه مايتعدى العشرة او العشرين دينار بس

اللحين بتنزل المعاشات ان شاء الله بتاريخ 15 سبتمبر

هالنظام طبقيه شهرين .. لأن واحد منهم عيد فـ نظام الصرف عندج بيختلف عن النظام في الأشهر العادية

وانا اسفه اذا صرت لزقه بس حبيت افيدج لأن احسج صج صج محتاره
ومره ثانيه اسفه على الازعاج

أم خالد فديتج حبيبتى والله لا يحرمنى من الناس الطيبه اللى مثلج... ونفس ما قلتى حدى محتارة بس طريقتج إنه أقسم فلوس للعازة وفلوس للسفر وفلوس حق مدى الحياة هذى اللى ماعرفتها شلون مدى الحياة ليمتى ؟؟
بس شلون إذا جمعت مبلغ كل شهر 100 او 150 مثلا بدون هالتقسيمات وإن احتجت للسفر ولا لظروف طارئه أطلع منه لأنه احس لو بوزعهم نفس ماقلتى ماراح يطلع مبلغ يسوى ... أنتى شرايج حابه آخذ رايج ؟؟؟؟ ناطره ردج لا تقولين ازعاج ولا لزقه شكلى أنا اللى بزعجج وأصير لزقه:dddds: