مليت من حركات الابلات الزميلات وبناتهم اللي أدرسهم شلون اتعامل معاهم ؟؟

[(كويتيه عسل)]

تدرون اليوم أول يوم للفصل الثاني

كل الابلات متكودين في مكتب الوكيله وزحمه

انا دشيت ادور دفتر الحضور والتفت يمين ويسار والكل لاهي بالتبوبس والسوالف

شفت ابله قاعده تطالعني ابتسمتلها وقلتلها شلونج وسويتلها حركة باي باي بايدي

حقرتني ماردت <<<انا قلت يمكن سرحانه ماانتبهت

بعدين شفتها بويهي انا صاعده الدري واهيا نازله سلمت عليها تصد ولا جنها سامعه

وبنتها في الحصه ماده البوز وقاعدتلي على الوحده حشى موجهه بعد شوي وتقولي ييبي دفتر تحضيرج اوقع عليه

انا حبيت اجيس النبض واعرف شسالفه قلت لبنتها على غشمره شفيج فلانه زعلانه علشان العطله قصيره

قالت بنتها : ابله انتي عطيتيني جيد هذي وامها ابله المفروض تكون عارفه النظام قهرتني

ايام الامتحانات كل ساعه يايه القسم وتتحيلق بنتي تمدحج وتحبج

ساعات تحرجني تبيني اعطي بنتها درجه كامله بالشفوي معنى بنتها ماتستاهل

وغير المواقف اللي تصير في الصف والبنيه توصله لامها وامها تنشر الخبر للابلات

وعسى ما كلمت بنتها او شجعت طالبه يات القسم تركض ليش ما تشجعنين بنتي

هالسنه معطيني صفوف فيها وايد بنات الابلات

انا موعارفه شلون اتعامل مع الابلات الزميلات وبناتهم مليت منهم ومن حركاتهم

 

[*ماي الورد*]

رد : مليت من حركات الابلات الزميلات وبناتهم اللي أدرسهم شلون اتعامل معاهم ؟؟

وااي الله يعينج
عطيها اللي تستاهله وبس

 

[توتي فروتـي]

رد : مليت من حركات الابلات الزميلات وبناتهم اللي أدرسهم شلون اتعامل معاهم ؟؟

/

يا شيــن هالحركات.,

....
أهم شي ترضين ربج.,
وعطي كل بنت حقها .,
سواء بنت ابله ولا وكيله ولا وزيرة !!

 

[غنآآآتي]

رد : مليت من حركات الابلات الزميلات وبناتهم اللي أدرسهم شلون اتعامل معاهم ؟؟

حبيبة قلبي شؤفي انتي دؤري مرضاة الله سبحانه ؤلا دؤرين مرضاتها لانج ان عطيتيها فؤق حجمها
الله ماراح يرضى عليج لانج ما عطيتي كل حق حقه ؤدرجات الطالبات اماااااااااانه برقبتج ماعليج من فلانه ؤفلنتانه
براحتهم اهم شي ؤانا اختج مرضاة الله سبحانه ؤالله يؤفقج ؤيعينج اللهم امين يارب العالمين :eh_s(17):​

 

[+بسبوسة+]

صج مغثه...
انا قاطعتني مدرسة سنة كاملة عشان درجة بنتها!!

والحين ادرس بنتها الثانية بس ردت تكلمني لان بنتها الثانية ممتاااااااااااااااااااااااااااااااااااااازة


الله يعينج

 

[digital]

افففف اكره الصف اللي فيه بنات الابلات او الناظره او الوكيله

انا عندي صف فيه بنت الموجهه و بنات 3 مدرسات :bbbiu:

 

[العود الأصلي]

انا مع البنات انتي تحملين علي عاتقج امانه تحاسبين عليها امام الله عزوجل والا ارضاء الناس غاية لاتدرك ولا هو مطلبنا والمطلب الاساسي رضا رب العالمين
عطيها اللي تستحقه وان حدتج الظروف وزدتيها انا من رايي زيدي كل الصف نفس الزيادة
ولاتكونين منحرجة منها بالعكس خليج واثقة من نفسج ولا تهمج لا هي ولا بنتها حتي يكونون عبره للبقية

 

[جيتك تعال]

حبيبتي .... الزمالة شي وشغلك الي الله بيحاسبك عليه شي ثاني

وابدا مو مشكلتك انه الطالبة الي عندك بنت ابلة ... او بنت المديرة حتى

عطيهم الي يستاهلونه ولا تجاملين بحجة انها بنت ابلة ....

ولو فتحو معاك الموضوع قولي هذا مستوى بنتك

تضاايق مرة تبوز طول السنة ... الله معاها مو مشكلتك

لانك لو جاملتي مارااح تخلصين وبتلاقين روحك مجرد منفذة لبنات الابلاااات

خلي شخصيتك قوية وسوى الي علييك والي يزعل يشرب من البحر

 

[Om JooD]

رد : مليت من حركات الابلات الزميلات وبناتهم اللي أدرسهم شلون اتعامل معاهم ؟؟

انا عن نفسي اعطيهم الدرجات اللي يستاهلونها واللي يبي يزعل يزعل

 

[مفرفشه عالاخر]

ياربي على التخلف بسسس

مالج شغل اهم شي ترضين ضميرج

 

[اخت اخوانها]

حبيبتي عاااااااادي ولاااايهمج

اذا شاااطره بس حرام صارتلها ظروف وماجابت درجة زينة عاااااادي عطيها الشفوي كااامل
اما اذا كسلانة لامشاركة ولا دفتر كامل ولاتسميع عطبها حقها بالضبببببببببببط

واللي بتزعل تززززعل على راحتها

لو انا منج اقول ياخي المفروض ماتزعلين وحتى السلام ماتردين المفروض تنحرجييييين ماتطالعين فيني مدرررررررررسه يعني عاااااااارفه طرق التدريس عدددددددل وبنتج طولج يعني مخضرمممممة ياااااحظي >>>>> وااااي عصبت وارتفع ضغطي ياااااريتني مكاااانج:rgewrg::rgewrg:

 

[مدرسة المستقبل]

حبيبتي .... الزمالة شي وشغلك الي الله بيحاسبك عليه شي ثاني

وابدا مو مشكلتك انه الطالبة الي عندك بنت ابلة ... او بنت المديرة حتى

عطيهم الي يستاهلونه ولا تجاملين بحجة انها بنت ابلة ....

ولو فتحو معاك الموضوع قولي هذا مستوى بنتك

تضاايق مرة تبوز طول السنة ... الله معاها مو مشكلتك

لانك لو جاملتي مارااح تخلصين وبتلاقين روحك مجرد منفذة لبنات الابلاااات

خلي شخصيتك قوية وسوى الي علييك والي يزعل يشرب من البحر

تسلم ايدج الي كتبت هالرد يا جيتك تعال

بالضبط هذي وجهة نظري وهذا الي أسويه

والي يبيني أرضيه على حساب رضا رب العالمين وراحة ضميري بحجة الصداقة والزمالة ما راح يلقى مني الي يبيه

وعادي جداً بالنسبة لي إني أخسر ناس مقابل إني ما أخون ربي بمهنتي لأن الي يبيني أغضب ربي وأعطي طالب شي مايستحقه مايستاهل اني أرضيه


حبيبتي سوي الي يرضي ربج وضميرج وعطي كل طالبه حقها
وبيني لولية أمرها مواضع الضعف عندها
ولا تنسين توثقين كلامج
يعني البنت إذا ما حلت الواجب كتبي على دفترها ملاحظه
ما حلت عدل بالامتحان احتفظي بورقتها
ووريهم حق أمها إذا يت كلمتج يمكن تستحي

على قولة اخت اخوانها المفروض اهيه تنحرج وما تطالع فيج مو تصد عنج وما ترد السلام..

وكلمة أخيرة: لا تأخذكِ في الله لومة لائم

والله يوفقج يا رب​

 

[أم حمد =)]

ويع الله يعينج ماحب جذي ..

عطيهم حقهم ولا تهتمين بللي يقولونه..

 

[أستثنـآئيهـ]

أهم شي ربج
بالأخير مآ يصير تتسآوى البنت الشآطره مع البنت العآديه عشآن زمآلة مُدرسه

 

[بنات حواء2]

الغلط منج مو منهم
المفروض انج تحطين حد لهشي و اي وحده تكلمج بخصوص درجة بنتها
قولي لها اشكره علاقتي فيج شي و شغلي و ضميري شي و انا اقدر الدرجه المناسبه وانا الحكموانا مااظلم احد على حساب احد

 

[om3abod]

واي قصتج تشبه قصتي اهئ اهئ اهئ
انا حطوني مره مراقبه على صف بنت رئيسه قسمي
يبوووووووووووووي شسوت
ما مدا خلص الامتحان والا تقول حق امها اني سحبت ورقتها واني زفيتها وفشلتها جدام البنات ومادري شنوو
وانا قسما بالله ما سوووويت كل هذا
طبعا ما سكتلها

 

[قاهرتهم 2011]

جنج تتكلمين عني وحده مأذيتني غصب بنتها امتياز وبنتها ما تستاهل اكثر من جيد وتعالي شوفي الزعل والحركات وطايحين بحركه يحشون فيج عند باجي الابلات والاداريات .. ما يستحون
اذا بعطي بنتج درجات ما تستاهلها لازم اعطي كل بنات الناس شزود بنتج عنهم

 

[حظ من عنده انا]

الله يعييينج

جذي ماراح ترتاحيين


اكرره ششي حرركات المصالح

اذا لها حاجه عندج حطتج فوق راسسها واذا ماقمتي بالواجب

ماتطالع فيج

ناس غرررريبه

 

[ليـن الـِورد]

اناااا ان شالله ابله المستقبل
بسس بالثاانويه كانت معاي بصفي بنت ابله ماااتشااارك وكل يوووم مسويه نفسها مررريضه وحاطه راسها ع الدرج وناايمه
وتتخر عن الحصص وترووح عند امها بالقسم تاخذ فون امها وتطلب من المطعم اهي ورفيجااتها
واذا بالامتحان ماقدمت الامتحان عدل قطلتلج دمعتيييين والابلات يعيدون لعا الامتحااان <<<گل هااااذا لان امها ابله وان شالله احنا بنات البطه السسوده !!!!
اااااخخ والله كنت شااده حيلي بكل شي اخر شي درجاتها اعلى مني
بسس طبعا مو كل الابلات في ابلات حقانيه
.
.
وترا بااجي البنات اذا احتروا من هالحركاات يدعون ع الابله بصرراحه ما الومهم ليش يبدون بنت الابله علينا
هاااذا اكككبببر ظلم

تقبلوو مرووري ولاحد يلوومني حديي محتره

 

[PuPa^^SWeeT]

مرت علي من هالاشكال

قمت احقر اللي يحقرني ومالي شغل