ممكن تسوون جدول رحلتي حق أمريكا

[دلع الكون]

صباح الخير

بنات أمريكا شلونكم حابه أروح أمريكا 14 يوم وأول مره أروحلها

حابه إذا ماعليكم أمر شنو تنصوحوني بالمده هذي وين أروح

طبعا أهم شي بالجدول تكون في أورلاندو حق دزني لاند لأن مه معاي بنتي

وتفيدوني جم يوم أقعد بالولايه وشنو الروتين ... وايد إنصحوني أني أنزل في مطار واشنطن

لأن مافي زحمه نفس نيويورك وأجراءاتهم سهله

أدري طلباتي واااااايد لكن إنشالله أكون خفيفه عليكم .

 

[travel]

رد : ممكن تسوون جدول رحلتي حق أمريكا

لا اله الا الله محمد رسول الله

 

[um_fahad]

رد : ممكن تسوون جدول رحلتي حق أمريكا

اذا تفكرين تروحين امريكا عندج خيارين:
1- الشرق ( نيويورك واورلاندو وواشنطن).
2- الغرب (كاليفورنيا والمناطق اللي حواليها ولاس فيغاس).
طبعا اورلاندو بالصيف وايد وايد حارة... وكليفورنيا بالصيف جوها حلو.. وانتي بس بتروحين 14 يوم.. انصحج بكاليفورنيا عشان التنقل

 

[كتكوته22]

اب ااب

 

[لولوة الكويتية]

روحي اسبوع نيويورك واسبوع اورلاندو بس ترى ١٤ يوم شويه على امريكا

 

[لولوة الكويتية]

روحي اسبوع نيويورك واسبوع اورلاندو بس ترى 14 يوم شويه على امريكا

 

[miss_q8ya]

وانا بعد اقول ١٤ يوم وايد شويه يعني بتروحين وماراح تلحقين تشوفين شي
لو تحولينها مكان ثاني احسن بريطانيا ولا اوربا

 

[&موناليزا&]

رد : ممكن تسوون جدول رحلتي حق أمريكا

اتا بسافر لها بالصيف ان شالله

بس بروح بروحي وانا اول مره اسافر لها بروحي
الله بستر

 

[q8 83]

14 يوم شويه يدوب تكفيج 4 ليالي نيويورك و 10 فلوريدا مع ان الافضل تزيدينهم لان صدقيني امريكا ما ينشبع منها

14 يوم ما تكفي كالفورنيا كلش لا تجازفين و خصوصا انج تقولين بتروحين بروحج

الامن انج تروحين فلوريدا لانها حييل امنه >>> اكلمج من باب انج بتروحين بروحج و معاج بنتج

و انتي شوفي الانسب لج

 

[فــجــــــر]

خبيرات أمريكا ... تعالوا

السلام عليكم ...


خبيرات أمريكا بليز لاتخلوني محتاجتكم ...

قررت أنا وزوجي انا نروح أمريكا بالصيف وجدولي كالتالي

مدة الرحلة ... من 25-30 يوم

الأماكن اللي ودي أزروها كالتالي ... اذا جدولي مو حلو قولولي وعدلولي اياه ...

نيويورك 6 ليالي ومنها بروح رحلة ليلة وحده لشلالات نياجرا

بعدين بنروح فلوريدا ورحلتنا بفلوريدا كالتالي ...

7 ليالي اورلاندوا
4 ليالي ميامي

بعدين بنطير لي كاليفورنيا وبنروح كالتالي ...
6 ليالي لوس انجلوس
3 ليالي سان دييغو
4 ليالي لاس فيغاس


واحتمال اتنازل يا عن سان دييغو او ميامي شرايكم ؟؟؟؟؟؟؟؟؟؟؟؟؟؟

وماراح اروح سان فرانسيسكو تسوى اروح لها ؟؟؟؟؟؟؟؟؟؟؟؟؟؟؟؟

عدد اشخاص الرحلة : انا وزوجي (2)

تكلفة الرحلة : 4500 السكن والتذاكر والمصرووف بدون مشتريات (كافي؟)

شرايكم بجدولي تكفون شوروا علي ؟؟؟؟؟

التنقل من نيويورك لي فلوريدا طيران داخلي ومن فلوريد لي كاليفورنيا هم طيران داخلي

بنأجر سياره بس بكاليفورنيا ...... ونياجرا بنروح لها من نيويورك عن طريق مكتب سياحي


شراااااااااااااااااااااااااااااااااااااااااااااااااااااااايكم

 

[لولوة الكويتية]

رد: خبيرات أمريكا ... تعالوا

حلو بس الاماكن وايد والمده قصيره قللي اماكن او زيدي المده

 

[q8tiaa81]

رد: خبيرات أمريكا ... تعالوا

اتوقع المدة قصيرة على كل هالولايات ماراح يمديج تشوفين كل شي بكل ولاية وبعدين اللي اعرفه اورلاندو بعيدة عن عن كالفيورنيا ولوس انجلوس مادري شوفي نفسج بعد ودرسي السالفة

 

[Smile Whatever]

رد : خبيرات أمريكا ... تعالوا

هلا حبوبة ذكرتينا بامريكا واااي حلوة وكل شي فيها حلو انا رحتها بالصيف وكانت عن جد روعة

رحت نيويورك بقولج كل التفاصيل الممله

سكنت بSheraton New York Hoteواهو ب منهاتن

زرات Statue of Libertyواهو تمثال الحرية
متحف Madame Tussaudsبس بصراحة ماانصحج فية يشبة متحف الشمع اللي بلندن وماتسوى صغير حيل

وهذاChina Townشارع فية كل اشياء الصين تقليد

اما المجمعات عندج Time Warner Centerتلقين داخلة مكتب cnn
ومجمع التايم سكوير فيه المحلات الراقية وعندج بعدToys R Usمكون من ثلاث طوابق وكل شي فية راقي



وبس هذا اللي اتذكرة انشالله اذا ذكرت شي ثاني اكتبة لكم

 

[franshiska]

رد : خبيرات أمريكا ... تعالوا

تخطيطج زين اذا انتي وريلج بروحكم
طبعا شان فرانسيسكو لا تفكرين تتنازلين عنها وريلي يقول 3 ايام كافيه عليها
ونيويورك يومين زين اذا من غير سوق

 

[الغلا2003]

رد: خبيرات أمريكا ... تعالوا

تخطيطج حلو ..بس ترىالولايات بعيده عن بعض بالطياره يعني كل ما تركبون الطياره تتنقلون بين الولايات اعتبار راح يوم كامل.. وبالنسبه لشلالات نياغرا هي في شمال نيويورك ..بس بالسياره تقريبا9 ساعات من منهاتن الى شلالات نياغرا..بس امريكا فعلا جميله واكثر من رائعه خصوصا اورلاندر, ورحله سعييييده

 

[q8 83]

رد: خبيرات أمريكا ... تعالوا

شوفي حبيبتي اذا انتي تحسين نفسج خفيفة و لج خلق الشقله و النقله اعتمدي جدولج بس قللي ايام لوس اجلوس لان وااايد عليها


مع اني اشوف انج بس انتي و زوجج يعني اعتمدي جدولج و ان شالله راح تستانسين و انتي هناك ماراح تحسين بتعب بس لما ترجعين بتقولين انا واايد تنقلت


بس هالايام ماتنسي لان مو كل سنه بتسافرين جذي


ونسيت اقولج نيويرك وايد عليها تكفيها 4 ايام من ضمنهم الود بري اوت لت و اذا مارحتيه انتي الخسرانه لان بضاعته ماراح تشوفينها بولا ولايه بضاعته صج تسوى

 

[بنت النوخذا]

من صجج

اسمحيلي وااااااااايد غلطانه

علي بالج السفر من ولايه للثانيه ساعه او ساعتين

لا طبعا يبيلج مو اقل من 7 او 8 او 10 ساعات

هذا غير دخول مطارات و لويه

و بعدين اورلاندو بروحها متعه

دزني لاند و ستيوهات و مولات و Island Of Adventure


ودزني لاند فيها اوتيلات و اذا بتشوفيها عدل بروحها بس

يبي لها شــــهر الي ثلاث اسابيع ( بروحها )

و هي قريبه من الخط الاستواء يعني

حـــــــــــــر و رطوووووووووووبه شديده

لانها ساحليه

و 14 يوم بس


نصيحه انسي موضوع اولاندو

و روحي فرنسا فيها مدينه العاب تشبهه الدزني لاند

اسمها يورو لاند


و في منطقة ملاهي بعد روعه في تركيا


اضخم مدينة ملاهي في اوروبا ( اوروبا بارك )

في المانيا​

 

[أم@الحلوين]

في تجمع حق الي بيروحون امريكا دشي وانشاءالله يفيدونج

 

[كويتيه مزيونه....]

رد: خبيرات أمريكا ... تعالوا

برأي حرام ما راح يمديكم سفر يومين طيارة. ما راح تستمتعوا
رايحين رايحين طولو المدة شوي

 

[كويتيه مزيونه....]

رد: خبيرات أمريكا ... تعالوا

برأي حرام ما راح يمديكم سفر يومين طيارة. ما راح تستمتعوا
رايحين رايحين طولو المدة شوي