ممكن توضيح .. عن الحموله ؟

[معي احلى]

السلام عليكم ورحمة الله وبركاته ..


الحموله = اهل الزوج <<

سؤالي :: هل فقط الحموله يسمى بها اهل الزوج او كمان اهل الزوجه .. ؟؟ بس هنا فهمتها انها اهل الزوج بحكم الموقع نسائي .. ؟


وايش يقصدوا بالحموله البنت تتحملهم . او هم يتحملوها .. او لها معنى ثاني .. :d







​

 

[أم يزيد &سديم&]

سؤال يبغاله جواب عبقري
كان بحثتي في قوقل
مالي خلق ابحث انا
إن شاء الله البنات يجاوبون على سؤالك
وأنا أول وحدة رديت عليك
يا حظي

 

[Gatwa DaloO3a]

والله جوابك مقنع :d ..

يمكن الحموله عشان البنت صارت من حمولتهم يعني تبعهم وتحمل اسمهم لوول لا ماودي اتفلسف

 

[معي احلى]

يعني الرجال مايقول عن اهل زوجته .. حموله .. بس الزوجه تقول على اهل زوجها . ؟؟

 

[الـــغـــلآ]

يمكن لانها صارت ببيتهم او من عايلتهم يعني حاملينها لووول لآ اتفلسف ٱ‏​نـِْا بعد


بِس الحمووله تنقال لاهل الزوج بس

 

[Tom ♥ Jerry]

,


و الزوجه ليش يسمونها جنه ؟!

 

[معي احلى]

يمكن لانها صارت ببيتهم او من عايلتهم يعني حاملينها لووول لآ اتفلسف ٱ‏​نـِْا بعد


بِس الحمووله تنقال لاهل الزوج بس

:eh_s(17):شكرا جزيلا .. :eh_s(17):

 

[معي احلى]

,


و الزوجه ليش يسمونها جنه ؟!

كيف جنه ؟؟؟


موضوعي جد مش استهبال لاني مش كويتيه ولا عايشه بالكويت فحبيت افهم .. ياقمر :eh_s(17):

 

[Patcholli]

احنا نقولها حق البنت والولد
ونقصد بالحموله العايله اللي لها حمل ووزن وصيت طيب بالمجتمع ..
وناس اياويد ..
هذيل نسميهم بنت حموله يعني طالعه من بيت سنع ومتربيه صح
او ولد حموله يعني اصله طيب


وسلامتج ^_^



^^


لوووووول توم جنه
كلش احس مالها معنى :|
بس اتوقع ماخذينها من الشاميين الكِنه

 

[دلوعة أبوهآ]

سؤآل حلو ...!
دآيم اسمع هالكلمه لكن مافكرت في معناها لووول ..

 

[PuPa^^SWeeT]

الريال يقول عن اهل زوجته

نسايب



المرة اتقول عن اهل ريلها حمولة


الحمولة من اسمها




قبل كانت لي تزوجت البنت بس تنسى اهلها و اتعيش ويا اهل زوجها



يحملونها و اتحملهم




قبل كانت اهي اتحملهم



والحين اهم يحملونها



لوووووووووووووول

 

[معي احلى]

شكرا جزيلا للتوضيح ..


ماقصرتين

 

[ناتشوو]

بوبا سويت
هاهاها
اصبت كبد الحقيقة
صج فرق عن حريم عيال قبل عن الحين

 

[PuPa^^SWeeT]

^^^^^




هههههههههههه

 

[PuPa^^SWeeT]

والله صج ناتشو


طاعي مشاكل المعظم المسطورة اهني




قبل كانت الحمولة. تذبح الجنة من الحنة و الشغل و مجابلهم




الحين المعظم يادهينه لاتنكتين



وهمن اتقول قالولي و سوولي



صاسرين مايتحملووون

 

[غرام القمة]

اب اب اب