ممكن موبايلج شوي !

[المـــــها]

صارتلي شكثر هالمواقف

خصوصا بالجامعة

كلا البنات ناسيين أجهزتهم بالسيارة و السايق راح



بس بالعكس أحب أساعدهم تخيلي إنتي بمكان بدون موبايل و مختبصة شتسوين ؟؟
يمكن ارتاحت لشكلج و قالت الحمدلله يا ربي لقيتها !!!

 

[نبض الخواطر]

...





ما صارلــي هالمـــوقف بس اذا احد طلبنــي عادي اعطيهـــا ..





...​

 

[ya7bnylk]

أمس أنا موديه أختي الكليه عشان تسجل جان تييني بنت قالت لو سمحتي ممكن تلفونج بدق على أختي مضيعتها والله عطيتها بس صج مرات تخافين يمكن وحده ماعندها ذمه تسويلج مشاكل او تبوق موبايلج

 

[Ro00os]

ماحب ارد احد عادي اعطيها

 

[يمة يادلبي]

ليش النحاسة يعني :s
لو وحدة ضايعة وماعندها موبايل
شالمانع من اني اساعدها عشان ادق على أهلها
وإذا سوت شييي بموبايلي فهذا ينحسب ذنب عليها مو علي انا

 

[كويتيه كلاسي]

اعطيها ونص لانه فشله اردها استحي والله يعني شبتسوي

 

[ام سعود ديكسون]

مرة كنا نتغدي سلطة ومقبلات بروبي تيوزدي وناطرة اللي معانا مع اعيالهم يدقون بندش وياهم الاكوا بارك الا اشوف لكم وحدة ورفيجتها تلف المطعم بعيونها يمين ويسار جنها تدور احد وجبلت علينا سيدا وطلبت نقالي بتدق منه قلت لها اختي انا انطر مكالمة مهمة ما اقدر جان تطنقر وتروح بعيد تتحلطم وتخز من بعيد والا الطامة الكبري رفيجتها طلعت نقال وقعدت تسولف والله انا شدراني ما تدق علي شباب من تلفوني

 

[ام سعود ديكسون]

بس بنات هذا ما يمنع ان انتي تقدرين الموقف البنت واقفة سيارتها والامضيعة اهلها بمكان مافيه تلفونات ارضية حرام ما تساعدينها ياما صارت بخواتنا

 

[Miss 7o7o]

ما اعطيها موبايلي في مليون تليفون ارضي بالاداره اقولها روحي بابا هناك وان شاء الله يساعدونج وبس امشي عنها بكل هدوء ولابقه

 

[om fares]

فعلا موقف يوهق بس الوحده يبين من شكلها اذا نيتها زينه اولا

 

[kekat kakaw]

مممممممممم مااتوقع راح اعطيها

 

[fnato0o]

اي عادي اعطيها اذا شفت شكلها يعني مو مشكوك في

انا صارتلي مره وحدة مثل سني شفتها تسأل المصري الي يبيع اذا شاف امها لانها كانت معاها وفجأه ماتدري ضيعتها

قمت انا وقتلها اخذي تلفوني دقي عليها

لانه احط نفسي مكانها

 

[^وجد قلبي^]

انا يمكن بس بنت وحده معاي بالكليه ناسيه تلفونها وبدق على اهلها وعطيتها لان صج شكلها متوهقه لوول ..

وفي بعضهم مادري مارتاحلهم ,,

بس انا هالايام ماقمت اعطي والله ,,

لان صج الدنيا مالها امان ,,

ومشكوره

 

[النوري]

ما هقيتكم جذي بنات ؟؟

الغالبيه قالو ما نعطي ..؟؟ صعقتوني .. والله

 

[a5er el3angoood]

الصراحه انا اخوي مرة صار له مثل هالموقف في ممشى السره ياله صبي بو عشر سنين راكب قاري وقاله ضيعت ربعي بس بدق عليهم اخوي عطاه ولصبي فر القاري وانحاش عنه وخلا ويهه بارد
يعني لو انا يصير فيني مثل هالموقف اقولها ما عندي رصيد اسهل رد و مقنع بس قوليه بطريقه حلوه لان الدنيا الصراحه مالها امان فلازم ما نكون وايييد طيبين في مثل هالمواقف :bye22:

 

[*&* المميزهـ *&*]

صراااحه ما اعطييييييييييييييييييييييه احد هالبشر ما تدرين شنو بقلوبهم والزمن يخوووف مو اخاف تسرقه لاااا في اشياء اكثر

والله يبارك بالتلفونات الارضيه شكثرهاااا

 

[وهج الحب]

السلام:
اذكر اول ما طلع التلفون الجوال كنت انا الوحيدة اللي بالمدرسة عندها الجوال وكنت اخلي اللي يريد يتصل يتصل وعادي .. الى ان جا واحد كل ليلة يتصل فيني سوري من سوريا ..طلع ترا ان كل ما اخلي تلفوني تيجي واحدة سوريه تتصل بهذا الشخص وصار هو يتصل بي وعلى قولته اعجب بصوتي .. وبعدين صرت احط التلفون بدرجي واقفل عليه ...
ولكن لو اراد اي حد يتكلم بالشارع اخليه وما يهمني نيته بس ما خليه يروح بعيد عني عشان اسمع مكالمته يمكن يهدد احد او يزعج احد بتلفوني ..
والله اذكر مرة ان اختي مااخذه ولد اختي الثانية معاها وعيالها المول وضاع ولقى شاب واتصل في امه وهي معاي وقلنا للشاب خله معاك واحنا جايين وكنا في مكان بعيد جدا ومسكين خلاه طوال اليوم يتكلم مع امة عشان يطمن لين وصلنا المول ..وطبعا تتسألون واين اختي ما اتصلنا بها لان هذي معجزة من المعجزات لو لقيتوا تلفونها مشحون واتمنى اعرف ليش بالاصل تحط تلفون ...وطبعا في سوق خلت اليهال مع الخدمات وراحت تتشرى ..الله يجزية خير لو كل واحد ما يعطي حد التلفون كان وايد ناس توهقوا ..
بس المرة الوحيدة اللي ندمت فيها مرة لقيت شيبة سعودي بمستشفى وبخلص موعدة واللي معاه وكان عربي مترجم خلاه وراح عنه وجلسنا انا وزوجي نكمل باقي العلاجاته ونترجم له ودخل زوجي لان دوره واراد الشيبة ان يتصل بولده عشان يجي ياخذه وحاول وما قدر وانا قمت اساعده وايضا ما قدرت واخذت رقم الابن واتصلت به من تلفوني ويا ليتني ما سويت لان تلفوني رقمي الدائم .. واحنا جلسنا لين جا الولد وعشان ما نحرجة انا وزوجي قمنا نضحك معاه وهو يتشره .. وبس الله لا يرويكم صار كل فترة يتصل وهو يهمس لي لو كان زوجك موجود باكلمك بعدين ..وانا افهمه ان اللي سويته عمل خير ومش سواد عيونه ...:eh_s(14):هذي المرة اللي ندمت فيها بس لوطلب احد باعطيه ..

 

[supermarket]

شكرا لمشاركتكم ... وان اختلفت الاراء

 

[Preity]

لا والله اتخيل نفسي مكانها
اذكر لما كنت باولى كليه كانت اختي اهي اللي تاخذين كنت توني مااسوق
وانا كنت اخلص محاضاراتي 2 الظهر
ييت بادق عليها من تلفوني ولا اشوف تلفوني مطفي مافي شحن
قلت اطلع برا عند الباب اكيد بتكون موجوده طلعت وانطرها وخست الله وكيلج واهي مايت
شفت وحده يمي قتلها عطيني تلفونج بادق ع اختي وتلفوني مافي شحن عاد مودري اشلون صارت خزتها جان تقولي ماعندي رصيد حقدت عليها حيل يعني شايفتني من زمان ناطره وبعز الحر والساعه 2 وطولت وانا ناطره
علشان جذي مااحب ارد احد اذا طلب تلفوني واهي اذا دقت تكون يمي يعني عادي ماراح اطير لا اهي ولا التفلون واذا باقته الله يحاسبها

يعطيج العافيه حبيبتي

 

[الصعيريه]

بصرااحه بقولها مآعندي رصيد او ناسيه تلفوووني...

الدنياا مآفيها خير مآظمن هي بدق على منووو ولاخوفج حركه طايحين فيهاا..

وبعدين لااعرفها ولاتعرفني عشاان انحرج منهااا..
يسلمووو عالطرح...