ممكن موبايلج شوي !

[supermarket]

عندي موضوع وايد احتار لما يصادفني

واللي ذكرني فيه وخلاني اكتبه

موضوع قريته لوحدة من العضوات وكان في موقف مشابه لموقفي

:eh_s(1):

موضوعي هو ,,,, لما تكونين طالعة سوق او اي مكان عام

ووحدة وقفتج وقالت لج ممكن تعطيني موبايلج شوي!!

بدق منه على .... لان ماعندي شحن او رصيد

شيكون موقفج؟



ذاك اليوم كنا بحولي بارك تونا داشين بسم الله ... وحدة قالت لي ممكن موبايلج شوي بدق على اختي ضيعتها ومادري وينها
انا ويهي انصفق شمعنى انا والمكان زحمة! وانا ماكنت بويهاا لان كنا مندعسن عن شباك التعبئة

والله اعلم يمكن نيتها زينة شينة مادري... بس خفت وترددت ... ليش مادري

المهم الظاهر بين علي اني مترددة اطلع الموبايل من الجنطة :tomato2: جان تقولي خلاص خلاص وتمشي


انا انحرجت ... ياربي لو كنتوا مكاني شتسوون؟

 

[غربــــة اِحساس]

يعتمد على حسب الموقف

اذكر صارت معاي مرة صبي عمره يمكن عشر سنين مضيع ابوه وعطيته دق عليه

بس اذا موقف مثل موقفج ماتوقع بعطي الا اذا حسيتها اوكي

يعني مرة كبيرة بالسن او بنية احسها راكدة

الدنيا مالها امان واذا مكان عام اكيد في تلفون ارضى

عاد خلينا نجهز اعذار من الحين

ماكو شحن

ماكو رصيد

عدي وخربطي لووول

شنسوي ودنا نساعد بس مو كل الناس ثقة ..

 

[وردة الهوى]

والله انا مشكلتي مااحب ارد احد مدري اتخييل نفسي موقفها
واعطيها موبايلي وانا استودعه الله وربي يعطيني على قد نيتي
ويرجع موبايلي سليم ...

 

[الإمبراطوره]

عن نفسي أعطي ما أرد أحد...
بس مره كان أخوي طالع ووقف عند بقاله يخذله أغراض..وإلا صادف واحد راكب بانشي قرب منه ونزل وبكل ذرابه وأدب وأخلاق طلب من أخوي نقاله بيدق على رفيقه لأنه ضيع الدرب وكان حزة الليلوما له خلق أخوي يدليه فعطاه أخوي بكل حسن نيه وطيبه نقاله والولد بكل وقاحه يدق وهو يمشي لين وصل لبانشيه وركبه وراح وأخوي من الصدمه متبنج بمكانه وميت ضحك..
عاد توه كان شاريه ما تهنى فيه.. وفعلا أحيانا المظاعر والأساليب خداعه..

 

[الباسمه]

عادي اعطيها
شنو بتسوي مثلا
وبعدين سالفه الارقام قدييييييمه
تقبلو مروري

 

[شندوخه]

يعتمد على حسب الموقف

اذكر صارت معاي مرة صبي عمره يمكن عشر سنين مضيع ابوه وعطيته دق عليه

بس اذا موقف مثل موقفج ماتوقع بعطي الا اذا حسيتها اوكي

يعني مرة كبيرة بالسن او بنية احسها راكدة

الدنيا مالها امان واذا مكان عام اكيد في تلفون ارضى

عاد خلينا نجهز اعذار من الحين

ماكو شحن

ماكو رصيد

عدي وخربطي لووول

شنسوي ودنا نساعد بس مو كل الناس ثقة ..

اتفق معاج :ggdw:

 

[جـــواهر]

انا لو تطلبني اي وحده ماراح اردها ...

انا مره كنت مره مضيعه اهلي وتلفوني مطفي ماكو شحن كل مامريت عند مره قتلها ممكن تلفونج ؟؟
قالت لا ماكو رصيد ...

ليش جذي يعني بسرق التلفون ؟؟؟

والله كان حر وانا تعبانه لدرجه اني كل مامريت عند وحده وردتني دعيت عليها ​

 

[Heaven Light]

اي عااادي اعطيهاا ..

ما احب ارد احد ..

 

[فزهةّ خٌفوق]

أعطيها لاني اتخيل نفسي مكانها او بعدين

عيالي يكونون موقفها ,بس خوفج تسرقه

يووه عاد اذا سرقته مليان اصور ,

تسلمـــــين حبوبه

 

[asrar mdfona]

والله عاادي اعطيهااا لان صارت فيني مرره وحااسه بالشعور تكونين مضيعه وما تدرين وين اهلج
والله شعوور وموقف لا تحسد عليه ويمكن انا يصير فيني الموقف مره ثانيه ما يندرى فاعطيهااا

 

[جلاديلياس]

لاماأعطيها شدراني انها صاجه بكلامها مو راعية مشاكل واذا تبي في تلفونات ارضيه تروح ادق منها

 

[Gears]

اعطيها ماحب ارد احد احس عيب وراح ينقص ويهي
وبنفس الوقت احط نفسي مكانها ،،


ويسلمو عالموضوع

 

[اميرة-الاحجار]

اعطيها حرام يمكن صج محتاجه ومتوهقه .. اكسب فيها اجر والدينار اللي بينحسب عالفاتوره اعتبره صدقه ولا دفعة بلا .. اشدعوه يعني الناس للناس
وانا صارلي موقف مره وقفت علي السياره وتلفوني مطفي مافي شحن ..؟؟
فكنت فعلا محتاجه احد يعطيني تلفونه ادق منه على اهلي ..
واكيد ماراح اتكلم على حساب البنت بدق رنه على اهلي او اطرش مسج عشان يدقون علي من تلفوناتهم ..

 

[@ام ضاري@]

اعطيهاا والله وتصيرر معااي بكثرره بس اذا مافيه رصيد بقولهاا بس لله الحمد عمره مافضاا رصيد خصوصن وانا بطالع

لازن ع الاقل دينار عشان لو بحتاج شي بدق ع عيالي لازم فيه

 

[ضمى روحي]

بصراااحه مااعطيها واعتذر باي شي
انا مااعرف وش اللي بقلوب الناس
الله يستر

 

[wutever]

صج نحاسه حرام عليكم :d

انا وايد تصير فيني هالمواقف يطفي شحني أو يضيع تلفوني

So حاسه فيهم .. ما أرد احد اذا طلبني

وإذا كلش أكو اصور بتلفونج وخياس خايفه اتفتش
قوليلها جم الرقم؟ وانتي دقي بنفسج .. اتتكلم وترده ما راح تاكله



..

 

[عاشقه رويشد]

انا صارت فيني مره ايام الكليه

وتبت عقبها صراحه البنت من دقت من تلقوني تلفوني ما يسكت كله شباب يدقون علي والله صج صج انقهرت وشكلها كان صج يكسر الخاطر عقبها حرمت خلاااص

 

[*غرور انثى*]

على حسب شكلها اذا مبين محترمه عطيتها واذا مهلقه وطن مكياج ما اعطيها لان ممكن تييبلي مشاكل انا بغنى عنها وتسلمين عالموضوع

 

[$الـــحـــلاوه$]

عادي اعطيها لاني ماعتقد اني اقدر اردها
وشنو بتسوي يعني ؟ ماعتقد بتسوي شي

 

[supermarket]

مشكورين على تفاعلكم بالوضوع

بس هي مو سالفة دينار من الرصيد او صور تفشل

لان الاثنين مايدورون عندي

وصور العروس اصورهم بميموري خاص مايقعد بالموبايل

السالفة اللي تخليني اتردد عندي ارقام بنات احسهم امانة برقبتي

يعني عدل كلامكم احط نفسي بموقفها ولا حشى ما الوم اي وحدة تردني ... من حقها ماتدري منو انا


وبانتظااار باجي العضوات