ممكن موبايلج شوي !

[AL-7OB]

انا بالتسبه لي عادي صارت معاي كذا مره ان تيي وحده وتطلبه مني حتى اهمه من نفسهم ايملوني الرقم وادقلهم

 

[Tutti-Frutti]

انـا صـادفـنـي مـوقـف مـشـابـه لـج

كـنـت عـنـد بـوابـه الـجـامـعـه وفـيـه بـنـت نـاطـره ابـوهـا او اخـوهـا والله مـاذكـر

وسـئـلـتـنـي اذا اقـدر اعـطـيـهـا تـلـفـونـي ولا لا

انـا عـطـيـتـهـا بـس كـنـت واقـفـه يـمـهـا طـبـعـا اهـي خـلـصـت مـكـالـمـتـهـا وردت لـي الـتـلـفـون

يـعـنـي الـمـوقـف عـادي ومـافـيـه شـي خـوو انـتـي بـتـكـونـيـن واقـفـه يـمـهـا يـعـنـي مـاراح تـقـدر تـنـحـاش مـثـلا :eh_s(6):

 

[*ريما*]

اكيد اعطيها
حرام يمكن اكون بانفس الموقف

 

[زبــــــــدة]

بقولها مافي رصيد

 

[دانه بعين رباني]

انا بعد صادفني هالموقف كنت بمصافط الجمعيه انا واختي جان تأشرلي وحده سيارتها كشخه واهي بعد متكشخه وماخلت شي ماحطته بوجها جان تقولي

( لوسمحتي ممكن تليفونج انا موبايلي طافي مافيه شحن

بصراحه ترددت وسكت وتقوم اختي تنقز وقالتلها تفضلي موبايلي دقت منه وبعدها مسحت الرقم وردته )

لأ في ناس يحتاجون الموبايل وانا عن نفسي صج ترددت في البدايه بس لو يصادف هالموقف بروحي اعطيها بدون اي تردد

 

[frfr197]

انا صارلى مثل موقفج بس من منو من وحدة تقعد معانا فى مدرسه بناتى .....طبعا اطلبتنى وما رديتها بس طبعا دقت على رفيجها على طول اتصلت ومسحت الرقم وتقولى انا ابى اتصل على البيت المهم ومن صار العصر والا تلفونى يبلش بالرن وما سكت ويوم رديت الا واحد يبى يتعرف ولا اعطى تلفونى حق ريلى ......والله ويوم شفتها من الباجريه جان اتهارش انا معاها لا والى يقهر انها تقولى وطى صوتج لا تفظحينى مابى احد يسمعنى ؟؟؟؟؟؟؟ والله لو مو ريلى فاهم ولا سوالى سالفه..وكلا من حضره جنابها .......ومن هالموقف حرمت اعطى اى احد تلفونى الا الى اعرفه

 

[supermarket]

اصابع ادينكم مو سوا

والناس فيها الزين والشين

حياكم وشكرا لمشاركتكم

 

[أم منيـرة]

يعتمد على حسب الموقف

اذكر صارت معاي مرة صبي عمره يمكن عشر سنين مضيع ابوه وعطيته دق عليه

بس اذا موقف مثل موقفج ماتوقع بعطي الا اذا حسيتها اوكي

يعني مرة كبيرة بالسن او بنية احسها راكدة

الدنيا مالها امان واذا مكان عام اكيد في تلفون ارضى

عاد خلينا نجهز اعذار من الحين

ماكو شحن

ماكو رصيد

عدي وخربطي لووول

شنسوي ودنا نساعد بس مو كل الناس ثقة ..

انا معااهاا ...

 

[قَلبيْ صُويبكْ !]

,


صآرلي موقف جذي بـ آلصآلون
بس قلت لهآ مآعندي رصيد وضحكت لهآ ورآحت
<~ كآن عند رصيد بس مآإبي أعطيهآ مآ أرتحت لهآ !

وأنآ اِشوف على حسب إلموقف
يعني لو تجيني وحده من وجههآ تعرفين آذآ على نيآتهآ ولا لأ
وبهآلموآقف إلوآحد مآيطلب إلآ لحآجه أو ..

 

[NANAZ]

***

اعطيهااا
/
دااايم تصير معاااي خصوصاً بالكليه اللي بتدق ع زوجها والااا سايقهم
و ما صادفت مشاكل ولله الحمد ,,, على النيه

(( توكلوو على الله )) ما يندرى يمكن اصير مكانهااا

​

****

 

[الماسة الشمال]

ااااااااااااااااه جبتوه ع الجرح
حصل لي الموقف هذا قبل امس كنت بحديقه نسائيه مع اختي ممنوع دخول جوالات الكاميرا عشان كذا ماخذت موبايلي
وسالني زوجي متى اجي اخذك حددي لي وقت قلت معليك اتصل عليك من اي موبايل<<<<<<<<<واااثقه انهم بيعطونها
وربي يابنات تبهذلت وانا اطر منهم شكلي يكسر الخاطر اللي اطلب منها وتقولي مامعي والجوال بيدها كذب عيني عينك واللي تقول اصبري برسل رساله واللي تقول انتظر مكالمه واااااااااااااي يارااااااااااااسي بنهاااايه شفت وحده من صديقات اختي سلمنا عليها واختي طلبت منها موبايلها ماقصرت عطتنا بس قالت مافيه رصيد ورحنا وشرينا شحن وشحنته لها وقلت لها باقي الرصيد حلال عليييييك ماقصرتي ويعطيك العااافيه.

 

[manhattan girl]

ما اعطي احد الا مره كبيره بالسن او ياهل ضايع مثل ما قالت زميلتي غربة احساس

 

[أتعبني شمووخي]

لو انا بدالج ما اعطيها تليفون :eh_s(1): :eh_s(1):

امكن البنت نيتها شينه او امكن لا << وان بعض الظن اثم >>

ولو هي صج مضيعه اختها تدق من تليفون المحلات :ggdw: :ggdw: :ggdw: ​

والصراحه أنا ما اعطي الا للعجايز

 

[bent-oboha]

شدعوه اعطيها ببتسامه بعد
الناس لناس
حطي نفسج مكانها وبتعطينها على طول