ممكن نصيحه ثمينه منك او دعوه بظهر الغيب تغير حياتي

[ام الحلوااات]

اللــــه يــشـــفــيـــه ويـــهــــديـــه ويـــســـخــــره لــــج ولــعـــيــــالـــــه

 

[ناتشوو]

انصحج بالصبر

دام السالفه كبرت وتشعبت
ووصلت لي الاهل
في مشاكل يحلها الزمن
اصبري
ولا تطلبين الطلاق
ولا تتكلمين
حاولي تهتمين بعيالج
دراستهم نفسياتهم
حتى بنفسج
اشدعوة لي رجعتي الحين
بتنحل المشكلة
زوجج مدمن
هل حابة عيالج يشوفونه
مو خايفة يصير فيج شي من الطق
لنفسج وعيالج حق
تحملي سنة سنتين
اصبري
ولا تدورين علومه من مرت اخوج
هو مدمن شكله المبهذل مو لانه مستاق لكم
هذا مريض
الله يشفيه ويسخره لكم
السالفة كبيرة
نطري شوي
اهله نفسهم مع الوقت يمكن يضطرون يتدخلون
ولا تدعين عليهم
ترى هم مبتلين بولدهم
اللي يحبونه اكثر مما تحبينه
الصبر
لو ان الصبر مو صعب
ماكان اجر الصابرين كبير
الله يفرج همج ويرزقج من حيث لا تحتسبين

 

[ملگه]

دعواتي أن تحتويك دنيا الفرح في كل أمر*
وأن ترعاك عين الرحمن أبد الدهر*
وأن يبارك الله لك في مالك وأهلك*
ويرفع منزلتك بين خلقه إن شاء الله *
ويجعل الخير في يومك وسائر أيامك.الله يهديه ويصلحه

 

[شادن33]

الله يسر امورج حبيبتي بس بعد لاتستعيلين بإذن الله راح يوافق يتعالج اذا يحبكم من صج

 

[ام فواازي]

انتي حاولت معاه مانفع ودخلتي اخوج بالموضوع فالحل انج تسكتين هالفتره وتخلين الموضوع بيد اخوج هو يتصرف وادعي له بالهدايه وربج يقدم اللي فيه الخير لج ولعيالج

 

[فوفو22]

الاشخاص اللي يتناولون المخدرات وجودهم خطر حتى وسط اسرتهم

لانه المخدرات تذهب العقل

بمعنى ممكن يبيع اثاثك بيتك سيارتك

يسرق ذهبك

يعتدي على اولاده

من اجل الحصول على جرعات

العيش معهم صعب ....والصبر عليهم واجب

خليكي عند اهلك الى ان يبادر بالعلاج والتوبه

هذا في حاله انتي تبينه

واذا ما تبينه الطلاق سهل بالنسبه لك

لان اي متعاطي تقدر الزوجه تنفصل عنه شرعا وقانونا

فوفو

 

[انسانة فرزاتشية]

بسم الله والصلاة والسلام على اشرف خلق الله سيدنا محمد وعلى اله وصحبه افضل الصلاة والتسليم

اما بعد ,,

قال تعالى : (( واستعينوا بالصبر والصلاة وانها لكبيرة الا على الخاشعين ))

وقال تعالى : (( وليبلونكم بشي من الخوف والجوع ونقص في الاموال والانفس والثمرات وبشر الصابرين * اللذين اذا اصابتهم مصيبة قالوا انا لله وانا اليه راجعون * ))

اختي ,, غاليتي

قولي معي انا لله وانا اليه راجعون .. واستشعريها بكل ذره في جسمك اننا كلنا خلقنا الله وانا كلنا سنرجع له مهما طال الامد او نقص ... اذا مشكلتكي هينه جدا .. تعلمين لماذا لان رب العالمين يبتلي عباده المقربون له تمحيصا لهم وزياده في اجرهم ورغبه في اختبارهم .. ما رأيك ان تنجي في الاختبار؟؟


الحل :

1- الصلاه في مواعيدها وعدم تاخيرها عن موعدها .. الخشوع فيها .. اللذه فيها .. استشعار عظمة الوقوف بين يدي الله .. الاكثار من الدعاء في السجود فان العبد اقرب مايكون الى الله وهو ساجد .. بثي حزنكي والمك الى الله فهو من بيده مفاتيح القلوب وهو قادر على تقليب القلوب فقد ورد حديث عن الرسول عليه افضل الصلاة والتسليم ان القلوب بين اصبعي الرحمن يقلبها كيف يشاء .. ادعي له بالهدايه وان الله يسخره لكي ولابنائكي " اذا فيه خير لكم " وان يبعده الله عنكم اذا فيه مضره لكم واسالي الله الخيره .. ادعيه في دبر كل صلاه , بين الاذان والاقامه , عند صيامك الاثنين والخميس " للصائم عند فطره دعاء لا يرد " , في الثلث الاخير من الليل , عند صياح الديك " عند حضور الملائكه ", وفي مجالس الذكر, وعند نزول المطر..

2- اكثري من دعاء الحزن والهم والكرب " لا اله الا الله العظيم الحليم, لا اله الا الله رب العرش العظيم , لا اله الا الله رب السموات ورب الارض ورب العرش الكريم ".. وتجدين الكثير في كتيب حصن المسلم.

3- اقرئي سورة البقره يوميا او كل يومين ويفضل ان تقومي فيها الليل بركعتين .. لا يخفاكي فضلها فان اخذها بركه وتركها حسره ولا يقدر عليها البطله ( هم السحره ) .. غير انها تبعث السكينه والراحه والاطمئنان وفيها علاج كبير للنفوس

4- الاكثار من الاستغفار خلال اليوم وفي كل عمل تعملينه ابتغي فيه وجه الله ورضاه.. استغفري دبر كل صلاه .. استغفري وانتي تعملين في المنزل .. استغفري في كل حالاتكي وسبحي الله واكثري من الثناء والمدح له وهو جدير بذلك سبحانه .. اكثري من الحمد والشكر لله فمن قال في يومه الحمدلله حمدا كثيرا طيبا مبارك فيه منعت عنه سبعين كربه اقلها الهم .. اكثري من الصلاة ولاسلام على رسول الله ( اقل شي مائه في اليوم ) .. واجعلي يقينكي وقلبكي حاضرا .. فالاعمال تصغرها النيه وتكبرها النيه .. اجعلي نيتك تقربا لله عز وجل وطلبا في رضاه وحسن الظن به هو السر في التقرب اليه .. كل هذه الاعمال هي خالصه لوجه الله وليست لبشر انتبهي عزيزتي .. أخلصـــــي النيه لله وحده ..


5- كوني على وضوء دائما .. كلما احدثتي جددي وضوئك واجعليه عباده لتخليصك من ذنوبك.. اكثري من قول لا حول ولا قوة الا بالله وكوني موقنه فيه سبحانه فلن يتغير حالك الا بقدرته سبحانه .. وهي كنز من كنوز الجنه .. اكثري من قولك حسبي الله ونعم الوكيل .. وابحثي عن معانيها واثارها في النت .. فهي كانك تصرحين ان رب العالمين هو اللذي سيكفيكي الهم والغم .. وهو احسن وكيل .. سبحانه ..


6- لا تنسي يا حبيبتي صيام يوم الخميس والاثنين والنوافل فهي تقربك لله سبحانه وتعالى .. وتبعد وجهك سبعين خريفا على ما اظن عن الناار ..

7- اتركي المحرمات اللتي تتسبب في غضب الله عليكي مثل استماع للمعازف والاغاني .. لبس العبائه الضيق .. وضع العطر او الزينه عند الخروج .. حتى لا يراكي الله بموضع يغضبه منكي .. على العموم هو ان تبتعدي عن كل مايغضب الله منكي وانتي اعلم بنفسكي ..

8- قيام الليل .. والوتر لله .. في الثلث الاخير من الليل .. اخلاص النيه والدعاء له والشكوى له فالشكوى لغير الله مذله .. الشكوى لنا لن تجدي يا حبيبتي فنحن لا نملك لكي ضرا ولا نفعا سوى ان ندعي لكي .. رب العالمين هو خالقك وخالقنا وهو اعلم بحاجاتكي وطلباتكي منا .. ادعيه بقلب حاضر ودموعك تسبق كلماتك .. ادعيه وانتي موقنه باجابته .. ادعيه وانتي موقنه بعظمته وكرمه .. ادعيه وانتي محسنه الظن بانه مانزل عليك بلاء الا لحكمه من عنده .. ومارفع عنكي بلاء الا لحكمه .. وانه سبحانه جل في علاه هو اعلم بنا من انفسنا واعلم بسألنا منا .. تضرعي وتذللي له .. فالتذلل لله سبحانه وتعالى رفعه .. والتذلل للناس مذله..


9- حولي اهتماماتكي الا ابنائكي حاولي ان تهتمي بهم اكثر .. حفظيهم ايه من القران او السور الصغيره .. علميهم على الصلاه .. اهتمي بدراستهم .. بهندامهم ولا تهمليهم فهم يظلون في رقبتك .. اخرجي لنا شبانا وشابات ينتفع بهم الاسلام والمسلمين .. اخرجي لنا صلاح الدين .. اخرجي لنا خالد بن الوليد .. اخرجي لنا عائشه, فاطمه , حفصه ... انشغلي بهم لله .. وسوف تجدين منه فرجا قريبا باذن الله

10- الصدقه , الصدقه , الصدقه لما لها من فضل عظيم بشفاء زوجك , قال صلى الله عليه وسلم: " داوو مرضاكم بالصدقه " , لعل الله يفرج كربة زوجكي ويشفيه بالصدقه ..




ومضه :

اعلمي اختي بالله مايبتلي الله قوما الا اذا احبهم .. الهم والكدر والضيق ليس نهاية الحياه فغالبا مايتبعه فرجا عظيما
اعملي بكلامي ووصاياي جيدا .. اجعلي لكي وردا من القران فستجدين به جواب لاسألتكي .. واضبي على الدعاء فهو مخ العباده
كوني واثقه بالله انه سيفرجها عليكي .. واعلمي انني وانتي وجميعنا عرضة لاختبار رب العالمين والتمحيص .. فما اجمله من اختبار من رب العالمين ..



ولرب نازلة يضيق بها الفتى ذرعا وعن الله المخرج....
ضاقت فلما استحكمت حلقاتها فرجت وكنت اضنها لاتفرج...


ما كتبته تذكيرا لي ولكي ولاخواتها الفاضلات ولعل الله جعلنا نصيب به ..

اللهم لك الحمد حمدا كثيرا طيبا مباركا فيه ..
اللهم لك الحمد كماينبغي لجلال وجهك وعظيم سلطانك ..
اللهم لك الحمد حتى ترضى ولك الحمد اذا رضيت ولك الحمد بعد الرض ولك الحمد في كل حال ..
لا اله الا انت سبحانك اني كنت من الظالمين..


ان اصبت فهو من الله .. وان اخطئت فهو مني ومن الشيطان


والله ولي التدبير والتوفيق ..


والسلام عليكم ورحمة الله وبركاته

 

[ليه الجفآ]

لا تتطلقين

هذا شي غصب عنه ادمان ونفسيه

ردي واجمعي عيالج واحفظي بيتج واسعي بعلاجه .. لاتتركينه لازم يتعالج ..


الله يفرج لج يارب​

 

[احبج ياديرتى]

نصيحتى لج انا ماأنفعج ولا احد بينفعج اللا ربج افرشي سجادجج وادعى ربج وألحى بالدعاء والله مايخيب ظنج فيه ياما مثل زوجج وتابوا لربهم لااتتخلين عنه ادعيله والله يفك كربتج

 

[ام زهقانه]

لا اصبري هذا رجلك ابو اعيالك
ااذا يبكم اكسد راح يردك له
فيه علاج الدمان
بس ان شا ا الله يرضي

الله يهدي لكم

 

[صلوا ع الرسول]

دزيله مسجات حب وشوق ووله بيحس انج تبينه وبعدج تحبينه

بس لو قال لج تعالي قوليله أنا أبيع الدنيا وارجع لك لأني مالي غيرك وماتلاقي وحده تحبك وشاريتك بعمرها كثري

ومستعده اصبر معاك عالابتلاء اللي تمر فيه بس ابي احس انك تبي تتعالج علشاني ابي احس انك تحبني وشاريني مثل ما أنا شاريتك

اصبر سنه وسنين بس لو بادرت .. أنا معاك لي الاخير


الامر بيد أهلكم الحين .. بس لا تخلينه يتعود بعدج.. خلج قريبه لو بالمسجات.. وادعيله بهالدايه .. ربج اللي أبتلاكم واهو اللي بيفرجها لو الحيتي بالدعاء بالليل واوقات الاجابه

الله يصلح أموركم

معاااااااااااااااااااااااها

وخليج قريبه من ربج وكثري من الاستغفار والدعاء>>ترا هذا سلاحج الوحيد مادام الموضوع طلع من ايدج

 

[صلوا ع الرسول]

الله يهدي زوجج ويرده لج احسن من قبل

يااااااااااااااااااااااارب>>دعيت لج بين الأذان والأقامه ألحين

وربج كريم

 

[صلوا ع الرسول]

لا تتطلقين

هذا شي غصب عنه ادمان ونفسيه

ردي واجمعي عيالج واحفظي بيتج واسعي بعلاجه .. لاتتركينه لازم يتعالج ..


الله يفرج لج يارب​

غلط ترجع له وهو ماتعالج >>خوفا عليها وعلى عيالها الله يستر لايسوي فيهم شي
لانه حاليا عقله مومعاه

 

[عجميه ماركه]

الله يسخره لج حبيبتي



عليج بالاستغفار

 

[جولينار]

اٍلجألي للفاتح

راح يفتح لك أبواب السعادة والشفاء والخير والبركة


الموضوع كبر ؟؟؟ تشعب ؟؟؟

صلي لربك وادعيه وألجئي له كل ليلة

هو الوحيد اللي بيفرج همك

احنا مالنا حيلة غير ندعي لك بالتيسير وبس

 

[baby lolo]

الله يعينج ويصبرج على بلواج حياتي و ادعيله الله يهديه ان شاءالله ويترك الخراب وحاولي فيه اذا تقدرين خليه يتعالج من هالسموم ولحقي عليه قبل لا تتطور الامور والله يجزيج على صبرج خير ان شاءالله يارب

 

[مني يغارون]

ا

لله يفرج همك ويجبر قلبك حبيبتي انتي واضح من كلامك انك انسانه مؤمنه بالقضاء والقدر اقربي من ربك اكثر وادعيه انه يفرج عنك وربي

سبحانه مابيخليك بس ثقي بالله وتصدقي الصدقه لها مفعووووووووووووول السحر على حياة الانسان تصدقي بنية ان الله يهديه ويتعالج و

ترجعون لبعضكم احس حرام تنفصلون وبينكم عيال هذا من غير انه يحبك بجنون والتغيرات اللي صارت له بعد ماابتعدتي عنه اكبر دليل انه

فاقدك و متبهذل بدونك

بدعي لك بظهر الغيب والله يعينك خيتو ​

 

[اخت عبادي]

الله يهديه ويحنن قلبه عليك وعلى عيالكم
الله يرده لك ردا جميلا

ابشري باللي تدعي لك من قلب

 

[كات إيز]

ياااااااااااااااااااااااااااااااااااااااااااااااااااااه يابنات شكثر حبيتكم وربي
سبحان الله كنت اتردد دائما من اني اكتب مشكلتي وبعد ماكتبتها وشفت الردود وربي ارتحت لاني حسيت بطيبتكم ووقفتكم معي ولو بالدعاء هذي بلحالها تكفي
شكرا لكم حبيباتي ولكل وحده ردت على موضوعي وتفرغت لتكتب لي نصيحه اودعوه
احبكم

 

[كات إيز]

رفع