مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[MISS_RIOOM]

ان اليوم خربتها بالبرياني من مغل محل
عجييب
بس صارلي اسبوع و انا تمام
بس البريلني اليوم
خربني

 

[fatma A]

Miss_rioom

بالعافيه انشالله اعتبريه يوم واحد فري ومن اليوم ابتدى يوم يديد

 

[مـريومه]

اي فطومه ضروري نلعب قبل الفطور نستغل انه احنا مو ماكلين شي وبجذي نحررق اكثر

__

ريومه ميخالف مدام بخاطررج بس ها سويتي رياضه اليوم ؟

 

[fatma A]

حدي مستانسه على التجمع اهني وما ودي يخلص كلش

 

[مـريومه]

اي والله وانتي صاجه

بس ماعليه نسوي تجمع ثاني عقب رمضان حق عيد الاضحى ؟

 

[fatma A]

مريومه

انشالله

 

[مـريومه]

ان شاءالله

 

[تووته البسكوته]

صباح الخييير
ياحلات اللي يسولفون نص الليل لوووول
نطرونا نقعد عشان نسولف معاكم الحمد لله الوضع امس كان اوووكي بس طبعا انا صايره مالعب رياضه مالي خلق وحتي سوالف الأعشاب اللي كنت مستانسه عليهم قمت ما اشربهم مااادري لييييش

 

[فواصل]

صباح الخير

كيف الحال ؟

كويتية بروما

لا حول ولا قوة الا بالله

الله يعوضج خير وان شاء الله يكون شفيع لج حبيبتي في يوم القيامة

وترى كلنا خواتج فضفضي

والله يخليلج عيالج ويبلغج فيهم في احسن المراتب و تشوفينهم معاريس

اللي سألت عن السيكل

هاي اللي العبها في النادي



اشوفها امن من التقليدية وتركز على الفخوذ اكثر شيء

ومرة وحدة احط لكم اوربت تراك



سبحان الله ما كنت مقتنعة فيه ...الحين افكر شتري لي واحد

مادري من سألت عن علاقة الشورت الحراري مع الرياضة

انا سألت قالت لي الاخصائية ممكن بس لا تزيد عن ساعة

لو زدتي مب زين

واعرف بنات البسوا هالشورت ومارسوا المشي

جسمهم ترتب

انا يوم اي ويوم لا خخخخخخخخخخخخخ

وبخصوص اليوميات

صج والله انا ملاحظة اذا ما كتبت اخربط هههههههههه بس على خفيف

اليوم في الليل برجع اكتبهم

بأذن الله تعالى

والبيقة

كيفكن

 

[MISS_RIOOM]

صباح الخير
و الرشاقة و الجمال
شلونكم??

 

[فواصل]

كلنا بخير و الحمدالله

 

[تووته البسكوته]

صباح الوووورد ياهلا ياهلا


كويتيه برووما حبيبتي لا يضيق خلقج والله يعوضج باحسن منهم ويحفظ لج عيالج





اي وبعد شلون الرجيم ؟؟؟الحين بشرب جاي اخضر

بنات تهقون صج يضعف ولا احنا نقص ع روحنا ع قولتهم ناكل الاولي والتالي بعدين جان اخضر يقولون الجاي الاخضر بروحه منصدم منا ههههههههههه
مو جنهم ضغطوونا


المهم انا بشرب الحين يضعف او لا بشرب احب طعمه وريحته
بنات بسالكم في احد ينزل صور حق المنتدي من الأي فون
لان انا نزلت البرنامج من الأب ستور صراحه ماعرفت استخدمه مادري ليش

 

[فواصل]

بسكوته

بخصوص الشاي الاخضر

هو يحرك الايض و يزيد الحرق =هاي في حال تلعبين رياضة و تسوين رجيم

اما اذا اكلج عادي ولا تلعبين رياضة يثبت الوزن

انا اشربه علشان فوايده الصحية مب علشان الرجيم

 

[MISS_RIOOM]

الشاي الاخضر يحرق السعرات و الدهون
انا مااحبه ولا ريحته
بس بشربه

 

[فواصل]

الشاي الاخضر يحرق السعرات و الدهون
انا مااحبه ولا ريحته
بس بشربه

جربي شاي اخضر بالنعناع

والاحسن نعناع فرش

احسن ماركة توينجلز بكل انواعه و dilmah=احسن شيء عنده الشاي المغربي ممتاز وهو شاي اخضر بالنعناع *_^

وبعد جربي الشاي الابيض =قطوة الله يذكرها بالخير كله تمدحه وبعد طعمه احلى من الشاي الاخضر وفوايده اكثر

 

[MISS_RIOOM]

جربي شاي اخضر بالنعناع

والاحسن نعناع فرش

احسن ماركة توينجلز بكل انواعه و dilmah=احسن شيء عنده الشاي المغربي ممتاز وهو شاي اخضر بالنعناع *_^

وبعد جربي الشاي الابيض =قطوة الله يذكرها بالخير كله تمدحه وبعد طعمه احلى من الشاي الاخضر وفوايده اكثر

مشكوورة
الحين بسويلي واحد

 

[العينآوية]

انا الشاي الأخضر ثبت لي وزني فحرمته

بشربه اكييد بس يوم اوصل وزن منااسب ..

اليوم في الأردن حرررر :eh_s(14): (( مكان اجازتي

والارصاد حذرت الناس من الخروج يقولون الموجة بتستمر لين اخر الويكند

والله يسستر :eh_s(4):

 

[فواصل]

العيناوية

الله يعينكم

مالج الا تمشين في المجمعات عندهم

واحنا الرطوبة زادت هالايام :$

 

[Aryam30]

صباح الخير شلونكم جميعا مع الرطوبه

 

[فواصل]

والله ..ما اقول الله يعينا في رمضان