مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[مـريومه]

بس لازم نحاول نخفف عشان مانزيييد

 

[fatma A]

كويتيه سبيشل

الحين مابقى شي على العيد وانشالله انشد حيلنا برمضان ونضعف

 

[مـريومه]

ان شاءالله فطوومه

انا كنت 61 وكان زييين على طولي
وجسمي حدا عاجبني

بس انا مشكلتي كانت
اني بس اتضايق اكل من غير ما احس
وايام الثانويه لما ادرس طول الوقت اكل وانا قاعده ما اتحررك الاكل يوصل لي بمكاني
عشان جذي متنت وايد

ان شاءالله نضعف


فطومه قولي شلون اول مره ضعفتي ؟

 

[كويتيه سبيشل]

ان شاء الله يااارب

حبوبه اذا متينه اوضعيفه الناس بتتكلم
وارضااء الناس غااايه لاتدرك

اما اذا انتي تحسين اذا ضعفتي ويهج يذبل
تقدرين تسوين تفخ بس لخدودج احسن من انج تمتنين

 

[كويتيه سبيشل]

حبيبتي مريوم ان شاء الله تضعفين بصحه وعااافيه
وتردين احلي من قبل




اي صح فطووم قولي لنا من خبرتج

 

[fatma A]

كويتيه سبيشل

اي صح الناس لو شنو تسوين لهم ما يعجبهم شي

 

[مـريومه]

اجمعييين ان شاءالله يارب

 

[fatma A]

بدايتي اول شي كنت احتر من الممثلات الضعاف لو اشوف وحده ضعيفه كنت اقول ويع تلوع الجبد واهي حلوه بس شسوي من الحره تذكرون في بنات جويل وستايل يحطونهم ما كنت اشوفهم اي من الغيره كنت اغار بشكل مو طبيعي وبعدين فكرت قلت حق امي يمه بسوي رجيم جان تقول لي انتي تقولين بسوي رجيم وبعدين تهونين ادري فيج مزاجيه جان اقول لها لا خلاص هالمره بسوي كنت كل يوم اصبح وانا رايحه المعهد اشتري كاكاو بو نجوم ويا عصير كوكتيل واشتري علج علشان ما ايوع ياريت يبقى العلج في حلجي لازم ابلعه تقول بالوعه هالطبع فيني للحين

 

[كويتيه سبيشل]

هههه حبيبتي مووو زين تبلعين العلج

وفكررة العلج تراا وااايد حلوه بس لازم يكون بدون سكر

 

[fatma A]

كنت اتغدا خضار مسلوقه كنت اسويها اول سلطه فواكه من مركز سلطان واول ما كنت اقاوم البطاط والعصير والكاكاو شوي شوي اشوف خواتي بيدهم بطاط وعصير وكاكاو اصد وامشي واصلا اهم افتكو مني يوم سويت رجيم كل ما يشوفوني يقولون لي فطوم مسويه رجيم للحين اقول لهم اي وكل وحده اطلع بطاطها وكاكاوها جدامي وياكلون يقولون لي ياريتج كل يوم تسوين وكنت مدمنه على اندومي كان غدا وعشا وريوق والله اندومي جني اسويه وبطلت من اندومي ما قمت اكلها كلش وقمت اكل اكل صحي خضراوات وفواكه وكنت اكل كاكاو بو نجوم

 

[fatma A]

كويتيه سبيشل

للحين الطبع فيني ما تغيرت لو انزل 100 كيلو بو طبيع ما يوز عن طبعه

 

[كويتيه سبيشل]

ما شاء الله عليج تبااارك الرحمااان

ان شاء بعد هالمره تضعفين بصحه وعااافيه يااارب

 

[fatma A]

وما شفت الميزان الا بعد 4 شهور الا اشوف نفسي واصله 72 قلت يمكن احلم قسته مره ثانيه واستانست ما اقول لكم كنت امنع نفسي من كل شي لا كنت اكل معكرونه بس بالخضار اكل باستا بس هم بالخضار في باستا بمرينا تينن مع كريمه وسوالف خضرا كنت اكلها بس عن خاطري بس اذا شفت نفسي زايده كيلو يوم الثاني ما اكل شي بس اشرب قهوه يوم كامل يوم صار وزني 62 قلت حق امي بدخل نادي
ودخلت النادي استانست ووصل وزني بعد شهرين 58 بس صج وناسه هالمره صج بنزل لي 58 انزين ياحلو الضعف

 

[fatma A]

امبي بنات صج ذكرتوني بايام اول وناسه الضعف صرت البس مقاس 10 يوم ضعف واستانست والحين قاعده ارجع مثل اول والكل يقول لي

الحين ويع لا تضعفين ويع الحين بطنشهم وبرجع مثل اول واحسن وكلام الناس وايد واذا بخلي يوم فري كنت اكل صحن كبير وتلقين من

نفسي ما اكلمه الانه معدتي صغرتي

 

[كويتيه سبيشل]

اي احسن لا تحرمين نفسج
لانه اذا حرمتي نفسج بعد جم يوم بتلاقين نفسج منفجره ع الاكل

 

[fatma A]

كويتيه سبيشل

بعد قلبي انشالله الكل الي بالحمله معانا يضعفون الانه صج الضعف حلو احلى من المتن

 

[كويتيه سبيشل]

اي حببووووبه مالج شغل بكلام الناس
يكفي الصحه اللي بتحصلينها من الرشاااقه

 

[fatma A]

اي صح هذا الي كنت اقوله اذا حرمت نفسي فجاه بلع كل الي جدامي علشان جذي حتى لو ابي اكل بشميل بالخضار كنت اكل ما حرم

نفسي لو صحني شكبره كنت اقول الله شحلاته الا باكله كله بس فجاه ما اكلمه الانه معدتي ما تستحمل عاد انا بالعناد زاهبه

 

[كويتيه سبيشل]

ان شاااء حبيبتي من بوؤك لباااب السماا

يلا حباااايبي فطوم ومريوم
تصبحون ع خير
وااايد استااانست معاااكم
بالتوفيق ....

 

[مـريومه]

ماشاءالله فطووومه

ان شاءالله ترديين مثل قبل


وااااااي شوقتني حييييل اشتطييييت بعد شوي بقووم العب رياضه


شنو كان شعورررج لما قمتي تلبسين مقاس اصغر