مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[fatma A]

اهلين زعفرانه

 

[fatma A]

واي بنات صج ارادتي بالرمضان ضعيفه وايد سويت لي سلطه معكرونه بس دون زيت الصلصه خردل والخردل مافيه سعرات حراريه وايد ومع شويه صلصه فرنسيه

 

[fatma A]

بنات اذكر مره سويت رجيم مع حمله بنات وطلعت منها كانت اهناك اخصائيه رجيم تراقب تصرفاتنا برمضان وجذي جان اكتب اني كليت جلكسي ساده جان تقول لي ممنوع يزيد الوزن جان اقول بقلبي والاكل الي كاتبه ما يزيد الوزن تشريبه وعيش ولقيمات وكريم كراميل شوربه عدس و2 كبه برغل او بطاط مقليه وقطايف صج والله بنات ما ادري ليش ممنوع الجلكسي والاكل الي متروس دهن مو ممنوع

 

[fatma A]

اي من بعدها كرهت اخصائين تغذيه كل واحد يعطي اكل شكرته واخر شي يقولون لنا تنزلين 5 كيلوات كل اسبوع كلها دعايه وبعدين الحين صرت اراقب اكلي بنفسي

 

[اثمان]

بنااتً شوفو هالبرنااامج
عجيب

http://i.imgur.com/1VkUo.jpg

اذا عندج فيديو ريااضه ع اليوتيوب
ويعلق وانتي تسوين

هذا البرناامج حلو تنزلين الفيديو
عندج يعني ما يحتااااي تشغلين اليوتيوب

انا منزلته ع الايبااد
احسن عشاان الشاشه اكبر واوضح

كويتيه حبيبتي

ممكن اسم البرنامج لانه مو واضح الاسم بالصوره:eh_s(22):

 

[اثمان]

اي من بعدها كرهت اخصائين تغذيه كل واحد يعطي اكل شكرته واخر شي يقولون لنا تنزلين 5 كيلوات كل اسبوع كلها دعايه وبعدين الحين صرت اراقب اكلي بنفسي

فطوم احسن شيء تسوينه :rerrerek:

 

[اثمان]

كويتيه الاسم اوكى حياتي

 

[كويتيه سبيشل]

حبيبتي اثماان اسمه

Mediaburner...

 

[اثمان]

حبيبتي اثماان اسمه

Mediaburner...

مشكوره يا قلبي:friends::hjy5jewf:

 

[ضــمــاد]

ضماد هلا والله شلونج حبيبتى؟

هلا وغلا أثمان .. انا بخير عساج بخير .. انتي شلونج ..



بنات لكم وحشششششه

العيناويه .. مبروك يالغاليه عالنزول .. وان شاء الله من نزول الى نزول وانتي بصحه وعافيه


بنات شريت لي بنطلون للعيد .. خذيته حده حده يمكن لو أزيد كيلو ماراح يتسكر لووول


كنت متردده .. بس قلت احسن .. عشان امسك نفسي واصك حلجي ..



​

 

[fatma A]

ضماد ذكرتيني اول كنت البس بنطرونات بالبيت وضيجه حدها يعني لو كليت شي بينشق وصج كنت اضعف علشان ما اقدر اكل لو باكل اكل على قد البنطرون الي لابسته وكان شهر ويتوسع واشتري يديد

 

[fatma A]

بنات انا بروح اهتم بشعري المسكين من اول ما بديت رجيم وانا هاملته بسبت هالوزن الي مو راضي ينزل اطنش وزني جم يوم يمكن ينزل بدال حنتى

 

[ғαяαωℓά]

شلوووووونكم بناااات :*

 

[كويتية بروما]

كويتيه بورما ،،،دقيت عليهم قبل شوى موجودين اشتراكهم 50 د ك وقت التدريب من 11 الظهر الى 10 مساء، بس ضيقت خلقى ما فيه حمام سباحه،رقمهم25314848 ​

:eh_s(9)::eh_s(9)::eh_s(9):واي بعد عمري مشكووووووووووره
الله يخلي لج زوجج يارب وعيالج بعد يارب

اي ترا مجكنم يدوب


بس حلو في اجهزه وفي كان مدربه فلبينيه عجييييييبه


والله بشهر طيحت من اردافي 7 انش ومن وزني 13 كيلو بشهرين تخيلي كنت البس 48 التنوره صارت 38
والبديات 18 صارو 14
الخلفيه باااارزه وشاده هههه الحين جنها رقيه ههههههه:eh_s(2):

 

[زعفرانة_73]

العفو ولو ما سويت شى حياتي
الله يوفقج عالدعوه الحلوه ولج المثل
تدرين أنا أحب حمام السباحه لأنه يشد الجسم عجيب خبري قبل من أيام نادى المبرور:eh_s(22):​

 

[زعفرانة_73]

كويتيه سبيشل / ضماد/ فطوم/ أثمان/ مريومه/ عيناويه /توته البسكوته / عاشقة الكاوكاو
اشلونكم حبيباتي والباجيين ما تحضرنى اسماؤهم:eh_s(7):​

 

[fatma A]

زعفرانه مو زينه الانه خربطت اليوم وبخربط باجر قريت اذا خربطت يومين ورديت على رجيمي الاولي راح ينزل وزني والله طاح حيلي من المشي نص ساعه وغير هذا رياضه التايبو

 

[زعفرانة_73]

فطوم طولى بالج لازم نتحمل ، أنا عندى انزل ببطء أفضل عشان ما يرجع الوزن بسرعه، فطوم شنو رياضة التايبو.​

 

[fatma A]

بنات عرفت ليش وزني يزيد مرات ومرات ثابت الاني اكل مو مناسب حق فصيلتي توني استوعب هالشي بس المشكله انه اللحوم تسبب لي حساسيه بحاول اكلها واكل معاها حبوب الحساسيه علشان اتاقلم واضعف

 

[fatma A]

الحين احط لج الرابط زعفرانه اهي صج اتعب اول شي بس تونس

billy blanks advanced tae bo part 3 of 6 - YouTube