مناقشات وسوالف بنات نادي الكتاب

[أنثى اليمامة]

بخصوص بابا سارتر .. متى تحبون نبدأ .. انا جاهزة

 

[كراميلا مرة]

نشوف لولو شتقول

 

[أنثى اليمامة]

اي كيفكم اذا اتفقتوا .. بلغوني
​

 

[ليلو جبريت]

مشغولة هالايام ، بس ارتب نفسي

صج المعلقات عالم ثاني

والجاحظ انا متأكدة اني قرات له بس الكبر شين

 

[سمسمة كويتية]

مساء الخير
أمس ما قريت شي كان عندنا ضيوف و اليوم كنت طالعة و توني رديت، عندنا عطلة و أنا بالاجازات يومي يتلخبط ما أعرف أقرا

بكمل محال و حالة شغف باقيلي كمية فيهم

 

[ليلو جبريت]

مساء الورد

ليلو جربي تغيرين مجال القراءة ...
كراميلا أنا أشوف التقويم يكون من الصغر والي كبر على شي صعب يغيره ..
رحيل قهوه عربيه دقي فيها 7 حبات مسمار أو أكثر , مره نقعيها بماي وشميها وإدهني خدج فيها إبتعدي عن العطور وبخاخ الأسنان من الصيدليه وسلاماات .

كتابي اليوم زوار السفارات روايه تحمل الطابع السياسي والنقد الفكري بطلها كاتب ليبرالي يهاجم المبادئ الأسلاميه ورجال الهيئه بشكل جنوني يكتشف أن المجتمع الثقافي الي منظم له يصور كل سقطاته يحاول يلعب مع المجتمع لعبه قذره ويكشف وتتم الملاحقات والتهديدات .. إخ مع إني ما أحب الطابع البوليسي لكن ...

حبيتها وكرهتها ..

حبيتها لأن ..

- إسلوب الكاتب مشوق ماقدرت أرفع راسي لين أنهيتها .
- فيه كثير من خفايا المجمعات الثقافيه قد تكون صحيح من هجوم ودفاع .
- فيها كثير من الأقتباسات المثريه صحيح أحيانا هجوميه زياده عن اللازم .

كرهتها لأن ..

- هاجم الليبراليه كتطبيق عملي وليس ك فكر .
- حاول الكاتب بكل ما يقدر يشوه صورة الليبرالين العرب ب إقتباسات لمقالات قد قرأتها لكنه قص بعضها للهجوم الأعلامي .
- هجومه كان مستميت لدرجه إنه صور كل ليبرالي ب أعمال خارجه وشاذه وعميل وسكير و .. و... و...


وبس أتمنى أكون وفقت وسوري ع الإطاله

مساء النور

حبيبتي اغير بس اطول في الكتب اكثر من الروايات
من كذا ما انزل عن كتاب الا بعد ما انتهي منه

بصراحه مجتمعنا فاهم الليبرالية غلط

وكل فعل سيء يبدر من شخص قالوا ليبرالي

والمضحك ليبرالي ملحد او كافر والخ من الصفات

الليبرالية لها انقسامات عديدة

راجعه لها النقاش


.......................................

مس الناصر

انا تعجبني اثير رغم ان البعض يهاجمها

كفاية تكتب بالفصحى

...................................

بنات تفاعلوا مع بعض ردوا على بعض
لو سمحتوا يعني


امس قرأت جمع كلمة " قاع " وضحكت ضحك ما ادري ليش اصلا بس يمكن لان اول مرة اعرف الجمع " قيعان "

 

[غيدآء]

السلام عليكم

خلال هالاجواء الحلوه من اعياد وطنيه وامطار مادري ليش شطحت وقريت رواية احدب نوتردام:d

 

[بنوتة طموحة]

قوة يا بنات

كل عام وانتم بخيييييييييييييييييييييير

حيييل مشتاقة للقسم أحس يبيلي نفضة قوية علشان أتخلص من الكسل اللي فيني

 

[بنوتة طموحة]

صج بنات حفلة مدرستنا عندي على dvd اللي تعرف شلون أنزلها لكم تبلغني

لأني جربت أنسخها ع اللاب وما رضى ينسخ

 

[غيدآء]

وانتي بخير يا بنوته

والله ماعندي فكره عن نسخ الفيديو من الديفيدي الى اللاب توب!

تقدرين تستفسرين بقسم الحاسوب ماشالله اهناك البنات خبره !

 

[أنثى اليمامة]

بنوته أحب توقيج واايد
​

 

[كراميلا مرة]

بنوته
حتى انا ماعرف كيف


ليلى
متى بتقرين الحمار الذهبي؟

 

[كراميلا مرة]

صباح الخير

انا حالياً اقرأ الحمار الذهبي
واقرأ في كتاب اليابان العادات والتقاليد وادمان التفوق

 

[ليلو جبريت]

كوكو طرشيلي الكتاب الثاني على الايميل لو سمحتي

 

[كراميلا مرة]

بطرشه
بس مااسمح

 

[غيدآء]

السلام عليكم

قرآءتي لـ هذا الاسبوع راح تكون لـ كتابين

الاول
Lenin's Tomb: The Last Days of the Soviet Empire

وطبعا يتكلم عن الايام الاخيره للامبراطوريه السوفيتيه ودور لينين اثناء هالايام!

الثاني

كتاب karl marx

يتكلم عن حياة الفيلسوف كارل ماركس !

وبس

 

[أنثى اليمامة]

واااو غيداء كتب روووعه .. اختيارات ذكية جداً .. انتظر تعليقاتج على الكتب
​

 

[كراميلا مرة]

ليش الموضوع نايم؟؟

 

[ليلو جبريت]

لان كل واحد يقول الي يبيه ويطلع

لاحظي الصفحات الي قبل

مافيه تفاعل

 

[كراميلا مرة]

ليش عاد جذي


موالمفروض الموضوع للنقاش
مو اكتب اللي عندي واطلع
وبعدين كل وحده تتناقش في اللي قرأته عشان نستفيد من بعض