مناقشات وسوالف بنات نادي الكتاب

[ليلو جبريت]

باقي في قائمتي 19 كتاب

في كتاب بموت وابي اعرف دار النشر

الأنسان يبحث عن المعنى*​

فيكتور فرانكل​

 

[زهـرة أيـلول]

@ketab_n*

هذا الأكاونت مال الكتب الالكترونيه ليلو ضيفيه وإسإليه يمكن يعرف

 

[ليلو جبريت]

انا مكلمته من قبل كتحذير له ولامثاله وهالحساب مكوكه عليه كل دور النشر خل يرفعون عليه قضية

ولا يقول ماتشكرون ولاتقدرون جهودي

انت اول قدر جهد الكاتب وعمال دور النشر يا الحرامي

والله لو تسمعون عمال دور النشر خصوصا المصريين كم يخسرون على الشحن وعلى رواتب العمال وكيف انخفاض المبيعات يخليهم يدمجون كتبهم مع كتب دار ثانية


انتوا بالقرصنة تساهمون اول شي بأغلاق المكاتب وبانتشار امثال هذه اخرتك

ثانيا تسرقون رزق عمال مالهم ذنب

ثالثا تضرون الكاتب

رابعا حرام في الشرع وفي القانون

وخلاص من اليوم وساير ماراح اقرأ ولا كتاب الكتروني

انا قلت من قبل ماعندي مانع اذا كان كتاب قديم وتم ايقاف طباعته لكن كتاب جديد !!!


وهالشخص اتحدى ينسرق منه 100 ريال اما قوم الدنيا وماقعدها

وكفاية الكتاب يتحسبون عليه وانا منهم

 

[زهـرة أيـلول]

صحيح ليلو ما ألومج حنا تعودنا ندور بالنت الكتب الممنوعه والقديمه بس لما شفت هالحساب فيه كتب جديده إستغربت وسألته مو حرام قال لا عادي لأن إهما راضيين وشوفي تركي الدخيل يسويلي رتويت وغيره من الكتاب بس ما الله عطاني حب القراءة الالكترونيه وما أتوقع أحد يحللها حتى مره تكلم الوشيحي وقال إنها سرقه عيني عينك

 

[سمسمة كويتية]

صباح الخير

والله بنات لو انا كاتبة كتاب و تعبانه فيه و أشوفه منشور على النت بيصير فيني شي صج حراااااااااااام

انا أكره الكتب الالكترونية بس الفترة الأخيرة اضطريت لأن فاتني معرض الكتاب و صار البيت يصفر ماكو شي أقراه
بس اذا الكتب قديمة أعتقد مافيها شي ، و انا أحب روايات الكتاب المصريين أيام نجيب محفوظ و احسان عبدالقدوس و السباعي

 

[مُخملْ]

فضييعْ ، حرام يضيّع جُهد الكاتبْ واللي وياه كلهمُ :/
لا ويبا حد يقدّر جُهده :/


،

لوكتابْ جديم/ وقفت طباعته ممكنْ ، لكن كتاب توه نازل
لاالكاتب ولاعمال دار النشرْ خذوا حقهمْ !
قطعوا رزقهم ، ناس ماتخاف الله

 

[it_wasn't_me]

الناس تتريا معرض الكتاب عسب تتشرا الكتب وانا اخم الكتب اللي في المكتبات من الحين عسب افضى للكتب اللي مب موجوده عندنا

قبل اسبوع سايره جرير اقوله كل الروايات اللي يقرونهن في الخليج انتوا ما اتيبونهن عندنا ليش جان يقول اصل محد بيآرا عندكوا ؟!!!

 

[ليلو جبريت]

إلى معرض الكتب

 

[نبض الجود]

بنآت شدعوه كبرتوا السآلفـه وصآرت سرقه ،
صج آني ضد القرآءه الالكترونيه لاني مآحبهآآ ، آحب آمسك الكتآب بآيدي ،
بس في نآس تحب تقررآ الكتروني سوآء بآيبآد او قآرئ كتب الالكتروني ،
متعتهم بالنسخ الالكترونيـه ،
يعني آشوف مآفيهآآ شي ،
لو انه ضد القانون والشرع وسرقه جآن مآسسوا قآرئ كتب الكتروني
ولآ حطوا برآمج بالايبآد - الايبود والايفون تفتح كتب ،​

 

[ليلو جبريت]

نبض حطوهم الاجانب لان يشترون كتب بصيغة pdf

وتعد سرقة ومخالفة للقانون من كذا يسمونها قرصنة كتب

ترضين حد يقطع رزقج ؟؟؟

تراكم تقطعون رزق عمال دور النشر وكل ما اكلم البائعين والدور ازيد اصرار ان هالشيء غلط ومن اليوم وساير ماراح اساهم بها الجريمة

 

[كراميلا مرة]

حاسه بالذنب :eh_s(2):

 

[it_wasn't_me]

سرت المعرض وكلي امل احصل اللسته اللي اباها وهي عباره عن ٤٧ كتاب وروايه وما حصلت غير ٧ منهم بس ٫٫٫ المعرض مخيب للامال (بالنسبه حقي) ولا حسيته يستاهل هالضجه اللي سووها عسبه كل الكتب عاديه وموجوده في الامارات والكتب والروايات الغير موجوده عندنا ما حصلتها الوحيد اللي برد افادي هو دار بلاتينيوم للنشر حصلت فيه بعض الروايات اللي بغيتهن
المعرض صاير سمك لبن تمر هندي ٫٫٫ الانجليزي حذال العربي ودور النشر المصريه متداخله مع السوريه والسعوديه والاماراتيه مول ماشي ترتيب

مخمل اذا سرتي المعرض قوليلي رايج فيه اخاف متحامله عليهم انا

 

[ليلو جبريت]

الحمدالله ان فلوسي راحت حق ادب حقيقي

لغة ، بنية سردية ، حكاية رائعة ، معلومات قيمة

الحمدالله

 

[it_wasn't_me]

ليلو خبرينا شو خذتي بليز

 

[ليلو جبريت]

شوفي عندي زيارة اخيرة وبعدها بنزل لكم الموضوع


امي تقول احتاج مكتبة

تبون تشوفون صور كتبي ؟؟؟

 

[7ikayat]

ليلو تراج الحين كاتبة رواية
وبصراحة شي جميل ان الواحد يقرا أدب حقيقي وما يروح فلوسه على أدب درج ثالثة
انا مو من مشجعات دور نشر الشباب بعد, لكني اشوف فيه تطور في كتاباتهم خصوصا في مصر
​

 

[مُخملْ]

it wasnt me ، تصدقين ماظنْ أروحْ ، مالي حَظْ ف هالاسبوعين -..-
ل هالدرجة مُخيّب للآمال المَعرض ، بعد الضجة اللي صارت توقعت شي غير نهائياً
إذا جي معرض الشارجةْ أفضلْ من وايد نواحي ، بس ماقدر اصبر لين شهر 11 :/


ليلى : تتهنين فيهم يااربْ ، شفت صورة كتتبجْ يبالجْ ممكتبة ، بيترتب المكان
وبتنظمين الكتبْ براحتج ^.*


حكايات : بالعكس ، الشباب اللي توهم طالعين يبالهمْ تشجيعْ وخاصة اصحاب
الأدب الحقيقي ، لازم ناخذ بيدهم ، يمكن ايي الوقت اللي نكون فيه مكانهم لكن مانلاقي
تشجيعْ أو أي تقدير لجهدنا وآمالنا وتعبنا

 

[7ikayat]

أكيد مخمل......
أنا ما كنت متشجعة وايد حق أدب الشباب.. لكن توجد مواهب قابلة للتشجيع طلعت مؤخرا
​

 

[ليلو جبريت]

حكايات ادري اني كاتبة رواية


والكاتب لازم يقرأ

واحيانا اصادف كتاب مايقرون \:

والغرور واصل لي خنافرهم


مخمل تخيلي يطيحون علي

عندنا 3 مكاتب فوق ابي اسوي مكتبه في الطوفه

 

[مُخملْ]

كتّاب مايقرونْ ، شهالغرور والثقة الزايدة اللي فيهم

تصدقين ليلو أحلى أنواع المكتباتْ المكتبة المعلّقةْ ، الود ودّي أسوي مكتبة
وأحوّطها فكل يدران غرفتي ، وين ما أمدْ ايدي ألقى كتاب