مناقشات وسوالف بنات نادي الكتاب

[ليلو جبريت]

تم

لاتغشون في الغود ريدز وتقرون تقريري

 

[عيون روحي]

اوكي

 

[~ تريآق]

ليييش بتحطين هناك تعليقج عىل أول خمسين ؟؟! :eh_s(10): <~ ياربي اللقافه اللي مقطعتنها

 

[~ تريآق]

يآ ربي ... تحمست .. ابي أكمل !!

خلصت المية .. بقوم أحل واجباتي عل وعسى الهى وما أخونكم وأقرا الباقي الحين ههههههههههههههه

 

[ليلو جبريت]

غمووض

50 صفحة ماتكفي للتقرير

 

[3oosh <3 MJ]

مســآ الخيـــر بنـــات
اعذروني تراني انسانة بااااردة
انا وصلت الفصل الثالث من الجزء الاول ، يعني خلصت 50 صفحة
بس احس ماكفتني، شرايكم نكمل ،، نهاية الجزء الاول ص 117
والجزء الثاني نخليه حق باجر؟؟ ولا لكم راي ثاني

 

[ليلو جبريت]

اوك عووش

بنات الي تخلص تسدح التقرير

وبكرة نكملها

 

[ليلو جبريت]

وحشتني انثى


وكرميلا مايندرى وينهي \:

 

[بنوتة طموحة]

ليلى ليش تخافين تقرين لأحلام ؟

وانثى ليش تترك القسم

شنو يبونا نخليلهم القسم حق سوالف جاي الضحى اللي يكتبوونها

وما يبونا ننقدهم عليها إن شاء الله بيكتفون ايدينا واذا اهما واثقين من نفسهم وانهم كاتبين شي يسوى ليش يجادلون

حبيبتي ليلى كلمي أنثى وكراميلا خل يرجعووون أصلا القسم ما صار اسم على مسمى إلا من ورا الكتب اللي تحطونها انتي وانثى

وكراميلا وباجي البنات اللي قلبهم ع الكتاب

 

[ليلو جبريت]

ليلى ليش تخافين تقرين لأحلام ؟

وانثى ليش تترك القسم

شنو يبونا نخليلهم القسم حق سوالف جاي الضحى اللي يكتبوونها

وما يبونا ننقدهم عليها إن شاء الله بيكتفون ايدينا واذا اهما واثقين من نفسهم وانهم كاتبين شي يسوى ليش يجادلون

حبيبتي ليلى كلمي أنثى وكراميلا خل يرجعووون أصلا القسم ما صار اسم على مسمى إلا من ورا الكتب اللي تحطونها انتي وانثى

وكراميلا وباجي البنات اللي قلبهم ع الكتاب

اخاف اقولج وتقولين عندي فاصلة

اخاف اقرأ لها لان كلماتها فيضان من المشاعر ما اقدر اسبح فيه <<< برع

بس حاطتها بالقائمة اذا حد بيقرأ معاي كتبتها يمكن اتشجع


وعن جاي الضحى خليها على الله هذولا من جيل امدحني او بقول انك حاسدني

ممنوع نقول رأينا بالكتب لان يتعبر نقد لغاية دنيئة في النفس خخخخخ

انا اقول ياليت انثى ترجع لاجل خاطرنا وتسوي مثلي تحطهم بقائمة التجاهل

انا داخله للفائدة ولان حابه جمعتنا ونقاشاتنا اي حد احسه وراء شي ومن تحت لي تحت اتخلص منه ولا اعطيه ثانية من وقتي لان مايستحق

وكوكو يمكن مشغولة بمحرم بس البنت اختفت فجأة محد يعرف عنها شي !!!

الله يرجعها لنا




وياليت وهج تتواجد اكثر في القسم انا استمتع بقراءة ردودها


وحتى عهود البنت وايد راقية

ودلال بعد نقاشاتها حلوة

 

[ليلو جبريت]

بنات الي تخلص تسدح تقريرها


ترياق عندها الصبح اللحين

اقروا لي الحد الي قالته عووش وسدحوا التقرير وكملوا

تدرون ان هالرواية معدله و غير عن اول طبعه

 

[غيدآء]

السلام عليكم

شلوونكم

بنوتات .. سبحان الله تذكرت شي اليوم ..وانا قاعده افتش بالرفوف ملوت المكتبه علشان افيد بنات قطر والباجي على اساس المعرض عندهم ابتدى ..فا لقيت كتاب عندي لجبران خليل جبران وهم كتاب لمي زياده...ونسيت انه هالاثنين كانت بينهم رسايل على مدى سنوات طويله واهم ماعمرهم شافوا بعض الا عن طريق الصور!

فا بليز منو عندها فكره عن كتاب يحمل هالرسائل المتبادله؟

اكووون شاكره لها .. مع اني استفسرت عن طريق حساب الاخت ساره ( حدثنا عما تقرآ ) بـ تويتر ومالقيت اجابه من احد

 

[~ تريآق]

السلآم عليكم ..
عدنا .. .. وسوف أسدح التقرير

:
.
السرد رآئع .. شاعري .. وأحببت الشتبيهات كثيرا كثييييرا .. <~ وآضح انها مغرمة خلاص هههههه

لكن .. حينما يأتي وقت الحوار ... " مخي يفصل .. فصلة أليمة "
كأنهما جزآن لا يتصلان ببعض .. تنقطع أفكاري وتعود للتصل من جديد مع انقطاعهما عن المحادثة ..
كم تمنيت لو أن الحوار باللغة الفصحى .. لكن .. البعض يعتقد بأن كتابة الحوار باللغة العامة يعطي الرواية مصداقية أكثر .. وبهذه الطريقة يعيشه القارئ بشكل أعمق .. والواضح بأنه لا ينطبق علي البته

أحببت هذا الشاب المتردد .. أشفقت عليه واقعا
وكرهت الأخت الشطمآء

.. لعوب .. وتحب أن تكون مصدر الاهامام فقط .. وإلى الآن لا أراها إلا " ثقيلة طينة "

:
.
بانتظاركم :eh_s(17):

 

[~ تريآق]

مرحبآآآ غيدآء

لقيت لج هالملف .. اسمه الشعله الزرقاء

رسائل جبران خليل إلى مي زيادة

http://search.4shared.com/postDownload/FC586anj/______.html


وفيه ذا الرابط بعد .. بس اللي فوق بنظري ارتب .. وشوفي اللي يناسبج ياعيني :eh_s(17):

http://search.4shared.com/postDownload/kzHdUdT4/__________.html





ليلى .... اذا بتقرين لأحلام .. أنا بقرا معاج ..مررررو لي نية أقرا لها .. وحملت كم كتاب بس ما بعد قريت
فيشرفني اني اشاركج :eh_s(17):

 

[ليلو جبريت]

5 دقايق وراجعه للموضوع

 

[ليلو جبريت]

انتهيت من الجزء الاول
الى صفحة 117

السرد كما اشرت اليه سابقا يتأرجح بين المشاعر والافكار .

لغة بثينة قوية جدا ولكن الفاجعة كانت الحوارات العامية ولكن بما ان السرد يغلب على الحوار فأظن ان ذلك كان كفيلا بأنقاذ الرواية .


شخصية مشعل اشعر نحوها بمزيج من الاحتقار ... التقزز ، ورسخت في ذهني صورة الشاب المتعرق اللزج (لاسباب خاصة لا احب الرجل الضعيف )


والرواية غامضة جدا والى الان لم انتهي منها ولكن استطعت رسم خارطة في ذهني عن صاحبة القلم الجميل التي سبق وان قرأت لها رواية ولم تنل اعجابي ولكن رواية سعار كانت كالمسمار الذي يثبت اسم بثينة في عقلي وكلماتها كالمطرقة التي تولت تعليق هذا الاسم في ذاكرتي


رأيي الشخصي

بلا ريب وشك ان بثينة افضل كاتبة كويتية من جيل الشباب ولا اعرف لما ينتابني شعور ان البوكر في انتظارها


(نسخت لكم رأيي من الموقع )

 

[ليلو جبريت]

السلام عليكم

شلوونكم

بنوتات .. سبحان الله تذكرت شي اليوم ..وانا قاعده افتش بالرفوف ملوت المكتبه علشان افيد بنات قطر والباجي على اساس المعرض عندهم ابتدى ..فا لقيت كتاب عندي لجبران خليل جبران وهم كتاب لمي زياده...ونسيت انه هالاثنين كانت بينهم رسايل على مدى سنوات طويله واهم ماعمرهم شافوا بعض الا عن طريق الصور!

فا بليز منو عندها فكره عن كتاب يحمل هالرسائل المتبادله؟

اكووون شاكره لها .. مع اني استفسرت عن طريق حساب الاخت ساره ( حدثنا عما تقرآ ) بـ تويتر ومالقيت اجابه من احد

امممم

ماعندي فكرة وترياق ماقصرت

 

[ليلو جبريت]

مرحبآآآ غيدآء

لقيت لج هالملف .. اسمه الشعله الزرقاء

رسائل جبران خليل إلى مي زيادة

http://search.4shared.com/postDownload/FC586anj/______.html


وفيه ذا الرابط بعد .. بس اللي فوق بنظري ارتب .. وشوفي اللي يناسبج ياعيني :eh_s(17):

http://search.4shared.com/postDownload/kzHdUdT4/__________.html





ليلى .... اذا بتقرين لأحلام .. أنا بقرا معاج ..مررررو لي نية أقرا لها .. وحملت كم كتاب بس ما بعد قريت
فيشرفني اني اشاركج :eh_s(17):

ماقصرتي حبوبة


ترياق شو رايج تاخذين معاي اللفة


انا ابي اقرأ لاحلام و محمد علوان (نفس الاسلوب )

وبنقرأ ثلاثية احلام بالترتيب بس قوليلي متى لاجل ارتب اموري

موجودين على النت بجيبلج الروابط

بس انا ناوية اشتريهم وموصيه البائع عليهم

 

[ليلو جبريت]

خلصت الرواية


وينكم بنات

 

[غيدآء]

تريآق

مشكووره يآبعدي ماقصرتي..رآيتج بيضآ ^_^