مناقشات وسوالف بنات نادي الكتاب

[أنثى اليمامة]

اووف للاسف اليوم ما قرأت .. ماعندي وقت كله نوم وشغل وضيوف ..
​

 

[ليلو جبريت]

بس ابقي استفسر احداث الروايه انت لي
وين باي دوله؟
احترت كل يوم اقول في مكان

بصراحه اظن العراق بسبب الحرب
والكاتبه بعد

اووف للاسف اليوم ما قرأت .. ماعندي وقت كله نوم وشغل وضيوف .. ​

اووه انا مقطعه الكتب تقطع هالايام
وقت الفطور اتفطر وبيدي الكتاب
وامشي وبيدي الكتاب
واقعد على النت وبيدي الكتاب
وانام وبيدي الكتاب
حتى اخواني يطالعوني وهم مستغربين

 

[أنثى اليمامة]

الحين انت لي ممكن اعرف قصتها هالروايه ،، هي روايه البنت الي يربيها ولد عملها وبعدين يتزوجها ؟


​

 

[ليلو جبريت]

اي هذي هي

 

[أنثى اليمامة]

اي قريتها وااايد حلوة وهي تقريباً من اول الروايات الي قريتها ،، عجبتني حيل ،،


​

 

[كراميلا مرة]

انا مقاطعه القراءه
قران واعمال وماعندي وقت لها
ان شاء الله بابدا من بعد العيد

 

[أنثى اليمامة]

الحرب والسلم عمل ضخم فعلاً ،، والاسماء تحتاج الى تركيز .. !


​

 

[ليلو جبريت]

صراحه من اجمل الروايات وحسافة ان الكاتبه مالها انتاج ثاني

على العموم كرميلا تدرين اني خلصت الكتب الي عندي في هالجم يوم لان طول الوقت ماسكه رواية
ما اتابع مسلسلات

لكن شفت مسلسل بنات الثانوية على اليوتيوب

تدرون ان هالقصة في الاصل فلم اجنبي

هالكاتب مايووز عن طبعه قاعد ويسرق من الافلام الحمدالله والشكر

شكلي باخوض مجال المسلسلات باذن الله

 

[أنثى اليمامة]

مازلت اقرأ بالحرب والسلم ، وبالجزء الأول منها ،، بدأت المعركه بين روسيا وفرنسا ،، الروايه ضخمه جداً ومليئة بالاحداث ، ووصف الحرب ، وما يدور بها ونفسيات الجنود وصف مميز فعلاً ،، توليستوي عبقري الادب الروسي ،،
يخلط مشاعر الخوف والشجاعه والمواجهه ووصف المعركه وضراوتها وكل التفاصيل أمر يجعل هذه الملحمة الادبيه ، شيء أخر اكبر من ان نقرأه فقط ..


​

 

[كراميلا مرة]

يالله ليلى خل نشوف مسلسلات من تأليفك السنه الجايه
بنات الثانويه شفتها احسها تافهه مافيها احداث مهمه انا ماقريت الروايه بس شفت كم حلقه من المسلسل
وبعدني ماقريت شيء لاهيه اشغال واعمال ومسلسلات

 

[كراميلا مرة]

مازلت اقرأ بالحرب والسلم ، وبالجزء الأول منها ،، بدأت المعركه بين روسيا وفرنسا ،، الروايه ضخمه جداً ومليئة بالاحداث ، ووصف الحرب ، وما يدور بها ونفسيات الجنود وصف مميز فعلاً ،، توليستوي عبقري الادب الروسي ،،
يخلط مشاعر الخوف والشجاعه والمواجهه ووصف المعركه وضراوتها وكل التفاصيل أمر يجعل هذه الملحمة الادبيه ، شيء أخر اكبر من ان نقرأه فقط .. ​

اذا انتهيتي ابقي اشوف رايك فيها
ان شاء الله اقراها بعد العيد

 

[أنثى اليمامة]

اليوم تعبت وايد ويومي مزدحم ما قرأت ، خلصت الجزء الأول من الحرب والسلم امس وان شاء الله بأبدأ بكره بالجزء الثاني ..
وين البنات ،، شنو اخر اخبار القراءه ..

 

[منار البربرية]

موضوع رائع

 

[ليلو جبريت]

يالله ليلى خل نشوف مسلسلات من تأليفك السنه الجايه
بنات الثانويه شفتها احسها تافهه مافيها احداث مهمه انا ماقريت الروايه بس شفت كم حلقه من المسلسل
وبعدني ماقريت شيء لاهيه اشغال واعمال ومسلسلات

من حلجج لي باب السماء
المشكله المخرجين يحبون القصص الي فيها عنف وطق وطراقات

اليوم تعبت وايد ويومي مزدحم ما قرأت ، خلصت الجزء الأول من الحرب والسلم امس وان شاء الله بأبدأ بكره بالجزء الثاني ..
وين البنات ،، شنو اخر اخبار القراءه ..

سلالامتج
انا اليوم افتح الحب في زمن الكوليرا
مقسمه وقتي بين العبادة والقراءة
وبصراحه مابقى عندي الا روايتين واخلص اللسته :eh_s(16):

 

[ليلو جبريت]

شكرا منار

 

[أنثى اليمامة]

قراءتي صايره بطيئة بعض الشيء ، زحمة يومي كله زحمه واليوم حاشتني حساسيه بعيد عنكم ،، ما ادري شفيني هالايام مو عاجبه نفسي ..!

ليلو قراءه ماتعه اتمناها لكِ ،، الروايه حلوه ،، بس طويله ، وع فكره جريئة افضل ترجمه صالح علماني ، من المدى ، انا قريتها حلوه

كراميلا - من عيوني لما اخلص الروايه ، او الملحمه رح اقولج ،، فيها تقريبا 2370 صفحه الكترونيه ،، وااي داخ راسي ، بس ممتعه بشكل كبير ، ورح اكتب عنها لانها عمل ضخم يستحق فعلاً الوقت المخصص له ،،

 

[أنثى اليمامة]

متعبه اليوم كذلك ، ومر اليوم ولم أقرأ :eh_s(2):

!!
​

 

[كراميلا مرة]

ليلى انا بعد الحب في زمن الكوليرا ضمن القائمه
بس جد هالايام منزحمه وماعندي وقت كلش
من بعد العيد راجعه بقوه

انثى واي طويله حيل شكلي بغير رايي ماتوقع اتحمل اقراها
ماحب اطول في الشيء
بس اشوف شكلي بقسمها

 

[أنثى اليمامة]

لا شدعوه ، كراميلا انتي قريتي الجريمه والعقاب وهي اطول منها ،، صح طويل بس بالنسبه لج ولليلى وللقارئات القديمات عاديه ،، بس هو الكاتب يطول بالاحداث ،، عشان جذي رح تحسينها طويله ،،


​

 

[أنثى اليمامة]

وي سوري كراميلا ، تو انتبهت ، انا فكرتج تعنين رواية الحب بزمن الكوليرا ..
اي صح الحرب والسلم طويله واايد لانها اصلاً 4 اجزاء ، حياة كاملة ، بس ممتعه وااايد ، ولو ان الترجمه الي عندي سيئه كله اغلاط املائيه ،، به الروايه رووعه صج ، ورح تلاحظين تغير اسلوب الكاتب بالجزء الثاني غير عن الجزء الاول الي اغلبه كان عن الحرب ، بس الثاني فيه تعميق فلسفي وايماني ، وفيه اسلوب مختلف بالكتابه عن الأول ، لكل حدث اسلوبه يتوافق ، يعني مع الحرب كان الي بالجزء الأول اسلوبه كان يتوافق والمشاعر والحدث المطلوب ، وبالجزء الثاني يتوافق مع الغراميات ، والحب والفلسفه والتأمل والروحانيات .. للحين بالجزء الثاني انا ، بس جد رووعه ..