مناقشات وسوالف بنات نادي الكتاب

[ليلو جبريت]

انثى ترى كل ما اكتب شي يطلع لي تعذر التسليم

 

[أنثى اليمامة]

http://www.4shared.com/********/fGI2YLjv/_______.html

هذي نسخه الكترونية
​

 

[أنثى اليمامة]

مكان النجوم حطي كلمه d o c u m e n t بس على بعضها بدون فراغات

 

[ليلو جبريت]

اليوم رفيجتي ارسلت لي رابط
ولما فتحته لقيت كاتبة اغلب البنات انتقدوها بسبب اسلوبها وافكارها العقيمة
قاعده تقول انا شنو سويت لهم !!!

لما ننقدج نقد ادبي هل نحن نكرهج والله شسالفه وعن موضوع الصور البنت حبت تمدح جمالج وتحط الصور نحن شكو فيج !!

 

[أنثى اليمامة]

شنو السالفه ليلو ،،

بعدين شنو تقول انا شنو سويت لهم ، شنو حبيبي ليكون مفكره ان الأمر فيه ثار ..!!

شكو
​

 

[ليلو جبريت]

انثى في كاتبه نحن منتقدينها بسبب اسلوبها

المهم بانقلج الحوار

كوبي

شفتي منتدى كويتيات و تعليقهم عليج ؟ انا ما اشوف بكلامج شي غلط ليش اهم مكبرين الموضوع
وحاسين انج اهنتيهم ؟

ردها

انا سمعت بالموضوع الي تكلموا فيه عن شكلي ويعلقون علي ، في موضوع غيره ، وانا اسأت لهم بشنو ؟

رد االبنت

الموضوع إنه في وحده مكلمتج بالفيس بوك وسألتج عن رايج بمنتداهم وإنج إنتي وجهتيلهم إهأنه لمئ قلت منتداهم ڳلھ أزياء وطبخ !!!

إهما وآايد حاسين إنج أهنتيهم ، بس آنا رأيي إنج ما قتلي شيء غلط .. أما إذا إهما حاسين إنه صج منتداهم بلا هدف هذا شيء ثاني ;$


الي مايعرف موضوع الاهانه
خل يسأل الكاتبه اهانة حتى المشرفه


وعلى العموم انا ادري انها بتقراء كلامنا اللحين

 

[أنثى اليمامة]

طيب ، يعني اهي كل الي هامها بالموضوع انهم معلقين على شكلها ،، هههه

كنت مفكرتها تسأل عن تعليقاتنا على كتاباتها ،، كاتبه وتهتم برأيهم بشكلها مو رأيهم بكتاباتها ..!

والله شر البليه ما يضحك
​

 

[ليلو جبريت]

اي والله
لها وايد انتقادات على منتدانا في التيس بوك
وتعتبر النقد يعد حسد وغيره
الحمدالله والشكر بس
انثى تعرفين موضوع الاهانه او لا

 

[ليلو جبريت]

http://www.q8yat.com/showthread.php?t=702454

 

[أنثى اليمامة]

بييييه ،، شخباري هذي من صجها للحين ما نست الموضوع ، الناس تتطور وتشوف شنو قدام وهذي حقدها للحين ..!

ليلو شي طبيعي تتأثر من منتدانا وتنتقده اول شي لان منتدانا من المنتديات الأولى على مستوى الخليج وحتى الوطن العربي ، ثانياً فيه قسم الكتاب ، واغلب البنات يسألون عن الأراء بالكتب هني وانتي شايفه المواضيع كل يوم موضوع بنت تسأل عن أحسن الكتب الي تقراها ، يعني القراء يثقون بقراات عضوات نادي الكتاب ،
فأي كلمه من منتدانا اكيد بتأثر ، على اي كاتب ، المفروض تحترم نفسها وبلا هالاسلوب البايخ ،
اهي تكتب للقراء والا لنفسها ، ؟؟؟؟

​

 

[كراميلا مرة]

انا انتهيت من عزيزي جون اهي حلوه بس احس شعرت بالملل وانا اقراها لانه مافيها احداث كبيره
والحين بديت في فرصه اخرى لدنيال ستيل

 

[أنثى اليمامة]

انتهيت من العرب وجهة نظر يابانيه ،، عندي ملاحظات على الكاتب والكتاب ،، اذكرها بعدين .. بس مختاره شنو ابدأ ..

 

[كراميلا مرة]

انا انتهيت من فرصة اخرى ودنيال ستيل رواياتها كلها رائعه وعلى ذوقي


انثى شرايك بالكتاب وكم صفحاته
لانه لفت نظري اسمه

 

[أنثى اليمامة]

الكتاب خفيف 144 صفحه ولكن في عندي ملاحظات ، اولا الكاتب كتب الكتاب باللغه العربيه ، لانه مستعرب ، لغته سهله وعموماً واضحه ولو مرات احس ان طريقة سرده تشبه طريق سرد أطفال ،،
ثاني شي هو ان الكاتب قارن العرب من خلال تجربة اليابان ، يعني يأتي بقوالب من اليابان ويقيسها على العرب ، برغم اختلاف العادات والتقاليد والدين ، وهذا الخطأ الي وقع فيه ان قارن دين الاسلام بديانتهم الوثنيه ،،
ثالثاً : ما اشوف انه قدم المشكلة وقدم لها حل ، كل الأمر انه يسرد ما وقع له بالبلاد العربية ، ويسرد بعض الصفات السيئه بالعرب ولكن كذلك يشيد بالكرم العربي ، والذي شبع منه ، فقد كان باستضافه البدو عند بني خالد بصحرا سوريه ،
يطرح مشكله ، ولكنه لا يطرح حلول ، او انه كأجنبي كيف يرى الحلول او المستقبل العربي
كل ما في الأمر انه يعزي كل مشاكل العرب الى القمع ، ويقول ان اليابانيين استفادوا من تجربيتهم ، ويتساءل متى يستفيد العرب من تجاربهم واخطائهم ،، واغلب الصفحات يتكلم عن الادبا العرب ، وعن شخصياتهم ، لانه ترجم بعض الاعمال العربيه ، الى اليابانية

اممم ، يعني يمكن ان اقول انه ياباني ثرثار ، ليس إلا ..
​

 

[أنثى اليمامة]

قرأت قليلاً بكتاب اسمه 4000 حقيقه مذهله ،، كتاب رائع ومليء بالمعلومات المذهلة فعلاً والجديده التي لم نسمع بها من قبل ..

كما قرأت رواية الضحية لاجاثا كريستي ، وانهيت الروايه ،، اممم روايه حلوة عيشتني بهالة غريبه شوي ،،


​

 

[ليلو جبريت]

اليوم تصالحت مع كاتب كلكم تعرفون اني غاسله شراااعه
صراحه شفته كاتب شي حلو وعلقت وهو اسعده تعليقي
وبصراحه طلع قلبه طيب ومايشيل على الناس مو مثل بعض الناس الي لحد اللحين .................

المهم روايته الجديدة بتكون فصحى وينتظر نقدي عليها
طبعا ماراح اخذها الا لما اشوف ردود البنات الثقه مو الي يسون دعايه

 

[البارونـه]

اليوم خلصت الاخوة الاعداء
وبجيت بجي مو طبيعي وبعدني حزينة
وعندي حداد ):
النهاية جدا واقعية

.
.
قتلج ماراح تندمين ,,وانا بعد بجييت واييييد عليها وضااق خلقي :eh_s(2):
بس فعلا الروايه من ارووووع الروايات :eh_s(17):

 

[البارونـه]

حاليــــــــــا انا اقرأ روايه جين اير للكاتبه شارلوت برونتي
ساعات احسها ممله بس الحين (الجزء الـ 15) احس بدا الاكشن

 

[ليلو جبريت]

البارونه دووم ابي اسمع اختياراتج
خلاص وثقت بذوقج الادبي

حاليا ابحث عن نسخ الكترونية ل

ألواح ودسر لـ أحمد العمري ،

زمن الخيول البيضاء لـ ابراهيم نصر الله


من تقدر توفرهم لي

 

[كراميلا مرة]

بديت في رواية خان الخليلي لنجيب محفوظ

وماعندي فكره عن الكتب اللي ذكرتيهم ليلو

انثى هالكتاب في منا نسخه الكترونيه؟؟؟

شجعتوني اقرا الاخوه الاعداء