مناقشات وسوالف بنات نادي الكتاب

[أنثى اليمامة]

ليلو ، قوليلي اي كتاب تبين واجيبلج الرابط ، لان الروابط مخفيه وتروح للصفحه الي فيها نحله هههههه

قوليلي وانا اجيبلج
​

 

[ليلو جبريت]

لقيت الي ابيهم بطلعت الروح لووول

المهم حاليا اقراء شيء في صدري للكاتب احسان عبدالقدوس

المشكله اني انسى اي الروايات قرات له وارجع اقراء من جديد
لكن ان شاء الله المشكله بتنحل بعد ماسجلت في الموقع

انثى قريتي للكاتب ابراهيم الكوني اساطير الصحراء ؟؟



وكرميلا اول ماتخلصين الجزء الاول قولي لي لان ننتظرج

خذي راحتج لان عندي 500 صفحه اقراها

 

[أنثى اليمامة]

لا والله ليلو للحين ما قريت لهالكاتب ، مع ان سمعت عنه الكثير وخصوصاً هالروايه ،
​

 

[ليلو جبريت]

ناوية اقراها تبين تقرين معاي ؟؟؟

اللحين وصلت لي 130 ووقفت احسان عجيب بس انا متاكدة اني قارية هالرواية بس نسيت النهاية

وعندي ايما لجين اوستن اقراها وبعدين بقراء

حق ابراهيم الكوني

وبقراء زمن الخيول البيضاء

والبيت الاندلسي لواسيني الاعرج

شو رايج حابه تقرين معاي ؟؟؟

 

[أنثى اليمامة]

اي اكيد بقرأ معاج ، بس امتا رح تبدين حتى انسق ، لاني اقرأ كتابين كتابين !


​

 

[ليلو جبريت]

يبيلي اسبوع شو رايج ؟؟
لين نخلص ايما

 

[أنثى اليمامة]

اوكي صار اتفقنا

نبدأ بزمن الخيول البيضاء

​

 

[ليلو جبريت]

اي متشووقه لها

بنزل موضوع عن القراءة الجماعية خل نشوف من يحب يشارك

هالثلاث كتب لغتهم جميلة جدا ولكبار الكتاب

 

[كراميلا مرة]

انا اليوم بخلص الجزء الاول من إما
وان شاء الله من بكره ابدأ الجزء الثاني
ومعاكم في الكتب اللي بتقرون
بس ابي الروابط ماعندي الا زمن الخيول البيضاء

 

[ليلو جبريت]

باحطلج الروابط

بقولج ممكن نبداء الجزء الثاني السبت
لان غيداء عندها ظروف

 

[انا فاشلة]

أنا إعتزلت القراءة منذ الخامس عشر من فبراير من عام 2002
لأن القراءة لا تناسب الفاشلين من امثالي
انتم واصلوا القراءة ، لأن القراءة كما يقول احد المفكرين :
لن يكون هناك بلد متحضر حتى ينفق على شراء الكتب أكثر مما ينفق على شراء "العلكة"

 

[ليلو جبريت]

انثى

محد غيرج يقدر يساعد هالبنت

http://www.q8yat.com/t940612.html

 

[أنثى اليمامة]

مصدومة ، تلك العتمه الباهره / رواية ككوابيسي المزعجة ..

عتمته كانت فعلاً باهره ، رواية متعبه ، مخيفه - قاسيه بوجع ..!!!



​

 

[كراميلا مرة]

اوكي خلاص ابدأ بكره الجزء الثاني من إما

وبانتظار روابط الروايات البقيه

 

[أنثى اليمامة]

منو يبدأ معي كتاب ، بس مو رواية ..!


​

 

[ليلو جبريت]

انثى عن شنو الكتاب ؟


كرميلا مشكورة وماتقصرين

 

[ليلو جبريت]

مصدومة ، تلك العتمه الباهره / رواية ككوابيسي المزعجة .. ​

عتمته كانت فعلاً باهره ، رواية متعبه ، مخيفه - قاسيه بوجع ..!!!​

ما احب اقراء حق الطاهر احسه اسم مو على مسمى وتفكيره قذر ويقرفني

قرايت له الكاتب العمومي ولاعت جبدي


كلميني عن الرواية شوي يمكن اتشجع واقراها

 

[كراميلا مرة]

شنو اسم الكتاب انثى
خل اشوف بس حاليا مزحومه مو عارفه شنو اقرا وشنو اترك

 

[كراميلا مرة]

هيا :eh_s(9):
هيا :eh_s(9):
واخيرا صرت من كبار الشخصيات :ggdw:

 

[ليلو جبريت]

مبروووك كرميلا

كلووووووووووووووووش