مناقشات وسوالف بنات نادي الكتاب

[أنثى اليمامة]

ليلو لان الفلم السنمائية محدود بعدد من الدقائق فصعب يحصرون رواية بك هالدقيقه ،، فيختصرون كثير .. !

 

[ليلو جبريت]

مو بس يختصرون يغيرون الاحداث الحلوة

مثلا رواية شيء في صدري الفلم ولا شي مقارنة مع الرواية

اللحين مسوين فلم حق جين ايير بصراحه مختصرينه لكن بشكل حلو مايسيء للرواية واحداثها ابدا

 

[أنثى اليمامة]

يقولون احسن تمثيل لجين ايير كانت نسخه 1996 ، حتى الممثلة كانت مبدعه .. ادور نسخه عن الفلم مو لاقيه
​

 

[ليلو جبريت]

شفت الافلام القديمة حق جين ايير بس مو ذاكرتهم

من هي الممثلة

 

[ليلو جبريت]

http://www.freeonlinemoviesstreams.com/ar/stream-jane-eyre-online.html

 

[أنثى اليمامة]

ما اعرفها ليلو ، بس هذي صورتها ، ويقولون انها افضل من مثل جين ايير ..

شرايج
​

 

[ليلو جبريت]

ما اذكر والله

 

[عادت ذكرياتي]

موضوع شيق


شكرا ليلو


لي عودة بإذن الله

 

[أنثى اليمامة]

انتهيت من رواية غايب لبتول الخضيري ، طبعاً لازم فيها جنس بس ما وصفت اكتفت باشارات بس بسطر او سطرين
وصفت الرواية بأنها سرياليه ، وبعد ا انتهيت من الرواية وقريت كلمة التعريف بالكاتبه لقيتهم ايضاً واصفين الرواية بانها سرياليه ..


​

 

[كراميلا مرة]

كيفكم بنات

امس مادخلت لانه النت عندي قاطع

ليلو لا ماقريت دفنشي كود من قبل

امس قريت العرب وجهة نظر يابانيه قريت نصه تقريبا اليوم خلاص بابدأ معاكم زمن الخيول البيضاء
وبكمل العرب بعد مانتهي من هالروايه

 

[ليلو جبريت]

خلاص بنبداء بس جم صفحه ؟

 

[كراميلا مرة]

انا الحين قريت لين صفحه 59 الصفحات اللي فوق
عاد احس من الصبح اقراها بس لانه الصفحات طويله

 

[ليلو جبريت]

انا باقراها على التسع بالليل

خل اخلص من دافنشي كود
سببت لي صخونه ولووعه

 

[كراميلا مرة]

اي وصلت صفحة 115
بالورق

 

[أنثى اليمامة]

وصلت للصفحه 90 بالورق ، الرواية جميلة جداً ، اعجبتني العادات والتقاليد الي تعرفت عليها بالرواية ،،

اسلوب الكاتب جديد علي وجميل ، اعجبني كثيراً واحسست اني اقرأ سطور فخمة ، الشعور الذي تهبه الرواية لحد الآن جميل


​

 

[ليلو جبريت]

خلاص 100 وقفوا رجاءا

 

[أنثى اليمامة]

.. بالرواية كرهت هذا الي اسمه الهباب ، شكله مرعب أكره هذه الشخصيات ,,

عالم الرواية يأخذنا لتصوير جميل كأن كل ما يجري من احداث يجري على أرض لا توجد بتاتاً بعالمنا هذا ، أرض اخرى بها الجاذبيه أقل الناس اقل وزناً والأشياء تسبح بالفضاء ، والجمال يمتد بسرمديه ..

- همسة / الأم معجبة بشقار ابنها وعيونه الخضرا ،، بنظري لو كان اسمراً بندقي العينين ، اسود الشعر لكان أكثر جاذبيه وسحرا .. وربما كان له وقع اكثر جمالاً بالرواية لونتها بالوردي كنظرتي الحالمة


​

 

[ليلو جبريت]

انثى شو رايج بالكاتب هل راح تكررين تجربتج في القراءة له ؟

 

[كراميلا مرة]

الجزء اللي قريته اعجبني من الروايه وفعلا له سحر خاص
والقصه من نوع جديد اول مره اقرا مثل هالفكره
احس يمجدون الخيول لدرجه كبيره
حيل انصدمت من انهم يعاملون الاعتداء عليها مثل الاعتداء على الفتاه البكر
بس زين انه حلم

مشاعر خالد في القصه دائما كبيره مبالغ في حبه لزوجته قبل
وتعلقه في الحمامه
لين اصراره على البقاء لايام في نفس المكان عشان خطيبته ياسمين
يعطيك فكره عن عقول رجال الصحراء واصرارهم وتحديهم

والهباب ايضا انا كرهته وخاصة من قتل الفرس مسكينه


الحين بابدا اكمل بقرا 100 صفحه اخرى
لانه الصفحات اعتقد فوق 500
وبنقرا كل يوم 100 صفحه؟

 

[كراميلا مرة]

صار حدث غير من مجرى احداث الر وايه

انا الحين في صفحه 139