مناقشات وسوالف بنات نادي الكتاب

[مُخملْ]

تفكير الناس فضييعْ :/

 

[ليلو جبريت]

الي يزرعونه بعقولنا شي فضيع

مره سمعت شباب في كوفي شوب يتكلمون عن وحده وكان عمرها 29 سنة

الا يقولون هذي خلاص عجزت و صارت جده !!!!!!!!!!!!!!!!!

 

[مُخملْ]

مع هالتطوّر اللي وصلنا له الناس للحين تفكيرها فضيعْ
توني اشوف فتويتر وحدة كاتبة فالبروفايل : لحد يضيفني
من -بما معناه-(كافة التيارات الأخرى / المذاهب)
وبكلمات مُستَفزّة ، معقولة الناس لهالدرجة تفكيرها وصل؟

هاللي يسوونه مب من الدينْ ، باللي يسونه يطلعونه
بصورة مشوّهه .. ديننا فيه تصالح مع كافة الأديان والمذاهب
حتى شعائرهم مسموحة في بلداننا ، وهذيل اليهود والنصارى
عيل أهل التيارات والمذاهب الثانية ؟!
ليش نحن نثبت منو منهجه الأصحْ أودينه أوتياره اللي ينتمي
له ، الانسانْ حُر فمعتقداته .

محتاجين نتصالح معَ اللي يخالفنا في الدين /المعتقدات/الأفكارْ
ولوكنّا مقتنعين بافكارنا أو ديننا . الناس فاهمة اختلافات التيارات
او المذاهب او الاديان بصورة غلط :/

 

[مُخملْ]

ليلى : للأسفْ الناس تربط العمر حتى بالتفكير ماراح يربطونه بالشكل؟
الحرمة لي وصلت الثلاثين يعني خلاص انتهت عندها الحياة!
الاجانب يوصل عمرهم الثمانين وللحين يمارسون حياتهم بشكل طبيعيي :/

 

[(عسل وقشطة)]

هذي الدنيا غريبه عجيبه
احسن شي تكفين الناس خيرج وشرج
الدنيا كبرتني لو تسمعين كلام تقولين هذي وحده عمرها بالاربعينات
وانا توي صكيت ١٥
صج دنيا مالها امان
والله يامخمل ماجذبتي بهالكلام الله يوفقج

 

[ليلو جبريت]

مخمل قلت من قبل وبرجع اقول مجتمعنا بحاجة الى طبيب نفسي يعالج

 

[مُخملْ]

هذا حَالناْ ، نِسمعْ فلان قال وعلاّن قالْ بس ماعطينا مرة
مساحة لعقلنا يفكّر ويغيّر الصورة اللي انرسمت في عقلنا :/

 

[كراميلا مرة]

يابوي
جات على العمر كل شيء زارعينه في عقلنا غلط
حاطين ان البنت وظيفتها في الدنيا تنتظر الزواج
واذا تزوجت تجيب عيال وتخدم زوجها وعندهم هذي اسعد امرأة بالوجود

والبنت من تعدي ال25 عانس وانتهت حياتها ووجودها

واذا ادخلت ال30 مايصير تتكلم لانها وحده ناقصه وفيها عيب لانه ماتزوجت

والوحده مايصير تتضايق ولا تشتكي اذا كانت متزوجه لانها مو ناقصها شيء
واذا مو متزوجه ماتتضايق الا لانها ماتزوجت

واذا بتكلم بسوي مجلد ومابخلص

وبالنسبه للتعصب في المذاهب والاراء
الشعار اللي ماشي هالايام خالفني تكن عدوي
يعني حتى لو الموضوع مايخص الدين
الكل متعصب ومتمسك برايه وكآنه اهو الصح واللي يخالفه اهو اللي غلطان

فيني ثوره على المجتمع كله لو بتكلم مراح اسكت

 

[ليلو جبريت]

شيلي الشهادات الي في الخلل وحطي عقول البعض

انا بقوم اتجهز للمعرض

بقابل ناس هناك

مواعده ههههه

 

[مُخملْ]

كراميلا : مجتمعنا يحصر المرأة فالزواج ماتزوجت يعني العيب فيها ،
الحياة كلها تنتظر فارس الأحلام ايشيلها من حياتها
يعني جنها ماراح تنجز وتشتغل وتدرس وتحقق اللي هي تتمنّاه بدون ريّال!
وفوق هذا كله يحملونها مسؤولية تأخرها فالزواج ، جنه فإيدها :/
ماعندهم نصيب ولارزقْ ، نهاية الدنيا = ماتزوجتي

عقول :/

 

[مُخملْ]

ليلوو
موفقة حبييبتي ان شاء الله تلقين كل اللي بخاطرج هناك )

 

[كراميلا مرة]

مخمل
لانها تعتقد انها بتتخلص من كل مشاكلها بالزواج
ماتدري انها بتزيدهم


ليلى

بانتظار تقريرك وكتبك

 

[أنثى اليمامة]

وهل تكذب المرأة ، فتقلل من قيمتها امام نفسها من أجل الآخرون ..!
ولماذا اصغر نفسي عامين او 3 من أجل الآخرين ، بالعكس ارى المرأة الناضجه اجمل ، انا سعيده بأني سأكمل الـ 24 بالشهر القادم .. وانتظر 30 فهو عمر جميل كذلك ..

، اعتقد ان المرآه التي تصغر عمرها ، ايضاً تحتاج لطبيب نفسي ليعالج عقدها ، ان كان المجتمع غلط ، هل يعني اننا لا نستمتع بأعمارنا ، ونكذب على الآخرين وانفسنا ونخدعهم ، لاجل حفنه من السنين ..

بالنسبة لي ارى كثير من النساء تعتمد التقليل من عمرها ، فيقلل هذا من قيمتها بنظري والآخرين كذلك بالطبع ،، انا منذ مده وانا اقول بأن عمري 24 ان سُئلت .. لم اكملها بعد .. ولكني اشعر بها .. السنوات الناضجه جميلة ..

لن اكذب فادعي عمراً مراهقاً ، ليعتقد الآخرون التافهون فقط ، بأني صغيره أو اقل عمراً .. وما معنى هذا أساساً ..
لا يهمني هؤلاء ، ..!


​

 

[كراميلا مرة]

انا كل سنه اقول خلاص مابقول عمري

وبدون ماحد يسألني اقوله :d
ماعندي مشكله
انثى لاتلومين احد احساس التقدم بالعمر شيء مخجل خاصة عند المرأة

 

[أنثى اليمامة]

غريب ، هل الطبيعه مخجلة ، الانسان لما يكبر يخجل ؟؟؟


​

 

[مُخملْ]

وهذي نظرة المجتمع يا أنثى

 

[كراميلا مرة]

كثير من الاشياء طبيعي ولكنه مخجل الامر مايقتصر على العمر فقط
مع اني سبق وقلت لك ما أخبي عمري ولا أخفيه

 

[رحيل المرافيء]

والله البلا من الحريم ولا الرجال مايدققون بالعمر
والدليل كم رجل تزوج وحدة اكبر منه
لكن خل يقول لامه ولا اخته بتزوج وحدة اكبر مني ولا مطلقة تقوم الدنيااا
مرة وحدة كاتبة مشكلتها تقول وحدة عيوز عمرها 35 سنة تلاحق زوجي
قلت 35 سنة عيوز ؟؟؟ شخليتي لام 50 سنة؟؟
التخلف من الحريم
المرأة عدوة المرأة

 

[أنثى اليمامة]

اي والله صج ، انا ابوي اصغر من امي بكم شهر ، وبنت خالي زوجها اصغر منها بسنه ،، وووايييد ناس زوجاتهم اكبر منهم بسنوات تتعدى 3 والاربع واكثر .. صج البلا من الحريم
​

 

[رحيل المرافيء]

هذي اي دار مبين عليهم خوش كتب ؟؟؟





مخمل
ماتشوفين شر مجربة هالحالة اففففففففف لوووعة ماتقدرين تروحين ولااتيين