مناقشات وسوالف بنات نادي الكتاب

[أنثى اليمامة]

اي صح مصر رخيصه واايد ، اسعارهم ما تتصدق ..
​

 

[كراميلا مرة]

انا اليوم رحت مكتبتين وكلهم شايلينهم

مادري عاد تصليحات ولا بيلغونهم صدموني

 

[رحيل المرافيء]

بنات تخيلوا دار الاداب كل كتاب ماخذه عليه دبل

الي ب 3 ماعطتني اياه ب 6 والي ب 6 ب ط

والي ب 4 وكسور ب 11 وكسور

لووووول هذي اللي مدحتيها حليوة وتسولف معاي
ماسولفت معاج الا قاعدة تحسب جم تدبل عليج لووول
عسى ماضيفتج شاي وقهوة اكيد حسبته عليج هههههههه
المعارض يبيعون بأسعار البلد نفسها مو اسعارهم
يعني دول الخليج نار وشرار لانه القوة الشرائية عالية
لكن معرض بمصر ولا الجزائر تلاقينه يمكن بسعر التكلفة لانه الناس على قدها
يادوبها تلقى ثمن معيشتها


الحل توصين ناس بيسافرون للدول هذي مصر سوريا لبنان الاردن حتى المغرب
توصينهم يشترون لج كتب وخلصناااااا




توني كنت بمركز سلطان مريت على الكتب على 5 و6 دنانيرشدعوة
وكتب تافهة بعد
بس لقيت مجلة الدوحة الثقافية معاها كتاب ميخائيل نعيمة بدينار المجلة والكتاب
والله الكتاب طباعته حلوة


واكو جرايد توزع معاها كتب عندنا القبس مثلا توزع بالبحرين الايام

 

[ليلو جبريت]

اي والله يارحيل ضرب بعافيتنا ونصب ، والدور المصرية مرخصة الكتب صار العكس \:

اليوم رفيجتي راحت تبي المثقفون ولا براضية تنزل السعر ، يعني عادي ماتبيع بس ماترخص شو ها

\:

معليش بنشوفها اخر يوم في المعرض تنزل او لا


بنات من شرت فيكم كتاب المثقفون ؟؟

 

[ليلو جبريت]

رحيل انا خذت منها كتابين ضاربتني فيهم دبل الي ب 6 و 9

والباقي لا فرق دينار او كسور

 

[رحيل المرافيء]

صورة حديثة لتاتشر

سبحان الله رجعت انسانة عادية مثل باقي الناس مو احنا
وزير سابق وراه جيش من الحرس وبيته محاوط من كل صوب خايفين عليه

 

[رحيل المرافيء]

 

[كراميلا مرة]

صباح الخير

اللي عندنا يارحيل عسى مايصير عنده فلسين الا شوفي الحرس وراه موبس لو كان وزير

 

[ليلو جبريت]

بنات خل نقرأ قراءة جماعية

انا ادري اني اعشمكم واقول نقرأ وانا ما اقرأ

هالايام نفسيتي كلللش مسدودة


وبعد عندي لكم خبر ثاني

اتفقت مع صديق لبناني لي ان يشوف لنا شخص في لبنان يكون ثقة نخليه يشتري الكتب ويرسلهم لنا ونعطيه عموله

شرايكم ؟؟

 

[مُخملْ]

ليلو : ليش لا ، اتفقوا على كتاب ونبدأ
واااو ، كنت متأزمة من شحن الكتب :ggdw:

 

[ليلو جبريت]

مخمل الخيار لج

انا اخترت وكوكو اختارت وانثى اختارت وماقرأنا اختيارها هههههه

معليش انثى ذكريني بالكتاب واليوم بشتري نسخة

مخمل اختاري لو سمحتي

وحتى انا متأزمة بالكتب والشحن

وعندي موقع لمكتبة هناك عشان نشوف الاسعار

بس كم نعطيه عموله لازم نتفق

 

[ليلو جبريت]

http://www.antoineonline.com/Book_م...00000201237.aspx?productCode=0003000000201237

هذي المكتبة

 

[كراميلا مرة]

اي انا بعد ودي نقرا قراءة جماعيه
بس نبي التزام موتنحاشون وماحد يقرأ
انثى اختارت بابا سارتر لعلي بدر

 

[it_wasn't_me]

ليلو معرضنا يوم الاربعا تعالي بوظبي واشحني ٫٫٫ بس ما اضمن الاسعار الله يستر

 

[مُخملْ]

شرايكم في - فصول في الأدب والثقافة - علي الطنطاوي ؟
أنا بديتْ أقرأ منّه .

 

[ليلو جبريت]

هممم مايصير رواية ؟؟

انا اطول في الكتب

.....................

 

[ليلو جبريت]

ليلو معرضنا يوم الاربعا تعالي بوظبي واشحني ٫٫٫ بس ما اضمن الاسعار الله يستر

يخزني العين تبين افجرهم هناك

:bbbiu:

كفاية النصب هني

 

[مُخملْ]

هممم رواية .. رواية ..
انا خلصت الروايات اللي عندي وماخذت غيرهم
باقي روايتين لابراهيم نصر الله ورواية ل عبدالرحمن منيف
قريتهم للنص ووقفتْ فما ينفع

اختاري ع ذوقج ليلى =)

 

[ليلو جبريت]

ماعرف صراحه انا نفسيتي مسدودة هالايام ابي التزم بشي عشان افتحها

 

[كراميلا مرة]

خلاص خل نبدا بالروايه اللي اختارتها انثى
وجبري نفسك تلتزمين