مناقشات وسوالف بنات نادي الكتاب

[وهج الحب]

السلام/
مشتاقة للمنتدى لكن النت عندي ما ادري ايش فيه شوي ويفصل ويرجع ما خليت حد يجي يصلح الواير لس ما خليت جهاز ما خليت شركة الاتصالات وما فيه فايدة لي الحين شهرين ..
مرة حملت كتب في ( ماذا تقرأين ) وكتبت ملخصاتي ويوم اضفتهم جاني الكلمة اللي اكرها ( ايرور )
ومرة حملت الكتب اللي اشتريتها مؤخرا وحبيت اشارك في موضوع موجود ويوم ضفت طار وصادني احباط ومن بعده من يفتح النت صرت ارد رد واقعد ادور على المواضيع الى ان ينقطع ...
عنبوا وايرلس محد يعرف ايش عوقه ....
اما عن قرائاتي برمضان خلصت رواية كنت باديتها قبل رمضان ..وهي ( موعد مع القدر ) لليزا سي .
ثم لحقتها بقصة صغيرة خفيفة للمراهقين عن محققة امريكية اسمها نانسي دو وهي سلسلة انا قريت الرواية الاولى ( بدون اثر ) وهي للكاتبة كارولاين كين .
والحين اقرا قصة بااايخة اسمها بنات من الرياض لفائزة ابراهيم وتتحدث عن موجموعة بنات كل واحدة لها مشكلة وهناك صديقتين يحاولون يرجعونهم للطريق الصواب واحدة من زمااان مادحتها وتوني اقراها ...
ومعها لاني خلصت الختمة الثانية امس قلت ايش مصبرني على بنات من الرياض خليها للشنطة لانها بالنهاية قلت حرام اخليها ..
وابتديت اقرأ ( طنين ) لسيف الاسلام ال سعود والثلاث فصول الى الان ما تشوق بس يالله لازم اقراها وباشوف وهي عبارة عن رسائل مرسلها خالد ال سعود الى صديقة يخبرة فيها لماذا تعاون مع العثمانين ضد ابناء عمومته ..
ويالله ان شاء الله لما اضيف هالرد ينضاف ما يطلع لي ((ايييرروور )

 

[blue ocean]

^^^

هههه الحمدالله ماطلع الايرور هالمره الله يعين يا اختي وهج الحب .. مالج غير تسوين كوبي اذا مشاركتج طويله

انا ساعات اسوي جذي احس راح يطلعلي الايرور النحيس :eh_s(2):

ماشاء الله تشكيله منوعه من الروايات والكتب وعن نفسي ماقريت ولا وحده منهم شنو تنصحينا فيه ؟

وشلون الكتاب الاخير معاج " طنين " .. وبكل الاحوال قراءه ممتعه ان شالله

اليوم كنتب بمكتبة العجيري وكنت باخذ كتاب يتكلم عن أل سعود على آخر لحظه غيرت رايي حسيت يبيله قعده خاصه​

 

[amami al-kuwai]

شلونكم بنوتات

بخصوص قرائتي برمضان قرأت بس كتابين

تاريخ الدولة الاموية ليوسف العش
كتاب مميزه جداً وعجبني التحليل للاحداث

السجينة لمليكة اوفقيرا
صدمتني المبالغه اللي فيه جداً مبالغ فيه لدرجة اني حطيته بقائمة الكتب الممله

 

[مُخملْ]

السلام عليكم ورحمة الله
blue ocean : انتهيت من الكتاب أمس
الكتاب راائع ، اللي يقرأ لمريد مرة مايوقف
يعرض زيارته لرام الله بعد سنوات طويلة من
غربته ، تفاصيل رام الله وفلسطين ووصفه لها
تأسر وتتخيلين فيها كل اللي يسرده ..


نَبض الجُود : سمعت عنها احترقت من مُدّة
بسبب تماس كهربائي :""(

وهج الحُب : غيري المتصفح اللي تدخلين فيه
يمكن المشكلة منّه ، بإنتظار قائمتج ، وقِراءة ممتعة :eh_s(17):

amami : السجينة دايماً أمر عليها بس ترددت آخذها
ماتشجعت : /

،

بنهي قِراءة كِتاب " فصول في الثقافة والأدب "
لـ علي الطنطاوي . أول ما انتهي منّه راح أكتب
انطباعي عنه :eh_s(17):

 

[amami al-kuwai]

هلا مخمل شلونج

انا قريتها لان سمعت فيها وايد غير اللي بالقودريدز الكل معطيه خمس نجمات والقيلي ماعجبه

والحمدلله ماخسرت فيه قريته الكتروني

مانصحج فيه مبالغ حييل بقصة سجنهم

 

[نبض الجود]

^^ السجينه عندي اياه قريت بدايته ، مآعجبني فمآكمملته ،
وطوييل حيييل ، قلت اخلص اللي عندي وارد اقررآآه ،​

 

[amami al-kuwai]

نبض حسيت وانا اقراه ان الوقت طويل والدقيقه تمر ثقيله

 

[نبض الجود]

نبض حسيت وانا اقراه ان الوقت طويل والدقيقه تمر ثقيله

آيه حسيت يبيله وحده فآضيه ومزآج :krkrkr:
قلت اخليه آخر شي آحسن ،

:eh_s(17):​

 

[amami al-kuwai]

ههههه

يبيلها وحده لها خلق وخيالها واسع

 

[e7sasi]

مساكم جوري كويتياتيعطيكم العافية عالموضوع الحلو والتواصل الأحلى ، بالنسبة لي لا زلت قارئة مبتدئة مقارنة بكم مع عشقي للقراءة من الصغر بس سبحان الله الظروف العائلية ما ساعدتني أنمي هالهواية وعقب خذتني الدراسة والوظيفة بس ألحين صار عندي تصميم أخلق وقت لأقرأ أخيرررااا بس حبيت أعلق على كتاب السجينة لمليكة اوفقير عن نفسي ما قرأت السجينة ولكن قرأت الكتاب إلي صدر بعده وهو " الغريبة عموما الكاتبة تتكلم عن مواقف عاشتها ولكن حسيت من خلال الأحداث فعلاااا كأنها جاءت من زمن آخر - فترة 20 سنة ليست بالهينة - وتتكلم فيها شلون بدت تستكشف حياة الناس اليومية وانطباعي عن الرواية جيدة ولكن ماحبيت فقرة تكلمت فيها عن " الجنس " واستغربت صراحتها بذكر الموقف إجمالا ..... حاليا ابتديت بقراءة كتاب عبقرية محمد لعباس العقاد و أسلوب الكاتب ومفرداته راقت لي كثيرا ....... ومستمرة في متابعة الدردشة

 

[bnt-jaber]

^

لا رواية سقر ل عايشه الحشر اعتقد
نزلتها بالمكتبه الالكترونيه
> تو الناس


اما جبران خليل جبران انا حتى ودي اقراله
ليلحين ماقريتله شي اهو وباولو كويلو



بخصوص انيس منصور تجربه وماراح تنعاد حتى كتابه ماكملته

انا ماتوالم مع الكتاب المصريين والكويتيين
مادري ليش ><


اما بخصوص الروايات بالدرجه الاولى افضل الكاتبات السعوديات
مهما كانت مبتدأه الكتابه
عليهم احساس وطريقة سرد وتذمرر من المجتمع
احس يكتبون من قلب يوصل الاحساس للقارئ بشكل كبير ^^

 

[نبض الجود]

^^ الكاتبات السعوديات جربت اثير عبدالله ،
وتجربه ماراح اكررها ، كلش ماعجبني اسلوبها ،

ترشحين لي اي كاتبه واي كتآب من مؤلفاتهآ ، يمكن تتغير نظرتي لهم ،​

 

[amami al-kuwai]

بنت حابر ابدي بتلخيميائي لباولو كويلو لان الكل تقريباً قراها يعني علشان تكونين مع الكل وعجيييبه

جبران خليل جبران عندي النبي بس للحين ما قريتها

انيس منصور قريت ترجمته الخالدون مئه اعظم محمد صلى الله عليه وسلم اختصر شي كبير من الكتاب الاصلي علشان يوصل للقارئ العربي ويستوعبها

السعوديات ماقريت لهم بس قريت كخ يا بابا لعبدالله المغلوث وماعجبني

 

[blue ocean]

مساء الخير شلونكم بنات وشآخر اخباركم .. :eh_s(17):



شلون الكتب وياكم هالايام ​

 

[مُخملْ]

amami : جربت مثل رواية السجينة بس سببتلي اكتئاب
وابتعدت عن نوعية الكتب :/

مسا النور blue
أنهيتُ رواية تحتَ شمس الضحى لـ ابراهيم نصر الله .
عشتُ تفاصِيلها ، غامِضة و تحتاجُ لذهن صافي لاستيعابِ مافيها . أسَرَتني ♡
،

بدأت في "ويلفرد ثيسجر" / أدب رحلات لكن ماكمّلته
يحتاج تركيز ووقت فراغ طويل وماتوفر لي .

أقرأ حالياً في مواطنة متلبّسة بالقِراءة
(الأعمال غير الكاملة) لـ غادة السمّان .
لازلتُ في بدايته

قِراءة ماتِعة للجميع :eh_s(17):

 

[amami al-kuwai]

شلونكم بنات

قاعده اقرا اكثر من كتاب حالياً

واقرا القراءة السريعه لتوني بوزان بس قاعده اقرا جزئيه واوقف علشان اطبق اللي فيه براويه يعني بين روايه وروايه اقرأ جزئيه منه

 

[blue ocean]

amami : جربت مثل رواية السجينة بس سببتلي اكتئاب
وابتعدت عن نوعية الكتب :/

مسا النور blue
أنهيتُ رواية تحتَ شمس الضحى لـ ابراهيم نصر الله .
عشتُ تفاصِيلها ، غامِضة و تحتاجُ لذهن صافي لاستيعابِ مافيها . أسَرَتني ♡
،

بدأت في "ويلفرد ثيسجر" / أدب رحلات لكن ماكمّلته
يحتاج تركيز ووقت فراغ طويل وماتوفر لي .

أقرأ حالياً في مواطنة متلبّسة بالقِراءة
(الأعمال غير الكاملة) لـ غادة السمّان .
لازلتُ في بدايته

قِراءة ماتِعة للجميع :eh_s(17):

:rerrerek:

​

شي حلو .. احس اختياراتج لها طابع خاص يعني تنتقينها بدقه ..

على العموم قراءه ممتعه للجميع .. حاليآ انا شبه موقفه ..:eh_s(2):

ولي رجعه بقوه ان شالله ..​

 

[رومولا الن]

السلام بنات اشلونكم

اذا ما عليكم امر ممكن تقولولي عنر وايات خياليه

وتتكلم عن مصاصين الدماء

تكون بالعربي

ومشكورين مقدما

 

[حلفت عℳري*ｼ]

بنات اب
Top ten
تكون عربية
و Top ten
تكون انجليزية
فهمتو قصدي يعني اب افضل عشر من ناحية الترتيب و بالعربي و بالانجليزية

 

[عادت ذكرياتي]

kuwait amami


وينج مختفية عسى المانع خير يارب :"(



شرايج بكتاب ((( الدولة الأموية ليوسف العش ؟؟؟؟


ىنا طلبت له كتاب ((( الدولة العباسية ليوسف العش ))) طلبته من النت ^_^


وبعد جم يوم بيوصل بإذن الله %%%