منبهات لخبرة الجمعية التعاونيه :)

[^ليلاس^]

زلابيا

هلا والله حبيبتي مشكورة عالرد

واليوم كان درسي عن العدد 7 وطلع وايد عجيييب

 

[علويا الحلوة]

بنات ابي منبهه عن قسم الألعاب بالجمعية و عن الخباز و الحلاق بلييييييييز ساعدوني

 

[mooomooo]

بنات اعذروني

مخي مقفل هاليومين

عندنا ورشه عمل ويبون عرض ويبون عرض حق التخرج

صاير مالي خلق افكر حق الدروس



علويا حبيبتي حق قسم الالعاب

تقدرين تييبين بطاقة دعوة لعيد ميلاد

وتقولين ان صديقتنا عازمتني وانا ابي اشتريلها لعبة حلووووة

من وين ؟

بيقولون من الجمعية ... الخ الخ الخ

هذا اللي قدرت عليه ان شاء الله يطلع شي حق الخباز والحلاق

واذا طلعت الافكار ماراح اقصر ان شاء الله

 

[mooomooo]

او تغيرين المنبه

تييبين لعبة مغلفة

تقولين لهم

صديقتي احضرت لي هذه اللهدية

شنو توقعون ؟؟؟

بعدين فتحيها معاهم

واذا شافوها اللعبة


قولي لهم من اين تظنون اشترت هذه اللعبة الجميلة ؟

 

[أوركيد]

الخباز ..

تقدرين تبتدين الدرس من ركن المطبخ ...الطحين والماء>>>ماذا نفعل بهم ؟؟؟

أو من وجبة الفطور ..تحتوي على ماذا ؟؟؟

الألعاب ..

تقدرين تسوين معاهم لعبة عروسة ...أو سيارة ..او ...الخ

من وين نشتري الالعاب ؟؟؟

او من خلال زيارة طفل مريض ..شنو ناخذ معانا ؟؟

 

[علويا الحلوة]

حبايبي مشكورين على المنبهات الحلوة و ما قصرتوو والله

 

[ملاك-77]

الخباز.. تقدرين تعدين وجبة فطور أمام الأطفال
وتثيرين مشكله وان شيء مهم ناقص
الى ان يتوصلون للخبز ومن أين نحضره؟من الخباز

أو مثلا تفتحون صندوق البريد الخاص بصفكم
وتلقون بطاقة دعوه لافتتاح المخبز المجاور لكم..تذهبون وتشاهدون
المخبز..طبعا تكونين حاطه فرن الخباز وخبز تسوينه من الاسفنج
تقصينه مدور وترشينه بصبغ الرش وتحطين صحن فيه عجينه.
ويتعرفون على محتويات المخبز.

أو مثلا : يكون أمامج طحين وماء
وتسألينهم ماذا نفعل منه؟تخلطينه أمامهم لتصبح عجينه
بعدين أين نشاهد هذه العجينه؟ ومن يستخدمها؟طبعا يتوصلون للخباز

 

[علويا الحلوة]

مشكووووووووووووووووووورة حبيبتي ملاك على المنبهه الروعه

 

[قايد الغزلان]

ممكن طحين مع ماى ماذا يمكن ان نصنع نسوي خبر اذا كان الهدف مرافق الجمعيه الخارجيه
وممكن وجبه غدا تحطين صحن فواكه وصحن عيش بس بدون لا تكون اللحم
او سمك فيك فالوجبه الغدا ناقصها شي مهم بالذات صحن العيش ماهو ؟اذاكان
الهدف عن الاسماك واللحوم هذا الي اتذكره

 

[علويا الحلوة]

ثااااااااااااااااااااااااااااااااااااااااااااااااااااااااااااااانكس

 

[علويا الحلوة]

حبايبي الحلوييين ابي منبهه للبريد اذا ممكن ؟؟
ادري اني اذيييتكم وياي و هم ادري انكم ما اتقصروون بالمنبهات الحلوة

 

[QUMAR]

منبه للبريد:تيبين صورة حمامه أو حمامه لعبه من ركن العلوم وتربطين بريولها رساله تلفينها بشكل اسطواني بحجم صغير
وتسألين الأطفال من حضر الي فصلنا وماذا تريد
يمكن تبي ماي وتطلبين من اليهال يحضرون لج ماي وتحاولين تعطينه للحمامه وتقولين ما تبي ماي
ماذا تريد يمكن تبي تآكل وتطلبين من اليهال يحضرون لج الشعير من ركن العلوم
وتعطينها وتقولين انها لا تريد الاكل ايضا
وتقولين شنو هذا اللي مربوط علي رجلها
وتطلعين الرساله وتقولين هذا الحمام الزاجل كان يوصل الرسايل قديما
والحين عندنا مكتب للبريد
أتمني انه يعجبج

 

[^ليلاس^]

بنات ما عليكم امر ما عندكم منبه حلو حق كلمة نقود