منتدى الاحزاب النسائيه ..

[ToOoFe]

السلام عليكم
شلونكم بنااات شخباركم عساكم بخير
دوووم يااارب

بناات بالفتره الاخيره كثرت مواضيع بعض البنااات اللي شيعيه واللي سنيه
وماصدقت على الله تخف هالمواضيع ويارييت في اسلوب راقي
لا سب وجب ووقحه ومن هالاسلوب الحلو
صراااحه ليش سوو المنتدى عشان شنو ؟؟
عشان نتهاوش وكل وحده تشيل حقد على الثانيه
عشان شنو ترا الدنيا رااااايحه وكل كلمه بتقولينها بتحاسبين عليها
سوو المنتدى عشان نفيد ونستفيد ونطرح مشاكلنا وهمومنا موعشام نتهاوش واحزاب ..
وألحين طالعين هبه عن البدون ؟؟
انا بدووون اوك
بس صراحه كل ماصار شي بالكويت على طوول قالوا اكيد بدوون
انزين ليش البدون مالهم رب ؟؟
انا مافتحت موضوعي عشان ازيد الطين بله
انا بس اللي تبيه نبتعد عن هالمواضيع اللي تفرق بينا
شحلاتنا أول ماكانت في مواضيع جذي
عشااان جذي انا قلت شرايكم نغير منتدانا من منتديات كويتيات النسائيه
الى منتديات الاحزاب النسائيه





اللي عندها رد حلو ويدل على اخلاقها الحلوه ترد واللي مني مناك رجاءا احتفظي برايج ..
اي وصح لاتقولون عشان بدون قلتي ججذذي لاوالله انا من قبله كان في موضوع عن السنه والشيعه وانا سنيه بس ماحبيت ردود البنات السنيات على الشيعيات ودافعت وقلت كفايه احزاااااااااااااااااب هذي الكويت حرام نخليها كلها احزاب

وسلامتكم
وخلونا نترك هالمواضيع ..​

 

[monmon12]

قال الله ــ سبحانه وتعالى ــ:
خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم
صدق الله العليم​

بدو أو حضر
شيعة او سنه
مسيح او مسلمين
عرب او عجم
حساوي او عيمي
ابيض اسود
اوربي افريقي اسيوي امركي​

الي يكووووون​

كلنا بشر ​

وكلنا يا اخوان في الدين
او اخوان في الدنيا​

والي يستخدم الموضوع الطائفي او القبلي​

هذا انسان جاهلي يبي يردنا للجاهليه​

او انسان أحمق
ويبي فتنه
وقاعد يلعب لعبة قذرة والله راح يرد كيده في نحره​

واذكركم
بقول الرسول​

لا فرق بين عربي وأعجمي............ الا بالتقوى​

وبقول الامام علي​

إنما الشرف بالعقل والأدب لا بالمال والحسب​

ويا اصحاب الفتن ​

والعقول التافهه​

الكويت اكبر من جذي
لنا كلنا ايد وحده ولو اختلفنا بالراي بس كلنا قلب واااااحد ​

 

[ToOoFe]

اي والله عدل كلامج ..
ومشكوووره ياقلبو على المرور ..

 

[MoonDiamond]

يزاج الله خير
بس ليش فاتحه موضوع يتكلم عن البدون وماتبين البنات اللي يخالفونج الراي يردون عليج!!!!
امرج عجيب
هذا القسم قسم المناقشات الجاده
قسم مناقشات مو قسم حزب الراي الواحد بس
اي موضوع تطرحينه راح يناقشونج فيه البنات وملزومه تاخذين وتعطين مع المخالفين لج في الراي
وانا معاج
المفروض الوحده ماتطلع عن حدود الادب
والله يعطيج العافيه

 

[ToOoFe]

يعافيج ياقلبي
بس انا ماقلت الموضوع وحددت البدون
بالعكس تكلمت عن الشيعه والسنه
وانا بالعكس من كثر حبي للمنتدى ماابي اي شي يفرقنا
وبس هذا كان قصدي ..

 

[ToOoFe]

انا كل قصدي والهدف اللي ابي اوصله
موانكم تكلمتوا عن البدون بالعكس لان عارفه اي وحده بتغلط مردها بينغلط عليها
الهدف اللي ابيبه نترك هالمواضيع اللي مالها داعي بس ..

 

[MoonDiamond]

والله انا مو نوعيتي هذيل شيعه هذيل عيال بطنها هذين بدون
والله رفايجي شيعه وبدون وانا كويتيه وسنيه
واقسم لج مرات نتناقش بهالسوالف بيمعاتنا بس ولا عمرنا اتفقنا على كل شي
بس والله مانزعل ولا نغلط على بعض
والله بنهاية القعده ناكل بصحن واحد وتجمعنا السوالف والضحك

بس لحد يقول انه عايش بظيم بالكويت
يا قلبي ما اقدر اسكت اذا احد اتهم الكويت بالظلم
ديرتي وتعز على وحكامنا يعزون علي يتهمونهم بالظلم

 

[ToOoFe]

والله العظيم ماالومج بس ياقلبو لاتجمعين هذا اهم شي
يعني لما هذيج اللي انتشرت بالبلوتوث وداست فوق الجنسيه الكويتيه ماقلنا كل الكويتيين يسوون جذي
بالعكس انا اذا بس جابوا طاري الكويت ابجي من كثر حبي لها
ومهما تسوي فيني امووووووووووووت فيها والله ولا لي غيرها
واللي تظلم الكويت هذي ماعندها وطنيه وقله قليله والله
ومشكووره ياقلبي ..

 

[monmon12]

حبيتي ميس داايموند


كلامج عدل

بس يقولج

حط راسيك بين رجليك واشهد على والديك


الكويت والكويتين اهل اخلاق ومحبة ودين
بس هم بنفس الوقت بشر

واحنا مثل اي دولة عندنا مشاكل وعندنا ناس ظالمه وناس عادلة ما ترضى عن الحق لو شنو


في ناس تبوق وفي ناس تاكل حرام وتزني وتقتل وتشرب وتشم مخدرات

كويتين ومو كويتتين

وفي ناس بالكويت هم مضطهده وماكلين حقوقها

عشان جذي الكويت حاطت وزارة داخلية وزارة عدل

عشان ترد الحق لأصحابه
الي عنده مشكله يروحلهم

واذا له حق ياخذه ياخذه اذا مو الدنيا الآخره

 

[ToOoFe]

المهم بناات انا اللي ابيه اننا نبتعد عن هالمواضيع اللي ممكن انها تفرق بيينا
ويسلموا على المرور ..

 

[فتاة.]

انا شايفة مافي شئ بالمنتدى عن الي تقولينه

 

[ToOoFe]

غريبه موشايفه هالشي ؟؟
يمكن ماتلحقين ع المواضيع قبل لايحذفوونها ..
يسلموا على المرورحبوبه ..

 

[نور مغليها]

رد : منتدى الاحزاب النسائيه ..

انا معاج بالكلآم
اي والله في بنات ماعندهم إسلووووب كلش
تتمنين انهم ما يردون

انا اشوف ان ماكو فرق بين كويتي ولا بدون
خصوصآ بالمنتدى

المهم اننا نساعد بعض ونسولف ونتكلم كـ خوآآت​

 

[ToOoFe]

اي والله فدييتج كل كلامج صح
ومكووره على المرور ..

 

[ToOoFe]

اي والله فدييتج كل كلامج صح
ومكووره على المرور ..

 

[معكرونه أسبكتى يم يم]

رد : منتدى الاحزاب النسائيه ..

جزاج الله خير

 

[ToOoFe]

يسلموا على المرور حبيبتي ..